دائمآ اطلب على رقم التلفون واجيهم بعد ربع الى نص ساعه. والطلب لسه مادخل الفرن. ورغم ذلك اول ما أسال عن الطلب لازم يستلم حسابه بعدين يقول لي ان الطلب لسه بالفرن. طبعاً غير ان اغلب المرات يعطيني الطلب غلط
أنا أتعامل مع مملكة المعجنات من سنوات لكن في الفترة الأخيرة أطلب بالتلفون وأروح لهم بعد نصف ساعة على أساس أستلم الطلب جاهز وألقاهم لسه ما بدأوا في تجهيز الطلب وفوق هذا الكاشير المصري ما يعطيك وجه يشوفك واقف وتناديه ويمشي عنك الظاهر إني أوقف تعاملي معاهم
المطعم جدًا ممتاز لاكن خدمة الموظف الاستقبال مرأ سيئ جلست نص ساعه انتظره يفتح المحل مع العلم انه داخل المحل ولا رضي يفتح لي و لما فتح ودخلت بطلب يرد بدون نفس و حتى الطلب قال راح يتأخر ساعه على العجينه مابعد تعجن و النار مو مشبوبه
من اسوء المطاعم انا كابتن توصيل المطاعم الباقي اذا طلب عن طريق التطبيق يكون غالبا جاهز وهم لا تاخير الآن انا جاي لي وقت طويل وماكو غيري قاعد انتظر كيف اذا طلب جايهم صاحبه في نفس الوقت كم ساعه بيخلص وفوق ذا اخلاق زفت كأنك تشحت منهم مو دافع فلوس
الموظف السعودي الي يستقبل الطلبات اخلاقه تعبانه واكثر من واحد قالي خلو معجناتكم تخيس اكثر من واحد مراح يكررون الزياره لكم ونا اولهم على ان معجناتكم تعبانه موزي اول
فوق التأخير، موظفهم كلمني من جوال المندوب و بدون ذوق و اسلوبه متخلف قال لي انو ماوصلهم الطلب عن طريق هنقرستيشن! جزء كبير من تقدمكم و نجاحكم الموظفين اللي يعكسوا صورتكم!
المعجنات طيبه لكن موظف الاستقبال يحتاج مرونه في التعامل مع الكاستمر هذا تقيمي بشكل عام لإني لاحظت طلب من امرأه ان يوصل لها الطلب في السياره لاتستطيع الأنتظار أمام الرجال ولم يوصل لها الطلب علما بأن سيارتها مقابل المحل؟؟
طلبت عدة اصناف مشكله مثل شكشوكة وبيتزا فلافل وبيتزا عادية وغيرها. الطعم لا بأس به وأسعاره معقوله. توجد جلسات بالمحل لكن لا أنصح بالاكل هناك لصغر المحل والوضع زحمة خلال زيارتي له. وعندي اقتراح وضع كراسي بدل الكنبات افضل ويعطي مساحه أكبر
المطعم أسعاره غالية والجودة أقل من المتوسط يغلطون في الطلب كثير. وأيضا تأخير غير مبرر في الطلبات يقولك 20 دقيقة وتجي واشوف الطلب غير جاهز. وتعامل سيء مع الزبون خصوصا من الكاشير المصري اللي يشتغل في الليل كثير يغلط في الطلبات ويتعامل بدون احترام ولا مهنية.
السعر مرتفع الجودة متوسطه النضافة ممتازه لي تجربة سيئة للأسف قالي حسابك 15 وكنت متسعجل واعطيته الحساب. بعد مارجعت البيت لقيت الحساب 14.70 هلله. صحيح انا غلطان المفروض اشيك ع الفاتوره لكن المحاسب باين انه نصاب وياليت لو الكل ينتبه مني 30 هلل ومنك ومن غيرك كم بيطلع له باليوم!
المعجنات متوسطة الجودة. المكان نظيف وفيه جلسات كنب. الاسعار جيدة. جربت كذا نوع وماكانو بالمستوى. الزعتر والسبانخ فيهم حموضة اكثر من اللازم ويمكن ذا شي شخصي بالنسبة لي. اللبنة بالزعتر والشكشوكة جيدين. الحلاوة بالجبن جيدة ولكن كانت الكمية كثيرة بالداخل. الخدمة سريعة نوعا ما بحكم التجهيز على الطلب. لحومهم بلدية اما دجاجهم فيه بلدي وفيه من البرازيل. بشكل عام مطعم متوسط.
I've tried the shawarma with cheddar cheese, it was delicious. I also enjoyed the beef pastry. I give the restaurant 7/10.the good thing about it also is that it's opening on Friday morning, which is the time most restaurants are closed due to Aljumah Prayer time