للامانه اطلب وانت مغمض ويجيك وين ما كنت بدون حتى ما ياخذون عربون وماشاء الله على الشغل والنظافه والترتيب والمصداقيه والاخلاق اللحم طري والرز نثري وعلى الموعد ما شاء الله تبارك الرحمن ربنا يبارك لهم ويوفقهم بصراحه يقدمون شي يشكرون عليه
هو نفسه مطعم (جمر الحنيذ) مطعم ومطبخ متخصص في تقديم اللحوم والولائم وطبخها. متخصصون في الخروف الكامل المشوي ع الجمر. كما يقدمون اللحوم والدجاج بأكثر من نوع (مندي، محمر، حنيذ، مظبي.)
المشرف الأخ/ محمد نصر - أبوحمزة - ونعم الرجل، تعامل راقي وخدوم ونفسه طيبة وما يقصر.
الطبخ ممتاز، الرز نثري، اللحم لذيذ وناضج جدا، كمية الرز وفيرة، الكشنة على الصحن والتزيين ممتاز. جربت طبخ نصف ذبيحة وكان شي يبيض الوجه.
لديهم توصيل لكن وقت تجربتي لم تكن السيارات متاحة. أنصح به صدقا. ولي معهم اعادة تجربة لبقية أنواع الطبخ بإذن الله.
ممتازين جدا جربتهم اكثر من مره لكن العيب الوحيد اسعارهم غاليه واتمنى منهم مراجعه اسعارهم لو على الاقل يغيرون الحضيره اللي ياخذون منها لحضيره اقل بالسعر
المسافه بيني وبينهم عشر دقايق ورفض يوصل وبعد الاقناع قال الطلب يبي له ساعه، اتمنى من الاداره تنظر وتراقب موظفينها لانهم فقط بيخربوا السمعه علماً اول مره بطلب من عندهم
للاسف تجربه سيئه ولا انصح فيهم لايعرفون يشوون والعمال غير متخصصين بالشوي اللحم كله قاسي وناشف وطعمه فحم لاحد يتهور ويعزم ضيوف على لحم ناشف وطعمه فحم تجربه سيئه ولن اكررها للاسف كان رد صاحب المطعم غير مقنع هذا تقييمي للمطعم مو ضروري اكون قريبك او احد تعرفه عشان اعطيك ممتاز لاتشكك بالناس والتقييم للتحسين وليس قطع ارزاق انا مادري متى نتطور شوف اخطاءك واوقف مع عمالك وحسن اكلك عشان نقيمك بممتاز الله يهديك بس
مررررة لذيذ وشغل احترافي من الاخر جاو على الوقت وخلص الاكل على الوقت التقديم والطعم يذوووب من اللذاذة اللحم جدا ذايب والريحة الطبخ والشوي والرز والكبدة ونظافة واهتمام كامل وبعد ما خلص الطبخ نظف المكان كامل ما شاء الله عليهم محترفين
الله يسعد ابو دعاء ويرزقه ويخليه الدقه بالمواعيد والتعامل حتى مع اني متأخرة بالطلب وبعد ماقفل المطبخ ومع ذلك ماكسر بخاطري شكراً جداً وتجربة لذيذةة واللحم والرز شي من الأخر والسلطه الحارة عندهم ماقد ذقت زيها بلذاذتها ونصيحه لحد يصدقققق الكومنتات السلبيةةة والله ثم والله والله شاهد انه افضل تعامل واسلوب وطعم ونظافةةة الله يبارك لهم ️️
قمت بطلب مائدة عشاء مع توصيل وتجهيز للسفره، وقاموا مشكورين باللازم وأكثر، كانت السفره تجهيزها جميل جدا وكانوا ضيوفي مبسوطين بالعشاء الله يبيض وجيههم. الاكل للامانه كان لا يعلى عليه لذيذ جدا وطريقة التجهيز كانت مشهيه وفاتحه للشهيه. شكرا جزيلا لجميع القائمين على هذا الصرح، بيضتوا وجهي الله يبيض وجيهكم.
اول شي اشكرهم على الدقة في الواعيد والنظافة شي شي ماشاء الله تبارك الله ولو انهم غالين شوي بس يكون غالي ونظيف ودقيق في الوقت بس والله العظيم الاكل مره لذيذ ماتوقعته كذا.
للامانه تجربه سيئه. مدري هل التعليقات حقيقه او لا. وصاحب المطعم الا يبغى الناس تمدحه في التعليقات ماهي بالغصب يالحبيب. المفروض تتجاوب مع تعليقات الناس وتحسن من جودة الاكل.
ألف شكر على ماقدمتم لي في عشاء هذا المساء، (خروف مشوي) شغل مميز مشكورين عليه، شهادة حق شغل يستحق الإشادة، شكراً لك وللأخ أبوحمزة والأخ عبدالرحمن والأخ عز الدين، الله يبيض وجيهكم جميعاً
الصراحه من اجمل المطاعم دقه في الموعد والذبيحه طيبه وجزله ماتفشلك في ضيوفك حتى كلن عندي ضيوف من دولة البحرين والكويت وماقصر مطعم شيف الخروف المشوي بيض وجهي عند ضيوفي
تجربة ممتازة بكل المقاييس. الذبايح جودة عالية و الرز بمستوى خرافي. تعامل القائمين جدا جدا رائع. و هو بكل تأكيد خياري الاول في الشرقية بالنسبة للخروف المشوي. انا انصح الجميع و متاكد انكم بتعيشون تجربة مميزة جدددا. استمروا و موفقين يا رب
مطبخ متميز بالطبخ الحديث ووضع الطعام بشكل عصري على اعمدة حديدية قبل الطبخ وعند وضعها فوق منقل الفحم للطبخ وبعد الطبخ عند تحضير الوجبة الشكل خرافي والطعم رائع والاضافات لا يعلى عليها
بصراحه انا مجربهم شخصيا و اقولها بكل امانه بأنني احب احترمهم للوقت و نظافه عملهم و بصراحه كانو كل المتواجدين كانو مبسوطين من طعم الاكل و سوف أكرر التجربه انشاء الله
الريفيو من الدمام. حيث الأجواء باريسيه بامتياز. امطار وجو مش برد. اضافه جلسه البحر في الجو ده تجنن. وخلال زيارتي القصيره كان لازم اكله دافيه. خروف الشيف. الدمام ش 18 مقابل فندق جولدن توليب. التيوس فعلا لذيذه والاستواء ١٠ /١٠. الأرز كان بيشاور وكمان جربت أرز الشيف. بصراحه طعمهم لذيذ ومتبل واستواءهم ٩ / ١٠ السلطات حلوه ونظافه المكان ممتاز. العيب الوحيد اهتمامهم بمدخل المكان واسع وشيك جدا. لكن الجلسات لا ترقي للمستوى و طاولات قليله.
حقيقه مااشوفه يستحق هالتقييم وصار الواحد يشك ان التعليقات غير حقيقيه، جدا عادي اللحم ناشف ماينزل من حلقك وفيه ريحه. الرز سئ جدا للي يبي رز نصيحه ياخذ بالنفر من مطعم برا. جاني بارد وبالنسبه لي هذي كانت ثاني تجربه للخروف المشوي بالشرقيه من مطعمين مختلفين وأعتقد أن الشرقيه تفتقد للمطعم المتمكن.