العشاء البوفيه لحفل خطوبتي بمشارف ولا أروع و لذييييذ بشهادة الضيوف و المعازيم الاطباق متنوعه و لذيذه و الترتيب اكثر من رائع و اكل نظيف. شكراً ابو كفاح على تعاملك و اخلاقك
للاسف المطعم كان افضل من كذا لكن صدمني الطاقم النسائي بقسم العوايل ماعندهم اسلوب ولا احترام ولا تعامل مع الزبون كانك جاي تاكل من فلوسهم نظراتهم وطريقة كلامهم ومستثقلين الخدمه واللي قهرني اقولهم الاكل ماهو مطبوخ كويس ترد علي المشرفه بعد مابلعتي الصحن كله تشتكين انه مو مطبوخ! يعني وين فن التعامل مع الزبون كيف اعرف جودة الاكل اذا ماكلت منه واللي معي تذوقو اكيد بينقص الصحن المشرفه كانت سيئه جدا جدا مو منتقين طاقمهم صح ابد يحتاج اعادة ترتيب وتنظيم وتدريب على التعامل مع الزباين
كنت جايعه مره طلبت فتوش وصيادية بالسمك الفتوش انقذني لان الصياديه عباره عن رز مقلي في زيت ومتشرب زيت ثم مسلوق مافيه نكهة المفروض في نكهة البصل ، السمك عباره عن سمك مهري كأنه زبادي ومعمول مثل البروستد خالي من القرشمه والبهار واصلاً وجوده في الطبق خطأ. نأمل تحسين مستوى اعداد الاطباق
جربنا غداء صحنين مشكل ڤي اي بي وكنا جربناه قبل عند ناس مرة حلو ويوم طلبناه للأسف وصلنا يختلف والكميه اقل ونوعيه الرز غير ووصل لنا فانر ،، We tried the two plates lunch mixed with VIP and we had tried it before with some people.
للأمانه انا جربت عندهم البرياني فليه والبرياني روبيان روعه والطبخ ممتاز وجربت المشويات كباب فاشل وفيه ريحه كريهه بس بالبحريات ابطال واليوم رجعت مره ثانيه ابي اتغدى عندهم الانتظار فاضي وقالوا لي اجلس ومن تخلص طاوله تدخل وجوا ناس بعدي وتفاجأت انهم يدخلون قبلي واسأل العامل يقولي انت ثاني واحد واقولهم انا جيت الأول العمال والأخ السوري منفسين وواحده ما يتفاهم ويصرخون علي وطلعنا انا وعيالي وتوبه بعد ما راح ارجع لهم ملاحظتي لهم الأسعار غاليه و مايحترمون الشخص وزعلانين مدري على شنو ومشكلة الانتظار إلى الآن مالها حل. والحين انا بمطعم زمان لول جو جميل واعطوني جلسه مميزه شافوني متضايق وزعلان من مطعم المحار وقالوا ابشر باللي يرضيك سراحه مطعم زمان لول اسلوبهم حلو وراقي واعطوني غرفة تطل على الشلال وناس ذوق انصحكم بزيارة مطعم زمان لول وتابعوا الصور
اخذت كنعد و عروسة الطعم نفسه اثنينهم ما كان فيه اي فرق للبهار الرز البرياني كان جدا عادي الصيادية كان معها سمك مقلي ابدا ما فيه طعم سمك و الرز الصيادية كان ٦ من ١٠ طعمه الشكل و الترتيب ممتاز لكن الاسعار مبالغ فيها بشكل جنوني
بخصوص الأكل لابأس لكن فيه موقف ضايقني بسبب موظف عندهم ويتر في قسم العوائل كان اسلوبه جدا مزعج وسيئ وشخص نفسيه كأنك تطلب الاكل من حسابه وكانت المشكلة ستتطور بسبب اسلوبه لولا تدخل مدير المطعم المحترم واخلاقه عاليه وكلامه الجميل واعتذاره الاجمل مما جعلني بصراحة اخجل منه وكان لم يكن شي.
جميل الخدمة فيه حلوة لاكنه غالي اي دونت نو بالنسبة إلي يمكن لا يقدمون اي أطباق جانبية للاطباق الرئيسية الأكل برد بسرعة طلبت بطاطس لأن مش حاطين مع الصحن الرئيسي و الضجيج فيه عالي
أسوأ من السوو لا اكل ولا طعم ولا تعامل اليوم كنت في مطعم جابوا الاكل بارد ويوم كلمت المشرف واقول له الاكل بارد وكأنه محمى انا اعرف الاكل يقولي النقاش بينا عقيم هل يعقل يقول لزبون موجود في مطعم عندهم النقاش بينا عقيم ايش هذا الأسلوب وجابو لنا اكل محمى ونودلز جدا مالح جد ماقدرنا ناكل الغدا للأسف اخترب المطعم مو مثل اول
المطعم كان جميل فى تصميمه وديكوره واكله كان ايضا مميز والعماله يرحبون بالزبائن ويقدمون خدمه طيبه ولكن أسعاره تحتاج إلى أعاده نظر من ناحيه ارتفاع السعر ، وللأسف مكان الغسيل يعج برائحه غير محببه بحكم دورات المياه الله يعزكم وبلغت المسئول عن تنظيف الحمامات وأفاد ان المشكله تكمن فى طرق تركيب اكواع الريحه مع وضع مراوح شفط تسحب الرائحه للخارج ، اتمنى معالجه الملاحظه بأسرع وقت كون المكان يقدم اكلات تحتاج الى أجواء تعج بالروائح الزكيه،
هذا طلبنا. السمك والحمص الممتاز غيره اقل من عادي حتى الطلبات الثانيه ما يجيبونها لك الا الين يخلص السمك! يوصلك بارد بعدين يسخنها لك ، والبرياني الدجاج مقلب! حمسة بصل وطمام ورز! الربيان ملح مره قليل. و مستغربه من شي الويترز ما فيه احد يوجّهم لا مدير ولا احد لخبطه الوضع! حسافة العنوه له
من ألذ وأفضل المطاعم اللي تقدم المأكولات البحرية في الاحساء. زرت المطعم مرتين. كانت زيارتي الأولى له في وقت موسم وكان مررة زحمة وبصراحة كانت الخدمة مرة سيئة وبطيئة ووصل الطلب متأخر وبارد بعد. بس لما زرته المرة الثانية اختلف الوضع تمام الخدمة ممتازة، والطلب أبدا ما تأخر. راح أبدأ أقيم الأطباق اللي جربتها عندهم. المقبلات: هي من أكثر الأشياء اللي تميز المطعم بصراحة مقبلاتهم لا يعلا عليها. لو جينا نتكلم عن الحمص مررة لذيذ، التبولة بعد فريش وكل حاجة موزونة فيها، المتبل بعد جدا لذيذ، سلطة الكولسلو بصراحة أخف سلطة كولسلو أكلتها بحياتي مع أني ما أفضلها كثير بس عندهم طعمها خورافي خفيفة ومو حالية كثير زي بعض المطاعم تجي تغث مادري كيف، حمص الشامندر بصراحة هو مو سيء بس أنا ما حبيته كثير. إذا جيتوا المطعم وما جربتوا سمك العندك في الفرن مع الخضار والصوص معناتها أنتوا ما استمتعتوا بلذة الاكل اللي يقدمه المطعم. الحلو أنك تجي وتختار السمكة بنفسك وهم يسوونها لك بس لا تأخذونها لحالها مشوية في الفرن مع الخضار والصوص طعمها حقيقي ما يمزح. أبدا ما فيها زفارة والسمكة ذاايبة مررة وترفة من لذتها ما تصدق أنها سمكة.
سيزلينق الربيان: لذييذ وما فيه أي زفر أبدا وجود الخضار مع التتبيلة حقتهم معطيته طعم جدا مميز. الربيان بالسمسم: حبيت مرة التتبيلة حقت الربيان مع وجود البصل المكرمل طالع الطعم خورافة. مينيو المطعم متنوع وفيه مشويات وكذا بس أنا بما أنه متخصص في البحري ما حبيت أجرب إلا المأكولات البحرية وبس.
ممتاز ولذيذ ولكن بكل أمانه مبالغ جداً جداً جداً في اسعاره وغاليه ومن المفترض النظر في جميع الأسعار حتى تجذب الزبائن ولاتتهرب منك لأنا اللي يأتي لايمكن العوده إلا عندما يكون عنده مبلغ عالي او مجامله لأصحابه فقط
مطعم المحار من افضل المطاعم البحرية بالاحساء وقديم جداً وتم تجديده في وقت قريب.
من ناحية التجربة ، طبعاً في هذهِ الايام إجازة ودائماً مزدحم ولكن الترتيب في الزحمه لم يكن بالشكل المطلوب بحيث عند حضوري كان هناك ازدحام في قسم العوائل واعطاني رقم للانتظار ولكن عند الانتظار ،، ذهبت للاعلى في قسم vip في الدور الثاني ووجدت قاعة كاملة لا يوجد فيها احد ولم تستغل في الزحام. من ناحية السعر مرتفع نوعاً ما ، الخدمة جيده على الرغم من الزحام ، واعداد الطلب سريع اخذنا تقريباً من 20 الى 25 دقيقه ، وللامانه كان الاكل لذيذ يستحق التجربة والزيارة مرة اخرى. -يوجد مصعد لاصحاب الهمم، ولكبار السن.
كمكان لتناول الأكل البحري يعتبر مكان جيد ، لكن ٱمل أن يستمر في احضار نوعيات طازجة من الأسماك فهي أساس نجاح أي مطعم بحري ، لكن يعيبه ارتفاع الأسعار ٱمل مراجعتها.
التعامل سيء و الاسعار مبالغ فيها والعامل اللي عند السمك تعامله سيء وتكلم وبالنهايه يرد عليك السوري ولا في اي احترام انصح بعدم زيارته يوجد مطاعم بحريه افضل منه ك سنيار وصيد اليوم
الصراحه الاكل كان روعه الان طلبت سمكه مشويه مافيها طعم بالمره فقط كتشب احد يتبل بالكتشب وبارد الطلب كله و بالاونه الاخيره ارتفعة اسعاره بقوه واخر مره طلبت منه احسابي ٣٠٠ وتفاجأت بالحساب ٤٠٠ ولمن راجعتهم زايدين علي طلب قيمته٥٠ ريال صعدت لهم بقول لهم طلع غيري يتفاهم معاهم زايدين عليهم نفس الطلب
العمال ينرفزون الواحد قلة أدب وعدم احترام للزبائن بشكل ملفت وكأنهم مغصوبين على العمل. الطعام البحري ليس بالجودة المرجوة منه ٥ من ١٠. المشويات ٧ من ١٠. اطباق الرز ٨ من ١٠.
ونشكر الادارة على استقبال الشكوى و مكان العوائل الملتزم بدون موسيقى. يشكرون على ذلك حقيقة
Lovely Dinner last week. Ordered the Seafood items and was pleased by the quality of the all sea food items we ordered. A very good experience! Staff was very nice and kind. Price is expensive.
المحار مكان راق جدا ونظيف طاقم عماله من الجنسيه الفلبينيه جدا محترمين حيث توجد الاسماك المحلية والمستوردة أسعار الاطباق متوسطه الى مرتفعه مناسب جدا للاطفال والكبار هادئ جدا
مطعم بحري يمتاز بالاسماك بكافة انواعها المشوية والمقلية المطعم فخم من داخل ونظافة والتقديم ممتاز سوا افراد او عوايل الاسعار مرتفعة لكن يستاهل كل مبلغ يندفع فيه
نجمة واحدة والله ما يستاهلوا. اسعار جداً مبالغ فيها. والاسماك طالعة ريحتها وقديمة من التخزين. الربيان اصغر حجم ب120ريال والكبير250ريال نصابين على ايش الاسعار؟ وين البلدية غافلين عنهم.
ولله شي بذمه المطعم اكله جيد و كل شي فيه جيد لكن التعامل ولا بريال و بما ان التعامل هو الاساس ف سمعة المطعم تكون بااتعامل و انا اشوف ان تعاملهم اسوء من السيء و ان شاء الله صاحب الحلال يشوف كلامي ويحاول يرص على موظفينه ️
مطعم غني عن التعريف من اقدم المطاعم المختصة في تقديم المأكولات البحرية. يقع مقابل السجن العام في وسط الهفوف ع طريق جامعة الملك فيصل بالهفوف. بعض اسعار الاسماك خاضعة للوزن
A best choice if you wish to have seafood. The fish is fresh, taste also excellent. Main thing is one can choose the raw fish from the display to cook. I prefer grilled fish than broasted. Try atleast once.