بصراحة الأولاد يحبون طعم أكلهم الجميل و لكن أثناء انتظاري للطلب داخل المحل خرج الخباز من الحمام و اتجه مباشرةً الى الفرن دون غسل يده فكان الوضع مقززًا ، أبلغت المشرف فأمره بلبس قلفظ و لم يرجع لغسل يده طبعًا
اقسم بالله صار من اسوء المطاعم معجنات غاليه وناشفه كلها عجين! وانا ماكنت اطلب ونصح الا فيهم ومدحهم ولاكن للاسف بعد السنين هذي كلها صار اسوء مطعم ماينطلب منه تدفع 10 ريال على جبن بالاخير تاكل عجين
المطعم ممتاز جداً وهو من اقدم المطاعم وغني عن التعريف وتميزهم حقيقة بالشاورما سابقاً اما الان يعني من كم شهر فيه مشكله عند معلم الشاورما ماني عارف ايش ،، يقلل الدجاج ويكثر البطاطس حيل مدري يقتصد ولا ايش بالضبط يعني صراحة تطلب شاورما دجاج يجيك ساندويتش بطاطس ، ارجو الانتباه لبقاء سمعة المطعم كما هي
تقييمي ممتاز لهذا الموقع فقط شارع المزارع، جربت فروع أخرى وأحدهم جوار منزلي في الفيصلية ولكنه أقل جودة من اللي في شارع المزارع،رغم المشوار لكن المهم الجوده.
المطعم ناقصه الترتيب عشوائي جدًا، وبطيئ بتجهيز الطلب تطلب جبن كانك تطلب منهم يزرعون قمح ويحلبون البقرة وينتجون منها الجبن ويرجع المطعم ويماحه ويحطه لك بالفرن سالفة يحتاج لك سنين ضوئية + الأسعار مرتفعة جبن بحجم الإيد قيمته ٧! ؟ انصح بتخفيض الاسعار.
وبالنسبة للمحلي ما انصح فيه الان حررر المكيف متهالك مستخسرين مكيف ب ٧٠٠ ولا يوجد فيه دورة مياه وماي المغسلة احيانا يكون مقطوع واحيانا متوفر الوضع عشوائي مثل ماقلت، وبالنسبة للطعم اعطيه ٤ نجمات والنظافة نجمتين. انصح ادارة بسمة بتعديل الأوضاع بالفرع.
صار جدا غالي ساندوتش الكباب الكبير ب ٢٠ شي غير معقول بالنسبة للجودة ومطعم زي كذا والشاورما الصاروخ ب ١٥ زادو اسعارهم ونفس جودتهم تروح مطعم ثاني انظف وافضل جودة ونفس السعر
المكان نظيف والتعامل ️ بس لا أنصح أحد يشتري البروستد سيء مرة الله يكرم النعمه مزيت مرة ، طعمه، طعم الجلد سيء ، والدجاج نص نص ، والسعر غالي. بس أنصحكم تشترون معجنات مرة لذيييذ️
لذيذ وقديم جدا لكن الخدمه واسلوب الموظفين من وانا صغير غير محترم والسعر يرتفع بين فتره وفتره الي يشفع له انه قديم الطعم وللازمات ولا تستغرب يجيك بطنك من العجين جدا ثقيله ^_^
Best place good quality food but do not eat countinously from especially sugar patience, very tasty good quality punching in opening after fajr prayer only in jalawiya.
كالعادة دائماً ومنذ دخلته لأول مرة من أحد عشر عاماً لا زال مطعم بسمة بكل فروعه يقدم الأفضل دائماً. مهما تنوعت طلباتك بين الشاورما والمعجنات والبروستد والبيتزا فتأكد أنك لا بد وأن تشعر بالرضا التام بل والمتعة أيضاً لتذوق ما يقدمه بسمة. فى رأيي لابد من تجربة اللبنة بالجبنة واللبنة بالعسل من بسمة. وبالطبع فكل ما يقدمه لذيذ وممتع.
اخذت منه معجنات الطعم رائع بس السعر غالي اسوةً بغيره اجل الزعتر ب ٤ ﷼ لو بريالين معقول اما بيض بالجبن وفلافل لبنه ب ٩ ﷼ يعتبر غالي بالنسبة لغيرة من مثيلاته من معجنات
تقييم الاكل جيد لا يمكنك زيادة مكونات او حذفها حشوة الفطائر واحدة النظافة جيدة يبدأ العمل صباحا الساعه ٥ التعامل جيد يوجد قسم للاكل المحلي لا يوجد قسم للعائلات التعامل لائق و محترم
يتميز بسمه في تقديم المعجنات واستطيع القول بانه افظل من يقدم المعجنات حيث ان لهم مذاق خاص فالعجين وفي طريقة عمل المعجنات رغم ان اسعارهم تزيد بعض الشي عن اقرانهم