Royal Sweet - رويال سويت

محل حلويات وله فرع بحفر الباطن اسعار جدا مناسبه وحلويات فخمه ومتنوعه وفيه معجنات والبوكسات اعجبتني مرتبه والمكان واسع

متميزيينن متميزززززن حلويااتهم كيكهم المحل الموقع الموظفين الاسعار وتوصيل مجاني كل الشكر لكم شركاء مناسباتنا دايما.

افضل محل حلويات بحايل صراحة اصناف كثيرة وكل واحد احلى من الثاني واسعارهم مناسبة والاهم تعامل الموظفات قمة بالرقي. اشكركم صراحة واتمنى لكم التوفيق

مكان حلو وفيه تشكيلات واسعه وحلوه معجناتهم طريه اشيد فيه على تعامل موظفه اسمها وضحى من شده ماعجبني تعاملها سألتها عن اسمها وكذالك مديرتهم نوره في التعامل

كنت بالمحل اللي جنبه ولا مستحيل احطه من خياراتي بالفطاير. اخذت فطاير مقليه لكن كميه الزيت تخليك تاكل حبه وتكنسل الباقي. وغير كذا مافي الا بوكسات مافيه بالكيلو. يمكن نقدي هذا سلبي لكن اتمنى انه يكون بنّاء ويشوفونه المحل نفسه ويستفيدون منه. وشكراً

اول شي كل مافي المحل جميل من حلا ومعجنات وانا اكثر شي عجبني ورق العنب والحلا روكي رود والشي الثاني الموظفين قمه بتعامل مع الزبون

الحلويات رائعه وقمه بالروعه ولذيذه وسعره جدا مناسب يعني وفرتوا علينا كثير بسعر حلا واحد من المحلات اقدر اشري منكم حلا وفطاير بنفس السعر وجوده افضل بكثير … ولكن عندي ملاحظه بسيطه او اقتراح اللي هي الوان البوكس وتصميمه لو تخلونه شي مودرن ساده لانه صراحه كنت اشوفه اول ببعض المناسبات وما اكل منه عشان الوان وشكل البوكس احسب طعمه مو حلو.

متجر مميز بالنكهات والاسعار والجودة
الصراحة الخدمة والاسلوب من الاخوات جدا راقي ومحترم من تدخل استقبال وخدمة وتوديف الف شكر للقائمين على
المحل

تعامل الموظف المصري متناقض يقولي كلام وعروض بالتلفون ع التعبيئة وإذ جيت المحل كلام مختلف! اتمنى يكون عندكم مصداقيه باالكلام لان كذا تخسرو زباينكم المحبين لكم

رويال سويت اشكر الاخ عادل مشرف الصاله والأخت نوره والأخت وضحى على حسن التعامل والاحترام وتقديم الخدمة بشكل مميز وذلك مما يعطي للزبون نظره جميلة عن الخدمة المقدمة وحسن الادارة واتمنى لهم الأفضل والتقدم انصح وبشدة زيارة المكان حي النقرة شارع فهد العريفي بجانب
قصر الرومنسي سابقا

دخلت المحل الموظفات ثلاثه برا ،، ولا وحده دخلت معنا ،، فريت مالقيت احد اسئله، عامل طلع من داخل وانا طالعه

محل سمعت منتجاته تستاهل ، لكن في رمضان للاسف مافيه شي جديد او لذيذ او رمضاني ، ياليت يتداركون الشهر الفضيل

اتمنى انكم تعلمون موظفينكم الكبار بالعمر حسن التعامل واللباقه مو طبيعي اني واقفه اطلب كيكه والموظف يخدمني الي عند الكيك تجيني موظفه كبيره بالعمر بشكل غريب ومفاجئ تبيني اترك الكيك واروح اشتري شي ثاني اقولها لا ابي بس كيك تقول لا تعالي شوفي اشياء ثانيه للدرجه اني شكيت ان فالكيك فيه شي! وبعدين اذا انتي موظفه واشوفك من دخلت دخلتي وراي وطول الوقت جالسه بنفس القفازات برا عند الباب ارميها وبدلي القفاز وشكرا واتمنى اني اعرف رقم اصحاب المحل.

الجبنية الزيت محترق من الريحة والطعم، احلى شي عندي الجبنية ولكن اخر الايام مرتين اخذت صاير له ريحة زيت محروق للأسف!

الاسعار بالنسبه للكميه مبالغ فيها والمسخن ماكأنه مسخن حشوه دجاج عاديه مو حشوه المسخن الي نعرفها

عن تجربه محل جميل جدا واسعار جدا مناسبه للكل وتعامل جميل من قبل موظفه اسمها نوره الله يسعدها تعامل واخلاق واسلوب راقي وتسويق جميل يجبرك تشتري ولو اني جايه علشان حلى معين باسلوبها الجميل تخليني اخذ اكثر من شي ماشاءالله ونادر ما تحصل موظفين بهالكفاءه الله يسعدها