واجهتني مشكلة وماتوقعت من سكوب هدا التصرف صراحة. باي مكان مهم راضي الزبون في الاكل او في اي شي اخذت من فرعكم السيتي مول فتة ورق عنب اليوم وماقدرت اكمل حتى ملعقه وديتها قلت بدلوها لي. مارضو. كاني دافعه ٢٢ للدارام خليتها ومشيت بجميع الاماكن الراقيه الي رحتها ادا قلت لهم ماعجبني شي يبدلوهً. ف تصرف غير لائق من مطعم عمره سنين والان بقيمكم بقوقل ٠
جيد جداً. جربنا الشاورما وأصابع الدجاج وورق العنب. الأطباق تقدم بطريقة مرتبة ونظيفة. طعم الشاورما لذيذ لكنها ليست الشاورما التقليدية يعني لا يتم تحضيرها باستخدام شواية الشاورما المعروفة، أصابع الدجاج لذيذة أيضاً لكن ماحطوا معاها خبز. بالعادة المطاعم لازم يحطون خبز مع الأطباق الي من هذا النوع
جربت شاورما اللحم قبل فترة وعجبتني. وظليت ودي فيها لأنها لذيذة ومميزة وبالفعل توفقت ورحت اشتريتها مرة ثانية وكان عندهم حلقات البصل كصنف جديد توهم يسووه فطلبته بعد، وما ندمت أبداً أبداً. كان الطعم قمة في الروعة. شاورمتهم مو الشاورما التقليدية اللي نعرفها؛ هي عبارة عن قطع صغيرة طرية جداً من اللحم البقري المتبل ملفوف في خبزة صاج طرية ورقيقة مع شوية مخلل وشرائح طماطم وصلصة لذيذة أما حلقات البصل فكانت فعلاً رهيبة؛ مقرمشة من برة وطرية من جوة ورغم إني أتوقع إنها مقلية إلا إنها كانت ناشفة ومو باين فيها كثرة الزيت. المهم تم إلتهام كل شي بكل استمتاع والحمدلله والظاهر باعتمدهم في كل أسبوع مرة أو مرتين كعشا سريع ومشبع ولذيذ وأيضاً يعتبر رخيص وسط جنون الأسعار اللي صاير مؤخراً عندنا. أنصح الكل يروح ويدلع كرشته. والمرات الجاية باجرب المزيد من أصنافهم. سكوپانو الله يسامحكم لين زاد وزني ملحوظة: أعتذر لأن الصورة مو فنية، لكن زين مني وقفت عن البلع والتقطت صورة