Mshawerma

خوش شاورما الصج
اللحم افضل بالنسبة لي ولكن دايم انصح اخوياي يجربون كذلك الدجاج
كوكتيل جميل

افضل مطعم عنده شاورما لحم في الراكة زرته أكثر من مره وانصح بالتجربة الاكل لذيذ وخدمة الموظفين ممتازة بالتوفيق لكم والله يبارك لكم

المفروض اعطي تقييم 5 من 5 لكن بما اني زبون دايما اطلب منكم عن طريق تطبيقات التوصيل وانصح الناس تجرب شوارمتكم المميزة وخبزكم الصمون العراقي الصح بليز لما الشاورما تبات ويبدأ الدجاج يتغير طعمه ارموه لا تودوه لزباين التطبيقات ثاني مره اطلب ويجيني بايت ومازلت اشتاق لشاورمتكم بس بليز حافظوا على الطعم هذا وزباينكم لا تخسروهم عشان شوية توفير صدقوني البركة بتجي بان الزبون يثق أن الشاورما كل مره بتجيه fresh
ولا تقللوا العيش مثل مايقول احد الزباين بالعكس 4حبات مناسبه للصحن

اول مرة نجرب شاورما اللحم عندهم. ماشالله من الصوصات الى اللحم لذيذ جدا.

1 اللحم خفيف مافيه دسم او زيوت

2/البطاطس لذيذة لكن كانت بارده مو مقليه طازجه.

3/ اضافه الخضرة و الطماطم و المخلل و البصل و الخس في الطبق. خلت الوجبه كامله

4/ الصوصات ثوم / محمرة / طحينه / صوص زبادي
الصوصات موزونه و لذيذه

5/ كميه العيش كثير اتمنى فقط انهم يقللوها حتى ما تعتبر تبذير لانه في ناس ممكن ترميه.
و العيش تقريبا متجهز من الصباح فا ماكان طازج.

من افضل الشاورمات في الشرقية خاصة لمحبي شاورما اللحم

تحديث: تغير مستوى اللحم، سابقا كان افضل بكثير

استغرب من كذب الناس وحده متناقضه تقول الشاورما لذيذه بس زفره هههههههه وكاتبه قصة حياتها والنهايه تبيهم يعوضونها الحمدلله والشكر والثاني يقول الفلفل حار بزياده اعرف نوعياتهم المشافيح ذوات تلقاه قايل لمعلم الشاورما كثر كثر كثر ويوم كثر له وحرقته صار يعذرب بالمطعم ويقول لو في اقل من نجمه كان حط هههههه مريضين وربي بس اقول الله يشفيكم ويعطيكم على نياتكم سواء زينه أو شينه هو العالم سبحانه.

المطعم نظيف والخدمة رائعة والطعم لايعلى عليه فاي تجارب سيئة صارت للبعض وكتبوها ماهي ماثره على المطعم كلنا نشوف ونعرف نذوق ونميز فماله داعي الدراما الزائده وانت السبب مكثر سبايسي وتبيها ماتكون حاره والثانيه طالبه من مرسول وهي بآخر الدنيا عشان العرض ابو٩ريال وتبيه يوصلها بارد والشرهه على الموظف اللي قال لك يعوضك المفروض يقفل بوجهك اصلا ويقول لك لإعاد تطلبين اذا موعاجبك يالمتناقضه تقول لذيذ وزفر هههههههه والأهبل الثاني يامدير كثر كثر سابيسي صوص وبعدين ماقدر يأكلها ومتحسف على ال١٩ ريال هههههههه شكله طفران وحط فلوسه كلها بهالصاروخ مسكين.

نصيحه للجميع جرب واحكم بنفسك باي مكان مو شرط هالمطعم اقصد بالعموم وشكرا.

ولا يستحق نجمة لكن عشان احط تعليق اخذت شورما صاروخ 19 ريال كان الطعم سيئ جدا وطعم الفلفل زايد في بشورما زفر غريب وجاني بعده بيوم مغص تجربة سيئة جدا

من ألذ الشورما في الشرقية طحت ع المطعم طيحه قويه وصاير كل فترة اخذ من عنده ولا اكل شورما الا من عنده رهيببب.

لو فيه أقل كان حطيت آخر مره اصدق مدحكم. جربته على مدح الاغلبيه اللي هنا وكان جداً سيء بالنسبة لي شاورما الدجاج كانت لذيذة بس وصلتني باردة وملياااااانه زفر من قوة الزفارة كأني آكل دجاج نيء ومكثرين سلطة على اساس مانلاحظ الزفر
بروستد الدجاج بدون نكهة بدون اي شي مليان زيت + ريحته مُش ولا بُد ولونه على وردي. كأنه مو نظيف دقيت عليهم لاني ماتعشيت قلت لهم عوضوني رد علي الموظف قال تعالي المحل وبرجع لك فلوسك من جيبي! استهتار بشكل مو طبيعي طيب لو اقدر اجيك ماكان طلبت اساساً ، على اي اساس تقول لي تعالي المحل! الى الآن اطالب بالتعويض طلبته من مرسول اخذ على التوصيل ٩
عطوني فلوسي انا اطالبكم فيها ما اطالب مرسول.

عليهم ميني شاورما دجاج مو طبيعيه وتناسب التقديمات بس نبهوهم يشيلون منها (الكاتشب والشطة والطماطم)

لديهم أنواع صوصات عجيبه مع الشاورما، اكثر من سبع أنواع بما فيهم صوص الأعشاب، القرين صوص او صوص الأريقانو لايفوتكم مع شاورما الدجاج و صوص الريحان جربوه مع شاورما اللحم والله لذيذ لذيذ لذيذ وبالإضافة عندهم صوص الأعشاب وفي شي اسمه قرين صوص من مكوناته الجرجير. الزبده إبداع بالصوصات ماشاء الله تبارك الله عليهم اهم شي لا يفوتكم ضروري تجربون نصيحتي لكم.
سواء لمحبين:
١. شاورما الدجاج/ حطو الأريقانو صوص بالإضافة للأشياء اللي تحبها من السلطات والمخلل والبطاطس.

وكذالك لمحبين:

٢. شاورما اللحم/ ضروري تجربون الريحان بالإضافه للأشياء اللي تحبها من السلطات والمخلل والبطاطس.

ولانسو محبين الفلفل الحار عندهم صوص اسمه ثوم سبايسي او (صوص معبوج) على كيف كيفكم حار ولذيذ

They have one of the most amazing shawarma I have eaten.
The staff is friendly.
They have great seating capacity.

نكهة الشاورما غيير دايم اكل شاورما من كل المطاعم المطعم هذا قلت لازم اقيمه بقوقل ماب يستاهل الانصاف نكهة الشاورما غير ولذيذه ️

مطعم يقدم شاورما اللحم والدجاج في خبز الصامولي العراقي وصوصات لذيذة منها السبايسي والصوصات الآخرى العاديه لكن بصراحه شاورما لذيذة وتستحق الزيارة مرة آخرى.

اللحم بدون طعم، الشاورما تقطيع مفروم، الصمون كله سلطة واللحم والدجاج رشه للديزاين. مطعم عار على مطاعم الشاورما

المطعم الوحيد اللي يعطيك ساندويش شاورما سواء لحم او دجاج تكون فيه كمية اللحم او الدجاج حسب رغبتك وقد تصل وزنها الي ٣٠٠ جزام. وطبعا معاها خيارات الصوص المجهزة محليا طحينية او ثوم او اعشاب او توابل او ريحان وايضا خيار الاضافات من الورقيات والبصل والطماطم اضافة الي البطاطا بصراحة فلوسك في محلها.

كان من افضل مطاعم الشاورما لكن سبحان مغير الاحوال، اسعار ارتفعت + كمية اللحوم بالشاورما قلت + خدمة ساءت. أتمنى يرجع مثل اول مافتتح،كان لايضاهى

طلبت من عنده شاورما لحم بالطحينية فيها ريحة قوية شكلها من الطحينة تقول خربانه بسبب الحر وهي برى الثلاجة ما قدرت اكلها
اما الدجاج عادية جدا بس الفرق الخبز حقهم بس وقتها كان الخبز من زمان مصلح يتقطع معي

الشاورما لذيذه لكن غاليه. لديه مقاسات من الخبز المقاس الوسط ١٥ ريال ، ١٠ حبات صغار ٣٥ السعر جدا مبالغ فيه،