Mishwar

نظافة وتقديم مميز الا ان الطعم عادي هناك عروض عائلية جيده نوعا ما الا ان صورة الإعلان مغايرة للحقيقة تمام

مطعم غريب اطلب منه طلب واقولهم بستلمه وطلعوه لي برى على اساس في ٢٠ دقيقه يخلص ويلطعوني نص ساعة برى وارجع اتصل عليهم يقولون طيب بنطلعه ولا يطلعونه وامشي ولا يرجعون يتصلون وينك يضحكون وربي مدري هم نسيوني ولا كيف! مايكفي الاكل يكون لذيذ لازم الاسعار والخدمة بعد يعني انا لو بفكر اطلب منهم مره ثانيه ماراح اطلب لأن اعرف ماراح يسون لي طلب ولا بينسوني!

أسوأ ادارة فرع ممكن تمر عليك. بريك ساعة الا عشر عشان صلاة المغرب و ياخرون طلبك ودايم ماعندهم صرف و اكلهم بارد

انا طلبت منهم صحن شاورما ب 40 وجاني صغير جدا ورحت للمطعم ووراني الصحن الكبير والصغير نفس الشي تقريبا لاكن كذب ف الاسعار وهاذا الصحن الي وصل

هذا اللي يقلك مقبلاته يفوز ع اكله
الحمص و التبوله و ورقم العنب شيئ اسطوري والى الان مافيه مطعم يفوز ع مقبلاته لاكن اكله يجي منه مثل المشاوي

مطعم سيئ جدا لاتعامل ولا جودة ولا في ادارة تسمع للشكاوي طلبت من عندهم وجاني الاكل فيه ريحة عفونه وقديم اخر مره ان شاء الله اتعامل معه

احب البشاميل القديمه حقتهم واحب سمبوستهم برمضان مع انهم زعلوني اخر رمضان مكثرين كراث بشكل مايخليك تاكل بس مطعم حلو نظيف

ممتاز وانا من زبائنه لكن في هذه الزيارة كان سيء في الاستقبال وكذلك نوعية الطلب وعدم المصداقية للزبون

من ٢٠ سنه وانا اتعامل مع هذا المطعم ، مطعم جيد متجدد بس نأمل من الإدارة مراجعة بعض اسعار الاطعمه.

اشتريت كيلو مشويات ب99 ريال من فرع الدمام حي بدر 91ومن الواظح ان وزنه لايتجاوز 500 جرام وانا موغشيم تضحكون علي من سنين وانا اشتري كيلو مشويات من عندكم واعرف انه تم التلاعب في الكميه والحجم وكنتم تحطون الكيلو في صحن قصدير واحد كبير والان تضعونه في صحنين بلاستك وسط يعني تحسبون الزباين مايفهمون لكن توبه منكم توبه لا انا ولااهلي ولاربعي باذن الله.

مشويات متوسطه وشاورما مقبولة والجميل أنه اصنافهم متنوعه وكثيرة والسعر شوي مرتفع بالنسبة للجوده

الاكل بارد خدمة سئية جدا الاكل غالي عن باقي المطاعم الخبز عادي ماهوب خبز هولي مقارنة في باقي المطاعم هذا المطعم لايقيم حتى لربع نجمة

مشكل المشوي بشكل عام غير جيد بالذات اللحم المشوي خشن ، شاورما اللحم ممتازة لكن الكمية الموجودة في الصحن قليلة مقارنتا مع سعرها ،،،

مطعم مشوار سيئ مو بس فرغ ٩١ كل الفروع لا تعمل كويس ولا طلب كويس ويوم تقوله في غلط بالطلب يقولك مش ممكن في مطاعم احسن من سلسلة مشوار

زرته بالأمس في تمام الساعة العاشرة والنصف مساءً
وتفاجأت من سوء الخدمات وعدم توفر التكييف نهائي علماً بأنه من العلامات المميزه لمطاعم الشرقية وعدم تقبل الرأي من قبل بعض العاملين

من المطاعم الي تتميز بالاستمرارية بالقمه اكل لذيذ ونظيف عمالة نظيفه ومحترمين يجب ان يدرس لبقية المطاعم المحافظه على الجودة من اصعب اعمال الشركات خاصة في المطاعم بالنسبة للاكل بشكل عام كل الاصناف تعتبر رائعة المشاوي والمقبلات والشاورما والبروستد والرز كلها خمس نجوم شكرا لكم

مطعم مشوار معروف بصحون المشويات اللذيده واجمل مطاعم البروستد بالشرقيه ماشاء الله الله يوفقهم
والحين بيوصلوا على رقم الخدمة المجانى /
920007749

حرام فيه حتى نجمه اعطيته فرص كثيره اخرتها امس اطلب لازانيا ب٢٢ ريال وفي النهايه طلعت حامضه يعني قعدت برى كثير لمى خرب الاكل! ؟؟؟فلفله عندهم المكرونه باشاميل ب١٠ ومررره لذيذه من سنين وماقد طلبت من عندهم وطلع الاكل خربان

مشوار حي طيبه ممتاز مع وجود واي فاي مجاني وقنوات رياضيه ولكن اما ملاحظتي عن الاكل خاصة الشاورما تكون محترقه وباردة.

معلم الشاورما تعامله سئ جدا وغير نظيف وما انصحكم بالشاورما لانها كلها بطاطس وسلطة ، والدجاج جداً قليل والسعر مبالغ فيه الصاروخ عندهم ب ١٣ وحجمه مثل ابو خمسة في المحلات الثانية، نصيحة لا تروحوا له في محلات احسن منه بكثيير

لا بأس.
تنوع القائمة
لا توجد مواقف كافيه. دائماً بسبب وجوده بالقرب من شقق سكنيه والسكان هناك لا يستخدمون القبو وكذلك أصحاب المحلات. لذلك نادراً تجد موقف أمام المطعم والمرور يمشط المنطقة جيداً انتبهوا ما تسوى عشاء أو غداء و مخالفة 150-300 ﷼

يجيني احباط اذا شفت مصريين في ادارة المطعم! طبعاً مو تقليل منهم ولكن ادارتهم سيئة

المطعم كاصناف اكل جيد ولكن الاسعار مبالغ فيها, والمحاسبين محتاج يتغيرون عمري ما ارتحت لهم.

كل مره اجيهم اقول اخر مره ولكن ما أمر هذا الفرع بالتحديد الا اذا مضطر. النظافه غير جيده التغليف للأكل سيء خصوصا صحن الشاورما. ودايما العمال يتهاوشون. الفرع هذا حفاضا على سمعة مشوار المفروض يقفل. اخر طلب والله ريحة الاكل الله يعز النعمه.
طبعا اكثر الي يمدحون عمال المطعم او أقاربهم

من السبع العجائب دجاجة ع الفحم ب ٥٠ ريال!
يجب احترام العقول حتى تكسب زبائنك
بالاضافة الى العروض المضحكة
شر البلية مايضحك

تو طالبين منه الدجاج فيه ريحه واسود وجاء بارد وحتى البطاطس كم حبه اسواء مطعم تجربه ولاراح تتكرر

طلبت بيتزا دجاج ، وربي اقرف بيتزا مرت علي في حياتي! كدت اتقيا من رائحتها!
استغرب هذا المستوى من مشوار!

بصراحه أطلق مطعم والله أولا يوصل حتى ربع دجاجه يختلف عن بقيه المطاعم أنا اتصلت ع جميع المطاعم قالو مانوصل الا حبه دجاجه فقلت آخر اتصال لي ع مشوار فتصلت فاستغربت من رجل الإستقبال كلامه وأسلوبه قسم قمه الأخلاق ولما طلبت ربع دجاجه مع الرز كنت مستعد ان أسمع كلمه منه نحنا لانوصل إلا دجاجه مثل بقيه المطاعم فاكان رده أبشر ي الغالي راح نوصل لك طلبك لين موقعك بجد انتم محظوظين برجل الإستقبال ليت كل المطاعم عندهم مثل رجل استقبال مشوار جدا اشكر رجل الإستقبال وعمال التوصيل الذي يوصلو طلبهم بسرعه وشكرا. ؟ ربي يوفقكم ويرزقكم

زرت المطعم و تعامل راقي جداً من المشرف اسمه احمد عبده باقي لهم هلل وسامحني فيه ، فرع حي الروضة كلية البنات ، الي يقولون ياكلون حقهم في الهلل اصابع اليد ماهي سوا

المطعم معروف بشكل عام ولكن يعيبه تعامل الموظفين على الطلبات عدم وجود الشخصية المميزة في التعامل مع الزبائن حيث تعامل الموجودين سيئ جدا ووجهه يسد نفسك عن الأكل وخاصة المصري اللي على الكاشير اسمه عزام او لزام انا طلبت واسترجعت الطلب من سوء التعامل والمعاملة

غالي جدا وطعم عادي فيه مطاعم ارقى وافخم وطعم مجنون مثل سنجار عراقي في طيبة. وبسعر ارخص من مشوار

خذيت منهم شاورما دجاج /لحم
الدجاج كان كويس نوعا ما لكن اللحم مليان زيت لدرجة سبب لي غثه والدجاج كان شوي مليان قطع محروقه

رحت لهم اليوم الغدا اكلهم بارد. والعمالة اسلوبهم خايس
مانصح بالتعامل معهم. هذي اول مرة واخر مرة علما اسلوبك في الرد على تعليقي يثبت كلامي

اللي اعرفة من اصحاب المطاعم اذا حصل خطا في متجرة يحاول حل والتحقق مما حصل ويعتذر من الزبون ولكن لاحاجة لي بالاعتذار كل اللي احتاجة انك تراقب الفرع في حي طيبة وسترى بنفسك

وشكرا لك

مقبلاتهم شي ادماااان بكل انواعها لذيذه ، و الاصناف الي عندهم حليوه بس بخيلين و غالين من زمان كانو العكس

العامل يشتغل و في نفس الوقت يستخدم الجوال لخبطولي في الطلب الاسعار غالية بالنسبة لي الكمية مطاعم واجد أفضل منه الي هي فلفلة و الكوفة و ابو نواس في الاسعار و الخدمة

طعم الاكل لا يفرق عن فروع مشوار الأخرى. نظافة المطعم عالية و الترتيب بالمطعم من أخذ الطلب إلى تسليمه ممتازة.

مطعم جيد ونظيف وله عدة فروع بالدمام والخبر. موقعه في حي طيبة بالدمام في شارع تجاري حيوي.
أسعاره بصفة عامة معقولة ولديهم أكلات متنوعة بداية من المقبلات والمشروبات وكذلك البروستد بانواعه. وكبسة الدجاج والبخاري والشاورما والمشاوي.
العاملون مؤدبون وتعاملهم جيد.

يقدم اكلات جميله وايضا وهو المهم المكان نظيف ومريح الاجواء كانت ثاني مره اروح لهم ونفس المعتاد اكلهم جميل ولذيذ

دجاجهم مستورد واللحم نعيمي محلي على كلام الموظف بالنسبه للخدمه جيده ولكن المطعم اللذي تفقد ابتسامة الموظفين فيه بصراحه

Prices are Ok. The food portions are good. Service is sometimes slow and the taste is ok. The place does not smell good and sometimes it is full of smoke due to grilling. Overall, it is ok.  

الأسعار مناسبة. كمية الأكل ممتازة. أحيانا الطلب يتأخر خصوصا وقت الزحمة، لكن الطعم جيد. جيته حصلته مليان دخان بسبب الشواء والريحة ماهي طيبة. المكان متوسط عموما.

Clean food with a little high price like 3 to 5sr more what you would usually pay at a grill resturant. But clean food with fresh hot Arabic bread.