اختيارنا الاول دائماً في المطاعم الهندية في ابها الطعام لذيذ وكثير وسعر مناسب المفترض يكون فيه صوصات اضافية مع السمبوسة الهندية والبرياني وخبز نان صغير مع الايدامات لايوجد صوصات اضافية ابدا مفروض يحطو طحينه زبادي الصوص الاخضر الهندي اعطونا كتشب فقط
الاجهزه او الجرس اللي تطلب فيه المباشر معطله وتنادي المباشر اكثر من مره عشان ياخذ الطلب يجيك المباشر قبل إحضار الطلب ادفع يجي الطلب بدون سكين يعني برود في التعامل
المكان عادي جداً بعيداً عن الاكل ومذاقه ومشاكله تعامل العمال سيء للغايه انا مادري كيف ينجح مطعم عماله كذا النظافه سيئة مسكر كل الغرف ويقول فل وفاتح غرفتين عند المطبخ تطلع ريحتك كشنة مسالا عشان مايتحرك في المطعم اسوأ تجربة اول واخر مره ولا انصح به الا اذا المالك بيشوف له حل
الاكل جيد والاسعار مناسبه ولكن الاستقبال جدا سيئ وحتى العاملين في المطعم والمنيو يحتاج تغير كله كتابات وعلامات الطلبات ومنظره سيئ جدا وكذلك الجلسات الكبيره مغلقه من فتره
المكان مررررره راائع وكل شي مميز وخدمه الموضفين فيه تجبرك تحترمهم وتحترم المكان. يعجبني الموضف السعودي اللي هناك دائما يستقبلنا بابتسامه ويودعنا كذلك اتوقع اسمه يحى وتشرفت بمعرفته نشكره ونشكر كل القائمين على المطعم تحياتي لكم. ليالي الهند بابها ️
للاسف مخيب للامال ولايرقى حتى لنجمه للاسباب التاليه ١-المباشر كان في قمة النزاقه اسمه علي كل طلب نطلبه منه من طرف خشمه يكلمك وكأنه متصدق عليك ٢-طلبت سمك تندوري الطعم مره سيء والله يستر من التسمم ٣-طلبت مسالا بالصلصه الحمراء وجات صفراء والمباشر يقول هذي مسالا حمرا لان جوتها فلفل احمر لكن اللون اصفر وقعد يحاججني ان المسالا كذا بس انا اللي ماافهم مع انها في المنيو مكتوبه حمراء ٤-طلبت ارز بالخضار وكان رائحه غير مستحبه في الارز كأنه غير مغسول ؟؟ تجربه لن تتكرر
طلبت شوربه كريمه مع الدجاج و رز برياني و دجاج بالزبده و دجاج كورما و خبز نان و عصير برتقال الشوربه تقيمها سيء لانه طعمها حالي و الكريمه خفيفه الرز جيدجداً و الدجاج بالزبده جيد مع كان بالامكان فعل شي افضل ، الدجاج بالكورما جيدجداً ، العصير كان خلاط و ليس كبس و مضاف اليه سكر المكان نظيف و جميل و الخصوصيه جداً عاليه الديكور جميل و الاجمل تعامل الموظفين فلهم الشكر ملاحظه توجد اشكاليه في المواقف الاسعار نوعاً ما مرتفعه بقليل لكن بالاجمال يستاهل
بسم الله الرحمن الرحيم ما شاء الله تبارك الله مطعم محترم جدا وخدمه ممتازه من جميع العاملين فيه بصراحه يستحقون التقدير والاحترام لا يعلى عليه كل ما يقدم فيه لا باس به وعليه اقبال متوسط انما هو شي جيد جدا واسعارهم شوي مرتفعه مقارنه بالمطاعم الشعبيه وهذا شي حتمي اعتقد يستحق خمسه نجوم لولا اسعارهم على العموم تحياتي للجميع وصلى الله على سيدنا محمد وعلى آله وصحبه أجمعين
الاكل لا يتناسب ومظفين ذو أخلاق شيئه خاصه الرجل للمودب اللي عند باب النساء احلاقه 10000٪يقول اطلع من حلالي ولا باقي تجي عشان قلت وش الاكل البارد وتاخر الطلب
الاكل تحسه حالي. ومو حار وما تحسه هندي. بس جميل. عيالي حبوه وشطبو على الاكل. بس انا لي تحفظي. كنت اتوقعه من مدح الناس احلا من كذا. وخاصه اني جاي من الرياض. وتعليقاتكم هي ضالتي.
اولا مطعم فيه الخصوصية ممتازه. ثانيا أسعارهم جدا ممتازة. ثالثا طعم الاكل جيد جدا. من أفضل المطاعم جودة من ناحية الخدمة و نظافة المكان. زرت مطاعم كثيرة في أبها هذا المطعم الوحيد الذي ارتحت فيه ويستاهلون والله يرزقهم واتمنى البقاء على هذه الجودة.
First a restaurant with excellent privacy. Secondly their prices are very excellent. Thirdly the taste of eating is very good. One of the best quality restaurants in terms of service and cleanliness of the place. I visited many restaurants in Abha, this is the only restaurant where I rested and deserved.
مطعمي الهندي المعتاد مرره جميل شغلهم. وكمان موقعه بمجمع متكامل بعد الأكل بالمجمع باسكن وكوفيهات وصيدليه والدانوب يعني مقابل التخبيص فيه مجال للرياضه️️️
المطعم جميل. وهادي اكلهم جيد جدا. برياني الجديد ومسالا بالزبده طلبت والثاني بالزنجبيل ودجاج التندوري جيد جدا. بس الايدامات ماتجي ساخنه مره هذا اللي ماعجبني ذقت هندي في مطاعم اخرى الذ وجوده اكثر بالطابع الهندي في الاكل اتمني لهم التطوير
مطعم جميل وأنيق من ناحية التقديم والتزيين عالاطباق وديكور المكان والإضاءة.
بالنسبة للأكل لذيذ بصراحة. يمكن البرياني مو قد كذا بس يمشي الحال يعني. ماينفع تاخذه كشيء رئيسي في طلبك لانه عادي جدًا جدًا. رز أبيض وحطوا عليه ملونات طعام وشوي هيل.
طلبت دجاج بالزبدة رائع جدًا جدًا ولذيذ بالنسبة للتكا مسالا الي يحب الدجاج مستوي مرة مرة ماينفع يطلبه. والي عادي عنده يكون استواء متزن فلذيذ وطاوة الدجاج ولحم الأشاري والروبيان كلها جميلة ولذيذة جدًا ونكهات البهارات حلوة والي يقولكم بس كشنة ماعنده سالفة لانها لاذعة.
طلبت بعد نوعين شوربة كريمة دجاج وذرة روبيان. كريمة الدجاج جدًا جميلة ذرة الروبيان عجبت أهلي بس أنا ماحبيتها. وكمياتها كبيرة جدًا طلبنا صحنين كفتنا وزادت واحنا ٨ اشخاص. واحسن شي انهم جابوها قبل الاطباق الرئيسية بحوالي ١٠ دقائق.
الكميات كثيرة في الصحون يعني اذا انتم عايلة صغيرة صحن واحد يكفي الكمية جدًا راهية. احنا طلبنا وزاد واخذناه معنا البيت. فلا تغلطون غلطتنا اطلبوا صحن واحد من كل شي ولو احتجتم زيادة اطلبوهم.
بالنسبة للأسعار جدًا رائعة ومناسبة للعوايل ذات الدخل المتوسط ، الشي الي ماعجبني ان الحساب قبل استلام الطلب بس.
على فكرة افضل وقت لزيارة المطعم الساعة ١١. قبل ما انصحكم لان المطعم زحام جدًا وبالانتظار يعطونك رقم وتنتظر فقبل الساعة ١١ يخلونك نص ساعة كذا ويبدون يدقون عليك الباب عشان تخلص بسرعة لان فيه ناس بعدك بس على ١١ كذا لا محد يزعجك ، تدخل على ١١ وثلث تقريبًا بعد ماتنتظر ويخلونك. أنا واهلي دخلنا ١١: ٤٠ جلسنا الى ١٢: ٥٠ محد أزعجنا.
لمحبي الأكل الهندي أنصحهم بهذا المكان الأكل لديهم جداً لذيذ جميع الأصناف ممتازه أكلت الديناميت لديهم الخصوصية عاليه لديهم عبارة عن غرف مغلقه وبه العديد من الجلسات قد يعيبه أحياناً الزحمة خاصة في أوقات الذروة
زرت المطعم بتاريخ 21 شوال 1440 ، طلبت تكا مسالا ورز برياني دجاج ، المطعم عادي جدا ، البرياني بدون طعم ابدا وليست جيده ، والماسالا عاديه جدا ، يستحق 3 من 10 لان كمية الاكل كبيره فقط.
# الايجابيات: الأكل رائع السعر مناسب الجلسات العائلية فيها خصوصية الديكور رائع والإضاءة رائعة # السلبيات: بعض الاكل يأتي بارد ولكن ليس بكثرة الموظفين ليسوا مبتسمين تعامل الموظفين مع بعض يجب ان يكون بشكل احترافي يليق بالمحل قسم الافراد لا يوجد الا عاملين فقط واحد يسجل الطلبات والاخر تقديم الطلبات اغلبية مطاعم ابها يأخذون الحساب قبل تنزيل الطلب بعكس مدن المملكة والبلدان الاخرى لا افهم لماذا؟
#ملاحظة# *ارجوا ان يتفق الزبائن على دفع الحساب قبل التوجهه للكاشير وعدم كثرة الحلف وذكر الطلاق لانه لا يجوز *الغنى ونشيد القصائد بصوت مرتفع ليس من الاتكيت ويضع عائلتك واصدقاءك في حرج وايضاً اللباس الذي لايليق ان تلبسه امام عائلتك فضلاً ان يكون امام الناس *محاسبتك ابناءك على فواتير الكهرباء او اسعار الملابس الغالية او المشاكل العائلية بأصوات مرتفعة لايكون في مكان عام *الاتصال او الرد على اتصال بصوت مرتفع ومناقشة مشاكل عمل او مشاكل خارج نطاق العائلة ليس الوقت المناسب فهذا وقت عائلتك * التصوير في قسم الافراد واتوقع في قسم العوائل يدل على الفقر وانك لا تعرف هذه المطاعم الا في السنه مرة
مطعم متوسط الجودة وبعض أفراد الطاقم يحتاجون خبرة أكثر في تنفيذ طلبات العميل. الخبز محروق وغير طازج. Average quality restaurant and some crew members need more experience in executing customer requests. The bread is burnt and not fresh
الأكل لذيذ و الكمية مناسبة الجلسات ممتازة و خصوصية في قسم العائلات ولكن أحياناً يكون الطلب ناقص ولازم تطالب فيه للأسف اغلب العاملين لا يبتسمون السعر غالي نوعاً ما يستاهل 3 نجوم
هو المفروض يكون مطعم هندي والمطعم الهندي يعتمد على بهاراته الهنديه لكن هذا المطعم راح تاكل فيه اكل بلا طعم البرياني مافيه اي نكهة برياني بس حاطين رز ملون بدون طعم والمسالا مافيها اي بهارات حاطين ايدام طماطم ودجاج بدون نكهه والاطباق الاخرى ايضا لايوجد اي طعم او بهارات او نكهه سيء جداً جداً. ️ الشي الوحيد الحلو هو الجلسه والديكور فقط.
لذيذذذذ جداً و كمية الطلب كبيرة جداً كرماءءء والله ممتاز بعض الاحيان تكون الخدمة سيئة بس من لذاذه الاكل ارجع له ياليت بس يغيرون في الديكور لان الغرف المسكر تماماً تجيب الضيقة و خربت فخامة المكان
اولا من ناحية المواقف زحمه وانتظار لين تحصل جلسه والجلسات ازعاج وطاولاتهم مقشره غالي على الفاضي وأكلهم مقارنة بالسعر سيء جدا انا توقعت لمن طلبت بهالمبلغ بأكل شيء لذيذ لكن للاسف لحومهم مثلجه وليست طازجه مثل ماقالو بالنسبة لي أول وأخر زياره
االايجابيات: لمكان نظيف السلبيات: المكان مغلق بالكامل بدون تهوية او اضاءة طبيعية. وايضا غرف مقفلة للعوائل. لا يوجد منطقة طاولات مفتوحة. ايضا من السلبيات انه لا يوجد ثقة بالعميل ويتم الحساب قبل احضار الطلب عند الكاشير (من السلبيات الشائعة بالمنطقة) المُضيف غير ودود الاكل غير لذيذ (برياني دجاج ولحم كورمة ومقبلات)
اولا واخرا نحمد الله على نعمه علينا ثانيا نصيحه لوجه الله المطعم ذا بعيد كل البعد عن النكهات الهنديه فقط الوان صناعيه وزيت بشكل مبالغ فيه تعشيت فيه واسواء تجربه طول الليل وانا احس ارتجاع من كثرة الزيت اتمنى من ادارة المطعم مراجعة الوجبات والتاكد من النكهه
الطعم عادي والمشويات لحومها غير طازجة وغير لذيذة وكمية البهارات زايدة الفلفل على حسب طلبك طاجن السمك طعمه سامج وغير لذيذ (اعجبني الرز والعصيرات فقط والمكان نظيف)
طلبت مسالا ربيان ورز برياني ودجاج لولي اتوقع اسمه كذا المسالا والبرياني كانت تكفي لشخصين الطعم جدا جدا لذيذ واعطيه 9/10 اما دجاج لولي طلبت نوع اخر وبالخطأ جالو لي هذا ولكن كان مليء بالصوص الاحمر والكتشب ف ما اعجبني كثير لان الصوص مغطي بشكل كبير عالطعم واعطيه 4/10 عموما المطعم اكله جميل ولذيذ وجلسات عوائل كبيرة ومتوسطة وفي جلسات عزاب ف الاسفل المطعم كبير ونظيف وهادي وجلساته خاصة
الي لاحظته ف المطاعم الهندية الفترة الاخيرة اطباقهم صارت اكبر على عكس السابق كان طبق صغير بالعافية يسدك وصعب يتشارك اما الان مريت مطعمين هنديه معروفة واصبحت اطباقهم يكون منها فائض مثل ما حصل الان