من افضل واجمل مطاعم البحريات في الشرقية عندنا يتكون من طابقين عوائل وعزاب مطبخهم مميز والسمك فرش يقدموا ضيافة لقيمات مع قهوة اكلهم لذلذ المكان جميل ومرتب انصح فيه وبشده اكثر من مره زرت المطعم واكلهم لذلذ وخدمتهم ممتازه يستاهل خمسة النجوم عندهم اكثر من فرع
المطعم هذا كان ممتاز بس واضح ان فيه ايد خفية لعبت في اسعاره لحد وصلته حد الجنون بعد تغير المنيو على سبيل المثال المدلل بالربيان شوف كم كانت والحين كم استغربت ما عليه زحمة زي اول طلع يبغى الطبقه الفارهه الي في حي احد وبدر حنى معاد يبينا نجيه ولا احكيك اسعار السمك الي بالميزان صاروخيه
الضيافة في البداية و النهاية لفتة جميلة جدا و المكان مرتب و حلو.
الأكل كشكل جميل لكن يفتقد للنكهة و هذا كان تعليق الصغير قبل الكبير! لا هو اللي طبخ بيت و لا هو اللي طبخ مطعم قورميه!
الخدمة جيدة جدا خاصة الادارة مهتمة جدا لكن منظر العمالة و هي تجمع جميع بقايا الأطعمة و تلف بها حول الطاولات و الناس تأكل أبد غير مشهي بل يؤثر سلبا على المطعم.
يحتاجوا طباخ لرفع مستوى الطعم و اللذاذة و بإذن الله بتوفيق من الرحمن سيكون المطعم أكثر نجاحا.
المكان جمممميل ورايق ونظيف جدا الأكل ممتاز أول ماوصلنا ضيفونا قهوة ولقيمات اللقيمات كأنها شغل بيت مضبوووطة رز الصيادية لذييذ أنصحكم به والمربين ممتاز كل شي جميل، أرفع لكم القبعة صراحة
من الذ المطاعم اللي زرتها للماكولات البحرية وكانت زيارتي الخامسة ولن تكون الاخير جميل والاحلى من المطاعم اللي تهتم بقسم العوايل من نظام الخصوصية راااايق
خدمه ولا اروع موظفين متعاونين طلبت نص كيلو روبيان وكيلو وحاجه سمك عروس وكيلو وحاجه كنعد والرز شيلاني ،،،ماهي اول زيارة لهم طبعاً فالانتظار يخدمونك خدمه جدا جميله وممتازه ،،،، شكرا على نخبة الموظفين المميزين
المكان رائع رائع رائع وفخم وشي لا يوصف اكل لذيذ ووافي ومطبوخ بعنايه ودقه والله اني ادعي لراعي المحل الله يرزقه ويبارك له ويوسع عليه من حيث لا يعلم لنه فعلا شي متقن اعجز ان اوصف الجوده الي لمستها وشفتها حولي اشجار طبيعيه كراسي وطاولات انيقه وجميله سقف بالوان جميله شي متكلف ومتعوب عليه الله يرزقه ويبارك له يارب انصح بالزياره محل فعلا تكافئ فيه نفسك ومن تحب
اللي اعجبني مره الغرف تعطي الواحد خصوصية وراحه الاكل اعجبني بشكل عام تقريباً بس ياليت يكنسلون او ققللون كمية الرز اللي تجي مع بعض الطلبات لانه حرام بقى يوم خلصنا كمية كبيره
مش اول مره اجربه او اني آكل منه جربته مراراً وتكراراً بصراحة من افضل و احسن المطاعم التي تقدم الاطباق والمأكولات البحرية
ما شاء الله المطعم كبير و يوجد لديه دور ارضى للافراد و الدور الاول مخصص للعائلات
انا طلبت اليوم شوربة يا مال وهي عبارة عن شوربه فيها روبيان و فيليه هامور و من الممكن ان تضيف شغلات ثانية مثل الكاليماري و قباقب كمية حلوه للغاية تكفي شخصين وتستحق 9-10
وطلبت كذلك مربين بصراحة يجنن يجنن يجنن من الرز و الروبيان مرتب ترتيبه بشكل احترافي ويستحق 10-10
كما اني طلبت قطعه سمكة كنعد تستحق 8-10
يجي مع الطلب 3 صوصات (طحينية و دقوس و ثوم) تقدم مجانا
في المجمل المطعم ممتاز و الاطباق كلها ممتازة وتستحق التجربة واعتقد ان زيادة واحده لهذا المطعم لا تكفي
الموظفين متعاونين جدا جدا جدا و الخدمة ممتازة و المطعم نظيف للغاية و يوجد اهتمام واضح على تقديم افضل الخدمات لكل الزباين
بعد الانتهاء من الطلب تم تقديم ابريق شاي مجاناً
اشكر القائمين على المطعم و اشكر صاحب المطعم على توفير كل ماهو مميز للزباين
على كثر المدح اللي سمعته لكن اكلهم عادي جدا حتى في بعض الاطباق اعتقد يحتاج اعادة النظر في طبخها مثل مربين الربيان وشوربة السده البحريه. واللي خلاني اعطي نجمتين فقط جمال المكان التنظيم والنظافه والاستقبال الحلو. اما ملاحظتي على الاكل اعطيه نجمه فقط لانه وصلتتنا اغلب الاطباق بارده بما فيهم الخبز التنور او الهولي
مطعم للمأكولات البحرية في حي أحد. مكان واسع و نظيف و رائحة المكان زكية. استقبلنا الموظف باحترام و دلنا على المكان المخصص للعوائل. المطعم متوفر فيه مصعد كهربائي. الخدمة عندهم ممتاااازة. الأسعار مرتفعه. جودة الأكل ٧/١٠. الصراحة أني استغربت من شريحة السمكة كيف نحيفة. المفروض تكون سميكة أفضل في الطعم. السلطات طعمها لذيذة مررره.
المكان +النظافه + الاكل 10/10 الاسعار 4/10 غالي جدا جدا يعني في السنه احضر للمكان مره واحده حصل موقف غريب جدا اليوم الساعه 10 مساء ًهو مشاده كلاميه وممكن توصلت للاشتباك بالايادي بين الموظفي في قسم العوائل مما جعلني اغادر المكان سريع وان انتهى من اكلي تحسبا لحدوث شي كيير ممكن يحصل مما جعل زوجتي تصر على مغادره المكان وعدم اكمال الاكل وضعت نجمتين فقط بسبب ما حصل
اولا جيت تقريباً الساعة ٥ عصراً ولا جاني الطلب الا الساعة ٥ و ٥٠ دقيقه والطلب كان: ١ هامور مشوي الي يجيك كله بهارات يفقدك لذّه السمك ١ جمبري مقلي ١ ارز مشكل ١ ورق عنب والطلب كان متقطّع كل شوي يجيبون شيء اما الهامور والجمبري يجهزون الجمبري قبل الهامور ويجيبه لك مع بعض يكون الجمبري بارد والهامور حار . الاسعار جداً مرتفعه مقارنه بغيره من المطاعم لدرجة ان العصيرات الواحد ب ٩ ريال وعلبه المويه ابو نص ب ٣ ريال! النجمة الاولى عشان نظافة المكان والثانية عشان لباقة عامل الاستقبال تبع العوائل والثالثه رائحة المكان
السلام عليكم مطعم يامال الطيب تجربة جداً ممتازة المطعم نظيف ومرتب والموظفين على اهبت الاستعداد لتلبية جميع الطلبات والمطعم ديكوراته تفتح النفس رايقة ومريحه للنظر فيه قسم العزاب تحت وقسم العائلات فوق مرتب والكباين ساترة ومريحه وتقدر تاخذ خصوصيتك بالاكل بشكل جدا مريح المنيو كله بحري بالنسبة للناس الى ما تأكل بحري راح يكون نصيبها شوربة فطر وسلطة والمشروبات لذيذة ومتنوعة الاكل عندهم لذيذ والخدمة سريعة والاسعار مناسبة وبالهناء والعافية عليكم
ما شاء الله من الذ المطاعم البحرية بالدمام المكان مرتب وراقي وفيه غرف خاصة للعوائل وفيه جلسات مفتوحة، الضيافة ممتازة يقدمون لك لقيمات وقهوة عربية عند المدخل. الاكل جدا لذيذ خاصة الاستكوزا والقباقب والصيادية والشوربة البحرية. والاسعار معقولة جدا بالنسبة للمطاعم البحرية. جيت للمطعم مرتين وراح تتكرر الزيارة اكثر باذن الله.
تهوية المطعم ممتازة ستدخل ولن تشم رائحة السمك المعتادة في المطاعم. يوجد ضيافة قهوة عربية (جيدة) ولقيمات (مقرمشة) تعامل وتجاوب سريع مع الزبائن، الأسعار جيدة ومعقولة والطعم لذيذ، سرعة في تقديم الطلبات. العيب الوحيد مكان المطعم ظالمة.
مطعم بحري من الدرجه الاولى ممتاز جداً ديكور جميل رائحة المطعم جميلة ديكوره رايق واناره جميلة غير مزعجه للعين توزيع مناسب للطاولات نظافة المكان بشاشة الموظفين وحرصهم على العميل من لحظة دخولك المطعم الى الخروج من المطعم كان طلبي مشكل بحري و مطبق شعري الاسماك كلها كانت طازجه ولذيذه جداً مقلي بشكل مناسب ومقرمش والرز جداً لذيذ مناسب لثلاث اشخاص او شخصين لا يفوتكم صراحه بأذن الله لي زياره اخرى لهذا المطعم الجميل
الديكور جميل جدا والمكان بشرح الصدر وايضا وجود الحواجز شي جميل يشكر صاحب المطعم عليه وعدم وجود موسيقى وبشاشه العالمين والاكل جيد جدا شوربه الفطر ممتازة وأكثر شي جذبني وانبسطت عليه هو راىحه المكان جمييييله
مطعم اكثر من رائع اكلهم نظيف وطعمه ممتاز وديكورات المحل ابداااع والموظفين في قمة الاخلاق متعاونين معنا خاصة كان معنا كبار في السن وعطونا غرفه خاصه تحت لان صعب على كبار السن يرقون للدور العلوي الخاص بالعوائل وانا من سكان الرياض واتمنى يفتح فرع في الرياض لان كل مطاعم سمك الرياض الله يديم النعمه واذا فتح هذا المطعم بالرياض بينجح نجاح مبهر وعلى مسؤليتي لان اكلهم نظيف ومتنوع يشكرون عليه وسأكرر الزياره بأذن الله
تجربه فريدة. يستحق الزيارة. وأتوقع أن يكون معلما من معالم المنطقة الشرقية. متميز في. الاستقبال اللي يفتح النفس ديكورات ومكان رايق طعم وذوق رفيع نظافة ورائحة مريحة جدا
لو في أقل من نجمة كان عطيتهم، مطعم مبالغ بأسعاره بشكل فضيع وهذا هو سوفت اوبينيق، الاكل كان سيئ جداً جداً عددنا كان خمسة اشخاص وكلنا اتفقنا ان جودة الاكل رديئة والاسعار مبالغ فيها (916 ريال). ما انصح فيه ابداً، كنت اتمنى ان يكون في تقدير لرأينا مع العلم ان المدير كان عنده خبر عن مدى استياءنا على الأكل.