المكان عادي نظيف ورايق و الستاف لطيف. لكن الاكل عادي جداً وكميته قليلة جدا والاسعار مبالغ فيها ولاتوجد لديهم شبكه لدفع والماء معدني ب4 ريال اجباري والبطاطس ب 14
للاسف رحته وكان عندهم بوفيه غدا وربي كنت ميته جوع لكن الاكل ماتحرك! بوفيه سيء جداً والخيارات قليله والطعم الله يعز ويكرم النعمه! انسدت نفسي والله العظيم
المكان جميل واطعام رئعه وااخدمه ممتازه. ولاكن عندهم الااستعجال على الزبون. مايخلون الزبون ياخذ راحته بعد ساعه من احضار الطعام كل يجون ويدقون هلعارضه يعني يلاه قم اطلع يحسسونك انك تأخرت بلمكان. طيب انتظرو الواحد ياكل على راحته.
مطعم لبناني ارميني. المطعم جميل وذو طابع حضاري. يوجد مدخل للإفراد و العوائل يتمتع بخصوصية جيدة. القائمة متنوعة من المطعم اللبناني و الأرميني و الإيطالي و الهندي والأطباق البحرية و المشاوي. يقدم مشروبات باردة كوكتيل و عصائر طازجة. كما يقدم المشروبات الساخنة أنواع معينة من القهوة و الشاي كما يقدم بعض الحلويات.
•-الأسعار متوسطة إلى مرتفعة. (بعض الأطباق السعر عالي) •- جودة الطعام و التقديم جيدة جدا. •- الطعم جيد نوعا ما ولكن غير متميز. •- النظافة جيدة جدا. •- الاستقبال والخدمة جيدة جدا.
الملاحظات: بعض الأطباق في القائمة لم يتم تحديد الكمية أو العدد أو الوزن خاصة في أطباق المشاوي و البحري. يجب السؤال عن الكمية قبل الطلب.
مطعم جيد جدا. الاكل لذيذ و يستحق التجربة الطلبات كانت: شوربة كريمة الدجاج 10/7 كبة ارمنية 10/9 توشكا ارمنية 10/9 مشوي مشكل 10/9 كباب ورد الدار 10/8 السعر مقابل كمية الاكل يعتبر مرتفع نوعا ما.
موظفي الاستقبال ممتازين. طاقم الخدمة ملبوخين و في حوسة دايمة. البوفيه قليل الأصناف و الكميات و السعر مرتفع بالنسبة له. غرف الجلوس ممتازة و المكان هادئ. الطعام كثير منه حامض او بهاره عالي
المطعم نظيف والديكور حلو وفكرته جديده بس طلبت كباب بالروب وطلع الصنوبر قديم وفيه طعم مو حلو أرجو الانتباه للشي هذا والاسعار مبالغ فيها أما عن التجربه عموما جيده جدا وممكن أكررها وأنصح فيه
للأسف اسوء خدمه حصلتها المطعم فاضي دخلنا ننتظر بدون أي احد يستقبلنا تقريبا ١٠ دقايق. موظفة الاستقبال كانت خارج المطعم تسولف ولا معبرة اي احد. لا انصح بالذهاب إلى هذا المطعم أجواءه غير مريحة. لو يكون فيه رقم للشكاوي أفضل
المكان رائع وهادئ. لكن بعض الغرف صغيرة وضيقه بالنسبه لحجم الطاوله. الاكل لذيذ بشكل عام لكن الطلب يتاخر. هناك موظفه سعوديه محجبه تعاملها سيئ وشايفة نفسها طريقة تقديمها للطلب غير احترافي وفيه نوع من الدفاشه. اكثر من مرة تدخل علينا الغرفة من غير اعطائها اذن بالدخول. افضل ان تاخذ دورة في فن التعامل مع الزبون والابتسامه في وجوههم.
بالنسبة لي اسواء مطعم دخلته في الاحساء طلبت اكلة ارمنية اسمها مانتي او شي كذا والله ياجماعة شي يفشل مايشبع طفل ابو ٥ سنوات والسعر فوق الاربعين ريال والاكل عادي جدا جدا مافيه شي مميز ابد لا انصح بزيارته ابدا
المقبلات جميله والمشويات ممتازه بس الاكل الهندي ما انصح به الطاقم جداا محترم ومميز و الاستقبال يرحب و ابداع في التعامل الديكورات والتكييف فوق الممتاز والنظافه شكرا