عيادة المخلب الذكي البيطرية

عيادة ممتازة دايما اخذ قططي عندهم للعلاج وحتى العملية عملتها لهم بالعيادة الحمدلله ماتاخذ وقت ويتشافوا بسرعة ثاني يوم

الدكتور وسام رحيم جداً تجاه القطط ، اجيب للعياده ٣ قطط و سويت لواحد منهم عملية تعقيم، اثبت لنا انه فعلاً محل ثقه تسلم له حيوانك وانت متطمن، اسال الله له التوفيق الله يسعده

افضل عيادة للحلاقة
لان يحلقو بدون تخدير
وعندهم مندوب يجيكي لحدك ويضبط البسه ويرجعها لك
وسريعين ف الخدمه

شكرا للتعامل والاستقبال وشكر خاص للدكتور وسام علي العمليه (التعقيم)
كنت متخوفه من العمليه و الحمدالله كانت سهله

سويت لقطتي عمليه تعقيم الدكتور شاطر ماشاء الله والجرح صغير رجعت تاكل طبيعي باليوم الثاني بعد ماقامت من التخدير وتلعب باليوم الثالث سريعين بالتجاوب والمراجعات ماشاء الله

مره العملية كانت خفيفة وسريعة وبستي يومين ورجعت طبيعي ، تعاملهم مرة حلو وكانو متفاعلين معايا بالرد ، شكرا لكم?

الصراحه من افضل العيادات اللي رحتها وصرت اعتمدها ف كل شي ل قطوي اول مره رحتها كنت خايفه ك اول مره وكانت بستي فيها عضه وعالجوها والان كويسه والمره الثانيه رحت لهم طعمت البس حقي وكانت مناعته مره كويسه وللان وشغلهم لوحده يكفي وسويت عندهم عملية اخصاء وكان بسي يرش ف كل مكان ومزعج والان صار لعوب ولا يعدم البيت والعمليه كانت بسيطه ولا شفت فيها خيط ولا حاجه باينه المكان نفس م هو وخلصوها ف ربع ساعه ماشاء الله عليهم اهنيهم ع شغلهم افضل تودون بساسكم ل ناس فاهمه وعندها خبره ف ذا الشي ولاتفوتو مكانهم روحو وانتو مغمضين عينكم حتى اسعارهم حلوه ويسوون عروض دايما ومن افضل الاماكن اللي شفتها ل الان من ناحية شغل او سعر او نظافه الله يسعدهم?

فعلا الطبيب وسام اول مره اتعامل معه لكن حاله الكتن اثبتت فشله الذريع مارضى يعطيه شي ولا كلف نفسه حتى يكشف عليه مع العلم هو اعطاه ابره لمده ٣ ايام وانكر ان القط حضر له والحمد لله ذهبنا لعياده كيو كلينك وتعاملت معنا احسن تعامل وتم إسعاف القط حسبي الله ونعم الوكيل اخذ ١٤٠ ريال وياريت فاد الكتن جاه تضخم كبد وانكر حضوره طلب اليوم تحاليل ورفض يعطي شي ابدا وهو شايف الكتن تعبان ماقهرني الا انكاره حسبي الله ونعم الوكيل

من افضل الاطباء اللي تعاملت معاهم دكتور وسام ممتاز جدا فالعمل الله يوفقك ويصح ما بين ايديك

دكتور وسام قمة فالرقي والاحترام و ما شاء الله ممتاز جدا فالعمل الله يديم عليك نعمته بالمحبة والقبول ويوفقك آمين

عياده رائعه وطاقم عمل ممتاذ دكتور وسام الله يبارك له متقن عمله وحنون علي قططي شكرا لكن دائما في تقدم يارب

اسواء عياده بيطريه حرفيا م فيه اسواء منها كنت اودي كلبي يآخذ التطعيمات من عندهم عشانهم قريبين من بيتي والحين بعد م وديته عياده ثانيه قالوا ليا انو التطعيمات حقته كلها غلط و مضروبه و رح يرجع ياخذ كل تطعيماته من اول وجديد بسببهم وكمان يوم وديت كلبي عندهم عشان يشيلوا العقد الي ف شعره حلقوه مع انهم يقدروا يشيلونها بسهوله بس م فيه اي احترافيه وفوق كذا لما حلقوا شعره جرحوا كل المنطاق الي ف جسمه حرفيا كل مكان ف جسمه فيه جروح (للاسف م عندي صور للجروح الي ف جسمه لبس عندي صور وهوا دوبه محلق شعره) و م حطوا له مخدر ولا شي كلبي رجع ونفسيته تعبانه و م ياكل ولا يلعب ولا يجلس معانا وبس جالس ف غرفه لوحده م يبلانا نشوفه لمدة اكثر من اسبوع وطبعا ف نفس اليوم وديته عياده ثانيه عشان اشوف اشبه كذا وطلع كل شي سوه عيادة المخلب الذكي غلط وتعب كلبي بسببهم الله لا يوفقهم, اذا تهتموا لحيواناتكم لا تودوهم هذي العياده السيئه المفروض تتقفل م فيه اي احترافيه او اهتمام للحيوانات حسبي الله ونعم الوكيل

العيادة جميلة جداً
سويت عملية تعقيم لقطتي عند دكتور وساام
ماشاء الله تبارك الله العملية كانت ناجحة صراحة كنت متخوفة اني اسوي العملية بس اتوكلت على الله وسويتها وكانت جداً ممتازة، دكتور وسام جداً شاطر صراحة حتى القطع صغير جداً وماكان في اي مضاعفات أبد.
أشكرك يادكتور وسام وأنصح اي شخص يروح للدكتور وهو مطمن ومرتاح لأن حالياً دكتور وسام أشطر دكتور في مكة.
وأتمنى ان العيادة تكبر أكثر وأكثر ويقدروا يوفرون اشعة لأن بس ناقص العيادة اشعه وتكون أفضل عيادة.

العيادة جدا نظيفة وممتازه والدكتور ممتاز و اللي في الرسيبشن مره متعاون ولبق واخلاقه عاليه الله يعطيهم العافيه جدا ماقصروا

سويت عملية تعقيم لذكر عندي ، ماشاء الله شغل نظيف والدكتور مهتم يتطمن على الحالة لين عدى اسبوع عليها

فعلا من افضل العيادات من حيث الاهتمام و التشخيص و العلاج و النظافة و الدكتور جدا متعاون و كان دايما يسال عن البسه عبر الواتساب و العاملين جدا اخلاقهم عاليه و محترمين و متعاونين يستاهلوا تقيم الخمس نجوم و انصح بزيارتهم

الشكر العميق من كل قلبي ل الدكتور وسام على رعايته لقططي ليا اكثر من سنتين وانا في امراض وفي عمليات تعقيم وتطعيم ثقتي فيه تامة شهادتي فيه قليل في حقه الله يوفقك ويحفظك لي اهلك
واشكر العيادة لجودة الخدمة والنظافة وحتى اسعارهم حلوة والتعامل الراقي حتي الموظفين جدا محترمين
ارجوا الحفاظ على المستوى الممتاز
مع تحياتي لكم جميعا

السلام عليكم
اتصلت عليهم ورد علي مصري وكنت أساله عن قصاصة اظافر البسس وشوي وقفل بوجهي لا احترام ولا أدب مع الزبأن

سويت عندهم عملية تعقيم الانثى وكانت جداً جميله من حيث الخياطه والامانه والدقه ماشاءالله عليهم افضل عيادة عرفتها بحياتي كلها انصح الكل يروح عندهم ما بتندمون ابداً دكتور وسام الله يعطيه العافيه انسان راقي جداً ومهتم فيه كل تفاصيل العمليه الله يسعده والعيادة كلها جميله كلهم يتعاملون بروقان وادب لطيفين لأبعد حد

صراحة اول ما فتح كان في قمة النظافة بس دحين لا نظافة ولا تشخيص الدكتور وسام ممتاز في العمليات بس تشخيص ماعندو غير يضرب الإبر من دون تشخيص الحالة وما عندهم أشعة احس العيادة ناقصها اشياء كثير أتمنى الإهتمام بالنظافة ودكتور يقدر يشخص نبغى زي العيادتات اللي في جدة جاهز من كل النواحي

الله يسعد الدكتور يارب انقذ حياة قطتي بعد الله ، تعسرت ولادتها وجاها تسمم والحمدلله الدكتور ماقصر حتى في الفاتوره كل يوم اجي ويسوي لي خصم واشياء يسويها للقطه مجانا والله العظيم ما يحسبها في الفاتوره انسان يشتغل بانسانيه قبل كل شيء الله يكتب اجره والعياده متكامله ماشاءالله انصح فيها

ممتازة الدكتورة بس الي ينظف الحيوانات مرا عنيف وحبيت عندهم يعالجو الحيوانات المنقذة مجانا الي من الشارع

تعامل الموظفين جيد الدكتور جيد. إلى يومنا هذا لم أجد في مكة عيادة بيطرية بها أطباء من فئة الامتياز لذا انصح بالعيادات البيطرية في جدة لكفاءة الأطباء بها.

عقمت بستي الانثى عند دكتور وسام بعرض اليوم الوطني ومكان العملية والحلاقة كان صغير وفي عشرة ايام اتشافى الجرح وشال الدكتور الغرز. بعد العملية اعطوها ابرتين مضاد مشمولة في سعر العملية. ومن الصيدلية البشرية وصف لها مرهم فيوسيدين مضاد بكتيريا لمدة اسبوع مرتين في اليوم. انصح بالعيادة في عمليات التعقيم للاناث خصوصا انه عملياتهم اصعب من الذكور وماكانت بودي بستي لجدة واتعبها بالمشوار. واسعارهم مناسبة في التعقييم.

I spayed my female cat using the National Day discount. Dr. Wesam did the surgery and the incision was small and sutures looked clean and it healed in ten days and removed the sutures. She’s a happy cat now. I highly recommend the clinic for spaying your cat.

العيادة ذات مستوى جيد ، تتوفر فيها منتجات متنوعة وخدمة جيدة و عروضهم حلوة

تقييمي لهم بحكم تجربتي الطويلة معاهم في الخدمات الطبية والحلاقة.
للامانة مستواهم السابق كان أفضل بكثير

بالنسبة للرعاية الطبية ذات مستوى جيد ولكن فيهم مشكلة معاملة الحيوانات بقسوة وعدم لين.
خاصة انه حالة قطتي كانت صعبة لكن تعامل الطبيب كان سيء ، اهتمامهم بالحيوانات ضعيف صراحة ولا يهتمون جربتهم في كذا مرة.

بالنسبة لتجربة الحلاقة ، الحلاقة عندهم اسوء تجربة ماادري اتكلم عن معاملة القطة القاسية أو الجروح في جسمها او حتى التخدير بحسب كلام الطبيبة انه خفيف جدا وساعة وهي صاحية بس اعطتها جرعة كبيرة وقطتي تعبت كثير أكثر من ٦ ساعات ولا صحيت

اول شي الاستقبال في ضياع ومافي استجابه في خدمه الاتصالات
ثانيا الدكتور فوق انه متساهل في الفحص زي مثلا يسوي واحد اثنين ثلاثه ومع السلامة بدون ما يشرح حق ولا شي انا اللي اضطريت افاتح بالاسئله وايش ذا وايش ذاك وايش اسوي
ثالثا لما رجعت للمره الثالثه الدكتور كان جالس خارج غرفه العياده ولما دخل وفحص فم بسي حشر اصابيعه و فحصه بدون لا يعقم يده ولا حتى يلبس القفازات فوق ذا لما قلي بسك يحتاج يسوي تحاليل ولا حيموت و قلتله خلاص سووله التحاليل قلب كلامه وجلس يتفلسف وهو يمضغ اللبان المقرف يقول الجهاز عطلان وفي الصيانه ووو.
وفي جهه ثانيه الممرضه او المساعده او مدري وش كانت. تمسك الحيوان بوحشيه تامه وبس شغلها تعزز كلام الدكتور وهي باينه ماتفهم شي.
يارب يتقفل العياده على سوء الاسلوب اخر مره اتعامل معاهم حرفييااا خساره عليهم كلمه دكتور على كذا شخص.

(خساره عليكم النجمه) زفت زفت اسوووووء عيادة ف الدنيا كلها لا يوضحوا للعميل اي شي عن التطعيمات ولا يقولوا ذي ابره وحده ولا متى ترجعلهم ولا يفهموك شي
تعاملهم مع الحيوان مرا مو كويسه يمسكوها بطريقة مؤذيه
وغير كذا الدكتور مو لابس قفازات؟؟؟ ولا حضرتها الممرضه حتى شكلها مو ممرضه اصلاً وحده جايبينها من برا ماهي لابسه كمامه!
لا يفهموك ولا يشرحولك ولاشي تعامل الدكتور مرا مو كويس
ياخذ الحيوان ويطعن بالابره ويحطه ف القفص ويلا مع السلامه
طيب علمنا وش سويت وش التطعيمه وهل نجي ثاني ولا لا وجرعة الديدان متى مافييي اي كلااام جداً سيئين لا تضيعوا فلوسكم عليهم ما يستاهلوا اتمنى يقفلوا عيادتكم الخايسه

العياده ذي عطوني ثقه فيهم و اتكلت عليهم وكنت على وجه سفر وبما انها عياده طبيه امنت قطتي الحامل عندهم ويجيني خبرها انها ماتت قضاء وقدر صح بس ما تم تقديم الرعايه الازمه لها وخاب ظني كثير) : بعد شهرين تقريبا انا اللحين اقيمهم بصدق وبتجربه ما كنت متقبله موتها بس راحت خلاص واكبر شي ان اقدر اسويه لها ان اقيم العياده بالرأي حقي العياده مافيها شي بس الفندقه سيئه جداً جداً “bye bye sella”

بعد ٤ زيارات اقدر اقول النجمة حرام فيهم، والله شر البلية ما يُضحك، "الدكتور" يعطس على يده وبدون ما يعقم نفسه يمسك القطة يداويها وما يفكر يلبس قفازات؟؟! مكينات الحلاقة يتعازمون عليها بدون ما ينظفوها. بعد ما ينتهي من فحص القطة ما يعقم المكان او يضع فرشة لا يدخل اللي بعدها. اظنه طفشان جدًا مافيه حيل يوجه او يشرح او يطمن العميل، لازم تسأله عن كل شيء والاجوبة عبارة عن ماتقلقش عادي ويسكت طيب فسرلي وضحلي انت الدكتور مو أنا. آخر تعامل انصح بعيادة الثقفي صح زحمة بس عندهم امانة ومسؤولية.

زي الزفت منتظره تقريبا ٤٥ دقيقه وجاية من بعيد بيتي فعلا بعيد ٥٠ ريال مشوار في النهاية حبوب الديدان مخلصه عياده بيطريه اهم شي تتوفر فيها التطعيمات وحبوب الديدان اول مره اروح لهم واخر مره ياليت طيبو خاطري وقالو تعالي تاني مره مثلا العلاج علينا وكذا لا قالو اتواصلي تاني مره واسالي اذا في حبوب ديدان او لا و اللي عند الاستقبال بكل برود ليش ما هرجتي تبي تطعيمة ديدان انا ايش يدريني انكم زفت انا قايله من البداية جاية تطعيمات الله يخلي عيادات القرشي والثقفي ماقد طلعت من عندهم مضايقه ويقدرو الزباين بذات اللي دايما معاهم ويراعو ظروفهم نصيحه عيادات القرشي كيو كلينك مافي زيها صراحه صحيح شوي غالية بس تطلعي وانتي او انت مرتاح نفسياً على حيوانك الاليف.

تجربه سيئه والدكتور أسوء لا من تشخيص للحيوان يشخصه صح ولا من اسلوب وتعامل عنده صح دكتور متعالي ومهمل لأبعد الحدود في فحص الحيوان اذا مالك خلق تفحص بقلب وضمير وبشكل المطلوب ليه صرت دكتور من الاساس؟ حاله بسي كانت جدا حرجه وعنده الوقت يستظرف مع المساعِدة في نص العمليه ويضحك! ولما سألته يفحص منطقه معينه في جسم بسي قاعد يرد بطقطقه وكانه مايبغا يفحص. مافي تجاوب سريع لا من خدمة الاتصال اللي دقيت عليهم خمسه مرات واكثر ولا من الاستقبال. عندهم اجهزه اللي كل عيادة بيطري تحتاجها في مكه بس للأسف بيد الدكتور الغلط والله والله ما انصحكم تروحوا العيادة ذي حقيقي ضياع وقت. اتمنى يستبدلوا مكانه بدكتور احسن والله يصلح ويهدي اللي عندهم حاليا.

سيئة جدا الطير حقي له ١٠ ايام يتعالج ولا جاب نتتيجة واليوم عينو مقفلة ما ندري ايش السبب فاشسششليننن

الدكتور غير فاهم وسيء جدا، وديت قطي حلاقه ومرض بعدها ويقولولي سخونه عاديه وهلكوه مغذيات ومضادات حيويه اخر شي وديتو عيادة الثقفي فالكعكيه قلي فايرس وفمرحله متقدمة واتوفى

أفضل عيادة في مكة والدكتور وسام من افضل الدكاترة الي مريت عليهم لأنه الصراحه يخاف الله وأمين جداً عن تجربة وانصح بالتعامل مع هذه العيادة

نشكر (الدكتور/ وسام. ومساعدية) بعد شكر الله عز وجل. الذي قام بتشخيص حالة قطتنا. المرضية التي كانت تشكو من صديد في الرحم. وقد تم استأصال الرحم. وتكللت العملية بالنجاح والقطة الان في حالة ممتازة ولله الحمد.
فشكرنا موصول (للدكتور/ وسام. ومساعدية). على هذ الانجاز الرائع. في (عيادتهم المخلب الذكي) المتطورة والجميلة. ونتمنا لهم كل تقدم وازدهار.

المكان في موقع راقي.
العيادة مرتبة ومنظمة.
العيادة تتسم بالنظافة و ايضا العاملين بها.
اعداد الكادر مناسب جدا لتلبية الاحتياجات وتقديم الخدمات العلاجية.
مهارة الكادر المعالج فائقة.
تعامل الكادر والموظفبن ممتاز.
وتتوفر ادوية وعلاجات وعمليات بالعيادة.
اسعارهم مناسبة.

حقيقةً عيادة متميزة عن بقية العيادات و ما اودي حيواناتي الا عندهم.
كل شي عندهم مميز سواء استقبال، دكتور، كل شي.
ربي يسعدهم و انصحكم فيهم

عيادة جداً سيئه لو بيدي اقفلها نصيحه لاتجيبون قططكم لهم لانهم غير مهتمين لابنظافه ولا تعقيم ودينا قطتنا لهم ورجع بفطريات واختي ودت قطتها لهم و لاعرفو له عالجووه غلط واليوم مات حسبي الله عندهم لامسؤليه بارواح القطط تقيمي لهم صفر

مادري الدكتور الي جايبينه متأكدين من شهادته ولالا
حسبي الله ونعم الوكيل فيكم نصيحة الي بيعالج قطته او يشخصها لايروح لهم

السلام عليكم انا مازرت العياده بس دايما ارسل بساسي عندهم صراحه تعاملهم مرن ولطيف واليوم ارسلت بساسي للحلاقه ما قصروا كانت حلاقه جدا ممتازه كتير عجبتني شكرا لكم

خدمات اكثر من ممتازه
الدكتور والاخرين تعاملهم اكثر من رائع
سواء مع الزباين او الحيوانات
الاسعار مناسبة

خدمه ممتازه وتعامل لطيف جداً العياده مرتبه ونظيفه زرتهم 3 مرات لم اجد اي ملاخظات سلبيه واسعارهم معقوله. اراجعهم من جده لاني افضلهم عن العيادات اللي عندنا.

لا أدري إن كانت التقييمات الظاهرة غير حقيقية للعيادة أو أنني الوحيد الذي صادف وأن كانت تجربته سيئة معها، لكن سأذكر ما حصل معي بالضبط:
زرت العيادة لأن قطتي كانت تعاني من مشكلة في إحدى العينين (إفرازات بيضاء واحمرار داخل زاوية العين) ، وبعد الكشف عليها، أخبرني البيطري بأنها كدمة، فوصف لها قطرة مرطبة مع مرهم من الصيدلية البشرية واستخدامه لمدة ٥ أيام. مضى أسبوعان ولم تتعافى، فقمت بزيارة عيادة أخرى احتياطاً، فاتضح بعد الكشف بأنها ليست كدمة، بل التهاب بالعين المصابة وبدأ يمتد إلى العين السليمة، وبعد العلاج الذي كُتب لها وهو عبارة عن قطرة مخصصة من العيادة ومضاد حيوي أموكسيل من الصيدلية البشرية، تشافت العين السليمة تماماً بحمد الله، وتحسنت في العين المصابة كثيراً مع اختفاء الإفرازات.
أيضاً طلبت منهم تحميمها في نفس اليوم، ولاحظت بعد فترة تساقط الوبر بكثرة، وفي نفس وقت زيارة العيادة الأخرى لعلاج التهاب العين، اكتشفنا وجود فطريات في مناطق متعددة من جسمها، فاضطررنا إلى حلاقة كامل الوبر لمعرفة جميع أماكن تواجدها والبدء بالعلاج، وهذه أول مرة تتعرض فيها قطتي في حياتها كلها إلى هذا الكم من الفطريات.
أخيراً طلبت منهم عمل تحاليل دم شاملة لوظائف الكلى والكبد، فصدرت النتيجة وتفاجأنا بالبيطري يخبرنا بأنها تعاني من فشل كلوي ويجب وضعها تحت حمية لفقدان الوزن! قررت استشارة عيادة أخرى عن دقة التحاليل، فأخبروني بأن التحاليل في الأساس تنقصها الكثير من المعلومات، ولا يوجد سوى القليل منها لتقييم الحالة بالشكل الشامل والصحيح، إلا أن الطبيب اتفق مع نصيحة هذه العيادة بضرورة إنقاص وزن القطة.
أرجو من مالك العيادة أن يدرك أنه يتعامل مع كائنات تشعر كما نشعر نحن بنو البشر، وأن لا تطغى الصفة التجارية في سلوكياته وتعاملاته هو والعاملين فيها مع هذه الكائنات البريئة والجميلة ليتسببوا في معاناتها ومعاناة أصحابها معها.

العيادة مرا كويسة ومرتبة ومنظمة من استقبال و الكادر الطبي الموجود وشغلهم كويس وكانت من افضل التجارب ومن افضل العيادات في مكة في البيطرية

وديلتهم بستي والحمدلله كانت صحتها ممتازة حلقتلها شعرها وعقمتها وللاسف فطريات وتلوث لاتغركم نظافة وديكور المكان لانو المعدات للاسف وسخة ومعفنه وغير معقمة حسبي الله ونعم الوكيل رتني قريت التعلقيات قبل ماوديها لكن في رب فوق يحاسب كل مقصر

دكتور سيئ جداااااااااا او قبل يومين ودينا بستنا وقال مافيها شي عشان كانت تاكل وشال مغذي و شال مضاد وفجاه رحنا بيت تعبت مراااا وماتت

أخدت قطتي مرتين لدي العيادة مرة للترويش وتعاملهم معه كان جدًا قاسي وغير لطيف. ومرة اخدته للحلاقة الضرورية وجرحوه جرح جدًا غريب وعميق. لا ينصح بهالمكان أبدًا.

قطتي اتعقمت عندهم قبل ٤ ايام ما شاء الله الدكتور كان جدا متجاوب و صبور و شرحلي حالتها و كان يرسلي صورتها كل يوم و الحمد لله جاتني ما شاء الله بصحتها شكرا لتعاملكم الرائع

سويت عندهم عملية تعقيم لبستي والحمدلله بعد اسبوع ونص بالكثير وبستي بخير مع الاهتمام والمتابعة من العيادة والخياطة ممتازه الله يعطيهم العافية ما قصروا.

ماشاء الله تبارك الله عيادة مرتبة جدا ودكتور وسام ماشاء الله الله يبارك له عمل عملية تعقيم للقطة إلى عندي وكان متابع معايا يوميا بعد ما استلمتها منه شكرا دكتور وسام وشكرا المساعد سعيد

بحب اشكر عياده المخلب الذكى وكل القائمين على العمل على رأسهم الدكتور وسام الرجال المحترم الخلوق صاحب العمل الجيد والممتاز والأستاذ سعيد صاحب العمل الجيد أيضا وبحب اشكرهم على مايقدموه مع الزبائن من الإخلاص فى العمل. والله يجزيكم الخير ️️️

الله يعطيهم العافيه افضل عياده في مكه للأمانه محترفين جداً انا اول مره اسوي عمليه لقطتي وكنت خايفه عليها مره
وكانت (استئصال رحم) بس دكتور وسام الله يسعده طمني عليها وعمل لها العمليه والان صحة قطتي ممتازه ورجعت لنشاطها الطبيعي شكراً دكتور وسام وطاقم اللي معاه ماقصرتو وأسف على شراسة قطتي معاكم ️

العياده كويسه والاستقبال حلو بس اولا.
١_ الممرض اللي يحلق للقطط كشر وما يعقم بعد استحمام او حلاقة كل قط
٢_ الطبيب كويس بس في حركه ماعجبتني وهيا انو خرج خارج العياده بالكامل (في الشارع) وفي يده ابرة الأليف مفتوحه ومعبأة بالدواء مو عشانهم قطط مانهمتم بالامور البسيطه خصوصا احنا في فترة كورونا.
وشكرا

تقريبا ليا 4 شهور بتعامل مع العياده اسعارهم حلوه و دكتور وسام مراا ممتاز وتعاملو مراا بيرفكت ربي يباركلو حتى بسساسي اللي يكونو تعبانيييين بيتابع حالتهم ويطمن عليهم الله يسعدو ويباركلو

العيادة مرتبة والاستقبال جيد. لكن تعامل البيطري والمساعدين مع القطط جدا قاسي سواء كان في طريقة حملها او نقلها. اخدت قطتي للحلاقة منذ اكثر ثمان اشهر ولكن الى الان لم ينموا وبرها. لا اعلم هل هو من سوء التعامل او بسبب عدم نظافة الأدوات
بالنسبة لقطتي الاخرى اول مرة اقابل بيطري لا يعلم كيف يعطي حبة الديدان لقطة خلال ٥ دقائق مما تسبب في تخويف القطة وظهرت على فمها جفافين بيضاء ورغم ذلك لك يتمكن من اعطائها الحبة. علما بان البيطري البراء في عيادة القرشي يحمل القطة بكل حنان وخوف من الله وخلال ثانيتين يتمكن بكل سولة من اعطائها الحبة
لا انصح بهذه العيادة ابدا للاسف الشديد

عيادة مرتبة، متوفر معظم الاحتياجات للحيوانات الأليفة ، الدكتور ممتاز واضح من فحصه للقطط انه فاهم ومتمكن من المهنة

من انظف وارقى العيادات في مكة
من جميع النواحي، بدايةً من الاستقبال الى اخر طبيب بيطري

انصحكم بالعيادة

من أفضل العيادات اللي اتعاملت معاهم
والدكتور وسام ماشاء الله من أفضل الشخصيات في التعامل والإخلاص في العمل
في نجاح دائماً و مزيد من التقدم والازدهار باذن الله

عيادة احترافية ، و دكتور ممتاز
يكفي اساسا الاهتمام و العناية اللي يقدموها

الله يعطيهم العافية و يارب كل العيادات عندنا في مكة تطور خدماتها زيهم

عن تجربة انصحكم بالعيادة دكتور وسام من احسن الدكاتره الي اتعاملت معاهم بالمتابعه والامانه والشغل كله سويت لبستي عملية تعقيم عنده حتى صاير هو الي يسأل كل بعد كم يوم ويتابع الحاله بعد العمليه الله يسعده وعموما كل الي يشتغلون بالعيادة اخلاق ولطيفين جدااا الله يسعدهم. وحتى المكان مرتب ويفتح النفس ان شاءالله مو اخر تعامل معاهم️

دكتور فاشل ب معنى الكلمه قطتي كانت حرارتها نازله وهذا شي خطير جداً راح اعطاها خافض حراره زاد المرض الله لا يوفقه وقال فيها التهاب وهيا ما عندها المهم انو ماتت البسه قدام عيني وبإذن الله ما تتوفق ف حياتك كامله يلي ما عندك امانه ولا رحمه ولا ضمير اذا ما تعرف قول مو لازم تاخذ فلوس الله لا يوفقك

عيادة متميزة ماشاء الله تبارك الله
والطاقم احترافي مختصين وجودة الخدمة والنظافة والتعقيم ١٠/١٠ ومنتجات جميلة شكرا ع الاهتمام الله يوفقهم
اتوقع احسن عيادة في مكة ومن افضل العيادات اللي زرتها

المحل رغم انه ضيق لكن يفتح النفس نظيف ومرتب
الخدمات ممتازة والأسعار معقولة
كل الي سويته كشف على قطي وتطعيماته وترويشه وحبيت الخدمات والأسعار
كل شي جميل وممتاز الشي الوحيد الي أتمنى اضافته هو زيادة المنتجات في المحل
أشكر القائمين والعاملين في المحل ️

ماشاءالله اول مره اتعامل معاه ولاكن التعامل معاه مره مريح في جداً ، سويت عملية تعقيم وكانت مره ممتازه ومع استشارتي لدكتور في الرياض ومره مدح العمليه ،ربي يبارك لكم ، ام كوكي