جربت المعمول اكثر من مرة لذيذ ومتنوع الحشوات بالتمر والقشطة والجبن ويجي معه صوصات واليوم جربت كوكيز نيويورك لذيييذ جدا لا يفوتكم واشكر الموظف عبدالعزيز على تعامله الراقي جدا
الكوكيز عندهم خيالي بس السعر اوفر ١٧ ريال اتمنى تنظرون في سعره اخذته في العرض لليوم العالمي للكوكيز. المعمول ولا غلطه ماشاء الله والموظف تعامله ممتاز مع الزبائن
ثانياً والله العظيم انصح كل شخص ما جرب يجي يجرب ويذوق جميع الأصناف الجميل فيهم جميع اصنافهم حاره وطازجه من الفرن وصراحة وبكل امانه ما يحببك ويخليك ترجع وتكرر الزياره الا التعامل اللطيف الجميل منهم
من الذ المعمول اللي ذقته ف المنطقه لذيذ وخفيف ومافيه طعم الزبده مثل المحلات الثانيه اتمنى يستمرون نفس المستوى والأسعار ماترتفع اكثر من كذا وبالتوفيق يارب?
صراحة مااعجبني جاف وشكله مخبوز من وقت طويل ومكشوف للهواء الموظف اطلبه صوصات معينه ويحط شيء ثاني وارجع أأكد عليه يقول ايوه مثل ماقلتي والقى شيء مختلف تماماً ليش عشان طالبه من تطبيق وخصم تعطوني أردى شيء تجربة لن تتكرر لمحلكم
هذا موقف حصل معايه في فرع ابها وحبيت احط التعليق هنا لان الموظف يفاخر بفرع طريق الـ100
للاسف التعامل اسوء من السيئ دخلت فرع طريق الاربعين في ابها وطلبت بوكس صغير وقالت لي الكاشير فيه 20 حبه من اي نوع. رحت استلم طلبي انا ابغى قشطة وجبنه قال اللي ماسك طلبي لا القشطه والجبن الحبه بحبتين! يعني البوكس فيه 10 حبات
ليه التناقض في الكلام او هو اسلوب ادفع وبعدها نحطك امام الامر الواقع! المهم تدخل السعودي باسلوب ان كان من اصحاب المحل فنصيحه له اترك التجاره لاهلها وان كان موظف فهذا اللي بيجيب العيد من المحل واصحابه تكلم باسلوب العمال المساكين الغير متعلمين والله ما يقولونه فيما معنى كلامه (تبغى تاخذ والا اطلع عندنا فرع في طريق الميه شغال ولا احنا في حاجتك ؟؟)
لو دخلت كوفي اخذ قطعة كيك بـ30 ريال عادي وماعندي اي مشكله لكن واضحين بس اسلوب ادفع واذا جيت تاخذ طلبك يلفون ويدورن لا معلش هذا اسمه استغفال
للمعلوميه اغلب اللي كان في المحل مستغربين من الاسلوب الغير حضاري
مخبز ويسمى فرن المكان صغير ولكن جميل يتميز بعمل المعمول الطازج ولديهم صوص مخصص بكل النكهات المعمول عندهم جميل جدا ومن الفرن مباشرة عندهم انواع من المعمول كمعول القشطة والجبن والتمر والمكسرات اسعارهم لاباس بها المكان نظيف جدا ومرتب يستحق الزيارة
جيد جداً ويعتبر المحل الوحيد في المنطقه أفضل من معمول مامولا لكن للأمانة مو قد المدح اللي جاي عليه صح المعمول فرش وينعمل قدامك بالفرن لكن طعم الزبدة طاغي على بعض الاصناف وزفر أكثر من اللازم الجيد فقط معمول التمر بالسمسم ذا لذيذ جدا معمول القشطة محشو حشوة كثيفة لكن المعمول من الخارج مستوي ومن الداخل نص استواء طعم الزبدة باين وكأنه محروق عليهم ضبط درجة الحرارة عندهم مشكلة وواضحة في وزن عمليات إستواء المعمول يعني نكهه تلاقيها موزونه صح الصح وفيه نكهه تلاقي فيها ريحة حرق وزفر للأسف أخذت بوكس مشكل وإنصدمت من إختلاف الجودة بين كل نكهه وأخرى
بخصوص المكان مرتب وتعامل الموظفين مميز جدا وخدومين ويوضحون لك كل النكهات والأسعار. البوكسات جميــــــــــــــــله ومرتبه وحلوه الديكور جميل وبسيط ومريح للعين لكن الأفضل وجود طاولة تذوق لكي نقيم المنتج قبل شراءه عندهم بوكس صغير مشكل ب 40ريال العدد 24 حبة يجي معاه 2صوص وبوكس وسط 65 ريال والبوكس الكبير 85 ريال كسعر مرتفع قليلاً مقابل تفاوت الجودة
تقيمي لهم من10-6 الخدمة السرعة تعامل الموظفين 8.5-10
الكاشير اخلاقه تجنن ومحترم دخلت ودخل معي شايب كان معصب وصرخ عليه لكنه احترمه وماشدها معه بالعكس صدره كان وسيع نجمتين له اما المعمول نفسه فانصحكم تخمدونه من جوه لان فكرة معمول الجبن حلوة لكن ماتخمدونه تحتاجون ضبط لحرارة الفرن وسلامتكم
ثاني تجربه لي معاهم? الطعم لذيذ اكثر شي عجبني معمول القشطه والزعتر وتمر عجينة المعمول ابداً مو دسمه طلبت حجم الكبير والصغير يجي معه صوصين الحجم الصغير والكبير 4 صوصات ياليت يجددون بطعم الصرصار وتكون الذ من كذا الاسعار بخصوص الكميه الموجوده مرتفعه اعطيه 10/9
المعمول بكل انواعه لذيييييذ جداً وفرش وهش️ عندهم ٤ انواع من الصوصات حسب اختياركم جربت صوص الهيل غريب ولذيذ تعامل لطييف من الكاشير والموظفين المحل الوحيد اللي عندهم معمول يفوووز لذلك اعتمدوه من الاخر كلام كبييير
ماشاء الله تبارك الله عندهم معمول بوسو ورول وقشطة وانواع كثيرة لذيذة وطازجة على الطلب وعندهم انواع من البيتفور وعندهم قهوة سعودية تقدر تاخذ بالكوب وتقدر تاخذ الجيك الكبير تكفي اكثر من عشرة اشخاص