للأسف الشديد دخلت اطلب ودفعت الحساب ولما رحت اشوف اللحم واحصل صرصور صغير جهة تقطيع اللحم وتقديم الطلب وطلبت اكنسل الطلب والمحاسب بجيح وقليل أدب ويرفع صوته وكأن ماحد يقدر يتعامل معه بنفس الأسلوب ويقول نظيف نظيف وكأن الواحد يتبلاهم ولا يكذب عليهم ونفس العمال شافو الصرصور والهندي اللي حاسب لي قال رجع فلوسه ويقول احنا في مطعم ماحنا في صرافة يعني شين وقوي عين ما اقول إلا الشره على اللي حاطه يقابل الجمهور وينفر الزباين بهالاسلوب البذئ
كل شي فيه ممتاز فعلاً كل شي ممتاز الا القرسونات (العمال) لا اسلوب لا خدمه منفس ع ايش مدري والله وصلت معاي بسبب عامل لولا الزباين اللي كانو موجودين كان قمت و تفاهمت معه بطريقه ثانيه لان كاني اصغر عياله يتكلم معاي بذاك الاسلوب و النفسيه…. (المطعم ممتاز من جميع النواحي الا العمال ياليت يتم تغيرهم و الله يوفقك و يرزقك ي صاحب المطعم
اتصلت عليهم وبلغتهم اني برسل مندوب ولازم يغلقون احكام الاكل سواء بشطرطون او يدبسونه على الاقل وكلمت الموظف في المندي هذا مرتين وأكدت له على هذي النقطه وقال طيب ، يوم وصل المندوب قال يقول ماعنده شئ يقفل له الكيس! طيب ليش تكذب انا كلمتك مرتين وقلت طيب. أسوأ صفه الكذب تخليك تفقد ثقتك في العميل وهذي اخر مره اشتري من عندكم ان شاء الله
كل شي فيه ممتاز طبخه و الطعم والتحضير بس يخرب كل هذا خدمة الزبون حيث يقولك خذ الذبيحه معك و فالصباح روح اذبحها انت و جيبها مذبوحه مقطعه! خير ايش المندي ذا اللي يتشرط
انا عميل عند هذا المطعم ولكن امس بتاريخ 1442/7/23 جاني ضيوف على غفلة وعجل وأخذت من عنده تيس كامل يعلم الله انه يفشل واضح انه من الظهر ومحمى لين تقمر والرز قسما بالله كأنه مجمع من صحون وصاحب المحل ابو نظارات موجود ولكن وكلت أمري لله وحسبي الله ونعم الوكيل الله لابارك الله في رزقك موقفي مع ضيوفي مخليني طول الليل ادعي عليكم الله ينتقم لي منكم عاجل غير اجل
مختص في الحنيذ لابد من الحجز مبكر لربع ذبيحة فما فوق الازدحام خاصة نهاية الأسبوع. ممتاز الكمية جيدة والطبخ رائع الأرز جيد لكن الدهن فيه زايد شوي. اتمنى لهم التوفيق.
من اسوى المنادي الي زرتها والله العظيم اخذت لحم قبل فتره وكان ريحته مش ولابد والكميه قليله نفرين زي النفر واليوم جربت من عندهم الدجاج المندي حطه في قصدير صراحه بعد مافتحت القصدير انصدمت دجاجه نفس المضغوط ولاتوحي انها دخلت المحنذ الا بريحه سئي جدا جدا ولانصح بتجربه
من أفضل من يقدِّم لحم الحنيذ و بتميّز و أحد أقوى المنافسين في ذلك ،، النظافة: نظيف بشكل جيد جداً،، الجلسات: محدودة العدد و غير مقسَّمة،، العوائل: لا يوجد مكان للعوائل،، التوصيل: لا يوجد
في أحد المناسبات أشتريت خروف و أعطيتهم بحيث يحنذونه و كان شغلهم ممتاز جداً.
اللهم أدمها نعمة و زدها و بارك فيها و احفظها اللهم من الزوال.
في الحقيقه لما نشوف شباب سعودين الكل وده يدعمهم مافيه شك ولكن يجب ان يعرف العاملين في هذا المطعم وكل شاب سعودي ان الأخلاق وحسن التعامل مع الزبائن اهم بكثير من اي طعم او شي اخر وهذا واضح في كثير من التعليقات السابقة من بعض الزبائن التي اتفق معها تمامًا في تجربتي الاخيره حديثا والله على مااقول شهيد.
انتبهوا ياجماعه خاصه الي بياخذ ربع ولا نص تروهم ينقصون في اللحم حسبنا الله عليهم وانا بلغت المسؤل عنهم المحاسب ولكن طنش ولا عادني راجع لهم مندي الروشن على الذمه والله لايسامحهم
المطعم ممتاز والطبخ مميز. المحاسب أسلوبه متعالي و لولا الزباين وفلوسهم كان قفل المطعم. الاسلوب والتعامل الراقي له دور، ،،،اتنمى ان تتفهم بشكل ايجابي و لا تجعل المثل اللي يقول (اذا لك حاجه عند. قله يا سيدي) ينطبق عليك
صاحب المطعم العمال الي عندك نصابين وغشاشين طلبت نص تيس وف النهايه مالقيت الكتف ولا الساق قلت يمكن غلطو واجي مره ثانيه محصل ثلث التيس ناقص وهذا اخر مره نتعامل معكم ي النصابين من غير التوصيه لناس عشان متغشونهم وينضحك عليهم
اسواء مطعم في الاخلاق اذا ماهي عاجبتك الشغله خلها اقيم بالله يا قلة ادب فيهم ما هي في مطعم في العالم وشوفت نفس ع الفاضي انا عني اذا الاخلاق كذا فوالله لو طبخ يجنن ما همني
ممتاز ونكهة مندي مميزة خصوصا في الرز يعيبه الجلسات المحلية قليلة مواقف السيارات قليلة لانه على الشارع العام طلب في العشاء ينتهي بسرعة يفضل الحضور مبكرا
حطيت نجمة عشان اعلق على اغلب التعليقات الي ٩٩٪ ماعندهم مشكلة بالاكل المشكلة بالموظف الاستقبال هل المسؤول عنده اهتمام في مشروعة اذا تعامل الموظف زفت وخلاقة سئية فغير منديك الف مندي ونفس جودتك وافضل كنت ناوي اجي اخذ بكرة غداء بس بعد التعليقات الي شفتها وش لي اروح لمندي صاحبة غير مهتم بزبائنة وحاط موظف يفتقد للاخلاق الحسنة والعالم تجيك بخشم ريالها ورسالة للموظف ترى راتبك من الزبائن الي يجونك يعني لو حصل ان الشغل صار قليل راتبك راح ينزل او يقولون لك الباب الموظف بالاستقبال هو واجة المطعم امام الزبون فختر لمطعمك موظف ذو اخلاق سنة
في البداية كان ممتاز جداً لكن آخر الطلبات اللحم ليس بالكمية العادلة وطلبت دجاج اخر مرة كان جداً ناشف وقاسي وأما بالنسبة للتعامل فجيد لكن المحاسب تصدر منه تصرفات سيئة في بعض الأحيان
معروف بين كل الناس ان اليماني اللي يوزع اللحم لازم يسرق له على جنب شكله مسوي له حصه من كل زبون انتبهوا زين وانتوا تاخذون طلبكم طعمة ممتاز بس السرقه حرام ترى ياكل حق الناس بدون اذنهم الله لايبارك له
افضل مطعم ف الجنوب جودة ومصداقيه فيه غيره مثل الأحمري بس اذا رحت له خذلك ذبيحه واعطه يسويها وتأكد انها هي اما هذا فلاوالله يشهد عليه الله ان الذبايح نقوه وراعي المطعم كنه مختارها لنفسه وحريص على الشغل والله ما عمري دخلت هذا المطعم وما لقيت صاحبه مع العمال دايماً على روسهم ويدور رضا وراحة العميل فعسى الله يرزقه ومن افضل إلى افضل بإذن الله
كنت اشتري من عندهم نفرر وعادي الأمور تمام وماعمري كنت اشكي من الكميه مع انه مرا كان واضح فيه انه اقل من نفر تقول نص نفر لكن لذة الأكل خلتني اكمل لين طلبت نفرين كانت الكميه قليله جدا تفشلت مع صديقي حسبي الله عليهم ف تركت المطعم وتعاملت مع غيره مطعم ديرتي للأمانه النفر تاخذ حقكك كامل صحيح إنه الطعم ليس مثل مطعم الاخوين ويعتير جيد جدا ثاني شي موظف الاستقبال ابو نظارات تعامله سيئ ومافي احترام هذا غير النصب الي تحصله منهم حطيت النجمه علشان التعليق ولا هو م يستاهلو ولا نجمه حسبي الله عليهم
وش ذالمحاسب الي الناس تشتكي منه وتشتكي من سرقة اللحم لابد من حملة مقاطعة لمطعمهم حتى يتربون هاشتاق مقاطعة مندي الاخوين كفيله بتربيتهم افضل من التشكي والتبكبك هنا
مرتين خلال ثلاثه اشهر اخذ من الحنيذ وطعمه عادي يتميز بان اللحم اذا طبخته اليوم الثاني يبقى نفس طعمه كويس بعكس اغلب المطاعم الثانيه والاستقبال ممتازين و متعاونين و نظيفين
جيد ولكن تعامل الموظفين والعماله سيئ جدا جدا أول مره وآخر مره ازورهم حاجز ذبيحتين من قبلها بيوم و وقت جيتهم قالوا امسك سرا زيك زي غيرك أجل وشوله حاجز المفروض أجي وطلبي جاهز علما أني دافع المبلغ مقدما
زرت هذا المكان عام 1437 كان ممتاز 10/10 ثم زرته في 26/9/1440 وتقييمي له 2/10
جودة وطعم اللحم عادية جدا واقل من عادية ايضا ملاحظ عليه التطفيف وهو لم يعلم قوله تعالى ويل للمطففين عند طلبك لنصف ذبيحة يتم بخسها الخلاصة لا انصح به اطلاقا