من افضل المطاعم الي جربتهم وخصوصًا خدمة الاتصال وتجهيز الطلب خدمه رائعه اسلوب ممتاز وجدًا جميل واحب اشكر خاصه ام دانه على اسلوبها وطريقة تعاملها مع الزبائن
كانت تجربة سيئة جداً انا دايم اطلب من عندكم والليلة جاني طلب خطأ طلبت شاورما زيادة طحينية وجاتني ناشفة بدون اي شي اذا ماعندكم طحينية قولوا مافيه مو تضحكون على الزبون
الحمدلله علي كل حال المطعم جيد نوعا ما اعرفه من زمان لكن هذا رائي الشخصي الطعم جيد الخدمة بالتلفون مقبول ايضا المطعم اللي في الفردوس تعاملهم يبغي له تعديل وتعامل يكون بابتسامة واخلاقة طيبه طبعا بدون فلسفه كثيرة لا يوجد اي مطعم في الجبيل البلد والصناعية عنده مشويات تقول عليها تبرد الخاطر وتتلذذ فيها يوجد بعض التحسن في البرجر الدجاج يوجد تحسن في المكان نوعا ما
افضل مطعم تقدر تقول شعبي او مطعم كل شي او مطعم عام بالجبيل الصناعية الاكل مو كله لذيذ بس مناسب مع الاسعار وخدمة التوصيل وياليت يهتمون شوي بقسم العائلات
Exceptional food especially Chicken Shawarma pie is Awesome. Both food and service quality is great. Must try dishes are Chicken Shawarma pie, or Beef pie. You can get the spicy version of both. Other notably delicious dishes are Shish tawook, Boneless Chicken, Arais chicken and Pizza.
افضل مكان تناول الاطعمة في الجبيل من ناحية التنوع والجودة والسعر بلا منافس ولكن يحتاج إلى توسيع واقترح عليهم لو ياخذو المحل اللي جنبهم ويخلونه عوايل وبكدة يكون أفضل مطعم بالجبيل بدون منازع
من أنظف مطاعم الجبيل، الأكل لذذذذذذذيذ ماشاء الله تبارك الله، جربت من عندهم شاورما الدجاج جدا لذيذه ، ساندوتش الكباب لذيذ أيضا، كباب اللحم و الاوصال طعمها حلو، المتبل و الحمص و بابا غنوج بهاراتهم مضبوطه، بيتزا الخضار خفيفه ، البطاطس حلوه و مافيها زيت كثيراسعارهم معقوله و تناسب الجميع
رائع هذا المطعم كل شي عنده جميل ولديهم ملحمة خاصة في محلة الطائف انصحكم بتحربة كل شيء عنده كباب لحم لذيذ جدا يعيبهم الشاورما أقل من المأمول الفروض تكون أجمل المعجنات جميلة جدا انصحكم تجربة البيتزا واللبنة بالعسل. العصيرات رائعة خاصة الرمان. سلطة الفتوش مع دبس الرمان لذيذة. لديهم فرعين في الفردوس والفاتير الأفضل الطلب بالجوال قبل الوصول لأنه يكون مردحم وقت الذروة
المطعم من المطاعم الجيدة. بس عندي عليه ملاحظة بالنسبة للطلبات الخارجية. يعني اذا طلبت طلب خارج المطعم تشوفه يختلف اختلاف كلي عن اللي تشوفه في المطعم. اكلت مرة في المطعم صحن دجاج. وماشاء الله الطلب جاني مرتب واسياخ كباب الدجاج حجمها معقول. وطلبت نفس الطلب بالتليفون. وجاني للبيت. يختلف اختلاف كلي عن اللي اكلته في المطعم. وناقص واحد من عدد الاسياخ. حاولت اتواصل مع إدارة المطعم. لكن لا حياة لمن تنادي.