Royal Garden Resort

انا ما استأجرة. انا شفة المكان بصراحه روعه وجميل. بس يالليت شوي ينزل من السعر. غيري عنده المبلغ بيدفع. انا عجبني المنتجع بس ماعندي المبلغ. بس المنتجع جميل جدا. والله يرزقهم ويزيدهم من واسع فاضله. انصح فيه

منجع للإيجار اليومي ممتاز جدا مرتب ونظيف قاعات المنتجع كبيرة يوجد به مسبحين خارجي وداخلي ويوجد في الخارجي جزء لسباحة الأطفال.

Amazing place for private occasions, very safe, affordable & with great facilities. Can held different activities, good for team building & parties.
Rent was worth-it & experience beyond my expectations. Highly recommendable place. We were there for company Team Building around 90 persons. #AndrewLakwatsero

بكل امانه المكان جميل جداً واسلوبهم بالاستقبال والضيافه جداً رائعة اقمنا حفل عشاء واجتماع لموظفين الشركة وكان جداً منظم على اكمل وجه اتمنى لهم المزيد من التقدم والنجاح

منتجع يستاهل خمس نجوم و اكثر ، المكان قمة في النظافه و الترتيب و المرافق مميزه و فخمه و التعامل راقي و مرن ، يعطيكم العافيه انبسطنا كثير بالمنتجع

من افضل المنتجعات بالاحساء بدون مبالغه اي مناسبه عندي م اختار غير هالمكان من نظافه وذوق وترتيب وخدمات وموقعه قريب من جميع الخدمات ونظافه وجمال المكان تشفع له وفوق هذا سعره بالنسبه لكل هالخدمات جدا جميل المكان ينفع للاسترخاء وللمناسبات الكبيره والصغيره ️️.

منتجع رويال جاردن من افضل المنتجعات الموجوده في الاحساء اذا ماكان افضلها. المكان مرتب وشرح ويفتح النفس. تم اقامة افطار مستشفى الموسى التخصصي اليوم ولاقى انطباع ممتاز من الحضور.
اشكر الاخ محمد عالاهتمام واتمنى له التوفيق وان شاء الله من حسن لأحسن

الاستراحة بشكل عام جميلة.
لكن الخدمات سيئة
الفلاتر البرك متعطلة و الشلال فيه التماس كهرب.

البوفيه لا انصح فيه ابد

في الحقيقة منتجع رويال جاردن من اجمل المنتجعات في الشرقية مرافق جاذبة وراقية المساحات الخضراء والمجالس والضيافة واشكر القائمين عليه وبالاخص الاستاذ محمد وفقكم الله

شكر خالص لادارة المنتجع والقائمين عليه
المكان جداً رائع وراقي لاعلى المستويات لجميع المناسبات الخاصة والرسمية

تم اعتماده من قبلنا ادارة شركة عبداللطيف جميل للتمويل

من أجمل المنتجعات بالأحساء نظييفه وكبيره
يعطيك العافيه (ابو رنا) على حسن الاستقبال والضيافه
تستحق الزيارة

مساء الجمال لاحلى منتجع فالاحساء منتجع رويال جاردن استمتعنا بجماله وتعامل صاحب المنتجع ابو رنا اشكر صاحب المنتجع على حسن الاستقبال و كرم الضيافه حاتم الصباح (تبوك)

اشكر صاحب المنتجع ابو رنا على الاستقبال و الضيافه الجميله و منتجع جدا رائع و جميل و اجوائه رائعه و المكان نضيف جدا و مرتب و من افضل الاماكن في الاحساء التي رايتها

المنتجع ماشاءالله مهتم بأدق التفاصيل اللي توفر قضاء وقت ممتع ومهتم باحدث الديكورات والاثاث وواضح يتجدد اول بأول
للأمانة تجربه ما تنسي ومكان يشرف للدعوات

ديكور المنتجع جميل ومرتب مرره وشرح ونظيف جدا وصاحب المنتجع راقي جدا واخلاقه عاليه.
الجلسه الخارجيه حلووه مرره مع المسبح وديكورها رائع ومتناسق حلو للحفلات او جلسه️.
منتجع يستحق التجربه صصدق مرره حلو ماودك تطلعي منه فيه كل شي العاب اطفال وجلسات
.
نشكر صاحب المنتجع على حُسن الضيافه ماقصر معنا زُوار من اهل العلا ️.

منتجع ميراج تابع منتجع رويال جاردن يتميز بالنظافه والرقي والذوق في كل ركن من اركان المنتجع بارك الله لهم فيه ورزقهم من واسع فضله وجود كرمه

اكثر ما يعجبني في المنتجع اهتمام المالك بأدق التفاصيل و من جلستين تبين لي انه مهتم اهتمام كبير بالمنتجع وهذا ماجعله متربع على عرش الصدارة في منطقة الاحساء. كل التوفيق لهم

انا كنت قبل ثلاث ايام مسويه ليلة حناء في منتجع رويال جاردن جدا جدا راقي من الالف الى الياء من اول ماتجي تبي تحجز عنده الى حد ماتخلص مناسبتك بصراحه مصداقيه وجد في العمل احجز وانت مطمئن ان راح تكون مناسبتك من ارقى وافضل وافخم المناسبات من ضيافه ونظافه وعشاء وترتيبات كوشه بصراحه اتعب وانا اقول جدا انبسطت منهم الله يوفقهم ويزيدهم من فضله ماشاءالله تبارك الله ام سند السند

ماشاء الله المكان جميل جدا وراقي الله يجزاكم الف خيرا من جد روعه ان ثاني مره اخذ المنتجع مره جميل

المنتجع عالطبيعه اجمل بكثيير من الصور وانصح بزيارته ماشاءالله المكان جدا نظيف وحبيت انهم مهتمين بالنظافه والتعقيم ويوجد معقم بكل مكان والمسابح نظيفه وماشاءالله الماي صافي والمجالس كبيره وروايح العطور حلووه وحبيت حوض السمك الموجود فالصاله
كثييير استمتعنا فالمكان انا وعائلتي
وان شاء الله تتكرر الزياره لهذا المنتجع الجميل

المنتجع جميل ومناسب للأحتفالات العائليه ماشاءالله مجالسه كبيييره للزواجات ولحفلات التخرج ح لكل شي
وفيه مسبحييين وألعاب وغرف نوم للراحه ومطبخ متكامل ومسطحات خضراء كبييره
يفتح النفسسسس والله

أفضل مكان فالأحساء لإقامة العوائل والأصدقاء
وللزواجات والمناسبات
مناسب للجميع. موقع ممتاز على شارع عام
مستوى عالي من النظافه والراحه وخصوصيه عاليه
مستوى الخدمه 10/10
شكرا منتجع رويال

سعدت بتواجدي في هذا المكان الجميل و"النظيف" منتجع يفتح النفس بصراحه ماودي اطلع من المكاان
انصح بزيارته
ويستحق 5 نجووووم

كان عندنا عزيمة رجال على مأدبة عشاء وكان الترتيب والتنيسق من إدارة المنتجع يعطيهم العافيه ماقصروا كل شي كان على أكمل وجه.
وكان العشا ماشاءالله يبيض الوجه ويواجه
انصح اي احد عنده مناسبه يجي هالمنتجع واهو يضبطه من وإلى مايحتاج تتعب نفسك
من طاولات من عشا من مكان نظيف وجميل ومرتب من ضيافه حتى اللي يصبون القهوه والشاي يجيبهم لك

شكراً أستاذ محمد على هالأخلاق الجميله والصدر الرحب والتعامل الراقي
و إن شاءالله مو اخر تعامل معاكم

المنتجع رائع تصميم مميز يناسب جميع الأذواق
مناسب للمناسبات
وممتاز للاستجمام
الخدمه ممتازه لتوفير جميع الخدمات
الأثاث راقي واختيارات مناسبه للألوان
السهوله والمرونه في التعامل مع صاحب المنتجع
يعد من المنتجات المميزه بالهفوف

Awesome place and beautiful experiences, happy outing, it's soo neat and clean. It's also rainy day today, so we enjoyed more. One of my best time to spend here. Livingroom, pool, garden all parts of this place are amazing, Happy to come here

اللي عجبني فالمكان ان موفرين مكيفات صحراويه يعني حتى بالصيف نقدر نقعد برا وننبسط بجمال المكان
شكرا من القلب على اهتمامكم بأدق التفاصيل 5/5

One of the best place for winter parties.
Absolutely High quality maintenance.
Owner has new ideas for party themes.
Approach and Parking
Garden lighting and seating by poolside is a highlight in the evening.
Families and friends will elevate the party spirit here.

أفضل منتجع على مستوى الأحساء
محافظ على مستواه منذ افتتاحه الى الآن ويوجد تغيرات وتطورات جميله عالمكان ويستحق الزياره اكثر من مره

نشكر ونقدر جهود صاحب المنتجع في سعيه على إعطاء طابع جميل عن منتجعات الأحساء الحبيبه
ولكم مني كل الشكر والتقدير

افضل المنتجعات الموجوده بالاحساء مكان مررره حلو ورايق ونظيف جدا يستاهل الزياره مره وثنتين وعشر برضو ترجع له

السلام عليكم ورحمه الله وبركاته
كل عام وانتم بالف خير
انا علي المالكي من المدينه المنوره
حبيت اشكر القائمين على هذا المنتجع الجميل والراقي
واللي موجود فيه فخامة ال ٥ نجوم بكل اقتدار
ماكنت متوقع انه في منتجعات في بلدنا الحبيبه وفي احساء الحب مكان بهذه الروعه والفخامه والنظافه والخدمة الفندقيه الفوق رائعه بصراحه وبدون مبالغة بهرت بما رائة عيني من جمال التنسيق وقمة الابداع وجمال الطبيعه اللي ظمها هذا المنتجع في كل مكان فيه
اتمني للجميع التوفيق وتجربة هذا المنتجع الاكثر من رائع بصراحه وتقيمي له اعلي من ال ٥ نجوم

يعجز اللسان عن التعبير او التعليق عن المكان بإختصار شديد المكان مريح للنفس والعين ماودك تطلع منه بصراحه وانصح وبشده الزياره للمنتجع بالرغم من غلاء السعر ولكن يستحق الزياره و يستحق ال5 نجوووم

منتجع جميل ورايق. وتصميمه رهيب ووتوزيع الغرف ممتاز. والساحه الخارجيه جميله وتفيد في استغلال المساحات باي شي تبيه. وفيه مسبحين خارجي وداخلي الخارجي يحتاج شوي عنايه لكن معلوم لانه خارجي طبيعي. المبنى والاثاث ممتازه.

متجدد ، بسيط في الدزاين ، راقي ، أنصح و بقوة جميع المنتجعات و المشاتل بأخذ الأفكار من تصميمه ، أسعاره مناسبه للحفلات الخاصة و المناسبات العائليه

مكان على مستوى و اكثر من رائع وتشكر إدارة المنتجع عالاهتمام والتطوير فالمكان
كل مره اجيه الاقي المكان أفضل من اول ومن تقدم إلى تقدم ان شاءالله

منتجع اربع نجوم ، انصحكم للاستجمام فيه من ضغوطات الحياة ، يتميز بالفخامة وتوفير الخدمات من قبل ادارة المنتجع ، اطلب تجد
اتمنى لكم اقامة ممتعة

المكان جميل جدا ويستحق الزياره
وصاحب المكان متشدد شوي وحريص بس ماالومه لان المكان مرتب والمكان ورائع

المكان رائع ومنظم وجميل يوجد به جميع الخدمات ويوجد حارسه للمسبح ودفايات خارجيه ويوجد لديهم خدمات لتنسيق الكوشه والبوفيه للزواجات والمناسبات الاخرى وكانت مناسبتنا جميله يعطيكم الف عافيه ومو اخر تعامل معاكم ان شاءالله

شكرا ادارة رويال جاردن عالخدمات الممتازه