الأكل لذيد والشاورما فريش و ممتازة الأسعار مرتفعة بزيادة ارجو إعادة النظر في الاسعار الإضاءة البيضاء مزعجة ارجو تبديلها الى اضاءة اخف شدة او اضاءة صفراء
بحكم اني جاي من منطقه تشتهر بالشورما تقييمي كالتالي اخذت ٣ شورما صاروخ خبز احمر بجبن و بدون جبن الطعم ٥ من ١٠ غالبا لن أكرر الزياره الأسعار غالي ١٣ ريال للصاروخ تقريبا سمعت عنه أساطير و لكن وجدت جدا عادي و لا فيه اي شي مميز الدجاج ساديا برازيلي مجمد و هذا اللي خلاني انزعج المفروض دجاج مبرد فيه مطاعم بالدمام اتوقع افضل بكثير بس هذا اخذ شهره
اولاً اكثر من مره اطلب مايركزون على التفاصيل الي اقولها وثانيا المره الي قبل الاخيره طلبت 10 قطع و معطيني 7 قطع وحاطين كاتشب ويوم جيته اخر مره وقلت له قال زحمه و المفترض انك فتحت البوكس وشفت وش داخله يعني مطلعني انا الغلطان اسلوب سيء وعذر اقبح من ذنب.
شاورما عالفحم لذيذ جربت عندهم شاورما عربي بالجبن وما خاب ظني و من وقتها كررت الزيارة وصار احد مطاعم الشورما المفضلة. الاسعار معقولة و يقبلون الدفع بالفيزا. مرات يصير زحمة فالافضل انك تطلب بالتليفون قبل لا توصل عشان تحصل طلبك جاهز بس تدفع و تشيل علما انهم موجودين في هنقرستيشن لكن الاصناف اغلى ️. كنت بعطيهم ٥ نجوم لكن شكل المحل من داخل و الديكور و التسليم شوي يبغاله تحسين مقارنة بالدارج هالايام في المحلات المنافسة. لكن عموماً يستاهل التجربة ولن تندم ان شاء الله
بالنسبه للشاورما غير هالفرع لا تروح افضل شاورما اكلتها مع احترامي لباقي محلات الشاورما شي من الاخر يستاهل 5 نجوم للشاورما اما للمحل اعتقد نجمه تفي بالغرض تحياتي
شاورما تركيه كويسه لكنها مش مميزه. يعني تقدر تقول عادية حالها من حال المطاعم الاخرى التي تقدم الشاورما يمكن انه متميز في الخبز الاحمر لكن هذا ليس كافي. انا اشوف انه مطعم كويس و بس.
للأسف الشديد تجربتي كانت سيئه جدا جدا جدا. اتصلت بالتلفون على اساس استلم طلبي بسرعه وهذا طبعي مع أي مطعم. وصلت ودفعت وسلمني الفاتوره فيها رقمين رقم الفاتورة ورقم ثاني مكتوب بخط اليد. الاخ ما كان واضح ان طلبات التلفونات يتم تسليمها من الكاشير انا رحت انتظر عند اللي يصارخ بالارقام يسلم الطلبات.
رقمي عدى بكثير ورحت سألت اللي يصارخ وقال لي لسا. مرت نصف ساعه او اكثر وعيالي الصغار ماتو برد جيته اسأله وقال ياخي هذا طلبك تسليمه عند الكاشير. هنا انا ولعت وعصبت لانهم ماكانو واضحين ابدا معاي من البداية. والمشكلة العظيمة انهم يقولون نادينا على رقمك (المكتوب بخط اليد) وانا جالس انتظر اسمع الرقم (اللي من السستم).
وبعد استلام الطلب وللأسف انسدت نفسي اكل ولكن اكلت الشاورما اللي مسوين صجه عليها واكتشف انها عاديه ومزيته ولكن الله الرزاق والله يزيدهم من خيره.
أخيرا نصيحتي الشخصيه لاصحاب المطعم انهم أولا يشوفون حل للزيت الزايد وثانيا انهم يعدلون من سستم تسليم الطلبات خصوصا للأشخاص النظاميين مثلي صراحة طلعت عن طوري بالرغم اني صبور في غالب الأحيان.
السعر جداً مبالغ فيه وعيشان كذا نجمة وتخب ، الشاورما قليلة مع طعم مقبول، ولا أعلم لماذا هذه المنطقة فيها وقاحة وجشع اسعار، والله سافرت لكن الشرقية يحسسوك انهم في عالم آخر.
خذلك واحد بس لانه مليان دهن بس جيد ، بدون جبنة عشان التخمة امتيازه بالشاورما نفسها والخبز اما البطاطس عادي جدا ويفضل تقوله الشاورما بدون بطاطس عشان تعرف الفرق.
من الذ مطاعم الدمام بالشاورما ، انصحكم بالاتصال عليهم وتجهيز الطلب قبل الوصول لان المطعم دائماً مزدحم ، عيبه مكان المحلي مُهمل والمطعم مكتوم من داخل صعبه تاكل محلي
خسارة فيهم ربع نجمة ؛ تسحرت منه قبل يومين طلبت عن طريق مرسول وجاني الطلب على غير ماقلت حاطين كاتشب وزيوت فيه بهذلني ومن بعدها حاس بطني حوس ؛ نزلة معوية لي ٣ أيام حسبي الله عليكم ونعم الوكيل.