مجمع السامريه الطبي ١

بصراحه تجربتي مع دكتوره هبه للباطنية الله يعطيها العافيه ماقصرت معايا ومساعدتها ساره بصراحه قمة فالذوق والأخلاق

الاستقبال هو حسنه المستشفى الوحيده غير كذا المستشفى سيئ جدا جدا ونصابين عيني عينك خصوصًا الطوارئ حسبي الله عليهم. الدكتور يعاملك كمادة وليس مريض واسلوب مستفز، استغلال واضح. عمري ما اروح المستشفى هذا مرا ثانيه.

تعبت الوالده ودخلت بحالة اغماء وديناها العياده
بلغت موظف الاستقبال بالحاله وطلبت منه يجيب ممرضين يساعدونا ننقل امي من السياره
كانت الساعه ٢ الليل وبتاريخ ٢ ديسمبر
والرجال الي بالاستقبال لو تقرا كلامي الان الله يقهرك زي ماقهرتنا ببرود اعصابك ورفض يرسل ممرضين لنا قال معاهم مرضى ولا حتى تأكد. الله يقهر قلبك زي ماعاملتنا ببرود وقلة اهتمام ووعي
والدكتور الي كان في غرفه الطبيب العام وباشر حالة امي ايضا عاملنا بنفس البرود هذا ورفض يعمل اي شي قال ودوها مستشفى
ع العموم الله يحطكم في نفس القهر هذا

شكراً من اعماق القلب للدكتورة رهام غنيمه ومساعدتها
اول مره اجيها واذني ما اسمع فيها وكنت مسوي فيها عمليه ترقيع غشاء الطبله قبل كم سنة وحساس المكان جداً وكان مغطى بالشمع
ولكن بكل ثقة اتقنت الغسيل كامل بدون الم ودون خوف
وهذا ان دل يدل على ثقتها بنفسها وعملها وخفة اليد
شششششكراً دكتوره رهام صنعتي يومي ورجع لي السمع كامل من بعد ربي ثم انتي.

عياده اكثر من سنتين ازورها
تصير الاخطاء هذا في كل مكان
الاجابيات فيها اكثر من سلبيات بكثير

سيئ جدا بدون فايدة مجرد نصب كشف غالي ولا يطلب منك تراجعه بعد فترة عشان تكشف ثاني وهو اصلا ماعطاك علاج بالمرة الاولى مانصحك بزيارتهم

مستوصف ممتاز بالخدمات الطبية والموظفين متعاونين وقسم الطوارئ نظيف وسريعين باستقبال الحالة الطارئة. شكرا لكم.

السلام عليكم و رحمة الله و بركاته
انا مراجعه دائمة للمركز دكتور كمال خدمته ممتازة و متعاون و فريق الطوارئ سريعين في الخدمة ماشاء الله و شهد من الجودة جت تسأل المرضى وحده وحده صراحه اشكر اهتمامها و اشكر الكل عالخدمة المميزة

لازم تعلموا دكتورة الاسنان كيف تتكلم باسلوب مع الاشخاص الاكبر منها بالعمر لا اسلوب ولا احترام وبكل برود واستفزاز تتكلم وكلامها متناقض وغير كذا تبغاني اقول الحمدلله اني حصلتها عشان تكشف عليا تحسسك انها تخدمك من جيبها او من حسابها الشخصي

خدمه رائعه وسرعه ف خدمة العملاء كل الشكر لكل طاقم عيادات السامريه من موظفي الاستقبال وبشاشتهم الى دكتور كمال ومسؤولة الجوده شهد على حرصها

طبعا حطيت ٣ نجمات بس للتمريض جيت بس اخذ ابر حديد اخذتها من مستشفى اخرى لان هذا المركز جنب بيتي اما موظفي الاستقبال يحتاجو دورات التعامل مع المرضى اما الممرضات كل شويه تجي ويسالو وجاتني حقت الجودة اسمها شهد وهيا شهد اما استقبال اعيدو النظر فيه معليش

للامانه اطباء ممتازين ، اراجع عند اكثر من طبيب ، عندهم استشاريين ، استغرب انه مركز طبي وعندهم استشاريين ، استمرو

ما شاء الله دكتورة حنان مطاوع مريحة علطول اراجع عندها يكفي ابتسامتها الله يعطيها العافية انصح فيها

هذي أكثر من زيارة لي طواريء والان عند دكتورة نساء وولادة د. حنان مطاوع

العيادة ممتازة وصحيح أنها حسب الدور لكن تعتبر جيدة
والاتصال يردون وحتى عندهم خدمة واتس اب ، استغربت كم الكومنتات كلها سلبية بهالشيء!
عموماً عيادة ممتازة وأتمنى لها الأفضل.

أراجع الدكتوره حنان وصراحة رائعه ،، نحن المراجعين ب نعاني من الاصنصير صغير جدًا وزحمه عليه مو طبيعيه

مستشفى سيء ودكتور سيء كل المرضى يعطيهم نفس المغذي والمسكن وفوق كذا يقول لك العلاج لا يشمله التأمين وتلاعب بالاسعار ما يستاهل نجمه

الاستقبال جيد والدكتوره الي بالطواري تفاعلها جيد مع الحالات الطاريه وسرعة الكشف الممرضات اسلوبهم جدا سوقي لابعد الحدود وعدم تلبيهم للمريض وتعجرف بالرد والتعامل سيء وصوت الضحك والقهقهه واصله باب الطواري

كنت عند الدكتورة حنان مطاوع ما شاء الله جدا مريحة في التعامل و تشرح كل شيء ربي يوفقها و يسر لها الخير

اشكر موظف الاستقبال على حسن خلقه وسرعته في خدمة المريض مع انه زحمه ولكن سريع جدا عكس الاوقات الاخرى اشكر اداره المركز على اختيار الموفق من استقبال والتمريض ولاكن الاسعار مرتفعه

مايستاهلو النجمة حتى سويت فيلر عند دكتوره عندهم وجهة اكبر من جهة وحقنت ب مكان غلط وماقالت غير لمن راجعتها ومكان الابر واضح وحد ابرة التذويب واضح سيئين وكذابين وشفايفي مكتله الى الان سيئيين ومايتحملو اخطاء شغلهم وتقول طلب المريضه ونا ماقلتها سوي كذا تجربة فاشله

بالله هذي حاله أتمنى من إدارة المركز المراجعه في هذا الموضوع وحل المشكله في اقرب وقت مافي في الاستقبال الا موضف واحد والناس فوق بعض أتمنى من إدارة المركز توفير موضف اخر لتقليل من الزحمه الي سايره

اسسسوء عيادة من ناحية تنظيف البشرة و الهيدرافيشل الموظفة خررمت وجهي وهي تنظف واقوبها بشويش تقول لاازم كذا وربي رحت بشرتي حلوة طلعت من عندهم بحبوب وجروح مكان الحبوب مره سيئة الموظفة كانت اتوقع فلبينية او اندنوسية محجبة والمشرفة عليهم مغربية مدري تونسية بس سيئييين والعيادة كاملة سيئة القسم رحنا يوم الجمعة مطفيين النور يقولون صيانة والعمال داخلين طالعين معانا جوا القسم ومافي استقبال ولاشي مررهه ما انصح فيهم ولا يستاهلون ولا ريال

جاي العيادة في الصباح مسخن و تعبان و الرجل موظف الاستقبال يتكلم مع اللي جنبة في حوارات جانبية و يضحك و يقلي استنى. قلت لة لو سمحت انا تعبان بدخل بسرعة يقول اصبر بتعابير وجة غير لائقة. خدمة العملاء سيييئة

عيادة الجلدية رحت لها وسوت لي تحاليل ب 170 و في الاخير تقول مدري و ع الجوال و تسلك لي و ما تدري وش حل مشكلتي يعني زي ما دخلت زي ما طلعت اللهم دفعت فلوس لذلك العيادة سوف اشطب العيادة كاملة من قاموسي و كل من اقابله

ماشاءالله اليوم تواصلت عالواتس قسم ليزر الشعر وردت علي الموظفة بسرعة و حددت لي موعد الله يسعدها و يوفقها

من يوم ولدت ولدي وانا ما اراجع الا عند دكتور خالد للاطفال ممتاز. لكن الان كرهت المستشفى وكرهت الدكتور خالد بسبب الممرضه المنقبة الي عنده لا اخلاق وصياحه وحسبي الله فيها ونعم الوكيل م تعرف تتعامل مع المرضى.

المركز مزدحم جدا وانتظااار انا راجعت جلدية وتجميل د. رجاء الدكتورة شغلها لابأس فية التعامل من جيد الى سيء بالاضافة ان مكان الانتظار جداً صغير يضطر الواحد يوقف طول فترة الانتظار والمركز مو نظيف وفية رائحة سيئة وحشرات براغيث في كل جدار

تجربة سيئة:
و عيادة سيئة بما تعنيه الكلمة " هدفها مادي بحت "
بالاول دكتور خالد يصرف إبر مضاد حيوي لطفل عمره ثلاث سنوات. ولا يراعي العمر و ايضا يحتفظ بالابر لديه بمكتبه لازم ترجع لمكتبه و تنتظر و تطلب منه كأنك تشحذ.

ايضا الدكتورة هبة سيئة أتيت لها بتقرير و تحليل كامل من مستشفى اخر و قالت لي ما راح اقرأ لين تعمل تحليل للغدة بعيادتنا (يعني بالعربي ادفع)!

أيضا موظفين الاستقبال (يطلبوا من المراجعين رجوع و تحدث مع الدكتور و ذهاب لغرفته) طيب ليش ما تتصلوا عليهم من الاستقبال! لازم تتعبوا المراجعين

انا تعاملت معاهم جلديه عند الدكتوره رجاء القيشاوي والاسنان عند الدكتوره منى النجار كلهم ماشاء الله متمكنين وشغلهم جبار

سىء جدا واستغلال
انا ادفع مبلغ عرض ليش ادفع كشفية وانا محددة عرض وحدفع علية
كل العيادات بمجرد ما تاخدي عرض ما تدفعي كشفية

خدمة العملاء في الواتس جدا سريعين وممتازين

المواعيد عندهم مضروبة تنلطع ساعة ساعتين عشان كشفية مدام كذا لا تحطو مواعيد قولو لنا نجي انتظار

الطوارئ فيه ممرضات ماشاء الله ممتازات
لكن عدة مرات وجدت الممرضات بشعرهن بدون اي شئ على الراس وبدون كمامة وبدون جوانتي ورايت احداهن شالت اللصقة من مريضة امامي وبها دم وبعدها جت اعطتني الابرة وكل هذا بدون قفاز واحداهن عندما تعطي الابرة تنزل الملابس بطريقة وعنيفة جدا دون مراعاة ان المربض قد يكون مصاب او لا يتحمل

المواعيد ابدااااا مهي زابطه مرتين اروح قبل موعدي واخرج اخر وحده ف العياده غير اسلوب بعضهم في التعامل يكرهك المكان. معاد اثنين الله يجبر بخاطرهم بنات حلال برغم مالهم دخل ولاشغلهم لكم ماقصرو بكرم اخلاقهم البنت يلي ف الاستقبال قسم الجلديه خديجه والدكتوره سوسن افضل اثنين موجودين بصراحه

عيادات ما تنفع ولا بريال استهتار وزحمة وحر مكيف واحد في الدور ليه وتجلس ساعتين علشان تدخل على الدكتوره ساعتين بس علشان تشرح على ورقه والله ماعاد اجي العيادة لو بموت اموت ارحم

الشاب السعودي اللي في الاستقبال آخر الليل مكانه غير مناسب لانه غير صبور وصدره ضيق وهو يقابل مرضى ، فأنصح بتغيير مكانه وشكرا لكم بينما الطبيبة العامة شرحت صدري في تعاملها معي

الاستقبال حقت دكتور الاسنان الدور ٣ اسمها شروق جدا سيء تعاملها مع المراجعين تكرر معي الموقف معها مرتين اسوئ تعامل تتعامل في وتمشي الدور ع كيفها ولا كأنو في مواعيد وجالسين ننتظر موعدنا حسبي الله ونعم الوكيل.

ملاحظتي على الأسعار. ؟
الكشف 95 ريال أخصائي!
يعتبر غالي جدا وإذا كان لديك الوقت فالبدائل كثير

A lot of the staff changed. The nurses/doctors aren’t very professional. The nurse doing hydrafacial and laser carbon were not thorough. The one doing hydrafacial was too aggressive, and did not produce effective results.

تغير الكثير من الموظفين. الممرضات / الأطباء ليسوا محترفين للغاية. لم تكن الممرضة التي تقوم بعمل هيدرا فيشل وكربون الليزر دقيقة. الشخص الذي يقوم بعمل هيدرا فيشل كان شديد العدوانية ، ولم ينتج عنه نتائج فعالة.

موظفة الاستقبال ممتازة ، اما موظف المختبر الاخ السوداني سيء جداً ويتكلم من طرف خشمه ما اعرف على ايش ، العادة انا محترم حتى مع اصغر عامل في اصغر محل لكن هذا ودك تقوله اشتغل ترى جاي بفلوسي مابتتصدق علي ، تجربة سيئة.

كنت اجيه من زمان وكان ممتاز وبالفتره الاخيره صار همهم الفلوس وعمل تحاليل مالها علاقه بالشي وطز بالمريض وهذا ماكتشفته في اكثر من عياده بالاخص عيادة الطبيب العام دكتوره مصريه متينه شوي ماعرف اسمها كذبت علي وقالت ضغطك 80 على 20 وهذا شي لايصدق وقالت اعمل تحاليل من غدة وفيتامينات خارج التامين وسعرتها لقيتها ب670 فتركتها ورحت مستوصف ثاني وعملت الضغط طلع سليم 128 على 89 وهذا الشي اللي خلاني اعرف ان همهم الفلوس وطز بالمريض ف يخوان انتبهو انتبهو والله ان همهم الفلوس والله على ماقول شهيد وماقول غير حسبي الله ونعم الوكيل فيهم

ستاف فلبيني سيء جدا جداًجداً لو تموت مايجيبون لك شي وكانهم متفضلين عليك انصحكم ماتعتبونه ولا تجونه اساساً الكل يجيه عشانه الوحيد بالحي بس انا قررت اسحب علييييييهم وادارتهم اخس منهم واشوف انه لو يفتح بغليل افضل له

حاجه غريبه التعليقات اغلبها مدح للكول سنتر
وباقي التعليقات تخوف وتحذر من الاستنزاف وسوء المعامله

شكر خاص لخدمة العملاء الكول سنتر
تعامل الاخت سميره محترم وخدومه اشكركم على جهودكم وراحة المريض?

الرد ف الكول سنتر سيئ جداً ويردون ويقفلون بنص الكلام وارجع اتصل وتتكلم ب اعلى صوت حتى نجمه والله حرام فيكم

قمة الاستهتار في التعامل خصوصًا الكول سنتر (فتاة اجنبية شامية) سالتها عن الاسم رفضت تعطيني مع ان قلة الاحترام لاتصنف ببلد ولكن صراخ وقلة ادب غير مبررة ليش رفع الصوت والتعامل المشين ماهذي باخلاقيات. على العموم فية مئة مستشفى. رسالة لصاحب المنشاة انت جالس تخسر عملاء وسمعة سيئة للمكان علشان (من الذكاء الانسان يطلع على راي العملاء ويعرف الاشكاليات)
الى مدير المستشفى اين انت فين المتابعة
حرفيا قالت روحي المدير مايقدر يسوي لي شي! نعم

الى الاخت في الكول سنتر. اتوقع المكالمة مسجلة واتوقع قلة الاحترام كانت مسجلة. اي عديم خبرة وغير مدرك يعرف انك وصلتي الى قلة الاستهتار بالناس لان لا يوجد رقيب
هذا الخطاء حصل مع عدة مراجعين

عيادات سيئة وإستنزاف وخاصة الدكتورة جيهان محمود حيث تطلب تحاليل وأشعة بدون أي أسباب وإذا طلبت تعملها خارج العيادات تحاول إقناعك بأنها لديهم أفضل رغم أن التحاليل والأشعة فالمراكز الأخرى أقل منهم بحوالي النصف فنصيحة أي مراجع لهم ينتبه لذلك والأفضل تجنبهم

عملت تحاليل وضاعت وانا قد رحت مدينة أخرى، تواصلت معهم هاتفيا وفي دقايق كان عندي نسخة
فخورة بتعاونهم

جدا سي من ناحيه التعامل تم زياره الدكتوره عزه فوده لا احكي لكم عن سو المعامله والاستغلال
آخر مرره افكر ادخل هذا المكان

كل الشكر والتقدير للاخت الموظفه حنان الله يجزاها الجنه خدمتني كما يحب الله ويرضى في والدتي فكل الشكر يا مخلصه الله يكثر من امثالك

اشكر اشكر اشكر من قلبى اخصائيه الليزر الفت. جدا شغلها حلو ويدها خفيفه وكلامها عسل. الله يعطيها العافيه

الله لا يحوجنا لكم اللمرضات يضربون ابر من غير تعقيم ويسحبون ابره المغذي بقوه الين ما زرقت اليد وغير الاستقبال الي ترفع صوتها ولا تحترم احد حسبي الله ونعم الوكيل فيكم والدكاتره حدث ولا حرج تشوف العجب العجاب حرام فيكم ريال

الدكتور خالد جداً ممتاز
وموظفات الاستقبال تعاملهم كويس
والكول سنتر تعاملهم والمواعيد جداً رائع
واشكر الاداره على موظفاتهم واختيارهم للتعامل الطيب واللبق

ماشاءالله بنات الاستقبال معاملتهم جدا ممتازه والكول سنتر جدا معاملتهم راقية والدكتور خالد معاملته مع المرضى جدا جدا رائع واشكر الاداره على التعامل الرقي

افضل عيادات دخلتها من دكاتره من تمريض من ليزر من استقبال وجدا نظيفه والمواعيد في وقتها انصح الكل فيها بصراحه شي مجرب

دكتور الاطفال خالد مرزوق جدا ممتاز وعن تجربةة والمكان نظيف ومرتب وموظفات الاستقبال جدا متعاونات

ماشاء الله
اطباء ممتازين
وموظفات وموظفين محترمين
والكول سنتر الله يعطيهم العافية متعاونين جدا

لو في ربع نجمة احطها
لا نظام زي الناس ولا موظفين يردون وتضرب مشوار وتروح لعندهم تتفاجأ موعدك مو موجود كيف مدري

الدكتوره حنان ممتازة جدا و التمريض شغلهم حلو والجهد الاساسي لموظفات الاستقبال في توجيه المريض شكرا لكم على العناية.

العيادات ممتازه والدكتوره هبه من افضل الأطباء فيها
وموظفات الاستقبال متعاونين الله يوفقهم

لايوجد لديهم خدمة الهاتف لا أحد يرد علىالتلفون ابدا وبالتالي لايمكن الاستفسار عن شي. معاملات الإجازات بطيئه لديهم وأخطاء في إخراجها

مجمع طبي جيد في الاسنان و افضل قسم فيه المختبر عن تحربه ذاتيه الموظفين فاهمين و رقي في التعامل و يفتحون النفس

اسوا عيادات زرتها. تعاملت مع دكتورة باطنيه لمشكله بالكلى سلكت لي بدون اي كشف وصرفتني بشرب الماء اضطريت اروح مستشفى ثاني ، وتعاملت مع دكتورة نساء (دعاء السيسي) اسوأ دكتورة نساء مرت عليه رحت لها كشف مع الآم ولاده مبكره قالت لي روحي البيت وارتاحي وصرفت لي تحاميل بعد ساعتين من زيارتي لها ولدة (حسبي آللـْ•̣̣̥·̩̩̩̥•̣̥ـْـّہ عليها) والقصص كثير ضدها.

الحمدلله ان فيه شي اسمه تقييم عشان يكون مرجع لنا قبل نروح اي عياده وفعلا ادا من اولها السب كله بالاستقبال اشوف لي عياده ثانيه احسن وشكرا لكل اللي افادونا

عيادة النساء والولادة خاصة الدكتوره وعاء جداً راقية في تعاملها والمجمع اسعاره مناسبة اشاعة سونار سعره ١٧٠ وتحليل دم شامل تقريبا ١٢٠