ماشاءالله المكان روعه واجواء حلوه وهاديه وتعامل رائع من الموظفة زينب في شرحها للمشروبات على اني معرف شئ في المشروبات وباسلوبها حبيت توضيحها وحبيت المكان بتفهمها لي
الفرع فاشل والموظفين غير متمكنين وغير ذلك يحاججونك انت الغلطان مو هم طلبي دائماً من كل الفروع ايس اسبريسو وذ فوم استلمت الطلب حالي كله سكر ولون الفوم بني من الكراميل رجعته لهم قلت لهم الطلب غلط قالت لي الموظفه الفوم دائماً تجي كذا اقول لها ولاعمري طلبته وجاني كذا يعني انا كذابه وبعد المجادله غيروا لي الطلب وماضبطوه الفوم دقيقتين واختفى رميتها بالزباله اخر زياده لهذا الفرع ولاانصح احد
كل شئ وسخ حتى المكاين! طلبت بلاك كوفي وعطاني قديمة اللي باقي فالمكينة و القهوة كلها ماء واسمع الموظفة تقول له لاتكبه حط عليه جرعه اسبريسو ويضبط! كرهت تيم هورتنز بسببهم للأسف.
تقريبا هاذا اجمل وافضل فرع ل تيم هورتنز فالاحساء صراحه المكان حلو ووسيع الخدمه ممتازه خصوصا الموظف المصري ماعرف اسمه للاسف وعلى ماظن زينب هم يداومون الفتره الصباحيه خدومين للزباين? باقي اجرب فطورهم واضح لذيذ?
افضل قهوه وقبل انها تكون افضل قهوه اهنيكم على الطاقم والعامل والوموظفات اللي يقدمون الخدمه والطلب للعميل ، ف الكوفي تعامل جدا حسن واحترام وسرعه في تقديم الطلب في اكمل وجهه.
اليوم الصباح الموظفه الي في فرع العثيم ماعندها اخلاق ، طلبت كبتشينو صغير ، حاسبت لي عن الحجم الوسط ولما انتبهت للفاتوره قلت لها انا طالبه صغير قالت لي مافيه حجم صغير مابعد يجي المدير ويجيبهم! ، طيب قلت لها كنسليه ما ابيه قالت ماقدر لين يجي المدير! يعني لو ما انتبهت كان مشت علي شالاستغفال ؟ لو قايله لي مافيه حالياً الحجم الصغير الوسط موجود تبين او لا مو من راسها تحط الطلب ، وبعدها تقولي ترا الفرق ريال! واهو ريالين ،بس مو مسألة فلوس الاسلوب له دور ،وغير كذا عطتني الفكه مشقوقه ويوم قلت لها بأسلوب ممكن تغيرينها عطتني نظره بعيونها ، نعم!
الموظفه اللي هناك تعامل من طرف خشمها وغير كذا عدم نظافه للمره الثانية يشيلون الدونت بالقفاز اللي يحاسبون فيه وينظفون ويكحون عليه واخرتها تاخذ الدونت فيه! انتبهوا لهاذي النقطه وخلوهم يشيلون الدونت او الحلى لكم بالملقط!
لما تجي مشوار طويل علشان تاخذ قهوه الساعه ١١ صباحاً ويقولك الموضف موقفين طلبات وقتها تعرف انو ذهابك الى هذا المكان مره ثانيه خيار سيء جدا مقهى سيء وتعامل سيء ولايقدم اي خدمه للزبون لا انصح به على الاطلاق
ماينادون رقمك/طلبك اذا خلص عشان تقوم تاخذه ولما رحنا ناخذ القهوة لقيناها باردة ف طلبنا الموظف المصري يسخن القهوة و رفض وقال مافي تسخين اطلبوا وادفعوا من جديد مع انه بمقداره يسخن المشروب او يعيده لانها من حقوق الزبون لكن تسبب ورفض ومشخصن ابو الموضوع لين جا الموظف الفلبيني وقاله عادي نقدر نسخنها وسخنها لنا