The food quality is merely good. I ordered 4 meals: Kebdah, Shakshokah, Masoob and Mutabak with cheese. Masoob was so great and Adni tea was also excellent, but honestly if you want to order Kebdah and Shakshokah try Meshraq restaurant you will never regret. This doesn’t mean it is not good but was below my expectations. The service is so good. No harm to try it. I am sure you will somehow like it but for me next time I will go to Meshraq Restaurant
قدمت برفقة عائلتي الى هذا المطعم والذي يحتوي على ديكورات من عبق الماضي يتكون من طابقين ، جلسات متنوعة للأفراد والعائلات ، ويوجد جلسة خاصة VIP رائعة ولها خصوصيتها التامة ، مذاق الطعام لذيذ ، نشكر القائمين على هذا المشروع، كان استقبال وترحيب من طاقم العمل.
أول تجربة: الفول 1/5. الفول بلا ملح تماما يقتل نكهته ،، اضافة قليل من الملح لا يضر الشكشوكة لا بأس مطبق جبنة زيتون ممتاز من الجميل توفير سكر ستيفيا أو ماشابه النظافة و الخدمة جيدة جدا يستحق التكرار
احبه جدا نظيف الاكل طيب جدا الخدمة ممتازة استقبال طيب ومتابعة الانتظار الاسعار معقولة تهدم الجميع انصح بزيارته خاصة فرع الخالدية وفيه فرع بالحمدانية الله يبارك لهم
اطلق فول في العالم التاوه العريكه ممتازه التميس يحتاج تطوير قاسي شوي اتمنى الاستفادة من تميس ابوزيد ونكهة زمان شارع فلسطين والشكشوكه عاديه تحتاج تطوير سأكرر التجربه بسبب الفول العالمي
المطعم أكثر من رائع ،، الجلسات راقية ، الأكل لذيذ ، سرعة بتقديم الطلب ، نظافة المكان ، معاملة ممتازة من العاملين ، شكرا لكم ، ونتطلع لزيارتكم مرة أخرى.
مكان الفطور المفضل من اول ما ادخل احس بإنتماء للمكان وكأني في بيت اهلي المكان رايق والمنيو عندهم منوع والاكل لذيذ جدا التميس انواع واشكال القلابة لذيذة البيض والكبدة والتونة والطعمية والمعصوب الشاهي تلقيمة كلام ثاني العدني كمان ممتاز
الخدمة ممتازة الاسعار متوسطة ومناسبة للكميات النظافة ١٠/١٠ يوجد بارتيشن
الاكل سيء ، شاي عدني سيء ايضاً، الخدمة عادية ، طلبت صحن نواشف والجبنة كانت لونها اصفر " فاسدة ". بلغتهم عليها وتم اضافتها للفاتورة ، مع اني بلغتهم قبل الفاتورة. حسب كلام الموظفة " هذا اللي عندنا ". ما انصح فيه
سلام عليكم بقلكم رأي بصراحه بعد زيارتي لي هالمكان لي الامان يوم دخلنا استقبلنا رجال كبير مدري اذا هو صاحب الحلال او لا لكن كان بشوش ويرحب فينا طلبت صحن كبدة مكس مع لحم مقلقل والله كان لذيذ لذاذه مو طبيعيه استمتعت بكل لقمة طبت بفمي منه وطلبنا صحن فول بالسمن ماكان فيه فلسفه بس لذيذ وجبنه حلاوة وبراد شاي تلقيمه بالنعناع يحبه قلبك بشكل عام المحل جميل واكلهم يجبرك انك ترجع ثاني تاكل منه ولي زياره ثانيه ان شاء الله
للأسف أبداً ما عجبني المكان لا خدمة ولا جلسات مريحة ولا أكل حلو ولا تعامل راقي والله يستاهل نجمة واحدة بكل استحقاق
نبدأ بالخدمة:
- طبعاً المطعم زحمة مدري على ايه بصراحة المهم أول ما وصلنا قلنا انتظار وسجل رقمنا وانتظرنا في السيارة
- اتصلوا علينا قبل لا ينظف الطاولة وقبل لا يخرجوا الزبائن طيب ما دام احنا منتظرين أصلاً في السيارة ماله داعي تخلينا ندخل المحل وننتظر كمان على ما تنظف الطاولة ويخرجوا الزبائن المفترض ما تدق علينا إلا لمن تكون الطاولة جاهزة تماماً يعني ليش أنا أنتظر ٧ دقايق ومعايا عائلتي جو المحل في الزحمة والضيق وأجلس في الممر وكل شوية يجيني واحد يقولي طريق لأنه الممر ضيق أصلاً كله بسبب إنه حضرتك اتصلت علي قبل لا تجهز الطاولة!
- الموظف اللي ياخذ الطلبات تعامله سيء جداً ويتكلم من خشمه ويكلمنا كأننا نطلب منه صدقة ما كأنه ياخذ منا طلبات عملاء ولا عنده أساسيات احترام العميل
- الكاشيرة اللي تطبع الفاتورة أخرتني بسبب إنه طباعة الفاتورة من قسم الرجال ما أعرف ليه يعني ما تكون طباعة الفاتورة من قسم العوائل بدون مبالغة جلست قرابة ٥ دقايق واقف عالكاشير على ما تجيب لي الفاتورة
- الكاشيرة هذه نفسها كان حسابي ١١٧. ٥ أعطيتها ١١٨ قالتلي ما عندي نص أرجعه لك هل لازم أرجع لك النص؟ قلتلها ايوه والله لازم يعني أنت ما رضيت تاخذي مني ١١٧ وتسامحيني في النص وتبغيني أنا أتنازل عن حقي ليه يعني طيب أقلها رجعيلي الريال وقولي للأسف ما عندي نص مو تقولي وقاحة أوقح من كذا مافي
بالنسبة للمكان:
- المطعم ضيق وصغير وما يتناسب مع العدد والزحمة اللي داخله وهو عبارة عن ممر وطاولات عن اليمين واليسار
- التكييف جو الطاولات سيء جداً والله جالسين نفطر واحنا نتعرق والسبب إنه جايبين مكيفات دولاب والمطعم كله حواجز (بارتشن) فأنت أول ما تدخل الطاولة خلاص تعتبر عزلت نفسك عن مصدر التكييف بسبب وجود الحواجز يعني دام عارف إنه مطعمك تصميمه فيه حواجز المفترض إنك تحط تكييف مركزي علشان الهوا يجي من فوق ويتوزع صح
- الطاولات ضيقة وصغيرة والكراسي جلساتها غير مريحة أبداً
نجي للأكل، طلبنا كان عبارة عن:
- فول زيت: والله يا جماعة إنه الفوال اللي في الحارة فوله أحسن منه كذا فيه طعم حموضة غريب مدري هو من الفول ولا من الزيت ولا من اش الله أعلم بس إنه ما عجبني
- كبدة بالجبنة السائلة: تعبااااااااااااااااانة بكل ما تعنيه الكلمة من معنى الكبدة نفسها ما هي نظيفة وفيها ريحة خايسة والطبخ أيضاً سيء والخلطة ما هي حلوة
- تاوة شكشوكة بالجبنة السائلة: وهذه حلوة وطعمها طيب بس يعني عادية جداً وغير مميزة زيها زي أي شكشوكة جبنة سائلة في أي مطعم يمني آخر
- فلافل: لذيذة وقرمشتها حلوة ويمكن تعتبر ألذ شيء عندهم
- قدح قشطة وعسل: حلو بس عايدي يعني مو قد كذا
- قدح عايدي: نفس الشيء
- شاهي عدني: عادي جداً ومافيه نكهة مميزة ولا نكهة الشاهي العدني المضبوط
هذه تجربتي بشكل عام وما راح أكرر الزيارة أبداً وبالعكس ححذر منه أي شخص أعرفه لأنه فعلاً ما يستاهل ومن واجب النصح للناس إني أبين لهم واقع المطعم وإنهم ما يروحوا يضيعوا فلوسهم على أماكن زي كذا ما تحترمهم لا في تعامل ولا في نوعية أكل
جيد وجميل ومريح متميز ب انواع التميس البر وغيره ملاحظه اخذت كبدة بالبصل ١٥ طعميه سادة ٦ فول عادي جدا ب ١٠ شاهي عدني براد صغير جدا صراحه ياليت لو شوي يكبرونه لان خذيت براد يعتبر لشخصين المفروض يكون اكبر ذي الملاحظة السعر ٤٠ ﷼
اذا اعجبتك تجربتي لاتحرمني من مطعم جميل وأنيق ورايق للي يبي فطور صباحي وأكل ممتاز جدا وأسعار معقوله جداً طلبت صحن فول وصحن كبده بصراحه ممتاز ولاتنسى شاهي التلقيمه وكان طلبي ب٣٥ ريال والاستقبال كان اكثر من رائع وفيه مكان للعوائل بس زحمه عندهم وفيه مشكله بالموقف زحمه جداً يالله تحصل مكان توقف فيه وشكراً اتمنى بأنني افدتكم لايفوتكم
فول فاخر من الآخر وطعم زمان وأحلى كلام وإذا خلص الفول أنا مش مسئول تحياتي لكل القائمين على هذا المطعم الفريد من نوعه جربه حتجيه كل مره وياريت الأسعار شويه بس تكون حنينه على متوسطي الدخل المحدود تحياتي
ماشاء الله زحمة بس ماحسينا فيها على طول يمشو الزحمة سريعين الاكل حار كله فرش الطعمية لذيذه اللحسة والكبده والفول كلها طعمه ناقص شوي ملح بس حاطين على الطاولة الملح والكاتشب لو حابة تزيدي الاحترازات عندهم ممتازه والمكان نظيف
من افضل المطاعم الحجازية عندهم فول زمان لا احكيلك على الفول والحمص اللي بالكبدة والشاهي العدني الطعم من الاخر بالصلاة على النبي والاسعار في متناول الجميع️
-مذاق زمان الذ مطعم للمأكولات الشعبية بجدة القلابة لذيذة جدًا معصوب القشطة لذيذ جدًا الشكشوكة لذيذ جدًا والشاهي العدني لن تتذوق مثله في حياتك انصح بشدة بزيارة هذا المحل اذا كنت من معجبي الأكل الشعبي.
-الفطور مزدحم في الاجازات ويصل الانتظار الى ٣٠-٤٠ د -جهة العوائل الجو حار جدًا ولم تُحل هذه المشكلة من وقت افتتاح الفرع -جهة العوائل تعتبر ضيقة نسبيًا
المطعم نظيف ومهتم بزباينه جداً، الاسعار فوق المتوسط، الطعم لذيذ ومحافظين عليه من زمان ، الجلسات فيها ضيق شوي والكراسي ماتنفع للجلسة الطويلة، هذا في قسم العوايل طبعاً ، يعني تاكل وتمشي طوالي ، التكييف الافضل يكون من الاعلى لأنه نظام الدواليب ما ينفع مع البارتشنات ، عموماً يستحق الزيارة وبالتوفيق للجميع
سيئ والاسعار مرتفعة جداً لا يستحق تكرار التجربة والانتظار طويل بسبب الزحمه كله عشان اعلان وانا والله ما جيته عشان شفت الإعلان ما انتبهت للإعلان الا بعد ما شفت التعليقات عموماً المطعم سيئ وسيئ للغايه نصيحه هناك خيارات افضل واسعار اقل وجوده عاليه.
من ألذ الاكل الشعبي كل شي لذييييذ One of the rarest places for the most delicious traditional food in Jeddah. Tamees, foul, shakshoka, maasoub are the most popular.
مطعم أكلات شعبيه رائعه. يقع في حي الخالديه بالقرب من مدينة السعوديه بجده. ديكوراته على الطريقه الحجازيه القديمه. ومأكولاته لذيذه تذكرك بأيام زمان. واسعاره معقوله. أنصح بزيارته.
مذاق زمان رائع عنده طلبات بصراحه على مستوى مثل معصوب القديح هذا معد صار احد يسويه بصراحه معصوب الفطير تقطيعه ليس بالمكينه بي الالات حاده تجيد تقطيع الفطير والموز يعطي مذاق زمان الحقيقي للمعصوب مع السمن الخاص بأمانه جربوه مع الفول والسمن البري والشكشوكه والمقلقل والكبده شي خرافه جدا جدا جدا رائع والشاهي الحبق او العدني واحد براد يضرب في الراس يغالي ترى على فكره يعتبر احسن اكلالات شعبيه يحتل المركز الاول فيهم بالنسبه لي فول بانعمه او فول اهل اول او ابوزيد يعتبر نمبر 1 فيهم
هو غالي لكن طعم لكن فيه زحمه عليه غير طبيعيه ما احس يستاهل كل الزحمه ذي كلها. لازم تستنى انت واهلك بكراسي من كثر الزحمه الي يخلصو الي قبلكم زيه زي ابو زيد كلهم طعمين لكن هنا جلسات وديكور افضل وطبعا اغلى
من المطاعم القريبه الى قلبي لكن يعيبه صغر المساحة والانتظار خاصة اوقات الصباح. الشكشوكهوالتميس البر ولا أروع طبعا الفول والفلافل كذلك ممتازه. يعطيهم العافيه
كل شي في المطعم لذيذ. لكن يحتاج أكثر أشراف على النظافه و و لبس الجوينتس في الايادي و كمامات على الفم و الأنف. يأ أخي ما تبغى و انت تاكل ، تحصل كم واحد يعطس و و و. . و سلامتكم.
مطعم حجازي مزبوووط وسعره معقول بيقدم اكل حجازي للفطور والعشاء من الفجر الين ١٢ الظهر و فترة المساء من بعد صلاة المغرب الى ١٢ المساء وستايل المطعم حجازي شعبي. . موقعهم في حي الخالديه بعد بوبا جمب مطعم تاج الهندي. عندهم قسم افراد وعائلات والجلسات فيها بارتشن . . اكلهم كان لذيذ وخدمتهم أحلى واسرع يقدموا الأكل بطريقة شعبيه وفي الطاوه وكذا حبينا الفول عندهم مرررره بالذات الفول العادي وفوقه خلطه ياسلااام والمقلقل وصلنا حااار والكشنه رهيبه فيها كزبره والكبده كمان كانت كشنتها حلوه وطعمها وفيها نكهة الكزبرة والتونه مطبوخه كوييس بالكشنه ومن اكثر الطلبات اللي تنطلب عندهم اطباق البيض عندهم متنوعه ومع كاسة شاي عدني ياسلاااام او عصير برتقال مزبوط وآخر شي المعصوب بالكورن فليكس وعليه جبنه تشدر وعسل . . بشكل عام حبينا المطعم وخدمتهم سرييييعه وكريمين وجلساتهم لطيفه والمحل ماشاء الله طول الوقت فيه زباين .