طلبت الشيزكيك من عندهم طعمه يفوز و بعد المانجو لذيذ وعندهم وعندهم شمام فراوله بعد حلو المكان نظيف ويفتح النفس بس عيبه مافيه مواقف صعب تلقى بس يستاهل الزياره مره ثانيه
من اجمل الايسكريمات اللي جربتها بالخبر وكانت اول تجربه لي معاهم اليوم طلعت وانا جدا مبسوطه وسعيده من تعاملهم اللطيف معي ومن الطعم اللذيذ اشكر العاملين فيه واحد واحد من القلب حتى الزباين اللي يجونهم كلهم لطيفين وذوق واكيد ماراح تكون اخر تجربه ان شاءالله
جربنا ايسكريم تشيز كيك والكراميل التقييم 8/10 زرناه في وقت كان فاضي فكان الجو العام هادي ورايق وقدرنا ناكل بنفس المكان اخذنا حجم الاطفال لان كنا حابين نذوق الموظف ودود بالتوفيق لهم
التقييم للمحل اغراني بزيارته ووجهة نظري بعد تجربة ايسكريم تشيزكيك التقييم (نجمة واحدة) كافية حتى يعالج صاحب المحل الملاحظات
1- اسعار مبالغ فيها بالنسبة للكمية - (نجمة) 2- اضافات على الايسكريم فقيرة لا تكاد تشعر بوجودها - (نجمة) 3- كمية الايسكريم قليلة والطعم عادي - (نجمة) 4- إضافة أخيرة وهي ملاحطة ملابس الفتيات - (نجمة)
اتمنى صاحب المحل أن يراجع الملاحظات قبل أن يخسر استثماره
رحت عندهم و كان اللاين يمشي وكل احد قدامي طول شوي عند الكاشير ، ما اعرف اذا كانوا يذوقون او لا لكن كان اللاين يمشي المهم يوم وصلت عند اخر واحد طلبوا يتذوقون الايسكريم وجلسوا يسولفون مع الموظفة واحد وزوجته و جربوا الايس كريم و انا كنت محتار بين الكريم كراميل و المانجو ، طلبت اني اتذوق المانجو فقط ورفضت الموظفة والي قبلي متذوقين مرتين! انصدمت و قلت ابي تو سكوب واحد كريم كراميل واحد كوتن كاندي واضافت لي ريالين على صوص الكراميل علمًا اني ما طلبت والصوص ماشفته الا يوم خلص الايسكريم كان تحت شوي مره.
المهم:
١- نجمة على الكمية ، الكمية كبيرة مع ان شكلها شوي بس بتطول وانت تاكل
٢- نجمة على السعر ، مناسب و جميل مقارنة للمحلات الثانية.
٣- نجمة على البرزنتيشن ، البرزنتيشن مره حلو لكن بالنسبة لي واتوقع للكثير مايهمهم ، يعني انا طالب في كوب وحاطين لي بسكوت. او يشيلون البسكوت و يقللون السعر ٣ ريال او يكثرون كمية الايس كريم يكون افضل
٤- الكراميل طعمه عادي جدًا وما اطلبه مره ثانية ، الكوتن كاندي جميل و اطلبه مره ثانية و ثالثة ️
خصمت نجمتين عشان اسلوب الموظفة ، لو اسلوبها افضل قيمة المكان ٥ من ٥
لكن خصمت نجمتين
١- نجمة رفضت تذوقني وذوقت الي قبلي و اخذت نجمة ثانية من الطعم برضوا عشان الاسلوب
جميل تنوع النكهات عنده. وإمكانية التذوق قبل الشراء حلوه جدا. فقط الأسعار غالية للكوب الواحد. أفضل عنده نكهة التشيز كيك ونكهة قهوة اللوز. الأغاني صوتها عالي لمن يرغب في الأكل داخل المحل.
محل متخصص بالايس كريم المكان جدا لطيف وديكوره جدا جميل الجلسات مو كثيره بس المكان شرح عندهم نكهات متنوعه جربت السجنتشر الي هو التشيز كيك روعه شيز كيك بارد يسرسح مكان يستحق التجربه وراح اكرر الزياره له ان شاء الله عشان اجرب الاصناف الثانيه
Simply a beautiful option whenever you want to reward yourself and your family/friends with a refreshing ice cream treat. Nice ambiance with both indoor and outdoor seating areas. Staff are friendly and helpful.
الايسكريم يستحق التجربة لكل النكهات بشكل عام. لكن اللي اشوفه مميز عندهم هو نكهة التشيز كيك. الاسعار تعتبر مقبولة بمحلات مشابهه. عندهم ايضاً حجم صغير ب ١٢ ريال للاطفال وغالبا الخيار هذا غير متوفر بالمحلات الثانية.