المطعم مو قد المدح ابدا ابدا الفول جيد غير مميز هناك كثير افضل جربنا فول عادي وفول قلابه والكبده الله يكرم النعمه قال انها بلدي ويوم فتحناه طعمه سيئ وواضح مجمده وسعرها ١٨ريال والفول ٩ريال مايسوا ابدا
افضل فوال في المنطقه الشرقيه المعلم ابو ناصر الله يعطيه الصحه والعافيه له فوق 50 سنه في الدمام والفول عنده طبيعي بدون اضافات يضرب له مشاوير. من جميع مناطق الشرقيه من جودة الاكل والخدمه الله يعطيه العافيه
من اقدم واعرق مطاعم الفطور في المنطقة ، اعجبني المكان لقدمه والزبائن الموجودين الاكل ممتاز بس يحتاج خفيف من الملح ويمكن لان اغلب الموجودين كبار السن وهم الغالبية وهذا مزاجهم والأصح اليهم فا ما اعتب بس انوه الوضع في الحارة مرة شعبي وراح يعجب جيل الطيبين بزيادة
الاصاله والطعم من أكبر رجال الشرقيه الي أصغرهم يعرفون هذا المكان الفول والكبده الطازجه له طعم ونكهه يميزه عن الآخرين حتى خبزه غير له دهر من الزمن لم يتغير
لا أذكر انه قديم في هذا الموقع ربما بعد ٢٠٠٠م اتذكر بوفيه هندي لبيع البراوطه والشباتي مقابله وسط الشارع العرضي داخل المحلات عام ٩٥م ٩٧م وكان شغال ومزدحم خاصة الفطور والعشاء. لا أذكر هذا المطعم في الشارع هذا
من اقدم محلات الفول بالدمام يتميز بالنكهة الاصلية لم تتغير المكان ضيق والكراسي متقاربة جداً ولاكن هذا من الامور اللني لاتضر وكل شخص له ذكريات فيه ولازم ياخذ صورة مع المعلم اليمني (تعيش اجواء حلوة مع الذكر الحكيم بصوت الراديو القديم)
افضضل فوال على مستوى الخليج الاكل خفيف جدا وميزته انه يسوي الفول الابيض على الفحم المكان شرحح بذات بعد صلاة الفجر الشياب موجدين والقرآن شغال انصحكم بزيارته
بصراحة انا اتعنا له من 71 كل اسبوع مره او مرتين بعد الفجر خاصة في الويكند ، عندهم الشكشوكة خرافية وأيضا الفاصوليا بالبيض شي من الاااااخر ، اما الباقي الفول والقلابة والكبدة وغيرها فأنا اشوف انها عادية ، خاصة الفول مايصلح الا مع التميس وهو ماعنده تميس ، لكن الأجواء الي داخل المطعم ترجعك 30 سنه ورا ، الله يعطيك الصحة والعافية يابو ناصر
فوال القناعة: إسم على مُسمّى معرفتي فيه ١٣ سنه فوال بسيط وحلو وصوت القُران فيه من أوّل زياره لي وهو شغّال لا إله الله وإبتسامة العم أبو ناصر وضحكه ومزحه والفول الخفيف البسيط على المعدة يسعد يومك بسبب اللطافة في هذا الفوّال. ونصيحتي لكل شخص في أي مكان وفي أي وقت يكون مُبتسم ووجهه بشوش مهما عصفت بكَ الحياة خلّي مشاكلك وهمومك داخلك. إبتسم وألقي تحيّة الإسلام على المارّه. إضحك وألقي الدُعابات اللطيفة لعلّك تُضحك شخص وتجعله يتذكّر بالخير ويدعي لك. الله يسعد الجميع ويكتب لكم الأجر.
أقدم فوال في الدمام والذي يديره العم أبو ناصر وهو صاحب المكان بدون كلل أو ملل منذ عشرات السنين . . للمزيد من التغطيات تابعوا السناب والانستقرام ibrahim_86
ذهبت اليوم الجمعة الموافق ١٢- ٢-١٤٤١وفطرت فول ابيض هناك. العمال دايخن وليسو على قدر الزحمه اللي هناك. طلبت فول ابيض وكان شكله مغري ، لكن انصدمت ان مافيه تميس فقط خبز عادي ، ما ادري كيف احد ياكل فول مع خبز عادي. الخلاصه اخذت منه لقمتين وقمت وطلبت سفري فاصوليا وفول ابيض وشكشوكه ومشيت واخذت تميس من فوال ثاني وذهبت للبيت ولكن الاهل والاولاد رفضو الفول لانه كان معجون وشكله غلط كانك جبته من العلبه بدون طبخ. لا انصح به وليس على قدر الكلام الذي يقال عنه ولن اعيد هذه التجربه ابدا. مايميزه موقعه داخل السوق القديم وتحس معه بزمن الطيبين
من اقدام محلات الفول في المنطقه الشرقيه وخاصه الدمام يبيع فول جره مميز لكن ليس الافضل -يستاهل المشوار وخاصه بعد الفجر مباشره قبل الزحمه لوجوده في منطقه سوق-لايوجد منيو -المعلم واحد هو الي قايم بأغلب الشغل فا لازم تنتظر وتاخذ وقت على مابال يجي الطلب-عندهم خبز عادي مفرود فقط لا يوجد تميس
فوال قديم لكن الأكل المفضل عندي هو الفول المخصوص ويكون ابيض مع الخلطه الخضراء ويوجد عنده الشكشوكه شيئ لا يفوتكم و كبده وأكلات كثيره ومكانه صغير و متواضع واسعاره معقوله جربوه
فوال القناعة. ممتاز جدا عندهم فول قلابة وفول جرة ابيض على الجمر وشكشوكة كانت تعجبني اول الان غيروا في مكوناتها وتركتها وعندهم كبدة وفاصوليا بيضاء وحليب عدني. باشراف ابوناصر. فول على الطريقة اليمنية ذات النكه الفريدة القديمة التي لن تجدها الا عندهم
فوال قديم في وسط الدمام -سيكو، له تاريخ يزيد عن ٣٥ سنه داخل سوق الحب. الاسعار جيده، والطعم عادي جداً جداً بالنسبه لفول القلابه. كان طعم الفول منافس ولكن يبدو ان الجوده نزلت.
لا أوصي إنك تتعنى عشانه مهما سمعت من اقوال الناس. العم ابو ناصر من المكافحين القدماء في المطعم جزاه الله خير وبارك له في رزقه.
مطعم غيررر جيد ابداً ابداً انا قريت التعليقين اللي تحت ورحت طاير داخل سوق الحب توقف سيارتك بفلوس وتجيه مشي حدود 500 متر خذت فول جره اقل من العادي خبز تميس ما فيه صراحة ما يستاهل التقييم العالي لن اعود له مره اخرى
من أقدم مطاعم الفول في الدمام. له مكانة خاصة عندي. شعبي لا تتوقع يكون واو وفخم. بس اكله نظيف وشهي خصوصاً الفاصوليا و الفول المخصوص. يعيبه فقط الموقع لقلة وجود مواقف شاغرة فقط