الثلاث نجوم عشان شغله وحده ساندوتش الفلافل فيه زناخه غريبه بالبقدونس + الباذنجان الكبده لذيذة ساندويتش المقالي لذيذ كذلك الفلافل الهولندي لذيذ لكن وحده جتني تمام ووحده فيها زفره للاسف ضروري تتغشل الورقيات بشوي خل ابيض عشان تطفي الزفره ماعندي تفسير لزفرة الباذنجان ممكن تغمسونها ببيض؟؟ ياليت تنتبهون لهذا الشي لان الطعم ممتاز الاسعار تعتبر مرتفعه نوعا ما
المطعم خدمته سيئه يكون المطعم فاضي و يجبرك تنتظر من ١٥ دقيقة الى ٢٠ دقيقة علشان يخترع لاينات و الكاشير سيئ بالاسلوب و من ناحية الطعام ثلاث مرات اجيه و اكنسل الطلب بسبب الخدمه
اول مرة ازور هالمطعم - فرع الدوحة الجنوبية بعد صلاة الجمعة
طلبت فلافل ٣٨ ريال وسندويش كبده ٩ ريال الفلافل عادية بس التقديم في كرتون مرتب بانضاص خبز - ١٥ حبة الطعم عادي بصراحة سندويش الكبدة نص خبزة (صغير) ب ٩ ريال ؟! السعر ما يستاهل الطعم محل ٧ فلافل في نفس الشارع طعمه الذ واطيب بكثير وكأنه فلافل بيت كانت اول تجربة ولن تتكرر وجمعة مباركة على الجميع
اقل بكثييير من المأمول بل احباط من النتيجة، لايمكن لمطعم ان يقبل تقديم الزهرة المقلية بهذه الطريقة الموحشة والفلافل طعمها تقليدي، اعجبني الحمص والصوص الاحمر فقط
اولا مافي منيو لازم انزل تطبيق خاص فيهم وهذا شي جدا غريب ثانيا ماعجبتني نظافة المكان والعمال ثالثا الفلافل ماله علاقه بالفلافل الهولند واذا قيمته فلافل عادي جدا سيء مستحيل ارجع له مايسوى سعره ولاتجربته
ارسلت سواقي يطلب لي علشان اجرب الفلافل لاول مره رفض انه يكلمني الكاشير في الصباح اتمنى تغييره اذا حابين تربحون والحمدالله محلات الفلافل كثيرة اللذيذة وارخص في نفس الشارع
اسوأ فلافل ممكن تتخيله ماله اي علاقة بالفلافل بهولندا ولا يقرب حتى مستوى النظافة تعبان جدا بالمطعم والفلافل اقل من عادية هذا مطعم تصوير وهبات تيكتوك وانستغرام فقط اما اكل انسى اسوأ شي
تجربه عاديه للأكل ولذته ولكن للأسف اسلوب الكاشير وعدم ضبط نفسه في التعامل وكذلك ازدحام المحل وخاصه بمناديب جاهز وهنقرستيشن ومرسول وأغلبهم من العماله السودانين ما فيه مصداقية في وقت استلام الطلب يقول لك ربع ساعه او ٢٠ دقيقه ويصل الوقت الى ساعه كامله بالنسبه تجربه لن تتكرر
لذيذ وحلو بس ياخي حط منيو والموظف المصري اساله عن منيو يقول حمل تطبيق ويتكلم من طرف خشمه. ف ليه تجبرني احمل تطبيق عالشان اشوف منيو مو حلوه وتسبب تاخير في اللاين ياليت تعدلون ذالشي
امس جربت عندكم ساندويتش فلافل صبه ، الساندويتش بشكل عام ممتاز لكن عندي كومنت. الكاشير المصري نفسيته خايسه ومو طايق الزباين ولا يعاملهم بلطف ولا عنده استعداد يجاوبك على استفسارك وكنه يقول تبي والا اطلع برا! ؟ ثانيا الاستغلال بالاسعار غير سعر الساندويتش على كل اظافه تدفع ٣ ريال باذنجان ٣ ريال زهره ٣ ريال! توماتش! ترا راس مالها فلافل طول عمرنا نطلب الصبه وهي كامله بهالحشوات ومع بيض ومايتجاوز سعرها ال ٧ ريال! اتمنى مايصير دخلكم مؤقت وتسويقكم فاشنيستا. حدث للعاقل بما يعقل والشعب الان ماصار ينقص عليه. الاستغلال والمبالغه بالاسعار عمرها ماراح تنجح المشروع بشكل دائم