Baba Khabaz

حلو بس أتمنى انهم ينزلون الأسعار لأنها مرة مرتفعة مبالغ فيها يهتمون لجودة الأشياء عندهم بعضها تحسها قديمة وبايتة

مخابز بابا خباز جودتها عاليه ومنتجاتهم مميزه لكن عيبهم الاسعار تم رفعها في السنوات الاخيره بشكل مبالغ فيه

تتأخرووون جدا في فتح المحل بعد الصلاة ، نرجوا اعادة النظر في وقت التقفيل ، الكل منشغل ووراه اعمال.

معجناته ممتازة جداً بذات المناقيش بس تعتبر سعرها غالي شوي
باوند كيك ياللي بالشكولاته ترفه مرة سعرهت تقريباً ب 3 و شوي و قالب باوند كيك بالبرتقال لذيذة لذيذة
أنصحكم بالسينابون طعمه خيال حتى لو ظل فترة بالثلاجة ووسخنته يرجع طازج

بصراحة المخبز اللي يقع في حي الزهور يعتبر vip وغير عن فروعهم الباقي و مميز جدا
ياليت يطبق نفس النظام على باقي الفروع

بابا خباز يقع في الدمام

شارع ابو بكر الصديق رضي الله عنه ، حي

المنار يوجد الحلويات بانواع كثيييرة

ومقليات و معجنات بصراحة ما شاء الله

ويوجد قسم للخبر و كذلك قسم كيكات

عند دخولك يتم طلب برنامج توكلنا و قياس

درجة حرارة الجسم للتاكد.

Bread and pastries with cakes are not fresh at all. I bought so many things but the prices were over. They need to adjust the prices. The quality of the food isn’t good at all.

جميل جدا لديهم جميع انواع المخبوزات والمعجنات والحلويات صراحة مبدعين الله يوفقهم يعيب عليهم فقط ارتفاع اسعار بعض الاصناف

المخبوزات و المعجنات جدآ عاديه و مش بذاك المستوى حتى الحلويات غير السعر ،

طبعاً هذا رائي و الناس أجناس و قد يعجب غيري

بالنسبه للمناقيش للاسف تغيرت جودتها وزادت اسعارها وقلت حشوتها وصارت بلا طعم تاكل خبزه لحالها ولاحظت بعض المنتجات اسعارها ارتفعت اذا مو كل المنتجات

من المحلات المعروفه و جودته مميزة
و اتمنى ان يتم فتح فروع لها بالخبر
و ان يقوم بتوفير (كيك الرول) بشكل يوم
بدون ربطه بالطلبيه الخاصه لان منتج
عليه طلب و استغرب انقطاعه

افضل مكان يمكن تاخذ منه اغراض اليوميه بس عيبه جهة السلطات الخس اغلبه غير نظيف وخربان. يبغاله شوي اهتمام

من المخابز النظيفه المرتبه اللي صراحتآ كل مخبوزاتهم طازجه بدون استثناء
خياري المفضل اذا رغبت بفطاير اوكيكات او غيرها من المخبوزات هو باباخباز

احب هذا المكان لكن الجوده أصبحت قليله من اسبوع اشتريت خبز من فرع ابو بكر وحصلته مو طازه والعامل ما قال لي

اكلهم عادي جدا أخذنا فطاير وطلعت خبزة ناشفه فيها نص ملعقة سبانخ ونص ملعقة لبنه وباقي الفطيره خبزة ناشفه والورق عنب ماينأكل الحمدلله على النعمه البيتي فور وحلا لندن عادي مو واو. أسعاره مرتفعه بالنسبه للمخابز الثانيه ولا هو احسن منهم

Be careful while choosing the pastry. Though they serve some amazing pastries one of the pastry turned bad. It wasn't fresh and that spoiled the taste.

المخبز معروف بجودة المنتجات والنظافة
العيب الوحيد المحاسب الهندي أخلاقه سيئة ولايحترم الزبائن
لماذا لايتم سعودة الكاشير بدلا من الاجنبي
لا اعتقد ان هذه الوظيفة تحتاج مواصفات خاصة وشبابنا فيهم الخير والبركة

مخبز جيد ذو جودة ممتازة يتوفر تنوع للمخبوزات وطازجه يومية غالباً واسعار جيدة لغالب الاصناف، وترتفع لأصناف اخرى ولكن قليلة غير استهلاكية.

تجد مايسر خاطرك ويسعد قلبك من مخبوزات وحلى وكذالك علب زوارة لكن أسعارها مبالغ فيها غاليه مرره لكن طعمه ولذيذة وكل عام وإنت بألف خير وصحة وسلامة وسعادة وهناء دائما يآرب

تنوع ضخم في المخبوزات والحلويات والسلطات والسندويشتات والمناقيش مع جمال الديكور وجمال العرض ولذه الطعم. والأسعار نسبيا عاليه

مخبز من أروع المخابز مناقيش الزعتر والجبن والسبانخ يفوزوووون غي عن اي مخبز شطة الفلفل الحار عندهم روعه الشابورة السندوتشات الابيض والبر الحلا بس أسعارهم مرتفعه جدا للنتجات الموجودة في الثلاجة الأجبان السلطة فيه مبالغة في السعر

ممتاز جدا من المنتجات لديه انا شخصيا اطلع له من الخبر إلى الدمام وأتمنى منهم ان يفتحو فرع في الخبر لأنه جميع فروعهم بالدمام فقط

بدأت الأسعار في تزايد ملحوظ الخبز الرول المحشي اللذي كان مشهوراً به فقد بريقه منذ فترة لا بأس بها من الزمن بسبب شح كمية الجبن الزعتر وجفاف الخبزه عن السابق من رغم ارتفاع سعرها! المفروض الجودة مقابل السعر ؟! ؟! تقليص أعداد الصامولي وحبات الخبز مع رفع السعر! هل كل نقص غي الإنتاج يتم تعويضه من جيب المواطن أم ماذا؟؟

اتمنى انتشارا هذا المخبر ب مدن الشرقية ومنطقة الرياض. فخبزه وخصوصا البر والنخالة جدا خفيف ولذيذ بالاضافة الى بعض الماكولات الخفيفة التي يفطر عليها

بلح الشام متوسط الفطاير طريه بس الحشوات اغلبها جبن كريمي ياليت يجربوا الشيدر والفيتا افضل ورق العنب طعمه كشنه مو حامض

لديهم أشياء جميلة كالمسخن والمعجنات والخبز البر والدخن كذلك لديهم عرايس زعتر وجبنة عكاوي وشيدر وسبانخ فوووووق المستوى

مايحتاج تعليق ما شاء الله ، اغلب مخبوزاتهم لذيذة لأنها اختصاصهم ، والحلى المنزلي والمعمول وبوكسات الضيافة شي يواجه، ماعدا ورق العنب والملفوف يعني هه يبيله تعديل ببعض المكونات

مخابز بابا خباز تعتبر الأفضل في مدينة الدمام حالياً ، حيث تتميز مخبوزاتهم ذات جودة عالياً وطعم لذيذ. كما تتميز مخابز بابا خباز بالمحافظة على توفر المخبوزات الطازجة دائماً.

الشئ السلبي هو انتهاء المخبوزات بشكل سريع وفي وقت مبكر. لذلك ننصح القائمين على المخابز توفير عدد اكبر من الخبر العربي وكذلك الصامولي وبالأخص أيام المدارس وذلك بسبب الإقبال الكبير على تلك المنتوجات. كما انصح القائمين عليهم بالمحافظة على المستوى العالي للمخبز ومنتوجاته

والله الموفق

الخبز طعمه مميز و كيكة العسل سعرها مناسب 10.50ريال والفطائر والسندويشات تشكيلات متنوعة و لذيدة البغلاوة وخبز الزعتر والجبن طعمها جيد وعندهم ركن للإفطار عبارة عن صحون جاهزة ومغلقة.

مخبز ممتاز جميع أنواع المعجنات و الحلويات واسعاره في متناول الجميع وكيكة الزعفران عنده لذيذه. بابا خباز حي المنار.

بابا خباز ممتاز عندهم انواع و اشكال المخبوزات ممتاز اسعاره ممتازه و رخيص جدا جدا جدا عندهم مخبوزات ساندوش جبن نوعين و زعتر و سبانخ ممتازه جدا عندهم حمص و تبولة و متبل و حلويات و عندهم دونات و كيك ارجع و اقول اسعرهم رخيصه جدا جدا جدا جدا

مخبز متكامل من ناحية الحلويات المقدمة والمعجنات والعصيرات ويوجد منتجات مفرزنة للقلي وأسعارهم في متناول الجميع

السلام عليكم ورحمة الله وبركاته
مميز في ساندوتش الزعتر والجبن والشابوره والفطائر والكيك ويوجد حلويات ويوجد الخبز والصامولي ويوجد عصائر وماء

أرجو من صاحب الحلال توجية العمالة بفتح الفرع بعد صلاة الفجر فورا نظرا الازدحام وتأخير الكاشير في الحظور والاهتمام بالعملاء حيث بإمكان صاحب المحل زيارة الفرع بعد الفجر والنظر الي العديد مِن العملاء المنتظرين خارج الفرع بالإضافة الي عدم قبول الفيزا امر غريب

موالح ضيافه وحلا ضيافه
وكيكات وانواع البقلاوات
وساندويشات ومقبلات ورق عنب وملفوف وعصاير
ويوجد فيه ركن اسر منتجه
بس ينقصه معجنات ضيافة