مطعم ولايم عسير

اولا المصعد اول ما تدخل ماتدري دور اول او ثاني والنور ينطفئ فجاه عند التوقف
ثانيا. لا يوجد خدمة جميع البطاقات. وهذي مشكلة لا خدمة اس تي سي ولا مدى فيزا. مدى فقط وهذي الخدمة لازم تكون متوفرة
ثالثا. الاكل بارد طلبت مندي دجاج وحنيذ دجاج وملوخية ومصقعه وبينت له اني جاي من الرياض. صراحة الغرف ممتازة لان يوجد مغسلة بالداخل القسم العوائل. مع الاسف المطعم والأكل يقدم بارد تقريبا من الظهر والله نص الاكل ماجيناه

طلبنا عن طريق التليفون جنيذ نفرين ،، اللحم ك كميه كويسه بس ما حسيته حنيذ من قلب.
لكن بشكل عام حلو تمنيت انوالدقوس والصولات اكون مجانيه مو مدفوعه. وبس والله

سيئة اللحوم المستخدمة زنخة ورائحة تكره الأكل الله يديم النعمة ولو فيه تقييم صفر اعطيه صفر من 10

صراحة هالمطعم من آفضل مطاعم الكبسة، الرز مع الزبيب والدجاج الرهيب والطحينة الرائعة، جميل جدا

ورب البيت انه اخس تعامل في قسم العوائل ٧ اشخاص ينتضرون الكاشير يجي والعمال كلهم يكلمونك بدون نفس ولا ينظفون الغرف بعد الناس م انصح العوائل بجونه تقريبا كل شغلهم عند العزاب العوائل ف الهامش

جميل جداً
افضل مندي موجود بأبها
يحتاج فقط تحسين لجلسات العائلات والعزاب قديمة مرة وتحتاج تجديد

مطعم ممتاز جدا

الاجابيات:
- قائمة طلبات متنوعة.
- اسعار مناسبة.
- 《عدم تأخر في الطلب》
- يوجد جلسات و دفع شبكة و صلخ وطبخ.

السلبيات:
- عند الزحمة يحصل لخبطة في الادوار.
- التركي احيانا بغير اللحم من عنده يعني تطلب لحم حنيذ يغيره إلى طبخ عادي.

على مستوى الاكل ممتاز جداً وخاصة اللحم ويخلص بسرعه
المكان جيد لا باس به ،،، يستحق الزيارة

مطعم ممتاز وتعاملهم ممتاز وأنصح بالتعامل معهم ولديهم اصناف كثيره من المشويات والحنيذ والمندي وعندهم قسم عوائل وكل غرفه فيها مغسله أيدي يعني الاولاد معك ولاتحتاج الخروج للأماكن المشتركه وخصوصية كامله وابها فيها مطاعم كثيره مع إختلاف طريقة الطبخ والتقديم.

مطعم جميل واكلهم اجمل
الملاحظة الوحيدة
ان اللحوم الحمراء لديهم ليست كالسابق بل تناقصت الجودة فيها ولا اعلم مالسبب.

اول تجربة طلبت نفر حنيذ و مسقعه و سلطة لبن. اللحمة ما كانت نظيفة فيها طعم سيء جداً. الرز ناشف غير مستوى. المسقعه حلوه لكن الباذنجان كثير مره لتمنيت يزودوا بطاطس للتغير. سلطة اللبن من غير طعم. بالنسبة لكمية الأكل كانت ممتازة. وسرعة الخدمة جيده.

المكان من الداخل متهالك ومو نظيف والفرش وصخ وفيه ريحه والحمامات مو نظيفه المكان كله يبغاله ترميم والاكل اشوفه عادي طعمه مقبول

افضل مطعم وجبات شعبيه في ابها من اهم مميزاته قليل الدهون في الارز و كذلك جودة اللحوم المستخدمة اغنام و تيوس و دجاج. اعجبني فيهم مصداقيتهم بالمشاوي لا يستطيع توفير اوصال طازجه لكن يوفر كباب طازج و لذيذ جدا

لا باس ولكن لا برتقي للمستوى الذي يطمح له الزبائن اتكلم عن الطبخ للعزائم فيه افضل ويجب ان يكون افضل للامكانات الموجوده

طلبت نص حنيذ واكدت على السوداني اللي يقطع اللحم يعطيني حنيذ ولحم كويس وقالي ابشر بس روح خذ المشروب وبجيب لك الصحون للسيارة واروح للبيت واقلط الضيوف الا وحاط لي لحم مدفون مو حنيذ الله لايسامحه دنيا وآخره

للاسف من أسوأ المطاعم ويفتقر للنظافه والجودة السلطه المقطعه لقيت فيها حشره وسلطة الخيار طعم الخيار خربان الله يعز النعمه خافوا من ربي وخلو عندكم امانه

بسم الله الرحمن الرحيم
السلام عليكم ورحمة الله وبركاته
ما شاء الله تبارك الله
مطعم ولائم عسير
في ابها دوار المنسك
يعتبر من اجمل واروع المطاعم الكلاسيكية في مدينة ابها. بصراحه يستحقون التقدير والاحترام وجميع العاملين فى المطعم ما شاء الله تبارك الله
يستحقون التقدير وخاصه موظفي الاستقبال الكاشير
مصداقيه ودقه وانجاز عمل وطاقم التحضير ايضاً لهم التحيه
لم نلقى منهم في كل زياره الا جهود يشكرون عليها
. ما شاء الله تبارك الله

مكان جميل جدا طبعا انا جربت المطبخ مشكلة المحمر ملح مافيه ما يحطون ملح لازم ينتبهون لها اما الطلبات السفري كلهم تمام بس فيه اثنين من العمال اخلاقه زي الزفت خذيت من عندهم تيس ورتبو كل شي بس كان باقي السلطات واخروني فالسلطات وبرد الاكل والسبب اخلاق العمال كل ما قلت الاكل برد يقولون انتظر وفوق هذا ينافخون. هذي ملاحظاتي واتمنى يصححون اغلاطهم

كانت تجربه ممتازه جدا حبيت قسم العائلات مرتب ونظيف ومريح وفيه اتجاه للقبله وسجاده وعلاقات للعبايات بعد وفيه بنفس الغرفه بعد مغسله وغسول لليدين وكلينكس واسعارهم جدا مناسبه وغير مبالغ فيها

أصنافها كويسه نسبياً احد التجارب اخذت لحم حنيذ الله يعز النعمه لحم غير طبيعي اللون اسود والرائحه كريهه ومسكت في البيت والايدي فتره والطبخ مااستوى تجربه لن تتكرر لهم

المطعم جيد جدا متوسط الطعم مثله مثل أي مطعم في ابها الحمامات أكرمكم الله لا يوجد افرنجي عند العوائل والفرش مررررره مقرف

شكله نظيف واكله ممتاز بس انا جئت وهم على وشك انتهاء الدوام وجلست في الجلسات المغلقة للعوائل وما قصروا قدموا الموجود وانتظروني الى ان خلصت بس لي ملاحظة ارجوا ان يستفيد منها صاحب المطعم وهي: مراعاة الهدواء والبعد عن الصياح لأن العمال بينادوا على بعض وبصوت عالي مزعج وربما يكن ذلك بسبب انتهاء العمل. الله اعلم

ممتاز واكله نظيف وشغله طيب بس ياليت يغيروا جلسات العوائل لطاولات وكراسي بيكون افضل لان جلساتهم ارضي. بصراحه يستحق الزياره لانه اكثر من رائع

الاكل مو كله حلو المصقع والخبز حلوه ورق العنب عادي جدا اما المندي ارز ودجاج مررره مو حلو الغرف نظيفه الحمامات لا مو نظيفه انا زرته قبل كذاء اكلهم حلو خاصه اللحم وكم مره اخذناهم لزواجات وبزوره كمان بس بغير الطلب

الأكل لذيذ
الموقع سيء فالمواقف لا تحصل عليها بسهولة
المطعم من داخل اقل من المتوسط
الإنتظار يزيد في المواسم
جودة الطعام مميزة
التأخير في تقديم الطلبات

طلبنا منه خارجي دجاج ع الفحم مع الارز اكل نظيف جدا جدا ولذيذ وأكلت اطفالي منه بأماننادر ارتاح لأكل مطاعم، للامانه طبخهم جوده والاكل في اطباق قصديرمع الليمون

الاكل طلبت لحم مكتوم كان ممتاز والرز ممتاز
يعيبه الزحمه بالخارج ماتحصل موقف + الطلب محلي جلس نص ساعه عشان يجهز
فيه لخبطه بالكاشير ومحل استلام الطلب الفاتوره تعطيهم فاتوره تحت وتعطيهم فاتوره فوق اذا بتطلب محلي
ماتدري وين تروح بالضبط يحتاج اعاده ترتيب.

النظافه والتعامل جيد

مذاق الطعام ممتاز والديكورات والنظافة سيئة جدا بالذات قسم العوائل غرف صغيرة وفرش متهالك ولا توجد طاولات وكراسي

زرت هذا المطعم مع العائلة. الطعام ممتاز وذو نكهة خاصة. انصح بزيارة المطعم عند زيارة ابها. كان طلبي لحم حنيذ و مصقعة بصرااحة لذيذ وسأعود للتجربة

كان من افضل المطاعم وللأسف صار بالنسبة لي من أسوأ المطاعم

الحمد لله على النعمة
تعامل سيء وطبخ أسوأ ومواقف صعبة وهماجة
والكاشير اخلاقه سيئة
وكل ماتطلب شي يقللك مافيه

للأسف تم التشطيب عليه نهائيا×××

لم يقدموا لي احدالطلبات المدفوعه يريدون نسياني لطلب بتعمد والله حرام هذاالاسلوب في مطعم راقي العيب في العمالةالمتواجدة

فيه تأخير مو طبيعي محدثكم لي اكثر من نص ساعة منتظر و هو دجاج و المطعم شبه فاضي و تعامل العمال يرفع الضعط يحسسك انه ماسك منصب مهم

اوسخ مطعم شفته ، اتكلم عن قسم العوائل
مكتوم ولا توجد تهوية نهائيا" والريحه تخلي بطنك تقلب وتحس إنك بتستفرغ ، ماقدرت اتحمل ومشيت على طول ، كمية وسخ عالية جدا"،
لا انصح بزيارته ابدا" وفر وقتك ووفر فلوسك
هذا الباين كذا كيف المتخفي

مطعم جيد واسعار معقولة يوجد مكان للعوائل في الدور الاول ومكان للشباب الاكل مقبول رحت له من كثرة تعليقات الناس الايجابية علية لكن ليس كالمكتوب عنه

بصراحة التقييم الأولي رائع بالنسبة لكبر سعة الجلسة ونظافتها حيث توجد في كل جلسة مغسلة ورول مناديل أما الأكل باقي منتظرين وماأدري كيف راح يكون الطعم.

الطعم جيد الخدمه سيئه تحس انك داخل غصب عنهم وغير هذا زحمه وجلست في احد الجلسات الفاضيه ما جاء العامل ولا شال الاكل الي قبلي والرز متناثر بالجلسه هذي اخر مره ازوره

مع الأسف الشديد كان قبل فتره نظيف واكله ممتاز الان الله يعز النعمه افطرت فيه هذا اليوم الحنيذ اللحم غير جيد اطلاقا اطلاقا والذبايح غير بلديه لا انصح به ابدا ابدا وخساره انه وصل لهذا المستوى الدوني اضف لذلك الرائحه النتنه المنبعثه فيجلسات العوايل

النظافه سيئه جداً جداً جداً ريحة الفرش شميتها من قبل ما ادخل البالوعه اللي عند المغسله مفتوحه هذا غير الازعاج وصراخ الاطفال اما الاكل طلبنا لحم حنيذ سيئ مره والشوربه غير جيده السمبوسه لذيذه

جميع الاكلات الطازجة والشعبيه واللحم البلدي افطار وغداء وعشاء انصح بزيارته يقع بحي المروج بابها بداية شارع الاربعين بالقرب من دوار المنسك

سألت الكاشير وش في لحم عندكم، قال حنيذ طلبت ولما وصلت البيت اكتشفت انه لحم مسلوق ومحمر وماله اي علاقه لا بالحنيذ ولا المندي

المكان مريح جدا. الجلسات نظيفه وواسعه. ولا يوجد تاخر ف تلبية الطلبات. الطعام لذيذ
اكثر امر مريح هو وجود مغسله بكل جلسه لاستخدامها ف غسل الايدي قبل وبعد الانتهاء من الطعام.
جدير بالزياره.

جلسات العوائل واسعة ولا بأس بها والعمالة هناك جيدين ولكن بالنسبة للحم الحنيذ لم يكن كما ينبغى والله يتم النعمة وغيره أفضل بصراحة في هذا المجال وتجربة لن تتكرر أبداً

الاكل المحلي جيد
الافطار جيد
الوجبات المحلية جيدة والسلطات لذيذة والايدامات روعة
اللحم المندي عندهم مميز
وطبخ المناسبات ممتاز للخرفان والتيوس لاباس
رزهم لذيذ
وعندهم اقراص بر ممتازة وتبيض الوجه للمناسبات
الجلسات عند العوائل مكتومة وريحتها خايسة
وعند العزاب ازعاج مامثله
الاكل غالبا يتاخر تاخير غير مبرر