منتوجاتهم ممتازه وخاصه جميع أنواع الخبز والصامولي وبالنسبه للحلويات ممتازه وخاصة الكنافه بالجبنه النابلسيه والمكان نظيف جداً ومرتب والمعامله ممتازه من جميع الموظفين والمواقف متوفره وأهم شئ الاسعار مقبوله جداً نتمني لهم التوفيق والنجاح بآذن الله.
الصور قد لا تكون وضحة مثل الطبيعة. متبل الطبق وضع على جوانبه واسفلة مسحة بالملعقة فقط. (انا تعتمدت ابين قاع الطبق عشان تشوف حجم الطبقة) اذا بتحط كمية قليلة جدا بهذا الشكل صغر الطبق عشان ما تدخل في باب الغش
طلبت من عندهم حلى المانجا وصلني بايت من اليوم الي قبل بتاريخ اليوم الي قبل وكان الطعم كأنه فاسد الله يكرم النعمه مع انه مو اول مره اخذ من عندهم حلى المانجا
مخبز اليحيى. من افضل المخابز في غرب الدمام. يخدم سكان حي الفيصلية والاحياء المجاورة لها. جودة المخبوزات ممتازة. الورق عنب لذيذ وبذات اللي بدبس الرمان. الخدمة ممتازة. الموظفين خدومين. الديكور مرتب وحلو. المكان شرح في النهار
من المخابز المميزه الي ممكن تأخذ منها كل ما يخطر على بالك. ورق عنب ممتاز. معجنات ممتازه. انواع خبز البرجر بطاطس بريوش وغيره ممتازه. فلافل جدا ممتازه الخ
من أفضل المخابز عندي. شهادتي فيهم مجروحة ، مجتهدين ونشيطين الله يوفقهم. جربت عندهم قطع السويسرول بالمربى لذييذة لكن الحلى فيها عااالي جربت كيكة الليمون سواء الانجلش كيك او ليمون بالفواكة لذيذة وتجمّل طبقة السكر عليها نسبة حلاها عالية لكن لذيذة بالنسبة لي ، كيك الشكولاته بأنواعه لذيذ جدا ، ترافيل المنجا لذيذ. الفطاير اليومية لذيذة وطرية تنفع للمدرسة جربت البابكا الشكولاته و الزعتر لذيذة وتنفع إضافة لوجبة الفطور أو تتقدم مع الشاي و القهوة. فطاير الفلافل من المخبز لذيذة وماشاء الله دااايم زحمة عندها و تستحق ذلك لديهم تنوع كبير جدا في الحلويات الشرقية و المعجنات و ورق العنب العصيرات ، البرادات تحتوي على علب افطار جاهزة و السلطات و الحمص و المسبحة والفته ،، أنصح بزيارته
من المخابز الجميلة اللي كنت انتظرها تفتح بالفيصلية مخابز نظيفة ومرتبة وكل شي متوفر مخبوزات ومعجنات وفلافل وحلويات اشكال وانواع وخبز البريوش بمقاسات مختلفة وخبز البابكا وجميع انواع خبز البرقر بطاطس وبريوش وعادي وبر وخبز الساوردو الثلاجة فيها بعض السلطات والمقبلات الخفيفة الأسعار مقبولة
انا مو من الدمام بس رحت لهم من المدح الي عليه لكن الصراحه انه يجنن كل شي عندهم طازج والمخبوزات عندهم تهبل جربت الخليه حقتهم والشابورة مره تقرمش وخفيفه وبعد لا احكي لكم عن ورق العنب حقهم شي خرافي من الاخر
مخابز معروفة بالدمام والاحساء بجودة الخبز بأنواعه والاسعار الجيدة. نظافة وأمانة وأخلاق طيبة. لديهم أيضا أنواع من الفطاير والمناقيش والحلويات والكيك والكعك بأنواعها. وإقبال الزبائن لديهم كبير - ما شاء الله.
الطعم كويس ولذيذ لكن يوم بدا يزيد زباينه صارت التأخير على الزبون شيء مرا عادي و معاملة الزباين سيئه وينافخون عليك المشكله جاي بفلوسك وينفخ عليك وتواصلت بالانستا عشان يشوفون مشكلة الفرع يقولك زحمه ، المكان اذا صار فيه تنظيم صح عمره ما يصير زحمه وحتى لو كان زحمه عمره ما راح يكون العامل الاجنبي معاه الحق انه يرفع صوته على المواطن او يزمر عليه ، للامانه الطعم ممتاز ، لكن بعض المرات المعامله والنفسيه الشينه تأثر على الاكل
مرررره لذيذه المعجنات الي عندهم و فررش والاحلى من كذا اللحم و الدجاج محلي اخذت من عندهم (سبانخ - محمره - جبن عكاوي - فلافل باللبنه) كلها لذيذه اعطيها 10/10
١. المكان ماشاءالله نظيف وبارد ويفتح النفس ٢. عندهم المخبوزات جدا جدا حلوه وتصلح للأمهات الي عندهم عيال ب المتوسط وحتى الثانوي تشتري لهم سندويشات من هناك ٣. المخبز حقهم مرهه حلوو ماعليكم من الصور قد طلبت اشياء ثاني حتى السبانخ لذيذة ٤. الحلا والكيك لذيذ جدا وانصحكم فيه ٥. الفلافل ايضا لذيذة تستحق التجربه
بالختام المكان مرهه حلو والخيارات كثير ولذيذة وفيه ورق عنب ولذيذ ايضا وحمص وشابورة وتوست عادي و توست البريوش وبرقر اسود واحمر
الأكل بصفة عامة مثالي من ناحية الطعم 2-الأسعار نوعا ما مبالغ فيها 3-طاقم العمل ممتاز 4-افضل مخبز يقدم الاطعمة الصحية بطعم ممتاز النخالة والشوفان والبر تنوع شديد في الأصناف الحلويات جميلة لكن واضح انها غير معدة بنفس يوم مخزنه في الثلاجة مما يفقدها طعمها الحلو بالنسبة الى الكيك فقط
للي ما يعرفون هالمكان انصحكم بزيارته و تجربته و احكموا من اول زيارة ، معظم مخبوزات هالمحل ممتازة ، كيك ارامكو لذيذ خاصة اللي فيه طبقة كريمة بالنص ، في الثلاجة يمينك اول ما تدخل في كيك زعفران و كيك بستاشيو يستحقون التجربة احسن من اللي يقدمونها كافيهات القهوة المختصة و حجمها اكبر بعد تكفي ٣ اشخاص ، و الكيك الانجليزي لذيذ و في شابورة بنكهة الكيك الانجليزي أيضاً لذيذة ، الشيئين الوحيدين اللي ما عجبوني هنا هي خبز التوست و كيك الشوكلاتة ابو ريال (جار كيك ارامكو).