Chemistry Coffee Roasters - مقهى و محمصة كيمستري

الاكل لذيذ خصوصا فرنش توست بيكان والقهوه الاثيوبيه بس الخدمه تتاخر على مايوصل الطلب تحتاج الى عناله اضافين
الموسيقى مزعجه لو يقفلونها احسن وان طلعت فوق المكان غير مرتب والدرج عالي

خدمه جدا بطيئه اقوله نظف الطاوله يقول اوك ولا جا اربع مرات اكلمه عشان نظافه الطاوله الطعم ممتاز بس الخدمه منفرزه جدا والتعامل سيء اكثر من ٢٥ دقيقه عشان فرنش توست والزباين كلهم متذمرين من الخدمه

صراحة حبيت عندهم الv60 والوافل ستيك لذيذ بس درجهم مره مره سيئ والجلسات العلوية مو مره حلوه تحت افضل

كل شي هناك حلو و مرتب بس اتمنى يعدلون نكهه الماتشا لان طالعه حاليه و نكهتها شوي سيئه اما الباقي جميل

قهوتهم فنانه والمحصول الفاخر الكولومبي اللي الحين جايبينه على الV60 روعه
الفرنش توست بيكان وكراميل رهيييب واللي يبغى جرعة شوكلت ياخذ اصابع الوافل (يرشونها بقرفه ، تقدرون تطلبونها بدونها)
الموظفين كلهم عسل الله يوفقهم اخلاق وبشاشه واخص الاخ ياسر هو اللي دايم ينصحنا بكل جديد ولذيذ عندهم ودايم توصياته رهيبه

احب اجيه وخدمتكم ومشروباتكم حلوه بس تمنيت توفرون Wi-Fi.
نقدر نخلص اشغالنا المتعطله عندكم

للاسف بالصباح يطفون المكيف كاتوفير ومافي زحمة زباين قالي لي الكاشير انه المكيف بيشتغل بعد نص ساعه وهو نفسه ماتحمل الجلسه بالحر وراح لستاربكس جنبكم (اكيد ماينلام) وحتى موظف ثاني شامي طول الوقت بسيارتة ينزل مايدخل المحل والباريستا الافريقيين متحملين وصابرين ماينفع كذا لا للموظفين ولا الزباين عيب جد عيب وين اخلاقيات العمل والبيئة ؟ الترفيه عندنا بالاماكن المغلقة حالياً يعني اطلع لصباح ابي هدوء ومكيف القى مطفينه اوكي انا كا زبونة اكلت بسرعه وطلعت لكن الموظفين مو حرام ؟ اذا بتطفوون المكيف الصباح وهذا نظامكم افتحو بس المساء … الفرينش توست صغير حجمه مرررره بالصور يبان اكبر الطعم ممتاز مع انه كان شوي يابس من داخل المشروب لذيذ طبعاً مع الحر ماقدرت اكمله داخل اخذته برا كان سقف توقعاتي للمكان افضل بكثير …

حبيت الكوفي جدا?

ان شاء الله لي زيارة ثانيه وثالثه
بس شوي بعيد بس ماعليه

ومعاملتهم جدا لطيفه وحلوه?

بنسبه للطلب:

الماتشا حلوه ١٠/٩. ٥

ڤي ٦٠ ممممتاز ١٠/١٠

اصابع الوفل لذيذ مليون من عشرة?

شكرا كيمستري كوفي?

السلام عليكم ورحمة وبركاته الخدمة عندكم ممتازه والموظفين عسل ولاكن اول شي في الخبر دبل الكوب الي عندكم هنا ولكم فترة تقولون بتوصلنا الاكواب الكبيره ولا وصلت وفي حل انكم تخفضون سعر القهوه حق الكوب الصغير او توفرون الاكواب الكبيره وتخلونه على نفس السعر او تحط لي القهوه في كوبين مو معقول ادفع في الخبر نفس السعر واخذ كوب كبير وكميته اكبر والي صغير بجغمتين اخلصه

زرت الكوفي اليوم المكان كان مزدح جداً ووقت الانتظار طويل. جربت حلا فرنش توست الطعم جداً عادي بنكهة الكندر بس طلع حالي شوي. الموظفين جداً راقين بشوشين. اضافه جميله لأهل الدمام بالتوفيق

الكوفي جميل جدًا من كلل النواحي جيتهم اكثرر من مره وتبوون اتكلم عن جمال عن اسلوب الموظفين كل شي حلو شريت V60 وفرنش توست صراحه كلهم لذيذين ماعليهم كلام وحتى الماتشا حقهم حللوه?

لما تغيرون اوقات دوامكم غيرو توقيتكم بقوقل ماب مو الناس تطق مشوار 20 دقيقه بالاخير اوصل مقفل وقوقل يقول 12 يفتح وانتم 1 تفتحون! وش هالمهزله!

حبيت الأجواء مريح جدا وهادييي
بس كان داخل كتمه اكثر من برا? ‍️
طلبت V60 قلت لهم مابي حامضه وقال ما عليك بضبطك و والله ضبطني
الموظفين مرا لطيفين مرا كنت متنكده من كمية المذاكره اللي عندي و ابتسامتهم نعنشتني ‍️?

اولا القهوة حلوه صراحه اخذت v60 بارد حلوه اعطيها ٧/١٠

اما اصابع الشكلاطة بالنسبه لي ماش ممكن فيها قساوه شوي فيه افضل يعني اعطيها ٦/١٠ الملاحظة الاخيره فيه تاخير بسيط بالطلبات بس ماهو بالشكل المبالغ فيه في بالتعليقات

أسلوب الموظفين يجنن وخدمتهم حلوه والمكان واسع ومرتب
طلبت أمريكانو وأصابع الوافل كان يمييي مره جربوه

المكان حلو بس العمال يحومون على قلة سنع وفي بعضهم يستعرضون ويوحون للزبون ان الشغل ثقيل وجلست اكثر من نص ساعه انتظر والظاهر نسوا طلبي لوما اني ذكرتهم. الشوكولاه اللي مع اصابع الوافل ثقيله

مكان يستحق الزيارة
والاكل لذيذ انصحكم تاكلون اصابع الوافل عندهم
وجلسات خارجيه وداخليه ورايقه.

الحلا فاشل مو متنوع واسعار مبالغ فيها و السطح ظلمه مافي انوار و قال لنا العامل مافي غاز ماشغلو لنا نار. اول زياره واخر زياره

سعيدة بوجودهم عندنا فالفاخرية اضافة رائعة للحي ، وانا شخصيا يهمننني تنوع الحلويات فالكوفي وهم يتميزون بهالشيء وحلوياتهم لذيذة جدا بس غاااااالية جدا اتمنى يخفضون الاسعار يعني حرام حبتين من الكب كيك الصغير او البوب اللي تحت حبتين بس ب١٤! والوافل لو يصير ب١٤ احسن
اما بالنسبة للقهوه فكيييييييف لذيذة جداً هذي رابع مره اجيهم وبرجع لهم دايم

تصميم المكان رائع، خدمة الشباب لطيفة

القهوة الكلومبيه جميلة جدا، ووقت الحر تبرد الخاطر
الكيكة الشتويه لذيذة وفيها نكهات عربية

خدمة الشباب وتعاملهم معاك تخليك تحب تجي المكان اكثر من مره، الله يوفقكم

جدا فاشلين انتظرت ٣٠ دقيقه ولما رحت اشوف الطلب طلع من الاساس ماسوا لي فاتوره والكاشير قال خلاص بنسويلك الطلب اروحله بعد ١٠ دقايق تحصل انو طلع لسه ماسوو الطلب و مسويلي طلب جديد ولازم انتظر اخلص الطلبات الي قبل بالنهايه كنسلت الطلب ، وياليت فيه رضا عميل يعطونك شي بدل الانتظار ساعه لا رجع الفلوس ومع السلامه نصيحه لحد يجيه لا خدمه زينه ولا فيه ارضاء للعميل لو فيه اقل من نجمه كان حطيت

المكان حلو القهوه بارده وعاديه حلى التراميسو ما اعجبني
حلى البيكان متوسط
لن اكرر التجربه

المقهى جداً جبار على سمعته وموقعه استراتيجي، جربت الماتشا والحقيقه كانت من افضل تجاربي للماتشا، والافضل من هذا كله تعامل ياسر الحزامي، كان خدوم وبشوش معي الله يعطيه العافيه وماقصر معي مره.

They have nice outdoor seatings. I like the vibes of the outdoors seatings. The stairs aren’t safe for kids tho. If you have kids you should be careful. For their desserts their french toast is good. I’ve tried both Kinder and Bligium chocolate; I liked the Bligium chocolate more. Their vanilla ice cream is good. The waffle fingers/sticks are not that good. The coffee itself is not good.

أسلوب الموظفين يجنن وخدمتهم حلوه والمكان واسع ومرتب ورايق
طلبت امريكانو وسجنتشر واصابع الوافل مره لذيذه جربوه

ماحبيت تعامل الموظف لما جيت اطلب فرنش توست قال بيطول سلاماااات اعتبرها طرده للعميل وخسارة منتج المفروض يسوق له او يقول بياخذ وقت الافضل تطلبونه من داخل بدال درايف ثرو