المطعم بشكل عام جميل بطابع كلاسيكي يذكرني بالمطاعم القديمه والمحافظه على مستواها (ينفع يكون مطعم العائله) يعني لعائلة كبيره وتاخذون راحتكم فيه لان طاولاته كبار والمساحه كبيره بحيث محد بيجلس بالطاوله المجاورة لكم "للأسف قليل اللي يقدم مساحات كبيره في الوقت الحالي تقريبا اغلب المطاعم مساحاتها صغيره وتسمع سوالف الطاولات اللي جنبك"
طبعا عندهم جلسات داخليه دورين وجلسات خارجيه اذا الجو جميل ماتتفوت ابدا حتى لو تجلس فيها بدون طلب
الاكل متوسط ماهو وااو ولا سيئ بس المكان يشفعله صراحة تمنيت انهم يقدمون خيارات اكثر مثل الستيكات ، البرجر او السندوتشات بشكل عام
الطلب كان 1- برياني دجاج اعطيه 10/8 طعم وكميه حلوه 2- طاجن روبيان بالكريمه اعطيه 10/6 الكميه حلوه بس الطعم خصوصا الربيان كان عادي مافيه شي مميز 3- دجاج الاطلال الخاص اعطيه 10/7 الكميه حلوه والطعم جيد
المطعم يقدم الشيشه في الجلسات الخارجيه بس وقتي كان بعد المغرب وخذينا راحتنا بدون ما يكون فيه احد يشيش الحمدلله يوجد موسيقى والصوت مرتفع شوي
يشغل موسيقى، وعند الطلب في إغلاقها يسلك وإذا رصيت عليه يصكه.
جربت المطعم، وكان سيء جدا؛ لا طعم ولا تعامل، وسعر جدا مرتفع مقابل الطعم والتعامل.
طلبت منه شوربة فطر وكانت عبارة عن موية. وطلبت منه مشكل مقبلات وكانت عادية. وطلبت منه مناقيش لبنة بالعسل، سكتني باللبنة لأنه ما فيه عسل! وطلبت منه مناقيش محمرة بالجبن وكانت مرضية. وطلبت منه فتوش وكان مرضي. وطلبت منه ديناميت دجاج وكان مرضي.
مكان جدا ممتاز للجلوس فيه داخل وخارج المطعم والاكل لذيذ والاسعار مناسبه والجلسات برا جدا رايقه ويوجد فيه غرف للاجار اليومي وكوفي يعني كل شي تلقاه عندهم كوفي ومطعم وفندق انصح الكل فيه
تجربه جدا فاشله اول واخر مره اروح للمطعم الاكل عادي جدا مافي اي لذه او ابداع الكميه قليله للشخص الواحد يعني من الاخر لا تروح تجرب ولا تروح وانت جعان الا اذا تبي تدفع على شي ماله طعم وخسارة على الفاضي
رحته فطور برمضان و كنت عازمة اشخاص و للاسف تجربتي كانت جدًا سيئة الاكل مالح و السمبوسة مليانة زيت و الكبة سيئة و المشاوي و الباستا سيئين و اضطريت اني ادفع عندهم و ادفع بمطعم ثاني عشان افطر العالم ، مع ان هذا ابدًا مش مستوى المطعم بالايام العادية
بصراحه مخيب للآمال طلبنا فوتشيني ألفريدو بارد وطعمه سيء وويدجز بالاعشاب مليان زيت وطعمه عادي ولافيه اعشاب و الكبه عاديه جدا والحمص يعني وطلبنا تراميسيو طلع مثل الحجر اتوقع مبطي عندهم والشاي حاطين شاي اكياس في ابريق سيء جدا بصراحه سيء جدا والمبلغ مبالغ فيه جدا جدا احلى مافيه الجلسه الخارجيه وهم الكراسي غير مريحه والطلب كل مدة يجيبون طبق كأنه عطيه مو طلب يظل فتره على مايجيب الطبق اللي بعده حطيت نجمه فقط لاجل التعليق
المكان رايق لأبعد حد وشرح للأكل طلبت متبل ومشاوي كان أكثر من رائع الشوي مضبوط والطعم يحكي طلبت أيضا سكلوب دجاج لاباس فيه ممكن يعجب أذواق مختلفة من الناس انا عن نفسي ماعجبني كثير بشكل عام المكان يستحق الزيارة مرة ثانيه
مأكولات متنوعة يغلب عليه الطابع الشامي مع وجود اطباق هندية وايطالية وبحرية. النكهات جيدة بشكل عام والسعر ضمن معدل المطاعم المشابهة في اجواءها ومستواها (مرتفع نوعا ما) جلسات خارجية جميلة بدون حواجز ويوجد جلسات داخلية. يوجد مواقف قريبة. الخدمة جيدة جدا.
مطعم راقي على كورنيش البحر في اماكن اوت دور واماكن داخلية الاطباق متنوعه ما بين الاطباق الشرقية والخليجية والمشروبات متنوعه ترضي جميع الاذواق ومتوفر مكان الشيشة وتم توفير مصعد لذوي الاحتياجات الخاصة للصعود للدور الثاني
من ناحية الديكور والاثاث قدييييم يحتاج تطوير ونظافة اكثر وكان طلبي كباب دجاج ومشكل مشوي وحمص وتبوله و٢ عصير برتقال والجلسه في الدور الثاني الحمص جيدجدا التبوله أقل من المتوسط اما بالنسبه للمشاوي اعطيها ٤ من ١٠ والمشكله الاسعار غاليه الفاتوره ١٩٨ ريال لشخصين
كان مطعم جميل وخدمه ممتازه جيته قبل شهرين تقريباً اغرمت بأكله وخصوصاً الريش تفاجأت اليوم لما جيته بسؤ الخدمه سواء من الجرسونه المصريه اللي واقفه بين الناس وفي يدها صحن بطاطس مقلي وتاكل اول مره اشوف هالحركه في مطعم كبير زيه او من كمية الأكل اللي صارت اقل من الربع عن المعتاد دخلنا بعد اذان المغرب طلبنا ريش استغربت لما قالت خلص بدلنا بكباب بعد ساعه من الانتظار ما وصل الكباب والغيناه وطلبنا رز ابيض للاطفال بعد انتظار وصل شي غريب صراحه اتوقع ان الاداره تغيرت او في شي ثاني ارجو الرجوع لما سبق حتى ما يخسرون زباينهم
فطور كان ب ٤٦ توقعت الكميه معقوله ولكن ٥ حبات زيتون اسود وقطعتين صغيره من الطحينه! واربع قطع من الجبن، مقدار ملعقة من اللبنه. حبة كورسان. قطعتين توست. وبيض. واثنين عصير برتقال وشاهي. الحساب صار ب ٨٠ ريال! بخصوص الزياره مره اخرى للاسف لا. لا الكمية تناسب ولا المكان تحس كئيب
لا يوجد هناك تميز في أكله والمشاوي عاديه وهناك تاخر في تقديم الطلبات حيث جلست ما يقارب نصف ساعه وقدم لي حزء من الطلب وبعد مضي نصف ساعه اخرى احضر باقي الطلب وكمية الاكل قليله جدا. وبالنسبه للسعر مبالغ فيه مع ما يقدم من كمية الأكل وموظفين المطعم ليس لديهم اهتمام بالزبون
مطعم فاشل بكل المقاييس. خدمة سيئة و أكثر من سيئة ، أكثر من نص ساعه لأخذ الطلب فقط مع انهم معطيننا خبر لمدة عشر دقايق ،عمالة خدمتهم عشوائية و من جنسية واحده و لا يجيديون أبجديات التشغيل و الإدارة و أكل أقل من عادي ، و هذا غير وساخة المكان. تجربة مستحيل تتكرر
مطعم جميل جدا والافضل تطلب فقط الاكلات الشامية من مقبلات ومشاوي مشكلته الخدمة تعبانة وحرام بصراحه مكان مثل هذا تصير فيه خدمة سيئه وبالنسبه للاسعار جيدة جدا مقارنة بمطاعم الخبر اللي جالسه تبالغ بالاسعار. اتمنى الادارة تشوف ردي ويحسنون من خدمتهم ومتابعة طلبات الزبائن ومايحتاجونه.
المطعم كان من افضل المطاعم لكن متراجع جدا من ناحية النكهة الأكل صاير بدون نكهة تماما يعني تاكل مشان تعبي بطنك فقط رز البرياني شكلو قديم و الشوربة اجت باردة و شكلها قديمه الحمص بلا طعم ابدا تبولة الكينوا كانت جيدة نوعا ما هي و الخبز فقط الي كان طعمهم مقبول و اشياء ثانية نفس الشي ما لها طعم الله يسامحهم القائمين على المطعم المطعم كان رائع و أكلو مميز و لذيذ ولكن تراجع المستوى جدا اتمنى يرجعو يصلحو الوضع مشان نجي مرة ثانية عّم نفسي خلاص هي اخر مرة إلا اذا تصلح الطعم
مطعم جميل جداً و رايق في أيام الأسبوع في زيارتي له كانوا حاطين مباراة في الداخل و الصوت واصل لبرا لكن ما كان مزعج الأكل لذيذ لكن أطباق الدجاج تعتبر قليلة الكمية نوعاً ما أتوقع ينبغي عليهم تحديد من كم جرام تتكون الوجبة الأسعار تعتبر غالية بعض الشي