المطعم مكتوم ورائحة الحرق تجوب المكان وقفت سرا قرابة ٧ دقائق ومن ثم اعتذر الكاشير انه لا يتوفر رز ابو بنت استغرب المطعم مشهور في المنطقة برز ابو بنت والمتوفر رز الوليمة! اقترح بوضع لافتة عند انتهاء رز ابو بنت ووضع الكاشير عند مدخل الباب حتى لا يحدث تكدس داخل المطعم. تحياتي ،،
أخذنا كذا مرة من عندهم غداء يسمون الطبق مكبوس محمر دجاج محمر مع كبسة لذيذة و المكان نظيف. بس المسقعة عندهم تحتاج تكون من غير صوص زيادة و تكون البهارات فيها واضحة
جربت مره وحده كانت مضغوط دجاج للأمانه الطعم ممتاز وذلك لكون الزيت قليل وهذا المطلوب عندي. لكن لم يقدمون السلطة المفرومه المجانية كسائر المطاعم. ينقصهم: فصل الجلسات وتوفير حمام
جربت المضغوط عندهم ممتاز طبخ من اول رز ابو بنت لكن شوووووي يزودون مسمار (القرنفل) لو يخففونه شوي يطلع الطعم خيال بشكل عام مطعم نظيف والمضغوط ممتاز ويمدحون المكبوس بس انا ما جربته
ما شاء الله وصلت المطعم وكنت جائع جد طلبت نص حبه دجاج مع الرز الطلب وصل والصحن مليان ما شاء الله المهم عشر دقايق فقط ورجعت لهم السفرة والعظام والحمدلله ان الصحن رجع لهم سليم
مطعم نضيف ومرتب لكن اصنافه في الدعاية كثير وعندما تطلب تجد اغلب الاصناف غير موجوده واسعاره مبالغ بها على بعض الاصناف علبة صغيرة سلطه حارة بثلاثة ريالات. طلبت ايدام مشكل الظاهر انهم زايدين موية علية والملوخيه مجرد لون الملوخيه والطعم الله المستعان. طلبت مكرونه لو غطو عيوني وسالوني وش تاكل سوف اقول فلفل رومي.