فوالة الهلال

جربت القلابة والفلافل وشاي عدني وعصير برتقال طازج وكلها عجبتني ولاحظت نظافة المكان واهتمام الموظف براحة العميل.

لا لون لا طعم ولا رائحه
طلبت معصوب ملكي يعني ايش يجي غرقان قشطه و جبن انشف معصوب اكلته بحياتي
اللحسه لا بأس فيها
الفول ماله طعم ابدددد ماينوكل
التميس بس اسم تميس معجن واصفر و طعمه غريب
راعي الحلال ها انت راضي ؟!

لا انصح بالتعامل معهم كل الطلب خطأ. والخبز بارد. ونفس الموظفين يمسحون الارض ويبيعون ويحظر الطلب

حقيقةً ما أعرف من وين أبدا، كل شي بالمطعم غلط بغلط، الموظفين لا مظهر ولا أسلوب بالتعامل ولا طريقة شغل منظمة، كانو كثرة عدد على قلة سنع. بالنسبة للأكل طلبت وسبحان الله وانا اطلب ما ارتحت لكن قلت خلني اجربهم، ومن اخذت الطلب ولين وصلت البيت وانا ودي ارمي الأكل لكن عشان اقيمهم بشكل عادل قلت لازم اجرب، وفعلا طلع الأكل مثل ما توقعت، الحمص فيه شوائب ولونه اصفر بزيادة، واتحدى ان الزيت اللي يحطونه مخلوط اذا ماكان بالكامل زيت قلي مو زيت زيتون، خبز التنور كانت ريحته مالها علاقة بالخبز او الأكل نهائيا، المطبق كان مر، ناهيك عن الأسعار الفوق متوسطة بدون أدنى جودة. المحل شبه جديد لكن فاشل بكل المعايير وطبعًا الأكل رميته لأن خفت اعطيه عامل بالشارع او المحطة ويتسمم لا قدر الله. اتمنى صاحب المطعم يخاف الله في مطعمه ويحسن شغله او يقفله. طبعا فاتورة ما أعطاني قائمة بالأسعار مافي تصميم المحل غريب جدا وغيره الكثير قلتلكم مو عارف من وين ابدا جدا سيئين.

فوال الهلال اسم وبس دخلته وطلبت مطبق سفري ويالتيني ماطلبت العمالة سيئة والخدمة سيئة والطعم سئ جدا جدا جدا المطبق عجين في عجين وماينأكل ويخسارة الفلوس اللي دفعتها
اعتقد اليماني اللي يسوى المطبق ماله علاقة بالطبخ والتأخير في التسليم غير مبرر والمدير (او صاحبة)! ؟التركي مايعرفون شي اسمه مطبق والا البنغالي مساعده هو نفسة لاحظ التأخير وصارخ علي العمال لكن بعد فوات الاوأن
تجربة فاشلة ولن تكرر! حتى لو ببلاش

مطعم جميل رحت له أول مره بفرعهم في السويكت عام 2001 جربت الفول جره والقلابة والشاورما شغلهم ممتاز ونفس الجودة والعاملين أخلاقهم ممتازه أنصح فيهم

اخذت من عندهم فول قلابة وتميس الفول طعمه حلو لكن التميس مره مالح كان وبنسبة للعمالة بالمطعم مو لابسين قفازات ويمسك الخبز وهذا شي غلط لازم الاهتمام وصراحة اول مره واخر مره اجربه

بصراحه القلابه لذيذه ،اما الخبز للاسف مالح وباقي عجين ،والكبده غير طازجه وربي البيت حصلت فيها زي السلك شي حديد ومبين في الصور تجربه لن تتكرر

المطعم هذا عنده فوبيا من النظافة، صحون الاكل تحس فيها بقايا زيت من الخارج انا مدري وين الادارة او المالك عنهم كذلك اضاءة المطعم الداخلية تجهر ومبالغ فيها الى اقصى الحدود، عموماً اراهن على خسارة هذا الفرع.