المكان جداً جميل ورايق ملائم للأفراد والعائلات ونظيف خدمه سريعه و الخدمه الممتازه من الموظفين وحسن الاستقبال الطعام لذيذ للغايه اكثر من رائع الاسعار مناسبه الديكور جميل و مودرن ومسموح اصطحاب الاطفال ، يتوفر بارتشن الخدمه جداً ممتازه صراحه مرا كانوا مهتمين بزبائن طلبنا اثنين روبيان واحد الصوص خليها علينا ب ٥٥ ريال وثاني ليمون وفلفل ب ٥٥ ريال حرارتهم كانت معقوله نص نص ورز اثنين الواحد ب ٨ ريال وبطاطس قلي واحد ب عشر ريال
جيت المطعم وطلبت كيستين فلفل ليمون طبعاً جاني مالح جداً يمكن فيه كيس ملح حرفياً مالح وكلمت الموظف وجاء جربه وقال انه صدق حيييل مالح طبعاً بدل لي الكيس وبرضو جاني مالح اكثر واكثر ويوم الموظف كلم الشيف الشيف مو عاجبه الكلام طبعاً انا ماحب اعلق على مطعم واقول انه سيئ لاكن كان افضل مطعم بحري بالنسبة لي وتغير حيييل بالنسبة لي ماراح اجيه مرا ثانية نهائياً
فرع المبرز بالتحديد تعامل الموظفين زي الزفت كانك تاكل ببلاش وتجلس تنادي الموظف ويسحب عليك تدخل تجلس على الطاوله مايجي يباشر عليك وياخذ طلبك اعطوهم دوره في التعامل مع العميل
للاسف للاسف الاكل محترم ومع التتبيلة ولكن يحتاج تحسين في بعض الخدمات اولا تاخير الطلب اخذ ٤٣ دقيقة ثاني حاجة التعامل للموظفين مو سيء ولكن يحتاج تدريبه على مواجهة الزبائن ثالث حاجة حاولت اني اطلب اكثر من مره عن طريق التليفون ولكن لا يتم الرد وبعد الوصول الى المحل اتصلت والموظف جالس ماسك جواله ولا يرد على الاتصال
اتمنى تحسين بعض الملاحظات وانا كلي ثقة في الادارة وصاحب الحلال
اول شي تأخير في الطلب المحلي اكثر من ٤٠ دقيقه علما انه الي بعدي طالبين استلمو طلبهم محلي وانا لا ثاني شي فوق التأخير معطيني طلب مش طلبي ثالث شي كل ماناديت السعودي حق الي يقدم الطعام مايعطيني وجه.
الديكور حلو بس التكييف حار ، وكنا عائلة كبيره رايحين ويجي طلب ناس والباقي ما جابوه الا بعد ٤٠ دقيقه و جاوا ناس بعدنا طلبهم يوصل قبلنا ، المشكله ان معانا اطفال ناس وصل طلبهم والباقي لا ويطالعون يعنس الشكل مو حلو ، المفروض من البداية ما يستقبل عوائل كبيره ، الاكل لذيذ وكان الطلب ربيان ليمون وفلفل والثاني خليها علينا ولذيذ ماشاء بس الخدمة تعيبه.
مطعم كان له تميزه سابقاً، ولكن الآن لا يوجد أي تقدير واحترام للعملاء لمن يبدون رايهم ويشتكون من جودة الربيان المقدم! الجودة جداً سيئة ومن اسوء ما يكون وكل هذا عشان سعره بمقايل المنافسين! وهذا تعسف بحق العملاء تقليل الجودة عشان السعر، طاقم العمل غير محترف نهائياً بالتعامل مع العملاء ومجرد شكليات لتقديم شكوى لا صحة لها، لا انصح بزيارة هذا المطعم رغم اني كنت عميل عندهم من سنوات، مطعم سيء.
المطعم جميل والربيان مرة حلو ونكهاته خطيرة ومافيه ريحه او زفر أبداً وتعامل الموظفين مرة راقي ولطيف طلبت ثلج والمطعم اساساً ما يوفر ثلج مع المشروب لكن الموظف ما قصر جابه لي مدري كيف،، يستحق الزيارة وتكرار الزيارة
قبل اروح شفت التقييم (فرع المبرز) اغلبها تشتكي من الخدمة المقدم من الموظفيين ومن التكييف في المكان وهذا صحيح لماوصلت كان زحمة وقال انتظر ١٠ دقايق ودخلنا قبل طلبت من القائمة سطل منوع روبيان-قبقب-محار قالو القبقب مخلص طلبت من القائمة بطاطس اطفال قالو مافي طلبت من القائمة عصير-عشان الاطفال قالو مافيه لانه ماعليه طلب قدمو الاكل بدون ملاعق وشوك قمت جبتها بنفسي السفن اب قاروره قلت كيف افتحها سوا حركة بيده يعني افتحها بيدك الروبيان باليمون لذيذ الموزاريلا جبن ١/١٠ البطاطس لذيذ سلطة جرير ١/١٠ اذا برجع ثانية عشان الروبيان والبارتشن وبحيب معي مفتاح حق السفن اب
مطعم جداً جداً مميز. اشكر جميع الموظفين على التعامل الطيب الي زي العسل وشكر خاص للأخ الي ماعًرف اسمه ابو ربطه الي يربط راسه موظف جداً خلوق ومحترم. صوص خليها علينا لذيذ
للأسف انا اتفق مع راي اللي قبل خدمة فرع شارع الظهران فرق عن خدمة فرع الهفوف حيث ان احد الطلبات لم يكن بالمستوى المطلوب وتم اخذه لتعديله لكن يتم ارجاعه على نفس ماهو غير انه تم تسخينه والمره الثالثه تم اضافة فلفل اسود وبالمره الرابعه تم سؤالي بتغير الطبق من حديد وتم سؤالي نوع الصوص مع الحراره الا اني اتفاجاء بارساله لي مرة اخرى يعني تستغفلني يالموظف ولا ايش صار محتوى الجلسه شيل طبق رجع طبق نفس ماهو. تجربة سيئة
الاكل لذيذ لكن عادي جداً انك تروح يومين متتاليين وفي يوم يكون الاكل لذيذ واليوم الثاني سيء ما تقدر تاكله ما في مستوى جودة محدد مره ومره ، الموظفين هم أسوء شي ف المطعم لا احترافيه ولا خبره في استقبال الزبائن.
طلبنا مكس بحريات: فيه محار وسلطعون وربيان والصوص حطينا خليها علينا والحرارة متوسطة كان صدق الحرارة متوسطة لكن الصوص صاير كانه كتشب وبهارات يبي لهم يزيدون زبدة شوي بالصوص، المحار كان واجد مستوي زيادة عن اللزوم وصاير ما يناكل برضو الروبيان بعض كان مطبوخ واجد المحار اعتقد انه مفرزن عشان كذا بس السطلعون كان زين. طلبنا روبيان والصوص خليها علينا: زين الروبيان ونظيف وكبير لكن برضو الصوص اعطيه ٨ من عشره بطاطس كيجن: يجي معه صوص وفوقه بهارات الرز: يستخدمون بسمتي مو نفس مطاعم البحريات الاغلب يستخدم الرز المدبب او المصري فكان غريب شوي البسمتي بس مطبوخ زين روبيان دينمت: ما جربته لكن الي معي تقول طعمه دجاج بس الصوص حليو والروبيان مو نفسه الي يستخدمونه في الاكياس هذا اصغر
مستغرب من هالموظفين السعوديين تعامل اسوء شيء في حياتك و نفسيتهم للزبون ماحد يتقبلها اقوله ركب العازل عندي الاهل يقولي ماركبه لك الا اذا نزلت الطلب خووش اصفق لصاحب المطعم و موظفينه الكرام على حسن الضيافه و رقي التعامل و الصراحه مافكر بتاتا ادخله هذا المطعم و الله يعز النعمه جاي لي الربيان كله مو نظيف جلسنا ننظف فيه حبه حبه والله استغربت جاي كله عدد الربيان مو نظيف و فوق كل هذا تعاملهم السيء العماله الي يشتغلون ما ينطاق ولا بريال.
نختلف في ذائقتنا لقياس الاكل و لذته و لكن ربما نتفق على بعض مقاييس الادب والاحترام والاسلوب و هذا ما رأيته في أخي وائل ، ضرب اروع صور الواجهه للمحل والذي بدوره يرسم الانبطاع الاولي لأي مكان تزوره لذلك انا من هذا المنبر اشكره على كرم اخلاقه واستقباله و ايضا اشكره على شرح الاطباق ومكوناتها ليتسنى لي الاختيار بحسب رغبتي ،
المطعم لذيذ وصلصة الروبيان الخاصة كانت فريدة من نوعها. موقع المطعم جميل ،
الصراحه مطعم بحري ماعنده مسؤولية مفروض مهتمين ب التكيف والروائح! سيء جدًا من ناحية الريحة زفر مرًا وغير كذا مافيه تكيييف ب هالحررر! والريحه تنتشر اكثر! حتى الموظفين يتضايقون!
مطعم سيء ماعنده ترتيب وتنظيم معاملة الموظفين سيئة جدا اذا صار غلط في الطلب يقول لك تبي ولا رجع الطلب يجبرك تاكله بحكم انه باقي اشوي على الاذان انت تبغى تصوم تنجبر تاكل طلبك وهو ناقص
تجربتي ب هـ المطعم كانت سيئة اول شي المكيفات حره كأنك قاعد في غرفة بخار و الكمية قليله ع السعر و الاكل طعمه زبده ومكتوب لك زبده بثوم ولا في منكهات وحتى المشيم حقت المحاسبه م تشتغل م في اي تطوير لو استمر على كذا يقفل احسن له