مطعم بوف PUFF

جربت النودلز ترياكي ماله
طعم سيئ جداً
والباستا حليوه لكن الي مخربها الدجاج زفر
الاندومي حلو افضل شي جربته اقيمه ١٠/٨

طلبت برقر وللأسف جابت لي حرقان مدري وش السبب نوعية الزيت والا الصوص اللي فيها. غير انها صغيره والدجاج ماله طعم اتمنى الإهتمام والتطوير اكثر

موقعها مناسب ، يوجد مواقف السيارات خاص ، استقبال الموظف جميل ، وسرعة في طلب.
جربنا عندهم النودلز بالدجاج الله يدوم النعمة يغث وسبب لنآ لوعة و غثيان ، نكهة الصوص صويا طاغيه في النودلز مره ، وللأسف ماستخدمين الاسباغتي على أساس اندومي مافيه مصدقية ابد ولا يستاهل المدح اللي سمعناها من المشاهير عذرن لا يستحق التجربة ونتمني القادم لكم للأفضل وتطور.

الله يسامحكم على الطلب، الاعداد مستعجل وأثر على الطعم الاندومي والوينجز ، مع الزحمة العاملين ماركزوا، اضطريت أخذ طلبي بنفسي وأمشي.

لا للاسف ولا شي عجبني من الي طلبته مع الاسف اخذت برقر لحم مو حلو زفر الباستا الله يكرم النعمه سالقينها واحطينها بعلبه ومعطينك اياها استهبال الوضع انصدمت من الباستا حرفيا مالها طعم الاجنحه عاديه جدا الصوص حقها الابيض فقط الي حلو وتاخير في الطلب على الفاضي مع الاسف

الطعم خيال ، جربت الاندومي باف دجاج ، والباف فرايز - لذيذين بس الاندومي حار يحرق واشوي كانو الموظفين مكشرين للأسف

الخدمه كويسه بس الاكل استغفرالله بس شكل
البرقر الدجاج الخبزه خفيفه ولذيذه بس الدجاج نكهته زيت مكروف
والاندومي الشكل 10/10 بس الطعم 0/10 استغفرالله
وطعم الدجاج الي مع الاندومي زيت و محروق

قسم بالله المطعم من اسوء المطاعم التشكن الوينقز مزييييتتتتتت فل والحم فيه ريحة مبييييته والكاشير الفلبيني نفسيييته بخشمه

الباستا لذيذة
برجر الدجاج كويس
بس الخبز فيه زيت
الأسعار مناسبة
موفقين يارب

طلبت ترفل باستا جميل الصوص لكن الدجاج فيه زفر نودلز لذيذ وكميته حلوه رجعت طلبته بعدها وشكلهم وقفوه
اخذت فرايز شفت تعليق تقول كنه من بوفيه بصراحة صدقت وكويس ان سعره خمسه

باف لحم برجر ممتاز لمحبي البصل المكرمل وبفالو دجاج لمحبي الكرسبي
اما الباستا جداً عاديه والبطاطس ماله طعم

لأول مرة جربته و عجبني البرجر حقه. شي لذيذ و جميل و كنت ودي آخذ ثنتين لكن كانت جربة و لي عودة مرة ثانية.

يحتاج يضيفوا بطاطس لو كمية قليلة مع الطلب تكون جانبية.

اللحم ترف ومافيه زفر والخبز طري بس ما شووها مافي الخطوط السوداء والبصل كثير ومو مضبوط أحس يبي له يتكرمل أكثر.
البطاطس يقهر بااارد ومو مستوي بس البهارات حلو طعمها.
السعر: مناسب اللحم بـ ١٤ ريال.
بطاطس مبهر: ٦ ريال. مو مبهر ٥ ريال.
كولا: ٤ ريال.

صراحة المطعم اكله سيء البطاطس كله زيت كأني شاريته من بوفيه والبرجر م طعمت فيها الا طعم البصل المكرمل م فيه نكهه ابد للحمه

Great restaurant and delicious food, i recommend the pink pasta and chicken finger, also the noodles is good but not the fan for it

للامانة الاسعار كانت مغرية ورخيصة كسعر نودلز وهذا الشي حمسني اجربه لكن كانت التجربة
طلبت نودلز الصيني بالدجاج ونودلز الترياكي باللحم وكلهم سيئيين مالهم طعم والنودلز تسبح في ماي اسوء نودلز جربته في حياتي

الذ خلطه اندومي ذقتها واصابع الدجاج خرافه والاسعار ممتازه ربي يبارك لاصحابه ونشوف له فروع كثير?

الباستا بنك لذيذه والنودلز برضوا لذيذ بس كان شوي ناشف بس قتله يزيد الصوص وماقصر ارجعله ثانيه الاكل جدا نظيف البكج حلو الاسعار معقوله وممتازه ربي يوفقكم