صراحتا والحق يقال انه هو افضل مطعم رز عندنا بالخبر، جربت كثير مثل قصر الرتم وزاد السلطان، اسعارهم اعلى والطعم اقل من العادي. بالامانة ودي اجرب الحنيذ عندهم بس دائما يخلص، المضغوط الدجاج يذكرك بمضغوط الكشتات، ويجي ساخن ويحتاج ٤٥ دقيقة للتجهيز. اعتب على الموظفين مرات لانهم ما يمشون على سياسة وحدة. متعود اخذ نص مضغوط دجاج بدون جلد وزيت قليل، ودائما اخذها بذي الطريقة، والموظف المصري يسويلي اياها لاني عندي مشاكل صحية ولا ابغى زيوت واجد بطبخ. اما السوداني قبل يومين عاند ورفض رفض تام انه يعدل على الطلب قال لازم تاخذ دجاجة كاملة. دائما الموظف السوداني ما يتعامل بحرفية وشوي الصدق منفس وبطىء جدا. وحصلت مشكلة اخرى بسبب الموظف السوداني دقينا على المطعم الساعة ٧: ٤٥ ما سوا الفاتورة للطلب الا ٨: ١٢ وقال لنا حق تسليم الطلب انتظرو ٣٥ دقيقة لانه الفاتورة ما سواها الا ٨: ١٢، بس كلمته قلتله ما ينفع كذا بعد مناوشة مع الهندي والسوداني الظاهر نزل لنا طلب شخص اخر. ليت السوداني يتحسن، لانه اتوقع اذا هو اللي بياخذ الطلبات مستحيل اروح المطعم، يرفض التعديل حتى لو قلتله عندك امراض الدنيا، ما بضرة يسوي نص دجاج بزيت قليل و بدون جلد. بس سبحان الله فيه نحاسه
بالله هذي نفر يقدم بقيمة ٨٧ ريال هذا استخفاف بالعميل انا انصح رؤية الكمية قبل الشراء والحنيذ اسم فقط لا يمت له بصله واضافة الى الخدمة السيئة الي يكلمك العامل من راس خشمه لا سامحك الله والله انك قهرتني يا صاحب المحل.
المطعم اخر سنتين بانحدار ومن سئ إلى أسوأ اخر زياره كانت اليوم وريحة اللحم معفنه حتى العمال شموها تعامل الموظفين سئ اخر زياره رغم انه كان مطعمي المفضل من فتره طويله
والله على ما أقول شهيد انصب إدارة مطعم وبالتحديد البنجالي والمصري الخايس شفته في حياتي انصح بعدم ارتداء هذه المطعم كمية الاكل ما تسوى عشرين ريال الله لا بارك فيهم واسال الله ان يمحق رزقه
فيه مصري تعامله سي جدا بعكس اخواننا السودانيه يكرهك المكان و اسلوب غير محترم انصح صاحب المطعم يغيره لانه بيخسر زباين كثير وأكثر التعليقات برضه تتكلم عنه
في سابق كان من افضل الحنيذ على مستوى الشرقية اما الان تغير بشكل ملحوظ والموظفين فيهم كسل مو طبيعي وغير كذا الطلب مايعطونك حق سعره يعني مثلا تاخذ نفر حنيذ ب 87 يجبون لك قطعتين لحم واذا تكلمت يقولو هذا نفر مانقدر نزيد عليها ولا نتحاسب
حنيذ مطبخ جمرة الجنوب النظافه مافوقها فوق الحنيذ حقهم انتبه تاكل اصابعك وانت ماتدري عليهم حنيذ ماشاء الله تبارك الله الفطور سلم على الشيف حقهم انصحكم جربوه ان شاء الله راح يعجبكم
حرام والله الاسعار ع كمية اللحم رضيو الناس ب ٨٧ يعني ٩ الا ومع هذا اللحم قاعد يقل ليش اخذ نفر يطلع ثلاث قطع صغيره اللحم اللي عليها ياكلني ثلاث اربع لقم بالكثير! في شي مو طبيعي قاعد يسير مع المطعم الكميات تغيرت مع ارتفاع السعر احنا زباين ونعرف الكميه قبل يعني ارتفاع السعر مفروض اقلها تحافظ ع الكميه السابقه
نجمتين عشان المحل نظيف و الطعم كويس بس مو ممتاز مرات اللحم يجي جديد و مرات قديم بايت. الخدمة اسوء منها ما شفت و مافية اي التزام بالوقت والمحاسب مطنش و اذا كلمك بدون نفس و الطلب يتاخر و السعر غالي مبالغ فية و الكمية قليلة يعني الشخص الواحد لازم يطلب نفرين. العمال يتهاوشون مع بعض عشان مين ينزل الطلب للزباين.
المطعم صاحبه واضح تعبان عليه الله يرزقة ويبارك له. غالب العماله تعاملهم سيئ مدري يمكن تكون الادارة فاشله الأكل طيب ولكن الأسعار مبالغ فيها مقارنة بالسعر ريحة المطعم ماتمثل اصناف الطبخ او التراث السعودي يجب وضع ادارة سعودية صارمة من اهل الحلال او موظف شقردي يحتاج تجهيز طلبات في وقت الذروه ولايجب الانتظار وقت طويل لأقل طلب ولازم تكون الادارة حاسبة الاوقات المعتاد
المطعم من الخارج والزجاج الخارجي يحتاج نظافة وإنارة مناسبة وترتيب يليق بالمطعم العماله الموجودة للمحاسبة واصناف معينه للطبخ ممتازين غيررها ما اعتقد ينفعون
يبي للمحل عمال حركين نصايح لوجه الله وارجو التوفيق للجميع
المطعم اكله جميل، بس مو دايم محافظ على جودته، يعني مره يجيك مطبوخ كويس و مره يجيك مافي طعم. و الخدمه جدا سيئه و هذا الي ما يخليني ارجع له. و تكرمون ريحة دورة المياة شينه و الماي دفعه ضعيف جدا. اتمنى يطورون من نفسهم شوي.
مستحيل اطلب منه مره ثانيه اذا بتطلب دجاج روح له وعادي جدا بعد اما الللحم لاحد ياخذ منه والله نصب عيني عينك لا كميه ولا سعر وصاحب المطعم يدري بالموضوع ذا ويدري ان العماله تجيب الهم لالكن.
المطعم اكلهم حلو بس السوادنه الي فيه لك عليهم تعامل وخاصه المحاسب حق السفري نجمه فقط لل اكل الصلاة مخلصه وهم متسدحين في المحلي ومقفلين وحناء منتظرين برا نفخنا البرد
ما انصح فيه مطعم سيئ جداً وبدات قسم العوائل ريحه مخيسة وجلسات وصخه وكاشير ما يعرف وش الي متوفر في المطعم للاسف سمعت عنه كلام ورحت وانصدمت فيه. الاكل ما جربته للامانة. بس الكتاب باين من عنوانه
صباح الخير وتحيه طيبه للجميع تجربة الفطور غير موفقه اسعار غاليه جدا الكبده غير طازجه صاحب الحلال يحتاج مراجعة الاسعار خبز الميفاء عادى جدا والله يوفق الجميع بأذن الله وشكرا
الطعم لا باس بس الخدمة سيئة جداً جداً جداً بشكل فضيع العمال ما يبغون يخدمون أحد لدرجة واحد طلبهم ماء قالوا مانعطيك لأن ماعندك فاتورة! أسوأ خدمة لمطعم شفتها في حياتي
مطعم اقل من عادي طلبنا ربع وربع الذبيحة غير صحيح واضح للي يفهم بالتفصيل اللحم انه اقل من ربع الكنافة جايبها محروقة وكيلو شيرة عليها قلت له غيرها ما رضى ولسانة طويل الزول اخر شي اكلناها بس حفاظا على النعمة للامانة الأكل جدا عادي وما يستاهل ولا في امل اجيه مرة ثانية
انا عطيتة النجمات كلها علشان الاكل لذيذ واللحم حلو وطازج وعندهم مضغوط العقبة يفووز لكن سبق وقلتها 20 الف مليون مره الادارة والعماله سيئين وخاصة السوداني اللي على الكاشير مو مره او مرتين او ثلاث او عشر دايم نفس الاسلوب سواء طلبت بالتلفون لتجهيز او للمحلي
بصراحه انا افطر عندهم بشكل يومي وهو من افضل المطاعم الي تقدم فطور طازج وصحي اما بالنسبه لليوم فأنا اغير رايي في مصداقية هالمطعم في مايقدمه لاني اليوم افطرة عندهم جابولي لحم لونه متغير قالب على اسود وقاسي واتوقع انه بايت او معفن جاني تسمم منه الله لايبارك فيهم والي باقي يفطر عندهم
صراحه مستوى الاكل لايليق ابدا بمستوى المكان وتصميمه وديكوراته جيته مرتين كان الطلب عشاء حنيذ وعصيده اعطيها 3 من 5 الفطور الكبده 1 من 5 والبقيه 2 من 5 هذا غير البطى والتاخر بتحضير الطلب كانت تجربه خيبه لعشاق المطبخ الجنوبي
حضرت بعائلة كبيرة وطلبت جلسة كبيرة وافاد بان سعر الجلسة الساعة ب ٢٥ ريال ولا يوجد سعر موضح بالقائمة الاكل سعرة غالي جداً واللحم قليل جداً وطلبت من العامل رقم صاحب المطعم ورفض افادتي بالرقم لتقديم الملاحظات والاقتراحات خدمة سيئة جداً
صراحه مستوى المطعم سيئ عن السابق اللحم قليل قطعتين ومسخن النفر ب٨٧ ريال وايضا والدجاج المظبي يابس ومسخن والكنافه ملاينه شيره وجلسات العوائل تغيرت اضف الى ذالك الدرج الي ينزل لقسم العوائل ارجوا من الاداره التغيير للافضل. ولا جعلهم ماتغيروا هذي ااخر زياره لهم
للامانه طلبنا لحم اثنين نفر وكان قليييل جدًا جدًا لا يكفي لطفل عمره سنتين والدجاج سيئ والتعامل يعتبر نوعاً ما حلو اتمنى زيادة كمية اللحم وتحسين الجوده وشكرًا اعوذ بالله من سوء المنقلب.
قسم العوائل غير نظيف ورائحه عفنه …. الرز والدجاج مو بالمستوى السابق بالفرع الصغير …. انا اشوف يوم توسع المحل اهملو اشياء كثيره اتمنى يرجع مثل ما كان اول
اللحم 10/7 والنفر ب 87 ريال وبالكاد يكفي شخص واحد تغيرت الجودة فسابقا كنت اعطيه 10/10 الرز 10/10 الكمونية 10/8 ب 15 ريال وبالكاد تكفي شخص جينا قبل الصلاة بوقت وحبينا نطلب زيادة قال ما نزيدك الا بعد ما يفتح الكاشير حتى اللبن رفض يجيبه الجلسات العائلية نظيفة
النجمتين عشان الطعم فقط لا بأس به أما النفر ب٩١ ريال و بدون سلطة حارة و يحطلك قطعة لحمة ما تكفي لقمه حتى البصل و الليمون كنك تشحذه شحاذه بإختصار غالي على قل سنع
المطعم جيد بس بصراحه الاسعار مبالغ فيه جدا بالنسبه ل فطور ممتاز بس زيارة ل فطور مره ثانيه لن تكرر بسب السعر المبالغ فيه وقلة الكميه في الصحن. تم الرد من صاحب المطعم انا ماقلت حط الفطور بريالين نعم اعيد واكرر السعر غالي مقارنة بالكمية موجود بالصحن تقبل و أحترم الراي الاخر
المطعم اكله لذيذ جداً لكن السعرلا يتوافق ابداً مع اللحم المقدم للزبون 3 قطع بحجم اصبع اليد لا تعطي اي واقع بقيمة المدفوعه من الزبون وهذا يعتبر اجحاف بحق الزبون و يحتاجون للرقابة من قبل صاحب المطعم بنفسه فيما يقدم للزبون من كمية اللحم (وجهة نظري)
اسعار مبالغه جدا جدا خاصه اللحم ، ثلاث قطع صغيره جدا ، لنفر اللحم ب ٧٥ ، كانك تطلبهم صدقه. يجب اعاده النظر في السعر وكميه الطلب ، او على الاقل بدفع لك سعر مرتفع لكن اعطني الكميه المناسبه للقيمه المدفوعه.
الاكل جيد ، بس عيبه التقديم يحسسك المطعم انك في جمعية خيريه ويعطيك الاكل صدقه ما كنك دافع فلوس وحتى لو كان الاكل جيد لا انصح بزيارته دام الكادر الحالي موجود والكمية شحيحه
للأسف مطعم خدماته سئيه جداً والعمال كأنهم يتصدقوون عليك باالاكل شوفة نفس على غير صنع أنصح بعدم تجربته الى حين يتم تغيير الطاقم وتحسين طريقة التقديم ومقابلة الزبائن بطريقة حلووه وسوف يندمون على طريقتهم هذي
شوفة عينكم هذا نفرين حنيذ بـ150 ريال. *السعر غالي. *الطعم عادي. *الخدمة جيد جداً وقت حضوري (قسم العوائل) لم يكن موجود بالصالة الا انا وعائلة اخرى. *عدم توفر (اكرمكم الله) مغاسل ودورة مياه خاصة بالقسم. *تتوفر عدة غرف بجلسات ارضية وصالة تحتوي على عدد من الطاولات بقسم العوائل بدون حواجز مكيفه بشكل ممتاز. *مستوى النظافة وقت زيارتي ممتاز.
خدمة سيئه للغايه في كل مكان تشوف زبون يتذمر عماله تتفنن في استفزاز الزوار من تاخير وعدم تواجد واسعار مضحكه اقل من ربع ليمونه ما تاخذها لين تدفع ريال شيء مضحك ومنرفز
المطعم جيد والمذاق والنظافة تستاهل السعر المرتفع ولكن للأسف الكاشيرات الموجودين في المطعم غير محترفين وطاردين للعملاء. اسلوبهم في التعامل مع العملاء لاينفع ان يكون في مطعم