Dunkin' Donuts دانكن دونات

تجربتي اليوم معكم هي التي ستجعلني أعيد زيارتي لنفس الفرع فقط لان موظفكم عبدالله الحسن الذي يعمل في فرع محطة بترولي طريق الدمام الرياض كان يمارس عمله باحترافيه جداً وابتسامه وتعامل رائع شكراً لكم لاختياركم هذه الفئه من الموظفين اتمنى ان تقدمون له شكراً

القهوة من هذا الفرع سيئه جدا جداً جدا رغم زعم الموظف انها جديدة لكن سيئه، وهو مب راضي يذوقها علشان يقتنع ، اخر زيارة للفرع بشكل نهائي. بالتوفيق لكم

الموظف المصري الاسمر اللي يداوم الظهر أقل مايقال عنه ابن ستة وستين كـ! طلبنا اثنين آيس كوفي وسط وبلاك كوفي حار وسط جاب لنا البلاك كوفي حار صغير ورفض يبدله وجلست نص ساعه عند الشباك والناس زحمه ولاين وورانا خط وسفر ويقول اقسم بالله مابدلهوش! الله لايوفقه ولايوفق من يسكت عنه

نجمه وحده بسبب التأخير مو معقوله الفتره الصباحيه السياره تاخذ من 3 دقائق الا اربعه بسبب كوب قهوه وانا شخصياً طالب قهوه واخر شي 4 دقائق انتظر والقهوه جاهزه يعني ما يحتاج لها تحضير

الفرع هذا بطيئين بشكل مو طبيعي!
اتمنى يشوفون حل خصوصاً انه في طريق سريع والكل مستعجل.

الموظف المصري ياخذ طلبات من ناس تجي للدرايف ثرو مشي ويقدم طلباتهم على الي صافين بسياراتهم بالدرايف ثرو!
اتمنى محاسبه الموظف المصري لان يوم قلته له مايصير تاخذ طلب الي جاي مشي قالي انا عارف شغلي ؟!

وش ذا قاعدين يصنعون صاروخ داخل
اذا لقيت اربع سيارات اعرف انك بناخذ نص ساعه

في فرع بعدهم عند العثيم ابرك بالف مره

خدمه جداً بطيئه والله يعني لو اوصف البطئ بنقهر و برجع اكسر الفرع ناهيك عن الانتظارات الطويله لا انصح بالشراء منه

سيء جددددا نجلس ننتظر ويضيع الوقت الخدمه جدددا بطيئة جدددا حرام الواحد يجلس ينتظر ويضيع وقته هنا وقفت انتظر وضاع وقتي وبعدين مشيت وماطلبت ومراح ارجع لهم مرة ثانيه

اسوأ فرع وخدمة الصباح تجلس نص ساعه عشان تاخذ قهوة واخلاق العامل الهندي الصباح مرة زفت ولاحياه لما تنادي ف دنكن

أغلب الفروع اللي مريت عليها يوجد عندهم إشكالية في الخدمة والتعامل مع الزبون، وهذا الفرع من أسوأ ما مريت عليه، (واقف عند الشباك لكي أطلب ، جاء العمال وجلس على الشباك معطني ظهره، وقلت ليه تسوي كذلك، قال لي جالس أكلم المدير عامل ثاني في نفسه) طلما أن الإشكليات متكرره في أغلب الفروع التي زارتها فهذا يدل على أن الإدارة غير مبالية، هذا إذا كان هناك إدارة.

أسوأ فرع لا أنصح فيه
العامل الساعه 11.57 دقيقه مساء
العامل اخلاقه سيئه جدا واسأله عن اسمه قال مافيه اسم ايش يبغى.
هندي او بنقالي
للأسف ما راح ارجع لهذا الفرع عندهم ابدا فيه بارنيز وقهوة الطريق وماكدونالدز وبوقوتا كلهم جنبه
مع أنني زبون يومي لهم لاكن العماله غير مدربه
مع احترامي للجميع تحياتي.

تاخير مو طبيعي اكثر من ٣٠ دقيقة واقفين من غير وقت استلام الطلب ، الفرع يبيله اكثر من ٣ موظفين على الأقل

تأخير في إستلام وتسليم الطلب لأن جهاز طلبات السيارة لا يعمل. الموظف السعودي استلم طلبي وقام بتجهيزه وتدخل العامل الأجنبي وقال مايمدي يبغالها ساعة عشان يذوب الثلج. ؟