مطعم الحرمين لمندي الايغورية / Uyghur Restaurant

كل شس بالمطعم صح ، نظافة ، اكل لذيذ ، خدمة ممتازة ، تعامل محترم جداً ، تنوع في الأكل بصراحة انصح وبشدة الكل يزوره ، جربو اللحم بالتنور روووووعه النقطه الوحيدة إنه المطعم صغير و مزدحم الله يباركلهم

مطعم ذو طابع اوزبكي الاكلات بخارية ولذيذة طلبنا منتو ١٠ حبات وصحنين لغمن. من حظنا الاجواء كانت ربيعية بمكة في شهر فبراير ٢٠٢٣. يحتاج الى توسعة لانة مآشاء الله الاقبال علية كبير جدا الله يبارك لهم في مشروعهم. وصراحة معاملتهم جدا راقية وخاصة الاخت فطوم. وماطول الطلب

ماشاء تبارك الله الاكل جدا لذيذ
بحكم اني عشت في الصين الاكل الاغوري او الشنجاني كان خيار ممتاز حلال ولذيذ
جربت وجبت الغذاء جدا كافية ومشبعة
وجربت المكرونة المطبوخة (شاو ميان烧面）
الاكل يفوز وراح ازورهم ثاني ، الي يبغى يذوق اصل الرز البخاري عندهم……… اتمنى اشوف فرع كبير لهم في جدة

مطعم اسطوري جداً. جودة عالية في الطعام. واسعار معقولة. حسن ضيافة واستقبال وكرم. أتمنى لهم التوفيق ويارب نشوف فروع لهم ثانية قريب. كل التوفيق والحب

ماشاء الله عليهم الله يطرح لهم البركة مطعم بخاري اصيل الطلبات كانت:

رز ودجاج بخاري ١٠/١٠ اطعم بخاري اكلته كأنه اكل بيت

منتو ٨/١٠ ممتازة وكبيرة وكمية اللحم فيها ممتازة

لغمن ١٠/١٠ كمية اللحم ممتازة وطعم

شوشبرة ١٠/١٠ اطعم شوشوبرة اكلتها في مكة

وفي النهاية صاحب المحل موجود بنفسه انسان محترم والطلب ما تأخر البخاري يعتمد من عندهم على طول

من فترة كان ودي ازور المطعم هذا وماتيسرت الا هذه المرة. وتجربة عادية جدا وما وجدت شيء مميز بل بعض المطاعم تقدم بشكل أفضل.
الطلبات كانت منتو وفرموزة.

الاسعار مرتفعة جدا.

Hidden gem for someone looking for authentic western Chinese cuisine.
Great taste as the establishment is run by Uyghur owner and staff.
Affordable, sumptuous and home cooked meals.
Keep up the good work.

اكلهم لذيذ والي فالكاشير في قمة الذوق والتعامل
بس لو يطبخون اللحم اكثر لانه ناشف ويتعب فالاكل ولحومهم لذيذه مافيها ريحة زفر زي بعض المطاعم

السلام عليكم ورحمة الله وبركاته ؛
تقييم وجبة غداء:
*منتو لحم ممتاز واللحمه طازجة والبصل قليل
* شوشبرك خفيف ولذيذة
* كوماس عيش باللحم فقط موزي عيش باللحم مع الطحينة هذي فطيرة لذيذة جدا ويفضل أكلها ساخنة.
ملاحظة: الله يعطيهم العافية الناس طيبة اللي في المحل ويقدمون ضيافة شاهي ، أتمنى لهم التطوير والإبداع وبالتوفيق إن شاء الله.

جيتهم على العصر وماشاءالله اغلب الاصناف مغلقه ، اللي جربته شوشبرة 10/8 + منتو بالقرع 10/9
المطع متواضع وصغير ولكن طبخهم ممتاز ولي زيارة اخرى ان شاء الله لتجربة المزيد …

مطعم يقدم الاكلات الايغوريه (التركستانيه) من منتو وفرموزة وششبرك ولغمن ورز بخاري وكباب
مطعم نظيف أكلاتة مميزة
يستحق التجربة
جدآ بشوشين من صاحب المطعم او الاخت اللي في الكاشير

بصراحة المطعم نظيف والاكل جداً لذيذ بس في مشكلة الطلبات تتاخر مرررررره اتصلت طلبت وجيت استلم بعد ٤٥ دقيقه برضو اتاخر عليا

مطعم مميز باكلات و مخبوزات تركستان الشرقية وخصوصاً الخروف /الدجاج المندي الاغوري بالسمسم ، اليغمش الاغوري، غوموش اللحم، وخبزهم ، وكذلك لديهم زنزن نوع من التسالي المالح يشبه الى حد ما المتاي
كذلك يقدم ترمسة شاي اخضر من المحل مع كل وجبة

يتأخرون ولا يأتون الأكل في وقته حتى ولو بعد ساعة ولا يعتذرون بالعكس يرفعون أصواتهم الخدمة سيئة جدا، والأكل للذيذ

للأسف كان من الأفضل لدي. لكن يبدو أنه يتبع عنصريه في تقديم الاجزاء المحترقه من اللحم للزبون السعودي. واللحم النظيف الطري لبنى جلدته من الطاجيك. والمحل مليء بالذباب.

جميل الدجاج واللحم المشوي بالتنور على الطريقة التركستانية اما الرز البخاري من جد ع اصوله روعه يختلف عن باقي المطاعم البخاريه والافغانيه اللي مليان هيل وقرفه بالكيلو

مطعم مميز في نكهة الأكل
الشوربة ممتازة
والمكرونة تستاهل التجربة وسعرها معقول
فقط مشكلة الوقت الطلب يطول حتى يجهز

اول مره اجربه حسب نصيحه أحد الأصدقاء. محل صغير جدا متواضع. (شعبي) المطبخ يفتقر للترتيب متواضع جدا. الاستاند الامامي مليئ بالذباب. جربت المنتو (مليئ بالماء) والفرموزا (اللحم قاسي) والسعر الحبه ب2 ريال. اللغمن عادي. التعامل بطيئ جداً. وصاحب المحل (موجود بنفسه) يهتم بالمعتمرين (ابناء جلدته) اكثر من الزبائن الاخرين. فقد جاء عدد منهم بعدي و نزل طلابلاتهم قبلي وترك طلبي بعدهم؟. تجربه للاسف لن تتكرر (علما بانني لم اتضجر ولم اعلق له على اي شيء)

ممتاز جدا.

الرز مميز جدا.

و الدجاج بالسمسم.

و لحم اوصل.

نظافة المطعم جيدة جدا.

المطعم ممتاز واكله احترافي و الاخوة يخدموك اطلب بارتشن سيضعونه لك كل شوشبرة و منتو و الرز البخاري المحترف

لذيذ و نظيف محل شعبي تقريبا مافي قسم عوائل لكن في سواتر اذا بغيت. يقدموا شاي اخضر ترمس مع الوجبة مجاناً. حبيت التجربة عندهم.

والله المطعم جميل. واكلاتهم لذيذة. معروفة بأكلات الأيغور. وهي أكلات التركستانيين. كبابهم لذيذ. والمنتو والفرموووزة. والشوشبرة. وغيرها من الاكلات اللذيذة. انصح بزيارته وبقوووووة. ولاتفوووتكم الشطة التركستانية. اسمها (اللازة) نسال الله التوفيق لصاحب المطعم وللجميع

لا تستغرب أول ما تفتح كيس الدجاجة من أن تشم زنختها من بعد كيلو! وطريقة تحميرها غريبة
الرز البخاري بدون طعم.
الفرموزا تعلك وسيئة.
مستحيل أكرر التجربة!

الرز البخاري دهنه مرة كثير ، والفرموزا عجينتها مرة مالحة ، والمنتو ليس 100٪ والحبة بريالين مرة مبالغين في السعر ، واللحم بعجين لذيذة وايضاً دهنا كثير ، كأنه طبختهم اساسها الشحم وليس اللحم، مع ان العاملين بخارية

مطعم شعبي. بس يعتبر جيد
و نظيف.
المسؤول اسمه سراج رجل بشوش وطيب.
الأسعار تعتبر جيده جدا لسعر الأكل

يستاهل انه يكون الطعم رقم ١ في الاكلات البخارية

هو احد المطاعم التي تقدم الماكولات البخارية او ما يسميه البعض (الاكلات الايغورية)

المنيو بسيط تقريبا كل الاكلات على بعض ١٢ اكلة

الطعم مميز مميز مميز لأبعد درجة

اهم اكلة عند البخارية هي (اللغمن)
عندهم رخيصة جدا ومطبوخة على اصولها
واعتبرعن الاميز في اامنطقة الغربية في تقديم هذه الوجبة

الرز البخاري ممتاز جدا جدا

المنتور والفرموزا والشوشبرة ممتازين

النظافة ممتازة

التعامل ممتاز

التصميم والفخامة ماهم مهتمين فيها ابدا ويميل الى المطاعم الشعبية النظيفة

اعيد واكرر
يستاهل انه يكون المطعم رقم ١ في الاكل البخاري وخاصة اللغمن

حسبي الله ونعم الوكيل. طلبت سومن سالني المحاسب السومن فلفله تبغاه قليل ولا كثير قلت له بدون فلفل رجعت البيت ماقدرت اكله من كثر الفلفل اللي فيه
المنتو ٢ من ١٠
والسامسا ١من ١٠
والسومن ٢من ١٠
الله يديم النعمة بس
واسعارهم مررره مرتفعة

مطعم مميز جدا بالأكلات البخارية
اللذيذة على أصولها وكله كوم والتميس بالبصل
وبأسعار معقولة غير مبالغ فيها
نظافة ترتيب واصول بخارية في التقديم ويعطوك ترمس شاهي اخضر مجاناً من واجبات الضيافة البخارية.
شسبره
منتو
فرموزة
رز بخاري لذيذ جدااااا

لايفوتكم لايفوتكم لايفوتكم

نظافة المكان العام ممتازة
الاكل مرتب و طعم
ثلاث نجوم لان الطلب المحلي اخذت 40 دقيقة عشان يجينا هذا الوقت غير منطقي للأكل في المطعم

المطعم تم افتتاحه مؤخرا في أواخر شهر شعبان عام ١٤٤٠، بدايته قوية ورائعة والمؤمل ان يحافظ على مستواه. لحومه والمشويات طيبة جدا جدا واسعاره مناسبة

ما شاء الله تبارك الله.
المطعم جدآ رائـع.
سواء من ناحية الطعم او النظافة او حتى طاقم العمل.

والمندي الايغوري حكاية ثانية
موفقين ان شاء الله

‏مطعم الحرمين مندي الايغوري مرة مرة ‏لذيذ جدا جدا
‏لحم ‏ ‏مرة ممتاز او مطعم نظيف حلو. أنا أحاول الجميع الناس

صراحه المطعم في اول اسبوع كان سيء فعلا. لكن بعدها تحسن بشكل كبيير جدا
وصار يستاهل العشاء فيه
وهذا من تجربتي فيه. ابارك لهم والى الاحسن نشوف لكم فروع ثانية ان شاء الله

لذيذ من الاخر لاكن ليس لديه استعداد للخروف بالكامل والتتبيله اللي على اللحم ليس لها وجود الا فالصوره فطريقته في استخراج اللحم من الفرن يشوه شكل الطبخه لذا فان اللحم عنده اشبه مايكون بطعم المفطحات وايضا الحطب اللي يوقد به عباره عن اخشاب وليس حطب والاهم من هذا كله نزوله للفرن لاستخراج اللحم شيء مقزز وكذلك القفازات اللي يطلع بها اللحم قماش مبطن لايغيره رغم انه معدوم كانه ملابس ميكانيكي ولايوجد لديه شبكه سحب

والله حرام عليكم تضحكو ع الناس وتقولو تمام قسم بالله مايستاهل تروح له تعبان جدا وكلام فاضي وقسم بالله ماظلمتة