Herfy

سبحان الله نضيف والموظفين قمه في الاخلاق
السعودي يحلي الطلبات ويجعل للاكل ثقة بنضافته

المطعم سيء كخدمة اطلب منة وجبة ومقرمشات يحطلي وجبة كلهم ويوم اقولة يرجعهم يرفض بحجة اني دافع شبكة

مايستاهل ولا نجمه حسبي الله ونعم الوكيل طعمه فيه زفره له ريحه وبارد ثالج خساره فلوسي راحت عليه وثاني شي وجبت طفل طالبه بدون بوكس ولا لعبه العبه بفلوس طيب ليش كاتبين وجبة طفل كيس واحد جامعين الطلبه كله بدون كاتشب ولا مايونيز حرام كل ريال فيه

مقفلين العوائل وانا جاية لحالي اطلب والهندي ينافخ عليّ تبين تطلبين ادخلي مع حق الافراد وهو كله مليان شباب! مرره استفزاز

سيء جدا لا تنضيم ولا اهتمام والموضفين ضايعين والله ، وتجلس فتره طويله تنادي ف السماعه محد يرد. معقوله ما فيه اداره. الساعه 2: 50 ضهرا. التاريخ 18/11/1444

اتمنى محاسبة المتاخر في هذا الوقت والرجوع الى الكاميرات ان كان يوجد فيه اداره

اسواء فرع في المملكة الموظفين تعامل سيء الاكل يجي بارد تجي لقسم العوائل ماتحصل الموظف تنتظر ٢٠ دقيقه عشان تطلب.

التجربة فاشلة كم مره اعطيت المطعم فرصه و اعتقدت ان يتعدل جودة الخدمة والأكل لكن لا حياة لكن تنادي وبتكون اخر زياره لي للمطعم

من اسوء المطاعم الاكل سيء الخدمه سيئه كل شيء سيء بطاطس مزيت وجبات بدون بهارات واضحه ماتطعمها ولاتتلذذ فيها مستحيل اعيد الخطأ واجيهم

فرع حي الواحة بحفرالباطن نصيحة اذا اخذت طلبك وانت عندهم قبل تمشي راجع طلبك سجي ناقص مره جبن مره قطعة الدجاج طالب حبتين يحطون لك حبه او يحطونك حبة حااره فلفل وحبة بارده وانا طالب بارد وتطلب ديو يعطونك بيبيسي ويزعل بعد اخر مره لكم يافرع الوحة بعدها راح اتعامل معاك بشكل ثاني اخليك تكره اليوم اللي جيتك فيه وطلبت منكم

بصراحه هرفي كشركه ممتازه ولكن بعض الموظفين سيئين
اليوم جيت اطلب بسياره وعندما جيت على مكان الطلب لم يرد الموظف رغم اني اكثر من مره ارد السلام وعندما تقدمت رفض الموظف استقبال الطلب وقال ارجع من جديد وبطريقه مزتفزه وقلت ادب والموقع في حفر الباطن جنب محل رامز ارجوا تعليم الادب للموظفين لانه مهو كل انسان يتحمل قلة الادب وشكرا

المطعم جربتة مرتين وللاسف تجربة سيئة جدا
اول مرة وصل الاكل بعد سااااعة انتظر بااارد
وثاني مرة طلبت من التطبيق وصل بارد وغير اني طلبت دجاج وجبة اطفال حاطين لحم بدالها وفيه ريحة اللحم وخايس وتجربة لن تتكرر

لايحتاج الى تقيمي هو من مطاعم الوجبات السريعه المشهورة. ويعد من العلامات المنتشرة في المملكة وله فروع في دول اخرى. وتجربته ناجحه في كل شي ومنافس للكثير. عندهم وجبات رائعه وعروضهم الكثيره. الصراحه يستاهل تجربته.

نجمة واحدة لعدم وجود عاملين يقدمون خدمة.
نجمة واحدة لعدم نظافة المكان وجودة البارتيشنات والطاولات رديئة وغير نظيفة.
نجمة واحدة لعدم اهتمام الموظف بطلبك.
نجمةواحدة لعدم جودة الأكل المقدم.
نجمة واحدة لعدم وجود موظف سعودي.
نجمة واحدة للأسعار المرتفعة مقابل الخدمة المقدمة.
تجربة غير سعيد أبداً ولن تتكرر.

مطعم كويس وعماله فاشلين يتاخرون في الطلبات وخاصتن الطلبات السفري من الكونتر اوتطبق التوصيل نطلب يتاخرون المناديب في المطعم اكثرمن 20دقيقه مافيه اداره كويسه

المطعم ممتاز من ناحية الاكل والاسعار. النظافة جيدة. يوجد منطقة العاب فغالبا لن يكون المطعم هادئ. مدة اعداد الوجبة تقريبا 10- 15 دقيقة وهي تعتبر مدة طويلة نوعا ما مقارنة بمطاعم الوجبات السريعة. دورات المياه في الغالب نظافتها سيئة

اسعار مبالغ فيها والتلاعب في اسعار المشروبات حيث يتم زيادة ٧ ريال على قيمة المشروب اذا طلبت علبه معدنيه فوق سعر المشروب الماكينه

خدمة طلبات السيارة اكثر من مرة اجيهم ودائما بطيئة للاسف بالرغم ان قدامي فقط 3 سيارات بس مع هذا تاخير 22 دقيقة احسه كثير صراحة ليتهم يتعلمون من ماك بس. تجربة لن تتكرر ابداً.

للأسف يتاخرون مره ومايردون على المكالمات وتعامل بعضهم سيء ياحبذا لو يغيرون من معاملتهم ويهتمون شوي بالمستهلك + وطلبات التليفون

هرفي سلسله مطاعم وجبات سريعه ،، تجربتي له ولاول مره تجربه لذيذه وجميله وسندويكاتهم لذيذه وتعامل المحاسب سعودي الجنسيه راقي جدا له ألف تحيه ،،

المطعم جيد جدا لكن تقييمي لهم نجمة واحدة لأنهم كذابين كاتبين نعمل ٢٤ ساعة وهم يقفلون ٢ ونص ليل ضربنا مشوار عالفاضي

الفرع الجديد ممتاز ونظيف
ميزتهم الاكل تاخذه ساخن واضح مزينينه لك عشانك ماهو حتى تسخين
والخضار فرش ويفوز المطعم السعودي
انصح في برجر التركي

رحت له قبل يومين الاكل كانو قديم لحمة الهمبرجر كانها ليفه يابسه وفيه ريحة هسوسه (الله يديم النعمه) ، ولما رحت للعامل بطلب مزازات وملاعق ماجا اشوفه داخل يروح ويجي ولاكنه يشوفني وكل العمال يطالعون وهو مسوي نفسه عمي مايشوف

هذا فرعهم الجديد على تقاطع الملك عبدالله والملك فيصل بحفر الباطن. وشهادة حق المطعم جيد جدا فيما يخص الخدمه والإتساع وجودة الوجبات. لكنني بالواقع مع انني من محبي هرفي لكونه علامة تجارية وطنيه. إلا انه بإعتقادي لا يرقى الى مستوى ماكدونالدز بالإمكانيات التقنيه والتجهيزات. اتمنى لهم التوفيق وسرعة التطور والتجديد والحرص على استخدام المواد الطبيعيه والصحيه للمستهلك فيما يخص اللحوم والأجبان المستخدمه مع ثقتي الكبيره بهم لمعرفتي بالمؤسس الأستاذ احمد وإصراره على بلوغ أعلى مستويات الوجبات السريعه بلمسة وطنيه،،،

افضل فرع حاليا بحفر الباطن غير عن باقي الفروع الثانيه الاكل نظيف وحار ومستوى النظافه ممتاز اتمنى يستمر بالمستواء هذا ولايتغير الي يحب هرفي ياكل من الفرع هذا ويبتعد عن الفروع الثانيه من تجربتي ️

مطعم وجبات سريعة كل شي تمام وتعامل الموظف ممتاز قسم العوائل. لكن موقع المحل غبي طريقة دخول وخروج ومواقف السيارات معقدة

اكلهم جميل لكن عندهم مشكله في المشروبات الغازية بعد ماتطلب وتنتظر لك ربع ساعه ثم لما يجي دورك باستلام الوجبه تتفاجئ بأن المشروب حق الماكينه مخلص ويقولك البائع بكل وقاحة ووضاعه ماعندنا إلا علب ببسي يعني كأنه يقولك تبيهم وإلا وقت انتظارك بيروح عليك خسارة (يستخدم معاك قاعدة الرضاء بالأمر الواقع) طيب خبرني من البداية بجهاز الصوتي أن مافيه ببسي ماكينة مو لما انتظر ويجي السرى حقي تقولي مافيه هذا يسمى غش ومخادعه وتحايل على الزبون وتصرف غير لائق وفوق هذا طلبي سوبر سايز حجم كبير وتعطني علبه ببسي واحدة بنفس سعر الوجبه الكبيرة مع مشروب ماكينة بالحجم الكبير ولما طلبت منه ينقص من السعر أو يعطيني علبتين رفض هذا يسمى نصب وسرقة ﻷموال الناس مع اﻷسف حصل هذا الأمر معاي مرتين مره بهذا الفرع والثانيه بالفرع اللي على طريق الرياض وبإذن الله إنها أخر زيارة لي بفروعكم