من جربته أدمنته مايمر أسبوع الا طلبت منه ما أكل من إي مكان بس يوم رحته أول مره وشفت النظافه وترتيب الاكل وطريقة تقديمه خلاص آكل وأنا متطمنه ، الأسعار متوسطه حلوه ، اللي جربته من المنيو الورق أسطوري ولاغلطه ، الكبده ب الجبنه لذيذه ومطبوخه مضبوط بس كريمين في الكميه ف وقت ما أطلبها قمت أقولهم يقللون شوي من كمية الكبده ، الجبن مشكل فنان وحنون مثل حق البيت وهمن كمية الفول السوداني كثثثيره في أقولهم يقللونها لي ، البيض ب الجبن رهيب والسمبوسه حلوه سواءً ماش أو جبن والبطاطس المقلي رهيب ومقرمش هذا اللي جربت منهم
المكان جداً جداً جداً حاااااااااار والمكيف خربان لمن رحت اليوم وحاطين مكيف صحراوي صغير مايسوي شي في هالاجواء وخصوصاً انه المطعم كله زجاج تصفعه الشمس من كل جهه ومافيه ستاير تخفف من حرارة الشمس
والاكل اقل من عادي و الكبده حيل قليله في البرجر
والسمبوسه الجبن فاضيه اقل من ملعقه شاي جبن وشريحة زيتونه وسمبوسة اللحم حشوتها قليلة جداً يعني ياليت ع هالاسعار تضبطون كمية الاكل ش يعني مافيه شي مميز ويشدني ارجع المكان ثانيه يبيله المكان اشو اهتمام وتطوير اما الخدمه زينه وسريعه بس ناقص تهتمون بتبريد المكان وبكمية الاكل القليله مقارنة بسعر البوفيات الثانيه يعني لو الكمين اكثر كان صار انسب السعر بس الكميه قليله بشكل ملحووظ
التجربة الأول كانت اسبوع الافتتاح وكانت الجودة ممتازة والكبدة لذيذة ، ولكن ذهلت طلبت قبل يومين مستوى جودة الطعم انخفض بشكل و الكبدة مليانه زيت دسمة ومرا حارة ومالحة ماقدرت اكملها ، ما اخفيكم ان يحطون كمية راهيه بالجباتي من اجبان ولبنة وزعتر لكن وأنت تتناولها كله يطيح برا مافي توازن أين الجودة الي تعودناها بالبداية ؟! والأسعار مبالغ فيها أقترح يعيدون النظر في الأسعار ويقللون كمية الطعام أفضل
الكرك خفيف جداً وعصير البرتقال نصه عصر نصه طحن و مضاف له ماء لبنه بالزعتر كويسه و سمبوسة جبن لذييذه معها زيتون اسود الكبه الحساويه سيئه وتشباتي بطاطس عمان حلو الانتظار طويييل فوق نص ساعه و المكان يحتاج له اهتمام بالنظافه
اول شي فكرة المطعم هي هبة جديدة وجميلة لكن التمييز مطلب في ذلك التقيم على زيارتي للمطعم ١- الأسعار بعض الاصناف غير منطقي سعرها ٢- كان طلبي حلوم وكرسبي دجاج ٥ من ١٠ اعطيه الملاحظة وهي نصيحة تغيير نوع السندويش المستخدم لانه سيىء تقليل أسعار بعض الأصناف والله يوفقكم ويفتح عليكم
السلام عليكم ورحمة الله وبركاته مشاءالله لاقوة الا بالله الله يبارك لصاحبته ويوفقها جربنا الفطور في عبله وكان اجمل فطور صراحه المكان يجنن والاكل كان لذيذ الفلافل ١٠/١٠ البيض المسلوق ١٠/١٠ الكرك ١٠/١٠ الشباتي ١٠/١٠ اتنمى لها التوفيق
العاده لمن ازور مكان لازم اشيك على التعليقات ، لكن للاسف جيت وكلي ثقه بحكم ان المكان تبع سعوديه. عموما الاكل بشكل عام اقل من جيد. طلبت فلافل وكانت يابسه وناشفه. والبيض جبن جدا عادي مررره. والشيبس عمان يمكن حاط بطرف الملعقه جبن ولا بذاك الزود. والشباتي بس اسم اتوقع انه من البراتا اللي موجود فالسوبرماركت. والكرك ماي وهيل وسكر يمكن كرك الاظرف اللي بالبقالات احسن منه ولا بعد كميته قليله يعبونه لك فوق النص بشوي
كمجمل الطعام اقل من المستوى وفوق كذا الاسعار فلكيه يعني لو تروح رسلان او كرك رحال او كرك الشايب افضل منه بكثييير واسعار اقل منه
لازم ياخذون الانتقادات بعين الاعتبار ولا مصيره الفشل والتقفيل.
تجربه حلووه والاكل لذيذ واعيدها مره ثانيه لكن ليت صاحبه المكان تحافظ على النظافه وتخصص عامل للنظافة لان المكان جدا مو مرتب وووسخ في الارض وعلى الطاولات
اللي يطبلون بالتعليقات والسوشل ميديا ياليت تخافون الله، جربت المطعم واكثر من شخص قريب جربه وللاسف الخدمه سيئه جدا خصوصا الموظف السعودي طلبت منه يغير الكبده ورد علي اذا ماعجبك مشكلتك! اخذت كبده وكأنها قطع كفرات الله يعز النعمه ولما طلبت رحت البيت ورجعت مابعد يخلص الطلب، شي مو معقول. بالرغم اني قريت التعليقات اغلبها سيئه ولكن قلت بجرب واخر مره.
المكان بسيط و فكرته حلوه انو يكون فيه جلسه خارجيه لكن الخدمه و النظافه تحتاج تطوير لانهم تأخروا كثير و المكان فيه طلبات الناس الي قبل ولا احد جا نظفها الطلبات لا بأس فيها و الكرك جيد و السكر موزون اتمنى انهم يتطورون اكثر بالايام القادمة
عليه مدح مو طبيعي جيت اجرب المكان مو نظيف و الطلب اخذ40 دقيقه يعني وقت مبالغ جداً السمبوسه جميله والكبه مافيها طعم والتشباتي يمشي يعني مايسوى العنوه اخر مره اجي
الاكل لذيذ اخذت لبنة بالزعتر ماشاءالله راهيه اللبنة والشكشوكة حلوه كأنها طبخ بيت وكرسبي برقر لذيذه على سعرها اما الكرك من اول ماتدخلون المكان ريحته واضحه ولذيذ صدق اكرر زيارتي له اكثر من مره, الله يبارك لهم?
المكان جميل جدا و متقن جدا وخاصة النظافة لكن كرك عادي جدا و اتووقع انه جاهز سعره غالي اسعار. تحتاج مراجعة شبس عمان 9 ريال مبالغ فيه سعره مثل كبدة بالتوفيق و يستحق الزيارة