استراحة الشيوخ / Alshuk hotel and holiday rental

الاستراحة نظيفة ومرتبة ما شاء الله تبارك الرحمن

لكن بس ناقصها تغيير البوتوغاز عشان يسهل الطبخ للمستأجر ولكن عدا عند ذلك كله

الاستراحه حلوه لكن تحتاج تجديد الصور وهي كانت جديده اتمنى تجديد الغرف واصلاح الاضاءهالخارجيه والعاب الاطفال والالعاب المائيه شوي اهتمام وتصير تمام

مشاء الله تبارك الله.
ممتازه وجميلة جدا جدا.
صاحبها جدا محترم وتعامل راقي فوق الخيال.
انصح الجميع بتعامل معه.

ماشاء الله تبارك الرحمن. شاليه ولا اروع من حيث النظافه والترتيب والفخامة مع مسبح رجالي ومسبح أطفال ونسائي نظيفه مره مع ملعب كره قدم وطائره.
أنصح بتجربتها.

اقسم بالله الشاليه حلو بشكل واشكرك ي اخوي سلطان ويطرح لك فيه البركه والله ماهي مجامله لاكن منجد ينفع للعوايل والشباب وكانت زياره ممتعه الصراحه?

هي قسم واحد جيدة ولكن الاهتمام به صفر
الحمامات عزكم الله سيئة جده تحتاج صيانه من اول وجديد ودفع المويه في المغاسل ضعيف وموقعها في الخارج عند المسابح

مسبح الأطفال مو مسوار
والقعدات الخارجيه يبغلها اهتمام

ماشاء الله اول مالفت انتباهي تعامل صاحب الشاليه قمة في الأدب والاحترام ومتعاون جدا

والحارس والله ونعم الرجل يحترم خصوصيتك بشكل عالي.
وهذا كلام مسوول امام الله عليه

الشاليه انا اخذت قسم العاب المائية مناسبه جدا للعائلة الخاصة وجميلة جدا. بس ماتوقع تنفع للمناسبات اكثر من عائلة.
واسأل الله يرزقنا وياكم الرزق الحلال

ماشاء الله تبارك الله ، شاليه جميل ومتقن ونضيف ،والسعر مناسب جدا ، قسمين منفصلة بعدد 3 مسابح نضيفة والماء نضيف ،بالنسبة للمالك ابو خالد رجل في قمة الاخلاق والاحترام ماشاء الله تبارك الله ، والله ماشرط ولا قال كلمة ب اي شي ، واخذت راحتي بالشاليه وانبسطت واتعاملت في كأنه بيتي بكل احترام ،

انصحكم فيه جدا والله مبدع ماشاء الله تبارك الله ، هذي تجربتي والله يبارك له ويزيده وينفع به خلقه ،

الاستراحة جداً جميلة ورائعة … ونظيفة. ومتكاملة وتصلح عائلية وشبابية … فيها ٣ مسابح. مسبح للأطفال يحتوي على ألعاب مائية ومسبح للنساء ومسبح للرجال. وأجمل ما فيها تعامل صاحب الاستراحة وأسلوبه المؤدب. والحارس أبومصطفى رجل جداً محترم ومؤدب.
بالتوفيق لكم

حقيقةً إستراحة أُعدت للمرة الأولى بشكل جيد لكن الإهتمام بصيانتها سيء. مكيف في غرفة الرجال حار (بيت الشعر بارد) وكذلك آخر عند النساء والبزابيز ضعيفة. لابد على راعيها الحرص على راحة المستأجرين مهو الحرص على راحة جيبه فقط

مكان جداً نظيف و مرتب الاطفال انبسطو فيه و قضو وقت ممتع جداً انصح فيه و بشدة تعاملهم راقي و متفهمين خاصة الاخ ابو خالد الله يسعده.

الاستراحه جميله ،عائليه
المسابح نظيفة وخاصه مسبح الاطفال
الغرف وخاصه غرف نوم تحتاج تجديد للعفش
تعامل صاحب الاستراحه راقي
ولنا تجربه اخرى بحول الله

من افضل الاستراحات الي دخلتها من نظافه وترتيب وتعامل حارس الاستراحة وتوفير كافة الاحتياجات شي يشكر عليه والله يوفقنا وياكم ️

افضل استراحه فالتاريخ اسعار ممتازه ومعقوله ملعب طايره حارس متعاون كل شي بالاستراحه ممتاز وانشاءالله المره القادمه لما نجي يكون ملعب الطايره مخطط

الصراحه استراحة جدااا جميل وممتازه وسعره يعتبر مقارنه بغيرها جداااااا رخيص اخذت الاستراحة اكثر من اربع مرات ولا مره كانت وسخه او بها عيب دائما نظيفه والفرش دائم جديد ونظيف والحمامات نظيفه هيا قسمين قسم شبابي وقسم عوائل منفصل اتماما قسم العوائل مسبحين للاطفال وبالالعاب المائيه وللكبار وكلها مسوره بقزاز وهذا افضل شي وجلسات خارجين ومجلس داخلي ومطبخ وصاله ومجلس وغرفه بسرير والشباب عندهم بيت شعر ومجلس كبير وجلستين خارجيه ومطبخ صغير ومسبح وملعب مزروع صناعي للطائره واشكر جزير الشكل لتعاون الحارس وصاحب الاستراحه

مسابح الإستراحه كلها صغيره كأنها بانيو. ونظافة الحمامات والمطبخ جداً سيئه. كمان مافيها أي نوع من المنظفات سواء صابون او غسول أيدي ولاحتى سائل غسيل صحون.

مكان جميل ورائع والمساحه رائعه جدا والجميل في ذلك موفرين كل حاجه مكان للشوي والطبخ ومكان لكرة الطائره والمطبخ كذالك مجهز ومجلس كبير جدا وغرفة جلوس عربيه
وقسم النساء رائع وسعرها ممتاز

استراحة نظيفة وتعامل جميل وسعر في المتناول
ملاحظة واحدة مسبح قسم الرجال يحتاج يكون اكبر فقط.
والباقي ممتاز جداً.

الاستراحة غاية في الروعه متكاملة لاتحتاج لشي الاتجده وحارس الاستراحة خدوم ويوفر اي شي تحتاجه وقمة في الاخلاق

ما شاء الله لا قوة الا بالله
استراحة رووووعة ومنظمة
وصاحب الاستراحة والحارس في قمة الذوق والاحترام وأهتمامهم واضح

لا انصح بها الموقع بعيد جدا وخارج الاستراحة نفايات متراكمة ومسبح الكبار تقريبا بانيو ومسبح الاطفال حاطين كلور لدرجة انه الاولاد كلهم صار معاهم طفح جلدي. تحتاج تعديل وتكبير المسبح الكبير وعدم زيادة الكلور في مسبح الاطفال.

استراحة جميلة وحلوة وكان يوم جميل واسلوب المالك ججدًا ذوق و أدب و أخلاق الله يسعده بس الحارس للأسف ما عنده أسلوب

بعض الحيان احس انة دسكووووو اغاني استغفر الله الى الفجر مادري اش الوضع بعدين الموقع وسط حي سكني