كولان سويت

كافيه سيء لا يملك أدنى مهارة في التعامل مع الزبائن .
طلبت فلات و ايت و ماء بعد دقايق قليله من شربي للقهوة اتت الموظفه و طلبت دفع الحساب
و كنا بإنتظار اشخاص فقلت لها الحساب بعد الطلب ا و قبله و رفضت الدفع و قلت عند خروجي سأدفع فقالت ( اش قلة الادب هذه ) !

المكان جميل جدا عائلي اشكر الموظفات الخلوقات على حسن الاستقبال و الاهتمام اعجبتني العروض الموجودة طلبت وافل و امريكانو و v60 لذيذ اكرر الزيارة

ديكور جميل وهاديء ورايق وحابة اشكرجميع العاملين وفقهم الله ع حسن الاستقبال وحسن الخدمة وجودة الحلويات والقهوة السعودية والنظافة

للاسف اول ما فتحتوا كان الحلا لذيذ ومميز جدا ، بالرغم من ان الجلسات غير مريحه ابدا بس كنت اجي عشان الحلا عندكم كان غير عن اي كوفي، الزياره الاخيره لكم كانت قبل يومين وما كانت بنفس المستوى ، الحلا مو لذيذ ابدا مغيرين الوصفه ، والقهوه ما تنشرب للاسف

الكوفي جميل وهادئ بالصباح خصوصًا️
تعامل الموظفين رائع ️
الخدمة سريعة ️
النظافة عالية ️
عدة أنواع من الحلا ️
القهوة زاكية ️

شكراً للموظفة المتميزة: (غرام) لااستقبالها من اول مادخلنا حتى الخروج واشكر الزميلات المتميزات على جهودهم والتزامهم واخلاصهم بالعمل مما يظهر لنا تحملهم المسؤوليه الكامله دائماً ، مما ينعكس الحفاوة والاستقبال لهذه المدينة بالرغم أنني من خارج الطائف وهذا ينعكس ايجابياً على اهل هذه المدينة

شكراً لإدارة هذا الكآفي لأنتقائهم الموظفات المتميزات
الله يبارك لكم جميعاً.

كوفي كولان سويت الطايف- تيرا مول ‏‎
‏القسم ‍‍‍ / عوائل - افراد
‏‎‏الموسيقى / لايوجد موسيقى
‏‎‏ الاطفال / مسموح دخول الأطفال
‏‎‏جلسات? /داخلية
‏‎‏البارتشن /لا يوجد بارتشن
‏‎‏الأسعار /متوسطه
‏‎المذاق / لذيذ
‏‎النظافه / ممتازه
يستحق التجربه

صراحه اتعجب جدا من الاخوه الذين ينتقدون المحل

قمت بزيارة هي الاولى لي لهذا البراند المميز ، والداخل بقوة كبيره جدا في عالم الكافيهات والقهوه ، ووجدت التعامل الرائع من الجميع.
ووجدت التميز والابداع في المنتجات المقدمه.

بارك الله لاصحابه ، وزادهم من فضله.

واقول لمن يقيم بتقييم سلبي اتق الله وقل كلمة الحق في المنتج والتعامل ، واحسن الظن في العاملين ، فهم يواجهون ضغط في خدمة زائرين المكان.

زرت الكافيه اعتقد انه لشخص مشهور
١- وجدت الكوب عليه صورة صاحب المكان وهذا امر مزعج
٢- نوع القهوة المستعملة غير جيدة بوجهة نظري
٣- درجة حرارة الحليب لم تكن جيدة
٤- مقدمي القهوة يحتاجوا الى تدريب في التعامل

القهوة عايدية البن المستخدم جودته رديئة والسعر غالي جداً، لكن الحلى جميل جداً بس سعره مرتفع جدا بغير المعقول، الطاولات فخمة وكراسيها مريحة وسلامتكم.

جربت حلا البيستاشيو لون فقط ، حلا قرص عقيلي ممتاز ، القهوة أقل من عادية
الاجمل تعامل الموظفين.

للأسف المقهى سيئ من جوانب عدة:
١- الخدمة سيئة (خدمة ذاتية) يعني انا جاي مكان اتقهوا فيه واغير جو والا رايح جاي وشايل الطلبات كأني جرسون.
٢-السعر باهض جدا مقارنة بالطلب الذي طلبناه
٢ كوفي (كأس صغير جدا) وقطعتين حلى ب ١٢٠ ريال!

تجربة لن اكررها في هذا المقهى ولا انصح به.

المكان جيد نوعاً ما بس يحتاجون يطورون في المنيو والاطباق يعني مو كل السويت ينحط معاه ايس كريم وصوصات القهوة لاتعتبر الافضل في الطائف ولكن جيدة الاسعار مبالغ فيها مقارنة بالمقاهي الاخرى

مكان اقل من عادي
اسعاره غالية
تأخير في الطلبات
ولا رح اجيه مره ثانية
خسارة فلوس على الفاضي

لأول مرة أزور الموقع وكانت التجربة فاشلة جدا
تأخر جدا في الطلب
الأسعار مرتفعة جدا
القهوة عادية جدا.

جيت المكان وجلست انتظر ربع ساعه والعاملين رايحين جايين ولا احد يجيك وطلبتهم وجوني وطلبت وسحبو علي انتظرت تقريباً ساعه واخر شي مشيت خدمه سئه جدا كانك جاي تشحذهم ولا سوو الطلب اصلاً بالعاني ضيعو وقتي وامرضني البرد

أتمنى اعطاء الموظفّين هنا دورة في "احترام الزبون" تعامل سيء جداً و بدون تقبّل للزبون او اعطاءه فُرصه حتى في الكلام! نفور الزبون يعتمد في الأول والاخير على حسن استقبال الموظفّين! زيارة لن تتكرّر بسبب سوء الاستقبال و التعامل، بالتوفيق

الحلى عادي جدًا
الخدمة ممتازة
القهوة العربية ممتازة
الأسعار مبالغ فيها مره
قطعة الحلا ب 50 ريال لو تروح مقهى ثاني قهوتك والحلى كلها ما تتعدا 40 ريال

الحرص على الاستفادة من الطاقة الاستيعابية من حقهم لكن اسلوب انك تجي تقول للزبون لك ربع ساعه ماطلبت شيء اما تطلبون او تطلعون هذا مو اسلوب لكسب العميل فيه الف غيركم تيرا مول اكثره مقاهي ما وقفت عليكم

The food is very beautiful and delicious, as well as the treatment of the staff in it, but I have a small problem, which is that there is no payment with a visa, knowing that the cafe is beautiful and worth a visit

للاسف العاملات في المقهى تعاملهم سيء بذات الي على الطلبات - والقهوة الى حد ما جيده وفيه غلاء غير مبرر فيه ابد العصير ب25 للكوب و وفانيلا ايس لاتيه ب25 ريال وزيادة على الغلا خدمة سيئة وطاولات سيئة والكراسي بعد المهم لا انصح بزيارته

انا من مرتادي الكوفي من زمان وباستمرار وتقييمي له خمسه نجوم لاكن امس تقهويت فيه طلبي المعتاد الكورتادو مشروبي المفضل يتقنون صنعه وطلبت كيكة التمر لاكن تفاجئت ان الطلب تاخر جدا جدا وليست من عادتهم مع ان الكوفي ماكان فيه الا انا وشخص واحد وصاحب الكوفي

التجربة سيئة التعامل سيء للغاية الكابتشينو وصل بارد أعداد الذين يعملون في المحل تفوق قدرة المكان بالإضافة للإزعاج من قبل العاملين تجربة لن تتكرر

ليس بالمستوى المأمول خاصة بعد ما تغير البن حقهم من لانوتي إلى لافازا وإضافة إلى السعر المبالغ فيه مقارنةً بالكافيات الأخرى

المكان زحمة شوية ماشاء الله وتحتاج تنتظر شوية حتى تجلس ولمن تطلب يطوّل الطلب شوية ،

المهم انا جاي للمكان هذا مخصوص عشان اجرب
لوتس كولان مولتن ،
وفعلا طلعت قد الكلام جدّا لذيذة ،

بس الاسعار مبالغ فيها يعني زي مثلا الحلا هذا بـ49 وحجم الحلا مو كبير لدرجة يوصل لهذا السعر …

غاااالي جدا جدا جدا جدا بشكل مبالغ انصدمت بالاسعار وشردت حتى مافيه ابداع بالحلى والتقديم والشكل اللي يخليه يرفع اسعارها لهدرجه ب50 قطعة الحلى ليش؟؟
رحنا لميلا كافيه يفوز بالاضافه لشكل الحلى والابداع وارخص

كوفي رائع و ديكور فخم وحديث و خدمه ممتازة جدا لكن في تأخر بسبب الزحمه ،
المكان بشكل عام يستحق التجربة
وتغيير الجو فيه.

جربت الكوفي: لاتيه حار جيد ٧/١٠
الحلا: ١- قرص عقيلي عادي ٧/١٠
٢_ بان كيك بالنوتيلا لذيذ ١٠/١٠

من اكثر الاماكن اللي احبها في الطايف كولان سويت اللي على شارع الخمسين البان كيك جدا لذيذ والقهوه لذيذه اشكر تعامل الموظفات خلود ومشاعل جدا لطيفات وقمه في الاخلاق يخلونك تحب المكان اكثر شكرا لكم?

الخدمة سيئه جداً جداً
جايين سياحه نطلع نروق و لفت نظرنا المكان و الديكور جميل بس ما ارجع له بسبب الخدمه السيئه
حرام الواحد يتعب على مكان و يخسر و مايحط موظفيين بروفيشنال و يدربهم زين
بالنسبه لطلبات:
كروك مدام ٦/١٠
عصير البرتقال لذيذ ١٠/١٠ بس السعر غالي ٢٤ ريال
القهوه لاتيه جيده ٨/١٠

للأسف المصداقية عندهم صفر
جيت من اخر الدنيا عشان اجرب بعض الاصناف وتفاجأت بأحد الأخوات تقول لي ممنوع الشباب هذا مكان للعوائل مع ان فيه شباب بدون عوائل جالسين
تقول توجه للفرع الثاني والله من القهر طلعت مارحت للفرع الثاني ، مع العلم ان الفرع الثاني جلسات مفتوحة و برد ماتستمع بجلستك و مدخنين

تجربة لن تتكرر بإذن الله

كوفي لا بأس منه الطلبات جيدة نوعًا ما الخدمة ممتازة جدًا اشكر الموظفة خلود القرشي على حسن اخلاقها وتعاملها رحت كافيهات كثير نفس خدمتها وشغلها مالقيت ️️

المقهى لا بأس فيه لكن للاسف من شهر تقريباً تغير الوضع صار ازعاج وقلب ديوانيه مو كافيه كلهم شباب والعوايل ماعاد تاخذ راحتها غير الازعاج والتصوير المبالغ فيه وانتي تتقهوين في امان الله تحصلين نفسك بسناب لذلك اتمنى من المالك المحافظه ع خصوصية مرتادين الكافيه بذات خصوصية النساء ،الشي الثاني اذا كان عدد الزباين فوق طاقه الكادر بالكافيه لا يستقبلون زياده عشان تكون الخدمه اسرع وافضل للموجودين داخل. وشكراً اتمنى تقبل انتقادي.

انتظر عشرين دقيقه عشان الطلب وبعدها تجي الموظفه تطلب مني اطلع! سياسيه غريبه نص ساعه فقط ف الكوفي كأني طالبه على حسابهم ومن فلوسهم.

الكافي لايتناسب مع من يميلون الى الهدوء
زحمة الى درجة الاضطرار للحجز
كيكة مولتن الشوكولاته وكذلك كيكة التمر لاترتقي الى المستوى المعروف حيث اني من هواة هذا النوعين من الكيك.

الفكرة حلوه، والتنفيذ لك عليه، واضح ان ملاكه مايتابعون، فكرة ألوان الديكور والأثاث حلوه، لكن النوعيات غير جيدة، نفس الوضع المنيو، وأيضا في تفاوت بالخدمات، يعني يوم توب ويوم لا، زي ماتقول فيه اجتهاد ومحاولات لكن مافي رتم محدد ومواصفات ثابتة.

جلستت ٢٠ دقيقه على ماجا احد اخذ طلبنا ماكملنا نص ساعه وحنا ناقهوى جت وحده من الويترز تقول سياسه المحل نص ساعه فقط نقدر نجلس! ادفع مبلغ وقدره على الرغم من ان اسعاره غاليه

ماجربت صراحه لاكن بعد ماجلست مشيت الاسعار جدا غاليه رغم صاحبه مشهور ويسوق له تكون الاسعار كذا كيف لو بدون تسويق لازم صاحبه يراجع الاسعار

الاسعار غالية جدا.

كانت تجربة الحلا جيده جدا واعجبني لكن اتردد بالعودة لاجل الاسعار

القهوة ممتازة ولكن يحتاج الى تحسين الى الاحتراف بالفلات وايت

زرت فرع سيتي ووك الطائف الخدمه جداً سيئه مقابل السعر المرتفع للقهوه والحلا اخذ الطلب انا بنفسي وارجع كمان الصحن اللي اخذت فيه الاغراض! طيب ليش السعر المبالغ اذا انا بخدم نفسي

كنت في الفرع الثاني اللي على الشارع

المكان ممتاز ورايق
الموظفات لطيفات الله يوفقهم ️

الطلبات
ايس سبانيش لاتيه 10/10
فلات وايت 10/10
كورتادو 10/10

كولان مولتن 10/9

اختيار مناسب الله يبارك لهم.

حلو الحلا طلبت كريب وكم شي بس الكريب كان افضلهم والبقيه مو بطاله بس مو واو و القهوه البارده كلها صراحه سيئه وخفيفه الفانيلا والبستاشيو وكراميل ماكياتو بشكل عام

تجربتي الجمعه 2021/09/17 الساعة 9.00 م كفي جميل بزاوية تيراء مول المساء هو الاوقات الجميلة لديهم كعكة قرص عقيلي مميز الكابتشينو ممتاز الاستقبال والتقديم ممتاز اشكر المشرفة خلود القرشي اعجبني تواجد مسؤول المحل

مع كامل احترامي اللي مايبي يخسر لايطلب قهوة عربي الكوفي بوادي والقهوة العربي بوادي لا انصح بهذا الكوفي حسوفة الاثاث

إذا أردت مكاناً يحترمك ويحترم راحتك ف ابحث عن مقهى آخر ، هذا المقهى كل يوم له نظام يناقض اليوم اللي قبله ، وما عندهم احترام للجلوس يطلبون تغيير المكان في أي ثانية ، وممكن يقولون لك تفضل من غير مطرود لأن فيه حجز على الطاولة

كل شي جيد وجميل الطعم والمكان و تعامل الموظفين ولكن القهوة العربية باردة بالرغم من تغييرها مرتين.

القهوه لذيذه والحلى اللذ ، طولنا في سرا الدخول وفي انتظار الطلب ، لكن يستاهل الانتظار كل شي طعمممم
، اهنيكم بهذا الجوده واتمنى الاستمرار ، ويابختكم يا اهل الطايف فيه ،

أجمل مافي المحل حلاهم ، وللأسف على هالترتيب والكشخه اخر شي يعطونك ملاعق وشوك بلاستيك خييير شنو ايام الغزو احنا ولا شنو وعتبت على الموظفة في كل زياراتي لهم ان يبلغوا صاحب المحل ويوفر ملاعق وشوك حديد شنو وين قاعدين احنا ماتوا اللي يقدمون بلاستيك رغم ان المكان راقي وحلو ، وهم القهوة العربية الدله صفر وللآسف جم مره قلت للموظفات اتمنى تحسنون من نوعية قهوتكم ترا كلش مو شي سيئه وماتنبلع ، القعدات حلوه الديكور الموقع استراتيجي تتفرج بالرايح والراد المكان مكشوف مو مغلق ، وكل زياراتي لهالمحل عشان الحلى فقط ، وبالتقييم دائماً اكتب لهم واتمنى رسالتي توصل لصاحب المحل الكريم ملاحظاتنا نبي توفير ملاعق حديد مو بلاستيك شغل ابو طقه ابي شي مرتب حتى بالسنابات الناس يتطنزون علينا يقولون من صجهم هذيل معطينكم شوك وملاعق بلاستيك

الويترز مزعجات جدا تعطيك المنيو وتجلس واقفه على راسك ماتعطي مجال الواحد ياخذ راحته هذا غير الباقي الي رايحين جايين كاننا في مدرسه جدا يضايقون ما ارفع راسي الانطت عندي هذا غير جابو لنا الفاتوره واحنا ماطلبناها جدا انزعجنا وما اخذنا راحتنا عددهم كبير اكثر من زوار المقهى اتمنى تدربونهم على حسن التعامل مع الزبون ما اتوقع راح اكرر التجربه اخذ قهوه من بون سفري افضل

فوق ان تقييمه نازل دخلت وقلت بجرب
بس للاسف لا استقبال ولا احترام
مايهم الديكور اذا الواحد مايهتم بطلبك
دخلت الساعه ١١ طلبت وانتظرت ٤٠ دقيقه وفجاه اناديهم وين طلبي قالو جردنا والاخت اللي طلبت منها نست طلبي المشكله الفرع ماكان فيه الا طاولتين فقط
اهمال ولايوجد رقيب اصلا واتوقع ان الاداره فاشلة لانها ماتهتم بردود الزوار
انصحك لاتغامر وتدخله لانك حتى لو بتشتكي مافيه رقم للاداره واللي يرد عليك في السناب نفسها اللي على الكاشيره

تم تقديم الطلب ناقص وبعد ما قلت وين القهوة صار وقت الصلاه ولازم انتظر وابد اكلت بان كيك ساده نشب ف حلقي

زرت المقهى هذا عدة مرات والان اقوم بتقييمه عن عدة تجارب عشان ما اظلمه طلبت في زياراتي المتعددة
قهوة بيستاشيو. وقهوة لاتيه. وكابوتشينو. وقهوة فرنسيه. كنت كل مرة احاول اقنع نفسي ان الطعم بيختلف بين الطلبات المختلفة ولكن الحقيقة اني انصدمت ان كل انواع القهوة اللي طلبتها ما فيها اي اختلاف اتوقع كلها من نفس القدر بس يغرفون لك في الكوب ويقدمونه واللي يزعلك اكثر القهوة تجي بااااااااردة مع اني اطلبها ساخنه يعني درجة حرارتها لاتصلح للشرب كأنها مسخنه وليست محضرة جديدة واسعار القهوة مرتفعه ولا يوجد فيها طعم نهائي ولا اي شيء مميز والحلى طلبت كريب كان قاسي وطعمه عاادي جدا للمعلوميه انا اجي المقهى مع زملاء واطلب معهم يعني اخذت رائيهم كلهم وتقييمهم سيء للغاية وغير مرضي واللي يتساءل ليه ترجع له مرة ثانية دامه مو حلو وليه فيه زحمه ناس اقولك الجواب الناس تفكر في الجلسه صراحه جلسته حلوه وموقعه حلو وكراسيه مريحه والناس تتقبل الموضوع وتضحي بالطعم عشان الجلسه مع زملائهم في مكان مناسب ولكن خدماته غير مناسبه وترا النجمة حقت التقييم عشان الجلسات فقط والديكور.

كافي سيء ولا انصح بتجربته تخيل شاهي مغربي وانتظرنا نص ساعة وسعره ١٠ ريال الكاس وبالاخير طلع شاي بفتله ؟؟؟؟؟؟؟ لو يقفلوا احسن لهم

جيد الجودة
طريق طلب الحساب بعد تنزيل الطلب أو اثناء القهوة مزعجة في اي مكان الحساب قبل الطلب أو عند المغادرة

المكان جميل ومرتب ونظيف
الخدمة جيدة
الاكل جيد
لا يوجد بارتشن
مسموح بدخول الاطفال
الاسعار نوعاً ما جيدة
الويترز متعاونين

المكان جميل والقهوة ممتازة ولكن الخدمة نوعا ما بطيئة القهوة العربية ليست جيدة ولكن امريكانو بارد و فلات وايت وكرتادو ممتاز من خلال تجربتي وكولان كريب ومولتن شوكولاته لذيذ.

طلباتنا كانت
قهوه الريد فيلفت < طبعا حليب ولون مافي اي طعم ماعجبني
وشاهي مغربي كويس
وموكا حار بعد كويس
وقهوه بس نسيت اسمهاا < المهم بعد كويسه
وافل متوسطط مو ذاك الزود
وكريب الكريب كان لذيذذذ
الديكورر جميلللل
والعاملين مرره كويسات ️

شاهي أخضر أنجليزي ونعناع وقالت هذا مغربي اجل وين الطبيخ حق الشاهي ووين الرغوه ووين ريحه الشاهي المغربي او أوراق الشاي المغربي الي يتسم برائحه معروفه ومميزه وعل فكره هذا شاهي بالطريقه الطائفيه مو مغربي

زرته ثلاث مرات وفي الثلاث مرات كان سيئ بالنسبه لي طعم الحلا طعم ثلاجه وبرضو مذاق القهوة غير جيد حتى من ناحية تأخير الطلب سيئ النجمة ع ديكور المكان لا أكثر.

أسوأ كوفي مر علي في حياتي استقبال اقل مايقال عنه غير حضاري
عند تسجيل الطلب نفسية الموظفة سيئة
طلعنا من الكوفي خمسة أشخاص مافينا احد راضي ومعنا مغص جميعنا
لن يشفع لكم الديكور والحركات للي لاتسمن ولاتغني من جوع

المكان جدا جميل لكن الاسعار مرا مبالغ فيها
القهوة الحاره ما كانت حلوه والبارده كان قليل وكله ثلج
الحلى للامانه لذيذ

من افضل المقاهي المتوفره ب تيرا مول. واشكر الأخت روان ع حسن الاستقبال والمعامله. وبكل أمانه مقهى نظيف ومرتب