Cocoa Plant

الديكور ولا غلطه يسر الناضرين ، مافيه موسيقى ، المينو مختلف عن اللي موجود هنا واغلب طلبات المينو القديم ماهي موجوده? ، مافيه ثلاجه عرض للحلويات? ، الطلب للاسف تحت عند الكاشير ، جلست في الكنبه على اساس مريحه اكثر من الكراسي ، طلعت الطاوله مرتفعه جداً كأنها طاولات مدارس تجي الى الحلق وانكسر ظهري وانا احاول اوصل لها طول الوقت ‍، ولاحظت كل طاولات الكوفي في الدور العلوي كذا ، طلبت فلات وايت جاني في كوب صغير جداً وطلبت كيكه بالايسكريم من المنيو الجديد الله يديم النعمه غريبه عجيبه والكريمه اللي وسطها سامجه لاملح ولا سكر? وحجمها كبير جداً على شخص واحد ماقدرت اكملها ، مافيه دوره مياه للاسف لا فوق ولا تحت ، اعتقد مابرجع له مره ثانيه الا اذا انتبهوا لهذي الملاحظات وغيروها ، موفقين ️

ال (بستاشيو صوص) جدا لذيذ طعمه ونكهته قوية.
المكان ديكورة جميل وانيق حبيت الوان الديكور مو اعتيادية
السعر حسيته معقول وزي اي كوفي ثاني

كوفي رااايق وجمميل الحلا جربت ثلاث انواع وسبانش لاتيه وهوت شوكلت صراااحه كل المنيو اللي طلبناه جمميل والسعر مره مناسب طلبنا اربع كوفي وثلاث انواع حلا ب١٧٠ رياال يستاهل التجربه

جربت الكريب والكيك حلو بس الاسعار مبالغ فيها اتمنى توضيح الاسعار او وضع الرابط موهب بس صور الحلى

المكان جميل الى حد ما. استخدمنا الجلسات العلوية. لا حظت التكيات الخلفية للكراسي غير مريحة. الحلا ٤ من ٥ (اخذت ٨ انواع حلا) المشروبات لا باس بها ٤ من ٥ (حار وبارد)

ديكورات المحل خمس نجوم والاسعار تعتبر غالية على كمية المنتجات المقدمة وفوق هذا يقول ماعندهـ فيزا في نظام الدفع (البقالات وسط الحاره عندهم فيزا)

طلبت مني بان كيك وكريب وخذت طلبي برا الميني بان كييك اقل من عادي وكان كانه كييك مو مره والكريب عادي

عادي جداً مافيه اي شي مميز
مافيه دورات مياه
تجي من اطفالك تتوهق تقعد تطر الحمام من المحلات اللي جنبه

مررره يجنن رايق وهاادي موسيقتهم تروق والجلسات مريحة، الحلى لذيذ طلبت كريب ايسكريم ساندويتش لذيذ احلى كريب ذقته حار ولين وفراولة بالشوكلاته حلوه وقهوتهم تجنن الفلات وايت والوايت موكا حلوين مره يستحق الزيارة بجدارة

جميل الديكور.
ولكن:
١. المساحة ضيقة.
٢. الاسعار مرتفعة.
٣. الجلسات غير مريحة.
٤. الكراسي صغيرة.

مكان هادي جدا ورايق ونظيف وصاحبة الكوفي او الموظفه جميله ومحترمه وذوق ومتعاونه معً الزبون. كل شي لذيذ وراح اكرر الزياره اكيد.

المكان هادئ وكشكل جميل للتصوير والتغيير. بالنسبه للميني بانكيك كان غير ناضج من الداخل ومع الاسف لم نستمتع به. اللاڤا كيك كانت حلوه بس يعني مو واو. الشوكولاه تغطي علئ اي طعم. استقبال العامل كان مره ماله خلق حتئ يسوي شي. ماكان عدنا الا كاش وكانه مو مصدق ويبغئ فكه يعني ماعرفنا كان لازم نجيب فكه لو هو المفروض يصرفها وكل شوي يسال اذا عدنا بطاقه. مو مره عجبنا المكان وما اعتقد ممكن نجي مره ثانيه. جينا عشان إعلان طمني ومع الاسف ماكان بالمستوئ المطلوب.

يستاهلون خمس نجوم.
طلبي كان قهوه عربي الدله كبيره وتكفي حق 3 اشخاص تقريبا.
وباقي الطلبات نسيت اسمه بس بالصور موجوده
طبعا الاطباق راهيه فعلا والحلا لذيذ ماذقت مثله ابدااااا ️️️️

ممتاز جداً الحلى حقهم لذيذ وخفيف قهوتهم العربيه تجنن
ديكورات عصريه
وموظفين محترمين
الاسعار مناسبه

جلساته جدا رايقه الفراوله بالجوكلت عجبتني مره بس صراحه الكيك بالايسكريم ابدا ماعجبتني طعمها غريب وطعم الابيض الي داخلها جدا منرفز توقعت انها بتكون اقرب للايسكريم ااساندوتش بس طلعت مختلفه جدا

انا قبل شوي جيتهم خذت منهم حلا مدري وش اسمه بس فوقه ايس كريم مارس قسم بالله ولا بريال القهوه فل زنجبيل ومسمار.

التقيم العام:
1/5من 10

مممتاز جدااااا تحضير فرش جربت الوافل نوعين وبان كيك وقهوه بارده سبانش لاتيس وميكاتو كراميل وكبتشينو حار كلهم 10/10 المقهى بااارد ممتع شرح اضاءه ونظافة والويترز حيل محترمين ومؤدبين السعر مناسب الله يوفقكم. تجربه اكررها

مكان هادي وراقي وصوت موسيقى هادي ومعطي جو جميل
والحلا عندهم بصراحه عجزت اعرف وش الافضل عندهم

تجربتي له من الرياض للدمام
الكوفي رايق جدا وممتع اسعاره رائعه في متناول الجميع وكميته معقوله
القهوة العربي جميله باذن الله لي تجربه مرا اخرى
الموظفين تعاملهم رائع موفقين

خذيت وافل كندر 9/10 لذيذ جداً اهنيهم بس السعر جدا مرتفع 37﷼
الكابتشينو لذيذ 10/10 سعره 18﷼
(قبل كان فيه نص بيضه كندر معبيه صوص والحين شالوها رجعوها بالله كانت خورافيه)
انصح يوفرون ايسكريم فانليا
ويراجعون الاسعار او يسوون عروض دايمه والله يوفقكم محل جميل وخدمه جميله والطعم لذيذ

جودة التشوكلت سيء و اسلوب الموظفين يصدمك حطو اكلنا لطاولة ثانية بالغلط و واحو اخذوه منهم و جابوه لنا مره ثانيه و يوم جينا ندفع قالو وش اكلتو يعني حتى مو عارفين وش الناس طلبت ولا معهم فواتير شي غريب واول مره يصير معي كذا

ديكورات الكوفي جميله وفيها رسومات وتشجير رائع يعطي جماليه للمكان
استقبال الموظفين جميل واحترافي وبكل بشاشه وحفاوه
احد الاشكاليات وصلت الى الكاشير وفاجئتني بان القهوه العربيه انتهت ولا يمكن اعداد المزيد منها.
مواقف السيارات متوفره امام المجمع بكثره.
المقهى يتكون من دورين مجهزه بعدد من الطاولات للجلوس.

الجلسة والمكان جميل، لكن الحلى والقهوة سيئة جداً، ومن المستحيل افكر اني ارجع له او انصح لاحد يروح له، لازم صاحب المكان يختار عمالة بشكل افضل لتحضير القهوة والحلويات، الوافل قوامه سيء وماله طعم نهائياً والفواكه جودتها سيئة جداً وساحبة ريحة وطعم سيء جداً، اتمنى من صاحب المكان يعتني بالمكان ويبني سمعة جيدة مره اخرى والاهتمام باختيار الفواكه والمنتجات والعمالة بشكل افضل

جدا جدا لذيذذ الخلا بأن كيك مكس اخذت كان لذيذ بس حجمه صغير بالنسبه لسعر.

المشروب بيستاشيو لاتيه شوي دسم والدسم يوضح ع المزاز بس حلو طعمه. للي يحب المشروب الحالي.

الأجواء جميله الكوفي رايق الموسيقي مش مزعجه هادية جدااا العاملين لطيفين.

رحته وقت الخصم يغني غاليه أسعاره من دون خصم اخذ مش وبين بسعر ٤٤ ريال.

ممكن اروح وقت ثاني ابه تنعاد التجربة بس اذا نزل خصم ثاني طبعا. بس اروح كذا من دون خصم مدري اسعارة اوفر

حلا واحد ومشروبين بارد تسير ٨٤ من غير الخصم. والخصم كان ٦٦ ريال توفير

القهوه حلوه لكن باااارده و الوافل يتفتت ناقصه من المكونات وميني بان الكيك نفس خليط الوافل شيء غريب!

الجلسه هيي الحلوه فقط يبي لهم تعديلات كثيره ويضبط ان شاءالله بالتوفيق ️.

زيارتي لة من فترة طويلة ولم اتمكن من تقيمة لكم. كفي هادي ورايق وديكوراتة والوانة جميلة طلبني كان مافن التشكلت القهوة موزونة برغم من صغر مساحتة الا ان ديكوراتة مرة عجبتني خدومين وسريعين. اكرر زيارتي لة

جربت الكابتشينو اعطيه ٨/١٠
والبان كيك ميني ٩/١٠
وموهيتو ماذقته
الفاتوره كانت ٦٨ لشخصين

المكان راقي وهادي. جميل والعمالة مهذبين. بالنسبة للبان كيك والحلويات جدا كويس لكن يعيبه الغلاء بالسعر. مش معقولة بان كيك ب ٤٠ او ٣٩ ريال في زمن المحلات تتنافس علئ كسب العميل. ديب اند ديب والمركز المتخصصه تببع بمعدل اسعار اقل

Desserts are full of too much sugar.
I only recommend coffee and not anything else or you will feel dizzy just after consuming few spoons from desserts

الذ بانكيك في الحياه مو طبيعي تاكله ماتشبع منه موزون الحلى الي فيه قطططننننهههه و السبانش لاتيه و الهوت شوكلت و موهيتو و البستاشيو شي من الاخر