Mocha

أظن آن الأوان لإغلاق القهوة أو الانتقال لمكان آخر، من غير المنطقي إنك ما توفر إلا قهوة فقط بدون حلى أو أي شيء غيره.

كان مقهى مفضل عند الكثيرين وأنا منهم ولكن الحين مفترض يسكرونه أبرك لهم.

يججنن انوع القهوه عندهم تجنن مره حلو انصح فيه بس مشكلته مافيه قعدات كثير يعني حلو تقعدين عشر دقايق وتمشين

مريت من جنبها بس ههههه بقيمها ٤ لحد ماتثبت الرؤية
تعديل تعليق
فبراير ٢٠٢٣
جربت الفلات وايت ٨ من ١٠ المكان هادئ يفتح الظهر السبت لاتوجد دورة مياه او نت. موسيقى هادئة واضاءة شمس جيدة. يغري بالعمل.

تجربتي الأولى كانت مقبوله، بعدها تجربتين كل وحده اسوأ من الثانيه، العاملين بالمكان ينقصهم الاحترافيه وحب العمل، آلة الدفع ما تشتغل يستقبلون كاش فقط! ، وبشكل عام الجودة متدنيه جدا خصوصا ان فيه أكثر من خيار حول مكانهم.

اول زيارة وتجربة كانت الصباح
جميل هادي ودافي ورايق ونظيف وتدخله اضاءة الشمس
جلسات داخلية وخارجية
المنيو متنوع والاسعار مناسبة
الطلب فلات وايت لذيذ وموزون
القهوة من انتاجهم جدا ممتازة والتبخير مضبوط.
وعندهم محاصيل وادوات قهوة للبيع
وتعامل الموظفين جدا راقي وخدمتهم سريعة.
الله يبارك لهم.

من المقاهي الي متميزة جدا بطعم قهوتهم في الاحساء محمصة ومقهى عندهم محاصيل متنوع لل v60 وغيره ومشاء الله قهوتهم مستواها دايم ثابت والمكان هادئ ومحاصيلهم الي يستخدمونها مرة فاخرة ومتنوعه على حسب الذائقة انصحكم فيه

مرحبا.
تقهويت ف المكان الجميل هذا
اخذت كابتشينوا ١٥ ريال️
حلا ب ١٨ غويلي
المكان لطيف جداً
يعطيكم العافية ️️

المكان صغير شوي بس مرتب ووذف وهادي هذا في الجلسات الداخلية
وفيه جلسات خارجية
وأسعارهم مناسبة
العمال متعاونين ويخدمونك بشكل ممتاز
طلبت من عندهم مخت موكا لاتيه ما كان متوفر
طلبت بداله سولتد كراميل وكان عادي،،
عيبه إن الماء المتوفر عندهم نوفا قزاز بس يا ليت يوفرون أنواع ثانية

لايوجد اي احترافية لدى العاملين وسو تعامل مع الزباين والعاملين يدخنون بالمحل وكأنهم هم الزباين ونحن العاملين

اتمنى لو يوجد اقل من نجمة عشان اقيم فيها. اتكلم عن سوء المنتج ولا عن سوء تعامل الموظفين وقلة الاحترافية في التعامل مع الزبائن.
اولاً الامريكانو يحط لك موية مع ثلج ويزيد عليه شوت اسبريسو يصير طعمه اسبريسو مع مويه واقول للموظف هذا مو امريكانو الي اعرفه يقول لي انت ما تعرف شي!
اتناقش مع الموظف يروح يتكلم مع الزبون الي بعدي كاني مو موجود. اتمنى لو اقدر اقدم شكوى على الموظف

بعد تجربة فوق العشرين كافيه بالاحساء
تأكدت ان مُخا هو الأفضل بينهم كلهم وهذي المره الرابعه اجيهم وبكل مره يثيرو إعجابي اكثر
لايفوتكم الفلات وايت عندهم شي مو طبيعي فعلا تُحفه‍️

العامل البنقالي الكاشير أخلاقه سيئة جداً ماله خلق يجاوب على الزبون جالس أسأله عن الأسعار الحلا ويتضجر يكلم خويه وهو زعلان يقوله بس يسأل بكم بكم طيب مهوب من حق الزبون يسأل والأمر الآخر أسأله عن الحلويات في الثلاجة مهوب مكتوب عليها شيء أقوله هذا أيش وهذا أيش من حقي أشتري بس وآكل أي صنف يعني كنه يقول خذ وأنت ساكت مش أسلوب هذا أبداً والشيء الغريب إن كثير من الزباين كاتبين في التعليقات يشتكون من هالمشكلة وهي التعامل وإدارة المقهى لازالت لم تتخذ معه الاجراء الرادع يعني ماتبون الزبون يرجع لكم وين التطوير والارتقاء بالمستوى اللائق وين كسب الزبون اللي هو مقدم على كل شيء

المكان حلو و هادىء
قهوتهم طيبة
فيه قسم للعائلات و قسم للشباب
فيه جلسات خارجية جميلة
يستحق الزيارة ️

Excellent V60, not that good Salted Caramel. The place is quite and small. Lovely for meeting friends but not that many; the place gets crowded easily. No WC

المعنى الحقيقي لكلمة كوفي شاب. محاصيل خاصه فيهم و كلها مميزه اذا انت راعي قهوه و متذوق للقهوة بعيدا عن الامور الاخرى راح يعجبك. اما اللي معاملين المقاهي نظام مراقص و بارات يروح بعيد. يعاب عليه امران الاول اسعار المحاصيل اغلى بشوي من مثيلاتهم من المحامص. الثاني بعض العاملين في المقهى تنقصهم بعض الخبره. خاصة الفلبيني مدري كيف يحضر القهوه هل يقلل كمية القهوه اثناء التخضير! يحتاج الى تدريب اكثر اتكلم عن مشروبات الصب. اما البنغالي بشوش و يعرف يحضر

من المقاهي المتميزه بالاحساء. ️ عندهم الذ انواع القهوه المختصه و تعاملهم يشكرون عليها. كل ما زرت الاحساء لازم نمر عليهم ️

مكان جميل ويتسم بالهدوء، جربت قهوة مخا ممتازة والأمريكانو لا بأس، المكان صغير نوعا ما ولكنه مرتب، يوجد قسم معزول للعوائل عن تجربه نوعية القهوة لديهم ممتازة وكذلك كيكة الزعفران مميزة.

عندهم قهوة رهييبة وباريستا أرهب إسمه سافيول. أنصحكم تجربون قهوة من يده. شكراً لكم من القلب thank you sefiul your V60 verrry sweet.

قهووه رهييييبه
رجعت اكتب بعد سنه من تقييمي الأول
افضل قهوة بالاحساء بالنسبة لي لاتغير ولا تأثر
مشاءالله عليهم ربي يوفقهم ان شاءالله

مقهاي المفضل للقراءة والمذاكرة، الموسيقى اللي تشتغل راقية وجميلة، غالبًا موسيقى أغاني شهيرة خليجية وعالمية.
عنده حلى جميل، وقهوة لا بأس فيها.
ما يعيب الكافيه بالنسبة لي إلا الكراسي الجديدة، اللي قبل كانت أريح، وإنه السبانش لاتيه حقهم والمشروبات الباردة عادية جدًا.
لكن الكافيه للحق، من أفضل كافيهات الأحساء

مقهى ممتاز
صغير
يقدم المشروبات بأمتياز
البن سابقاً من كذا محمصة محلية
حالياً البن المستخدم من تحميص صاحب المحل
الله يوفقهم لكل خير

المكان رايق وهادئ لكن ظلام مرة. ما يدخل نور الشمس لداخل. طلبت دونات وكانت عادية
قهوته مقبولة مو سيئة
بشكل عام ما اقدر اقول انه من افضل الكافيهات بالاحساء لكنه مقبول

المكان مرة هادي ورايق ويبعث على الاسترخاء في موسيقى بس هاديه وقهوتهم مش بس عجيبة اللي بعده. أعتبره من أفضل مقاهي الاحساء إن ما كان أفضلها فعلا بإنتظار خلطتهم الخاصة من البن عشان أجربها في البيت

من أوائل الكوفيهات المختصة إن لم يكن أولها في الأحساء وهو من أفضل الكوفيهات المختصة في الأحساء أنا زرت جميع الكوفيهات في الأحساء ولكن كانوا يهتمون فقط بالديكور على حساب القهوة فجميع الكوفيهات في الأحساء لايقدمون القهوة المختصة كما هي بالشكل المطلوب ولايجيدون إعدادها ولايجيدون حتى اختيار البن أما مخا فالباريستا فيه يعرف جيداً ماذا يقدم وماذا يعد ويعرف أيضاً يختار البن المناسب جربت عندهم الايس لاتيه ممتاز وجربت مخا جافا بارد وكان ممتاز ومميز ولم يسبقه أحد إلى الان لايوجد من يقدم نفس مخا جافا فهو مشروب خاص بمحلهم ولكن الشئ الذي أود الإشارة إليه هو أتمنى من إدارة المحل تحسين قسم العائلات بتوسيعه وأيضا تغيير الكراسي فهي متعبة غير مريحة وأيضاً الإنارة لابد أن تكون بشكل أفضل

Great place the coffee is really good
I definitely will come back again

But i think the barista and cashier should be smiling much more often

بشكل عام اشوفه اول محل في الاحساء يقدم القهوه المختصه الديكور ممتاز عيب المكان انه صغير وزحمه مايتفع لا للعوايل ولا العزاب في الجلسه بسبت صغره مافيه منيو للمشروبات الموجوده

كونه مقهى مختص سأتحدث عن القهوه أولاً. طلبت فلات وايت وكورتادو من قبل، إيحائات القهوه جميله وموجوده، تبخير الحليب ممتاز مما جعل الايحائات تبرز.

ماراح اتكلم عن المشروبات البارده لانها وبكل بساطه للاشخاص الغير مهتمين بالقهوه ويبحثون عن السكر وطعم المحليات فقط فلذلك لا اهتم لها كمحب للقهوه المختصه.

الاكواب يستخدمون اكواب acme (افضل براند)

ساعات العمل جدا قصيره ولاتناسب الجميع

حاولوا تبتسمون ياشباب، الابتسامه مهمه جدا!

حتى كتابة هذا التقييم فـ مخا هو الأفضل في المنطقة بوجهة نظري. الباريستا واعيين جدًا في عالم القهوة وكيفية التعامل معها. يستخدمون حجم الأكواب العالمي وهو ما قد يراه البعض عيب لكنه ميزة تبين أنه مقهى مختص لا يبحث عن ما يطلبه البعض لكنه يمارس أساسيات القهوة المختصة. البن المستخدم في القهوة ذو جودة عالية ومختص، القهوة الاثيوبية من سلالات القهوة رائعة جدًا في صنع اللاتيه. خيارات الحلويات مميزة جدًا والأسعار معقولة. المشروبات الباردة مميزه، أكثر ما يميزها هو دقتهم في كمية المحلى المضاف بحيث أنه لا يطغى على طعم القهوة ف يكون مشروب حالي بنكهة فقط! السبانيش لاتيه لذيذ جدًا بالذات البارد. الموسيقى في المكان جميلة وهادئة، بحيث تمكنك من الاستمتاع بوقتك هناك إذا كنت تقرأ أو تعمل على جهازك المحمول.

تعامل الشباب غير راقي والاسعار مبالغ فيها

سبانيش لاتيه ب 18 كوب صغير

اروح كوفي 65 الي بالنسيم ب 15 اوفر واحلى

Not as expected unfortunately, will give it another chance soon.
من زمان مخططه أجرب هالمقهى، لكن. طلع مو على التوقعات صراحه
المكان رااااااايق وهاديء و جميل (مع انه صغير)
جربت السولتد كراميل البارد على مدح الكثير (ماقدرت اكمله ثقيل وحالي)
اختي جربت السبانيش لاتيه عندهم تقول كان لذيذ
طبعاً راح أعطي المكان فرصه ثاني و لي زيارة قريبه لتجربة مشروبات أخرى إن شاء الله

يستاهل العنوة الاسبانش لاتيه ممتاز جداًو الكورتادو جيد جداً المكان نظيف و الديكور رايق لكنه ظيق

الكوفي-شوب مقبول مو واو. وبزيادة هدووء ما كأنه مكان جاي توسع صدرك فيه حتى مع الزحمه.
قسم العائلات مظلم ومخبأ بالخلف مقارنة بقسم العزاب اللي بجانب النافذة، وأشوفه نوع من أنواع التفرقة، وما رضوا لي أجلس فيه وصاروا ينادوني بصوت عالي علشان أقوم وبطريقة غير لائقة. ويستاهلون أقيمهم ١ من ٥.
طلبي كان محلي مع ذلك استخدموا كوب ورقي وأنا افضل كوب سيراميك او زجاج في حال كنت بجلس

القهوة لذيذة، لكن الجلسات الخاصة بالعائلات مغلقة ومظلمة، الاجدر ان تكون مطلة عالنافذة مساواة بالافراد. ويسمح للجميع باختيار المكان الذي يفضلون الجلوس فيه.
اضافة لذلك، أسلوب الموظف غير لائق عند طلبه تغيير مكاني.
٢٠١٨ ومازال هناك تمييز في الجلسات.

أعجبني المكان رايق وهادي والشباب 100 على 100. المكان مزدحم اشوي وصغير يفضل لا تجي ومعك عدد كبير تعال لحالك تقهوى ومراح تتحسف. سعر القهوه 18.