كافتيريا ينبع

جدا لذيذه
اخذت بيض بالجبن بصراحة رائع رجعني 20 سنه ورا
والله رجعني الطعم لذكريات زمان
والله لذيذه وتستاهل تروحون لها
للاسف ما صورت كان المحل زحمه وماحبيت اصور الناس

جيت عند اهلي زيارة وكنت ابي فطور نزلت اشتري من عندهم طلبت٤ ساندوتشات

وكان سعر بيض ينبع اعتقد ب٣ ريال
ولما طلبته يضيف لي جبن على البيض لان طبيعي يحط جبن دام سعر البيض ٣ وحتى مو متاكدة ممكن ٤ ريال
رفض ويقول زيادة ريال على الجبن! شلون يعني خبز وبيض بس وسعره ٣ مدري ٤ ريال؟؟؟؟؟؟! مستكثر يحط لي جبن يقول زيادة ريال؟؟؟ليه الساندوتش بيض وخبر بس ولما اصريت عليه حط لي.
اوفر اشتري بيض ب٣ ريال مدري ٤ ويكون سادة ولما اطلبه يحط جبن يقول زيادة ريال!
كويس حط لي بالاخير

المهم اعجبتني التونة حقتهم وحتى البيض عجبني بس سعره ٣ مدري ٤ ريال وبدون جبنة يعني بيض سادة كدا!

الصراحة افضل بوفية مرت علي واقيمها 100 من 100 وتستحق الزيارة 3 ملايين مرة اهنيهم على طعمهم اللذيذ

صراحه البوفيه كويسه ولاكن المحاسب مايرد على الجوال قبل الصلاه بنص ساعه ويقفلون قبل الصلاة بعشر دقايق

كافتيريا ينبع في محافظه جده عندهم اكثر من خمسه الى سته فروع والله اعلم بالعدد ولكن اسعارهم نار يا حبيبي نار سندوتشات وعصيرات تخيل السندوتش ثلاثه ونصف ريال تيجي تقول له ليه يقول لك انا موظف وهو شريك في عمليه رفع السعر لا يوجد خدمات مواقف في بعض الفروع لا يوجد مدخل لاصحاب الهمم المعامله عندهم مع الزبائن غير مقبوله

كافتيريا ينبع. اسم مشهور وعريق في عالم الوجبات السريعة.
يقدم ساندويتشات لذيذه ذات خيارات متعدده.
الاسعار في متنوال الجميع.
اشتهر بالفرع الواقع في حي النزلة اليمنية بجنوب جده بجوار مجمع الاتصالات السعودية.
افضل خيار ممكن تطلبه هو ساندويش مشكل ينبع.
والهناء و العافية

واحد بيض بالجبنة كل شي بدون شطة بس زود ملح وبهارات. او أي سندوتش. اهم شي يسخنه مضبوووووط. وقرمش يا مقرمش

بوفيه من اروع البوفيهات نظيفة واكلها نظيف مدري صاحبها ليش مايفتح فروع في شمال جدة والله اني اضرب مشوار من اخر الدنيا

كفتيريا ممتازة تقدم سندوتشات وعصائر متنوعة. تعامل العاملين و المحاسب السوداني محمد ممتاز. يمكن الطلب عن طريق الهاتف قبل الوصول للمحل.

من أقدم البوفيات في جده. سندوتشاتهم لذيذه وعصائرهم رائعة. اعتقد الي من برى جده ما بيعجبه ولكن لو تحب تجرب شي جديد زورهم واطلب بيض بسلطة

اكتر من 20 سنة. من ايام زمن الطيبين كل ماامر من هناك لازم اكل همبرجر من عندهم بسترجع احلي ذكريااات. اااه يازمااان.

من عام ١٤١٥ هذي الكفتريا لم تتغير نظافه العمال وجوده الاكل وخاصه البيض بالجبن، وبيض بالمخ، والهمبرقر الحم.

عندهم عامل له ٢٠ سنه بالمحل اقدم له الشكر الخاص
لبشاشه استقباله وحبه للعمل ووفاءه.