الموظفة المغربية نعيمة شغلها ممتاز جدا، لكن الاستقبال غير مهني ولا يتناسب مع المكان إطلاقاً، الموظفات لديهم استعداد أن يكرروا عرض الخدمات مليون مرة أثناء تواجدك في الصالون، أعلم أنهم يبحثون عن المال، لكن الطريقة التي يكررون فيها العروض مزعجة ومستفزة، فتشعري بأن شعرك وبشرتك وأظافرك وكل جزء منك مهمل ومرهق ويحتاج إلى علاج عاجل! تجربية غير قابلة للتكرار؛ وفي مكة الكثير من الصالونات البديلة.
الصالون نظيف جدا و مرتب و شغلهم احترافي و ليا سنين اقص شعري مع ملاك فعلاً افضل وحده تقص في مكة و تعاملها راقي جداً و ترضي العميله لابعد حد و تقول ما تقومي الا وانت راضيه تماماً كل مره اجي الصالون اقص افرح لما اشوفها لسا موجوده من جد شكراً من القلب.
المكان مرتب ونظيف ، موظفات الاستقبال والاداره (بشاير ، شذى) والأخصائية فريده جميعهم تعاملهم جدا راقي ، الخدمة كانت معالج للشعر وكانت جدا ممتازه … شكرا لكم
موظفة الاستقبال شذى مو طبيعية كمية الذوق وكيف بالها طويل وابتسامتها على وجهها ما تغيب ما شاء الله. وجربت تنظيف البشرة مع نجوى جباااار طلعت وجهي يلق لق. واخصائية المساج منيرة ألطف إنسانة ومستحها بذمة وضمير على قد ماسويت مساج بعناية بس المساج هالمره مع منيرة غييييير️ صراحة ملاحظة تغيرات في عناية وللأفضل وعقبال ما يجيبون لنا موظفة قهوة?
للأبد احبهم واحب خدماتهم وبشاشتهم واسلوبهم الاكثر من رائع ️ موظفة الاستقبال عايشة عسل عسل عسل وبشوشة ومره كانت خدومة ️ العاملين في كل الاقسام كانوا رهيبين واخلاقهم كانت حلوه وبشووشين رغم انه ليلة عيد وضغط مره عليهم ️ عملت عندهم بديكير كويك سبا صراحة لا يعلى عليه عندهم ، واختي عملت ديتوكس شعر عند فريده وكان مررره رهيب ماشاءالله، وعملنا واكس عند فريدة برضه ماشاءالله سريعه ويدها خفيفه، شغلهم من افضل صوالين مكة بدون منازع ️
فرع الشوقية خدمتهم جميلة ومتفاهمين وبشوشين الله يعطيهم العافية، والمكان نظيف وريحته حلوة، واهتموا في الفرع مرررة كثير افضل من اول زيارة ليا، والي سوتلي مساج اسمها نعيمة شغلها رههههيب وتشتغل بأمانة وذمة وضميرة وإخلاص، وشغلها حنون ومريح الله يسعدها
جداً راقي المكان ، والعاملات شغلهم احترافي جداً ، عندي ملاحظة صغيرة ع ابرار فالاستقبال حابه انوه عليها ترا واضح شكلك وانتي تستغفليني في فاتورتي وتضيفي خدمات ماطلبتها عشان يزيد السعر فوق اني قعدت وراها فالاخير حصلت فالفاتورة زيادة اشياء ماطلبتها? مو معقولة الوحده جايه تروق ولا تنغث احنا دافعين دافعين والاسعار خلقه مرتفعه ع وشو الزياده ماادري
سويت عندهم حمام مغربي عند نعيمه المغربيه شغلها تبارك الله بذمه وضمير الله يسعدها طلعت وانا مبسوطه وراضيه وسويت مساج عند منيره البيشي تبارك الرحمن الله يبارك لها بصحتها وعمرها راحه ل اخر درجه تشتغل من قلب ويدينها تتلف ب حرير الله يسعد قلبها ️️.
المركز جمييل جداًمو اول مره اتعامل معاهم بس خدمة تنظيف البشرة كانت اكثر من رائعة مع المبدعة نجوى انسانة جميلة جداًومخلصة في عملها اتشرفت بالتعامل معاها وان شاء الله مو اول مره اتعامل معاها الخدمة اكثر من رائعة وحسيت بشرتي رجعت جديدة شكراًلك ياجميلة
المركز جميل ومريح للاعصاب ومايميزه وجود خبيرة البشرة نجوى ربي يسعدها مميزة ومخلصة في عملها اخرج من عندها وانا في قمة السعادة واحس فعلا فرق كبير في بشرة وجهي والكل يلاحظها ربي يوفقها نادرة
أسعار الخدمات بالعروض تعتبر جيدة ، أخذت عرض الويكند (خدمتين من أصل أربعة اختيارات) بحجز مسبق ووصلت ع الموعد ودخلت تقريبا ع الوقت بدون تأخير أخصائية المساج (منيرة) تعاملها جيد جداا لبقة ومحترمة ويدها تبارك الرحمن تهتم إنها تلبي رغبة العميلة في المساج قوة الضغط والاماكن اللي تألم بشوشة وتعطي العميلة راحتها الخدمة الثانية كانت تنظيف بشرة مع الأخصائية (نجوى) كمان كانت ع الموعد بعد المساج مباشرة دخلت عندها محترمة وبشوشة تعاملها جيد جداا فاهمة شغلها الله يسعدها ويدها خفيفة ع الوجه خلصت من الخدمتين وأخذت قهوة من ضيافة الصالون
قصيت شعري عند ملاك طالب تبارك الرحمن تقص ب إحتراف وشغلها بطل صراحه مرا انبسطت بالنتيجة الله يسعدها ويبارك لها (انا اللي حكيتك عن موقف القطن حق دكتور الأسنان)
الـسَّــلامُ عَلـــيكـُم ورحمة الله وبركاته الصالون اكثر شي حبيته فيه نظافته ما شاء الله تبارك الله جربت عندهم المساج وكان ممتاز وجربت البوديكير ايضا ممتاز واكيد ارجع للصالون لخدماته الممتازة
شعري كان طوله لين نهاية ظهري وحبيت اقصة لين نص ظهري ويكون متساوي والشي الي يضحك في اثنين يقصوا شعر وكل وحدة تقول للثانيه انتي الي تقصي! كأنك ضايعة بينهم صراحة القص غير احترافي ابداً لو اني قصيته في البيت احلى وفي وحدة تقعد تمسك شعري وتقول يبغاله ترطيب وتعطي نصايح! سعر القص مرتفع والي في الاستقبال ماتتفاهم ولا توضح شي كأنها ألة تعيد الكلام نفسه! اسلوب وقح اتمنى اي وحدة على الاستقبال تعطوهم دورات لاستقبال الزباين.
خدمة الشعر والميك اب جدا جدا جدا سيئه شغل مبتدئين والاسعار جدا مرتفعه ولا يسوى الشغل ، غير ملتزمين بالمواعيد و فوضى مافيه تنظيم وتجي مرتين تقول ادخلي وتطلعنا و كنسلت خدمة وما رضت ترجع المبلغ كامل ، اول تجربة واخر تجربة ، لو اقدر احط اقل من نجمع كان حطيت
شركة كبيرة ومميزة ولكن هذا الفرع ما راق لي، ابتداءاً من موظفة الدخول الي حبت تاخذ صورة للهوية لتطبيق خصم وزارة الصحة دون الاهتمام بكتابة السبب على الصورة، الأمر المستغرب حيث أن هذا النظام المتبع في كل المنشآت عند أخذ صورة الهوية لأي غرض يجب كتابة سبب أخذ الصورة ومافي داعي لردة فعلها الغريبة.
ثانياً بالنسبة للخدمات، حجزت خدمة بيديكير يد ورجل وفتلة وجه، جميع الخدمات تمت بسرعة فائقة في 50 دقيقة، حسيت الشغل مستعجل جداً رغم ان المكان فاضي واتعرضت لجرح في القدم عن طريق لوح الخشب المستخدم.
الاستقبال يفتقرون الى اللباقه. الاسعار غاليه جدا مقابل خدمه عاديه مثل البقيه. فمثلا جده قص السعر يشمل الاستشوار وغسل الشعر ولكن هم لكل خدمه سعر وحتى هذا شي عالمي ولكن عندنا استغلال مبالغ فيه. ويحتاج اهتمام بالنظافة اكثر
نعيمه في المغربي شي خيااااااالل ولطافتها معايا وتعاونها حيخلوني ارجعلها تاني ومنيره تشكر على لطافتها وحسن تعاملها و قد ايش اتمنيت الوقت ما يخلص معاها شكرا عناية لعنايتكم فيا ولطفاتكم معايا. راح اكررها تاني بدون شك
بصراحه جربت بدي كير سبأ اتوقع اني القى خدمه مميزه مافي فرق كثير بينها وبين الصالونات العاديه لما اعمل بدي كير امكن الفرق انها حطت ماسك للساق إضافة اني مااسترخيت نهائي وكنت على اعصابي طول الوقت الأخت العامله آلمتني اكثر من مرا ورجعت البيت وانا باقي ماتوقع حكرر التجربه الخدمه كانت ب 155 للامانه الصالون بشكل عااام نظيف جدا ومعقم وهادئ ممكن اعيد الزياره لاني ارتحت بشكل عام بس حختار خدمه ثاانيه. وكإقتراح خدمات السبا يوظفوا فيها عاملات رايقين مش مستعجله تخلص شغلها هو مو استشوار وبالتوفيق
الأسعار غالية مقابل الخدمات يعني قص شعر رحت مكتوب ٨٥ ريال وبعدين أضافت ٢٥ ريال تقول منعوا رشاش الموية ولازم نغسل الشعر يعني يحاولوا ياخدوا اكبر قدر من الفلوس
سيئين جداا التعامل واضح وضوح الشمس في النصب ويعطو اسعار غير الاسعار الموجوده ف القائمه وفوق دا كلو خدمه سيئه وشغل سطحي لازم الموظفات يتعلمو يتعاملو كيف يفيدو العميل مو كيف هما يستفيدو للاسف مافي امانه لا ف التعامل ولا الشغل غصب يبغوكي تشتري منتجاتهم
للامانه المكان نضيف ومرتب وحرصهم على تعليمات كرونا واضح وماشفت زيهم في هذا الجانب الكل ملتزم ولابس وكل شي يتعقم قبل الاستخدام يشكرون على هذا المكياج مره مو حلو ومافيه اي احتراف اضطريت امسحه في البيت واسوي لنفسي الشعر كويسين ويسوا حسب الي تبغيه بس انا طلبي كان شي بسيط
الاسعار مبالغ فيها بالنسبه للخدمه الخدمه يقدمها اي صالون بسيط وبسعر اقل من ربع سعرهم اكيد ماراح ارجع لان المكياج يهمني اكثر شي
المكان اكثر من رائع وربي وربي مرتبين ومنظمين ولمن تدفعين على اي خدمة عندهم مح تطلعين الا وانتي مبسوطه من جد شغل وضمير وكل وحدا من العاملات فيه عندها دورات وعندها خبره في مجالها وتخصصها بجد اللي ماقد راحت احب اقولكك فاااااتك.
جربت فرع الشوقية حقيقي التجربه جميله وطاقم العمل من موظفي استقبال و العاملات فالصالون قمه فالذوق وراقيين فالتعامل ومتعاونين جداً حبيت التجربه وان شاء الله اكررها مره ثانيه
زرت المكان قبل ٣ أسابع و جيت أعلق الان لإن حبيت أشارك سوء تجربتي جيت أسوي بدكير و الاسعار عندهم عاليه قلنا مو مشكله لكن أدفع مبلغ و قدره و أنجبر أشتري ادوات البدكير ب 55ريال فوق السعر اللي انا دافعته! والاغراض كلها على بعضها م تكلف هالمبغ! + و طلبت استشوار و انلطعت اكثر من 3 ساعات م قدرت اروح للمناسبه الا بعد الساعه 11 و كان بأمكانهم يقولو ما يمدي او مافي وقت! و فوق التأخير الاستشوار سوته لي و ما حطت اسبريه ولا مثبتات وصلت المناسبه ولا كأني استشورت ، كميه سوء تنظيم و أسعار مبالغ فيها و الانتظار يطول طلعت من عندهم و انا دافعه مبلغ 284 ريال على ولا شيء غير ضياع الوقت.
الاخصائيه زمردة قمه في الادب والأخلاق والرقي في التعامل وفوقها شطارة في الشغل فعلا تسلم يدها كمان الاخصائيه سمر كانت رائعه ومرحه. حبيت الزيارة وحبيت الشغل حقهم. اكيد مو اخر زيارة لهم.
جربت معهم القص جميل والصبغه كذلك في فرع الشوقيه. البدكير ناسبني اكثر في فرع العوالي. صبغة حواجب عملتها عند وحده في فرع العوالي اسمها هبه مررررة شغلها بيرفكت وعملت كمان في فرع الشوقية عند سلوى شغلها جميل كمان
بنات صالون عناية الي في الشوقيه نصابين اخذو مني ٥٠٠ على ايش على تنظيف بشرة واذا في عيادة افخم عيادة بجدة بحصلها ب ٣٠٠ حسبي الله فيهم لا وسوت لي تقشير صنفره بيدها وقناع اقدر انا اسويه في البيت لو سويتو في البيت احسن لي نصيحه لحد يروحو نصابين
الاخت نعيمه في الحمام المغربي محترفه بمعنى الكلمه بعض التفاصيل الدقيقه جدا مهمه لراحه ورضا الزبون ،تشتغل بامانه واخلاص وتهتم بالتفاصيل الدقيقه من مساج ومويه ورد كل شي تجهزه قدامك نور في البدكير ومنكير محترفه ونظيفه حتى المساج بعد البديكير تعمله اتعامل معها حتى قبل ماتجي الشوقيه من يوم كانت في جده الاخت نجوى في البشره حبوبه وتحب عملها وتعمل باخلاص وشغلها حلو الله يعطيهم الصحه جمعيا ويرزقهم