حصن أبها التراثي الرسمي

سيء جدًا قسم العوايل الاكل كانه اكل مستشفى ماقدرنا نكمله والله ياليت يهتمون ب قسم العايله والعماله الي يطبخون يعلموهم كيف يطبخون مو معقوله اكل مكان تراثي وكذا الله يديم النعمه يعني المكان يتم التغاضي عنه رغم انه ضيق وثلاث غرف بس لكن ننتظر اكثر من ساعه ع شي م يسوى حرام

المطعم جميل والعمال جيدين ولكن اوقات الدوام غير صحيحة او ان العمال لا يلتزمون بالوقت
اعجبني عندهم خبز التنور الجبن مقمر وخفيف وطعمه جميل

اقسم بالله حرفيا الله يكرم النعمة الاكل اققل من عادي طلبنا سليق ومضغوط وبامية وملوخية والله ولاشي مضبوط السليق حتى طعم الحليب فيه غريب والمضغوط مافي طعم طبخ جدا سسييءء وفوق ذا يتأخرون ع قل سنع الله لا يسامح اي احد يمدح ككذببب

المكان يعتبر بسيط بس حلو جربت المصقع وادام الباميه لذيذه
بالنسبه للرز مع الدجاج المحمر حسيته بارد ماحبيته
فطير الميفا جربت الابيض حالي طبعا مافيه خميره اعتبره وسط وجربت فطير البر والخمير كلها حبيتها

اخذنا منو عريكة جنوبيه حبيتها صراحه سعرها ٢٠
بس العسل والسمن قليل كانت ف حسينا العريكه قاسيه شوي

صراحه م اكلناها بنفس الوقت ممكن هالشيء اثر عليها م اعرف بس جربوها

سيئ للغاية ولا ينصح الأكل منه نهائي

ما فيه إلا التراث فقط جميل.

أما الأكل. فلا أنصح بزيارته نهائي

توقعت ان المطعم تحت اشراف الشيف ابراهيم عسى الله يسعده ويوفقه بيكون له طعم مختلف عن باقي المطاعم لكن كانت تجربتي اليوم وعند الساعه ٥ مساء اشتريت نصف حبه شوايه يابسه اتوقع طبخها امس وسخنها اليوم وايدام مشكل فرن وايدام باميه لها طعم غير اللي مفروض اني اطعمه العماله بنقاليه واتوقع من صاحب المطعم ان مايدري انهم يطبخون في الوقت اللي يكون مو موجود فيه ويسيئون بسمعة المطعم. المفروض ان الشيف هو اللي يطبخ مو العماله كذلك طلبتهم مضغوط دجاج قال ربع ساعه ويجهز معناته انهم يطبخون وهو مايدري ويسممون المواطنين

لفتني اشياء جميله من ناحيه المكان والتراث الرهيب لكن يستاهل ال ٥ عشان شكل التراث اعجبني لو يتوفر مواقف ايضآ يكون جميل ولكن انصح بزيارته

مطعم تراثي وشعبي على اسمه هو عباره عند بيت قديم محول الى مطعم طلبنا عريكه للأسف كانت تفتقد جمال الطعم لدرجة ان الطحين ما استوى في الاساس و طلب اسمه رضيفه وسمن المفترض انه يقدم مع الخبز الخاص بها وليس طبق شوية زبده وطحين محروق وطلبنا فول كان لذيذ وشكشوكه كانت ايضاً لذيذة بالنسبه لخبز الميفا خبز عادي ولا يستاهل هذا العنى كله وسعره مبالغ فيه والمفترض من المطعم تقديمه مع الطلب وفقكم الله

المطعم للاسف غير نظيف و الاوساخ و الاتربة في كل مكان الاكل نوعاً ما جيد افضل شي عندهم خبز التنور

ممتاز لكن ياليت يهتمون بتغيير الجلسات والفرش لانه ماهو نظيف بصراحه وله رائحه اما تعامل العمال والطبخ بصراحه حلو الله يوفقهم لكن اعملو حسابكم في المواقف فل فل

مكان لايرتقي لأسم مطعم ولا يمثل تراث منطقه سياحية الاكل يالله لك الحمد ماله ذوق الجلسات جدا قذره وغير مرتبه تعامل العمال غير جيد ومتذمرين ويشتكون من مسؤول وصاحب المطعم
وصاحب المطعم همة الوحيد الربح لاتهمه السمعه والاستدامه
زياره ولأن تتكرر

زرت المطعم يوم السبت وصراحة كانت صدمة لي ماتوقعت المناظر اللي شفتها مستوى النظافة صفر المكان عمومآ مايستاهل التعب والمشوار
طبعآ ما اكلنا فيه
ونصيحة ماكل شي تشوفة في السناب يصور لك الحقيقة
وكانت تجربة لن تتكرر

المكان جميل شعبي رحته فطور طلبت خبز تنور وفول طاوه (قلابه) كانوا لذيذين جدًا + عريكة جيدة بس ناشفه شويه
حسيت الاسعار شوي غاليه يستحق التجربة

الاكل لا بأس فيه
ااعمال الصيانه للمغاسل ودورات المياه سيئه جداً جدا جداً
النظافه للجلسات سيئه جداً
الموقع لابأس

مطعم في مبنى قديم جداً ومافيه أي إهتمام بالنظافة ودورات المياه رائحتها كريهة جداً وغير نظيفة وحمام النساء لا يقفل بابه لأنه قديم
والأكل جيد جداً ولكن المكان سيئ

مطعم الاكل حلو رحنا الساعه تسعه مساء مخلص كل شي مابقي الا مقلقل لحم ودجاج وفول وشكشوكه بالجبن الطعم حلو بس الجلسات داخل كئيبه انارات بيصاء مظلمه لو يصعونها لد اصفر افضل وينظفون المكان يعني التراث الموجود مغبر الجلسات اللي برى حلوه بس وجود القطط متعب شوي للي جالسين كذلك مافيه اهتمام في الجلسات كل شي مغبر لو يهمتمون شوي بنظافه المكان وزياده الانارات وديكورات جميله بيطلع جناااان

١- المكان سيء للغاية وغير نظيف
الغرف صغيرة جدا وغير نظيفة وليس فيها تهوية ومع زحمة الناس وريحة الاكل وبدون تهويه شي مقرف للغايه للامانة

٢- طلبت ملوخية وبامية ومسقعه وطلبت نص سليق ونص عدني وكان السعر جيدا جدا وما كان غالي مقارنة بالمطاعم المماثلة.

٣- طعم الاكل ولذته للاسف الشديد ان الاصناف اللي طلبتها ابدا ابدا ابدا ما ترتقي لذائقة مبتديء
كان الطعم جدا عادي واقل من عادي بل اني تحسفت على الوقت اللي ضاع مني

٤- مع فائق احترامي للمالك والعاملين (لن اكرر الزيارة مهما كان الامر)
على قولتهم (ذا المره وكان) ولا عاد اطبه

مطعم تراثي شعبي جميل
الديكور عبارة عن منزل قديم
تم تعديل الغرف الى جلسات
وفيه طاولات في الحوش
الديكور عسيري جميل
الطعام من تجربتي الشخصية
كان الفطور ممتاز بس الاسعار شوية مبالغ فيها
العريكة الجنوبية للاسف كانت دون المتوقع
يابسة وناشفة تتعب تعلك فيها
وهي المفروض الطبق الافضل بحكم ان المطعم شعبي
ولكن كانت تجربة طيبة

ماااشاااءالله جداً رائع ونظييف ولذيذ والأكل ما ياخذ وقت ويجيك حار وطعم خاصة خبز الميفا عندهم على الطلب يجننن. وبالنسبة للديكور الداخلي يفووووز من كل النواحي ماااشاااءالله مبدعين ومتعوب عليه جداً، وخدمتهم واسلوب الموظفين مررة محترم ومؤدبين. صراحة تجربة أعيدها وانصح فيها بعد.

الموقع مو واضح وافضل شي العريكة الباقي مافي اكل الرضيفة يقول مافيه كبده مافي طلبت عريكة ومعصوب وخبز وفول وشاهي ماقدر أكررها ومانصح بس مكان حق تصوير فيه اشياء حلوة

صراحة قمة في الروعه والأناقة التراثية وجهد مبذول واضح في الموقع واختيار الالوان والديكور متعوب عليه، مبنى أثري ولكن لايعلى عليه وعمل موفق للشيف بشاشه والطبخ روووعه كأنه اكل بيت مع ان الاسعار مرتفعه شي بسيط ولكن يستاهل.

ممتازة فكرة المطعم ويدخلك جووو والاكل جميل وهو من افضل المطاعم الي قدمت العريكة بشكل قريب من العريكة الاصلية ولكن اتمنى لو تكون افضل من كذا او ان تلغى من قائمة الطعام (يعني سو عريكة صح ولا بطل). تجربة جميلة واكيد بتتكرر واتمنى كل مره تشوف تحسن.

بصراحه المكان جدا رائع يرجعك للزمن الجميل حبييييت مرره اما الاكل طلبنا كان تونه مره لذيذه ولحسه عباره عن بيض بالجبن لذيذ وعريكه وخبز ميفا كان حار ومقرمش حبيته وشاهي بالحليب
لذيذه كل الاصناف اعطيها ١٠ من ١٠ ماعدا العريكه اعطيها ٨ من ١٠ كانت قاسيه شوي وطعمها غريب اما السمن الي عليها اعجبني

بالنهايه كانت تجربه جدا جميله استمتعت فيها وراح اكرر التجربه بأذن الله كل مازرت ابها اهنيكم

تجربه سيئه طلبت نفرين حنيذ باللحم سعر النفر الواحد ب 75 وسلطة عاديه طماطم 5 الحساب 155 الرز جاء بدون طعم وبدون ملح مره ماله طعم ولا كانك تاكل حنيذ وفوق ذا طلبنا ملح منهم قالو مافي مستحيل مطعم مافيه ملح مرا ما يستحق التجربه تضيع فلوس

كانت تجربة لاباس طلبت جنيد دجاج -سليق -ايدان دجاج -لبن ارياف - للامانة الايدام لذيذ وكانه شغل بيت بس ملح فل الذ شي السلطة الحارة شكرًا وبراد الشاي طبعا المكان جميل وتراثي جميل

وصلنا لييييين عنده وتعنينا عشانه واخرتها زحمة ومافي حجز بالارقام الطاولات للي يسبق ومافي سفري والناس برا انتظار وممكن لان المكان صغير او العاملين مايكفون لاستيعاب اعداد الزبائن بس والله اتمنى اجرب اكلهم لكن للاسف ماقدرنا

رائع جدا مكان يستحق الزيارة جلسات جميله و اكل لذيذ ماشاء الله العصر مغلق يفتح بعد صلاة المغرب المنيو مرفق بالصور اتمنى اضافة اوقات العمل بالشكل الصحيح انصح الزائرين لمنطقة أبها بزيارتها

قراءت الكثير من التعليقات السلبيه ولكن الغريب وجدنا خدمة مميزه واكل لذيذ جدا
مقلقل دجاج مع الخضار لذيذه
عريكة جنوبيه رائعه
خبز ميفا رائع
لحم مقلقل جيد جدااا
اتصور زيارة مثل هذه الاماكن يحب ان تكون في اوقات لاتوجد فيها زحمه والا حكمنا سيكون فيه عيوب لا ادري عن باقي المنيو ولكن ماطلبته كان جيد جدااا والخدمه كذلك

تفاجات اثناء تناولي لوجبه الغداء صرصور من بين الصحون استدعيت العامل المباشر وعلمته. اعمل نفسك ميت تركت الاكل ومشيت. لا طعم ولا جوده والسعر غالي والنظافه معدومه كانت تجربه فااااااشله اكرر الزياره (لا) تنصح احد يجي المطعم (لا) وصل الله علي نبينا محمد صل عليه وسلم

زرته بتاريخ ١٠/ محرم / ١٤٤٣ في المساء
يغلق العصر ويفتح بعد صلاة المغرب
الجلسات جميلة وهادئة والديكور تراثي جميل
لكن قائمة الطعام محدودة جدا والطعم لذيذ لكن مافيه شيء زايد أو مميز من وجهة نظري

اسلوب الموظفه جداً جداً سيئ اقول لها عدلو المواعيد ع قوقل مو معقول نضرب مشوار الين هينا وبالاخير مقفلين قالت ماعلينا حنا من قوقل عليك بكلامي انا من الصباح ل١١ الظهر وبسلوب غير لايق قلة ذووق مفروض تعرف كيف تتعامل مع الزباين

المكان جميل.
تجربة جميلة
بس الخدمة تحتاج تحسين،
يفضل الاهتمام بتوفير طاولات اكثر
شطة او صلصة حارة
سلطة لبن ضروري
بالتوفيق

هذا المطعم لا يتواكب مع العصر الذي نحن فيها بطي جدا جدا جدا جدا جدا وادارة فاشله جدا مليار اتنمى تغير المصري الى على الكاشير جلسة نص ساعه عشان حضره جنابه يجي والعمال بدون نفس.

طلبنا كان عريكة جنوبية لذيذة لذيذه جداً ورجعنا لها مرتين، المكان تراثي جميل سريعين في تحضير الطعام

لا يوجد تنظيم ولا فريق عمل كافي والمكان حار ومكتوم

وللاسف نظامهم اطلع فوق شوف لك غرفة وانزل اطلب

والأصل يكون فيه موظف يوجهك لغرفة وفيه عامل ياخذ منك الطلب فوق ووو

طلبنا حنيذ (لحم و دجاج) ومن وجهة نظري أقل من عادي

نجمه واحده على الديكور فقط ولاكن الاكل الحمد لله الايدام لم يستوي و الدجاج الحنيث عادي
لن تتكر الزياره له

اول مادخلت المطعم حسيت اني كاني في متحف جنوبي تراثي يذكرك بأيام منطقه عسير زماااااان
تجربتي باختصار: كان طلبي ،سليق ودجاج مقلي ‘روز ودجاج حنيذ كان طعمه جدااااا عادي
ايدام خضار ودجاج’مااعجبني ومليان ملح بزياده سلطه مفرومه طعمها عادي
وقت الطلب: سريع
النظافه: جيده
قسم العوائل: متوفره
السعر: اسعار الاكل جدا مبالغ فيها
ملاحظه: المطعم بس مشهور ومعروف عشان شهرت أبراهيم بشاشه وله سمعه فقط لا غير ️بتوفيق له وشكرا ️

سيئه جدا قبل الاسعار كان يهمني النظافه اضطريت انزل انادي العامل ينظف سفره ماكان قبلي. النظافه بشكل عام ليست حسب توقعاتي من اشد معجبين بصاحب المطعم ولكن اتمنى يحسن من الاسعار المبالغ فيها والنظافه ولبس العمال

المكان جميل جدا و فعلا تحسونكم داخلين متحف.
بالنسبه للمينو فلازم تحطون ببالكم انه مب ثابت فيه منيو فطور منيو غداء ومنير عشاء
بالنسبه للحم فقط متوفر بفتره الغداء اللي هي من الساعه ١٢ الى ٤
بالنسبه لمنيو العشاء عباره عن نواشف و مقلقل لحم بقر و حنيذ دجاج
مينو الفطور بصراحه مانتبهتله

مطعم حصن ابها زرته الساعة ٦ ونص صباحا وانتظرنا ما يفتحون الا الساعة السابعة صباحا ، ودخلنا الحقيقة المطعم جيد نوعا ما صاحبه ابراهيم بشاشا وصراحة انه تعب عليه ابو ورد ولكن ليس بالوصف الذي يصفه المشاهير الذين زاروه ، فأنا طلبت لحم مقلقل ولم يعجبني فهو لحم مثلج ، وطلبت خبز ميفا وكان ممتاز جدا وهو افضل ما لديهم وكذلك الشكشوكة ممتازة جدا ، أما بالنسبة للفول ما أعجبني ولا انصح به ، الجلسات تحتاج لعناية تليق بالزبون وكذلك مدخل المطعم من جهة المواقف أرضية كلها غبااااار غير مزفلت، بالنسبة للأسعار صحن المقلقل ب ٢٠ ريال والمطاعم الأخرى ١٥ إلى ١٠ ريال طازج والشكشوكة ب ٥ ريال ممتازة صراحة ، خبز الميفا ب ١١ ريال وعند الأسر المنتجة ب ١٠ ريال وشيء راقي ، ولكن في النهاية زوروه فالناس أذواق ، قد يعجب ناس وناس لا. أتمنى لكم زيارة ممتعة

فطور جميل والاكل لذيذ والاسعار مناسبه والشكل العام بطابع تراثي جميل
شكشوكه
عريكه جنوبيه
خبز ميفا
الكرك عادي
الاثاث قديم

٣ مرات نروح عنده يقفل بدري قبل الوقت المحدد له في قوقل سواء صباح او مساء ماعرف ايش المشكله والرقم محد يرد مع اني كنت جددا متحمسه ازور هذا المطعم مخصوص في ابها واجرب اكله بس للاسف مازبطت معي

أولا. للأسف وصلت عند المطعم الساعه ١٠ و٤٥ صباحا.
يقول قفلو. وانتظرت بالسياره. جو بعدي ناس ودخلو المطعم زي الحلاوه. للأسف تعامل فاشل.

النظاافه سيئه جدااااا. الاكل عادي مع احترامي لاخونا ابراهيم توقعت شي والواقع شي اخر كانت زيارتي للمطعم قبل ٥ ايام

انصح ببعض الأكلات التي تذوقتها عندهم
خبز الميفا 10 / 10
التصابيع 8 / 10
العريكة 8 / 10
الريضيفة مع السمن 9 / 10
المطعم يستاهل الزيارة
ولكن يكون الحضور في الصباح الباكر حتى تلحق على كل الأصناف

لا انصح بزيارته ارتفاع اسعار مبالغ فيه الخبزه ب 10 ريال وفي المطاعم الاخرى مجانا
التنظيم سيى جدا وغير نظيف

المطعم زرته فطور طلبي كان شكشوكه و فول و مقلقل لحم وبيض مقلي و خبز ميفا الظاهر اسمه كذا وابريق كرك حبيت الأكل لذيذ و الأسعار جداً مناسبه و المكان رائع مو على شكله من برى

زيارتي كانت للفطور
الاكل لذيذ والموظف المصري بشوش جداً
الغرف في الاعلى مكتومه ولكن يوجد مكان بالاسفل مفتوح وجميل جدا

متعاونين وودودين والاسعار مقبولة

من اجمل الاماكن التراثية التي تعيدك الى الماضي الجميل. والله انصح الجميع بزيارة هذا المكان التراثي. والاستمتاع بالاكلات الجميلة واللذيذة. والاسعار مناسبة. وفق الله الاستاذ/ ابراهيم البشاشي. ونتمنى له مزيدا من التقدم والنجاح

اول واخر مره اجيه خدمات سيئه و بعض الاكل عادي جدأ مافيه شي يميزه وبعضه مالهم معرفه فيه اخذت عصيد ومرق وربي المرقه كأنها ماء واللحم قليل وسعرها مرتفع اتمنى من صاحب المطعم متابعة ملاحظات زوار المطعم هنا

حطيت نجمة عشان أكتب تعليق والا حتى النجمة ما يستحقونها لا أكل ولا اصناف ولا طعم ولا جودة ولا خدمة ولا سعر ولا أدري ليش اسمه مطعم اساساً. والمصيبة مشهور. أشك أنا عشان عجايز أبها خاقين على اللي يخبز فيه وهم اللي مشهرينه

فكرة رائعة وجميلة لإحياء الأماكن التراثية في أبها.
أتمنى من هيئة السياحة الإهتمام بهذا الموقع وتطويره بنفس وضعه من غير تغيير. أتمنى من بلدية أبها أيضاً تقديم المساعدة في انارة الطريق وسفلتة مدخل المطعم وبقية الخدمات.
أقدم شكري لهذا الشاب الطموح ولمن معه من بقية الطاقم الذين يعملون بنفس جميلة.
زرت هذا المعلم الجميل وأنصح بزيارته.

جربت الكبسه غنم والمرق أولا
الرز تحسه مطبوخ في مويه بس
اللحمه كبيره وفيها تخه
المرق جايني طعم مويه ما هو مرق شكل بس
بنسبه لي وحاطين فلفل على الصحن خربان من داخل اسود في شكل تراثي اعطيه ٨. ٢ تجربتي للاكل كانت سيئه

لا انصح بزيارته اسعاره غاليه جداً والطعم عاااااادي والجلسة الخارجيه غير مريحه والفرشه مرقعه ترقيع وتحتها حصى مطوي تتعب اثناء الجلسه. وبخصوص السعر طلبت شكشوكه ومقلقل وفول وحبه خبز تنور وشاهي كلهن ب50 ريال لو الطعم زين يمكن الواحد يمشيها لكن لاطعم ولا راحه بالجلسه ولاتغركم اعلانات المشاهير كذب بكذب انا جيته على اعلان منصور الرقيبه الله لايسمح امره. والله على ما اقول شهيد.

جميل بطابعه التراثي القديم. الجلسات بعضها مطلة وجميلة وبعضها غير مطلة وبهذا لن تكون جميلة ابدا ماذا اريد باربع جدران حولي. الجلسات المطلة جميلة ويمكنك فتح النافذة ودخول هواء ابها الجميل الفرش جدا نظيف والمكان بشكل عام نظيف الفطور جميل واسعاره جميلة لكن لاتتوقع الكثير فلا يوجد مثلا ابسط الاشياء ملح فلفل اسود شطة ملاعق (مكملات السفرة) براد الشاي مع كاسات واطباق الطعام المطلوبة فقط. يتاخر قليلا الطعام ولكن مع الهواء الجميل لم نشعر بالوقت. اسعاره معقولة طبق الشكشوكة ب ٥ ريال والفول ب ٥ والنواشف ب ٥ والخبز مخبوز في التنار ب ١٠ والعريكة ب٣٠ من نظري الاسعار تعتبر لاباس بها.

للأسف مطعم سئ جدا جدا جدا جدا و أحتمل هذا في ذمتي أجلت مغادرتي من أبها لأفطر فيه تخيلوا معي فول بدون فلفل أسود و بدون كمون و بدون زيت زيتون و بدون فلفل أخضر حار لماذا ؟ من أجل التوفير!
و الشكشوكه محترقه أقسم بالله ريحتها خيستنا لا تطاق!
المقلقل ممكن نقول عنه مقبول مقارنة بالأطباق السيئة
أتمنى منهم وضع لمسات الطعام التي تجعله مقبولا و بأرخص الأثمان
للأسف كان هذا تقريري و تقرير مجموعة أناس خرجت أنا و إياهم في نفس الوقت و كلنا نمشي في الممر و نتكلم عن سوء طعمه
باختصار. الصحون بقيت كما هي جديده ما عدا المقلقل أكلت عائلتي نصف الطبق

خبز الميفا: حبه عشرة ريالات!

سؤال: المشهور اللي زاره هل ذاق نفس الأطباق اللي طلبناها و وجدناها سيئة ؟؟؟؟؟

هناك مشهور زاره و أثق فيه تمام الثقة دائما واقعي و متزن و يحرص على المصداقية و يحب لمتابعيه ما يحب لنفسه ، لكن تعجبت أنه مدح هذا المطعم
ربما طلب أطباق شعبية
فنحن لم نجدها متوفره في تمام الساعه ٨ صباحا

حصن ابها ممتاز جدا ، مكان على التراث الشعبي القديم الخاص بأهل الجنوب يوجد جلسات خاصه للقهوه والحلا هادئة ورائعه جدا ، وجلسات خاصه بطلبات الغداء والعشاء للعوائل والعزاب ايضا ، المكان نظيف والخدمه ممتازه وطيبه والاسعار متوسطه ، جميع اصناف الاكل اللي طلبتها لذيذه جدا وتستحق الزياره ، افضل ماجربته عندهم ايدام المصقعه والسليق والمقلقل ، مكان الكاشير الخاص بالعوائل سيء جدا ياليت يشوفون له مكان مناسب لانه صغير ومزدحم ولايستقبلون بسرعه الانتظار قد يستغرق وقت احيان اوقات الزحمه ، جلسات العوائل بالدور الثاني الخدمه كانت سريعه انتظار الاكل تقريبا ثلث ساعه ، المكان ضيق نوعا ما ارجو النظر في توسعته او الاهتمام بمداخله ومخارجه والباقي كله تمام وشكرا ، انصح بزيارته سواءن عوائل او شباب وشكرا.

المنطقة المحيطة اثرية جميلة أما المطعم فهو بناء حديث مجدد ومعمول له ديكور لا يحاكي الأثري في الحقيقة.
اما الأكل فهو متفاوت فالعريكة والكبدة انتهت في وقت مبكر ولم يحالفنا الحظ
الفول ليس له نصيب من أسمه
صحن الشكشوكة يحتوي على كمية أقل من الكمية التي توضع في ساندويش الصامولي في بوفية القريات
اما التصابيع وخبز الميفا فكانت سيدة السفرة والطعم روعة
الأسعار مقبولة إلى حد ما

المكان جميل يعيبه الكاشير سوداني بطيء جدا والطلب أشعر أن اللحم مثلج في المقلقل ليس طازج نسيت الماء والشاي وطلبت المباشر رد على انزل اطلب من تحت حقيقة أغضبني تجربة تستحق التطوير المستمر اقترح وضع مظلات في الفناء ويظهر أنه خاضع للتطوير

مطعم يقدم الأكلات الشعبية الفول والكبدة الخ الخ. مبني على الطراز العسيري. بصراحة جودة الاكل ٣من ١٠. الجلسات جدا صغيرة. ابواب الجلسات مصنوعة من الخشب وعند الإغلاق والفتح صوتها جدا مزعج. اسعار المطعم للأمانة غالية مقارنة بجودة الطعام و سخونته. العاملين في المطعم بشوشين و قمة في الأدب و الأخلاق. تجربة لن تتكرر

قمت بزيارة المكان كان جدا جميل خصوصا الطابع التراثي انصح بادراجه ظمن برامج زيارة الهيئه العامه للسياحه والتراث الوطني لمايحمله من تفاصيل كثيره تعكس الطابع الشعبي للمنطقه اضافة الى رقي التعامل وحسن الاستقبال من العاملين وصاحب المكان ، الاكل ذو نكهه لذيذه خصوصا السليق والخبز. شكرا لكم
ابو جود - جده

مطعم على التراث القديم. الجلسات صغيرة. ممتاز للعوائل الخليجية. يحتاج إلى اهتمام في دورات المياة قسم الرجال. لا يوجد منظمين او حارس أمن لمواقف السيارات. يحتاج الى وجود حراسة أمنية للمبنى والمرافق والتابعه للمطعم. مكان الكاشير غير مناسب جدا. لا يوجد خدمة لذوي الاحتياجات الخاصة. الاسعار مناسبة جدا. بنسبة لاكل لذيد. نتمنى من صاحب المطعم تطوير والاهتمام اكثر. اخوكم ابو فيصل موظف دبلوماسي في سفارة خادم الحرمين الشريفين لدى باريس.

مطعم تراثي جميل
طلبت خبز الميفا من التنور وكان ممتاز
الفول والشكشوكة رائعة
النواشف للاسف ماكانت بالمستوى
العريكة والمعصوب كانوا مخلصين
الجلسات نظيفة
الاسعار معقولة نوعاً ما
الموظفين السعوديين مرحبين
أعجبتني الحواجز لسلامة الاطفال
يعيبه انك لازم تمسك غرفة ثم تنزل للكاشير تطلب وتحاسب، بعدها يجيك الطلب في الغرفة، وكان الكاشير زحمة. ايضاً ياليت يتجنبون الصحون البلاستيك للنواشف والاكواب الورقية للشاي.
المغاسل ودورة المياه اعزكم الله كانت فوضى ومناديل الرول مرمية على كرسي.
ينقصه موظفين استقبال وترحيب في الدورين، وان شاء الله للافضل وبالتوفيق.

جيناهم وقت الفطور بدري قالوا بعض الطلبات غير متوفرة
!
و اليوم وقت العشاء كل المنيو مب متوفر الا ثلاث اطباق
و السليق الله يديم النعمة و الدجاج ناشف سيء جداً للأسف لا انصح بزيارة. و المصقعه كلها خضار مقليه مافي اي صوص او طعم والخدمه سيئه جداً تقيمي انا وعائلتي صفر ولو فيه اقل حطيت

أسعار الطعام والمنتجات مبالغ فيها وموقع لايمثل تاريخ المنطقة بشكل كبير لازال الموقع بحاجة لاهتمام أكبر من قبل صاحب المشروع ودعم من هيئة السياحة والآثار ولو يكون في مزج بين تراث الماضي وأصالة الحاضر يكون أزين

مبالغ في الأسعار (ملعقة مكرونة) بعشرين مقارنة بالكمية. الطعم مقبول فيه محاولات جادة لكن غير مجدية. يتاخر في احضار الطلبات. اُسلوب التعامل غير جيد تاجير المكان (ثلث ساعه) بعشرين يعنى حتى اسطنبول ما كانت كذا المكان جيد لكن يحتاج تطوير على المستوى الشخصي قبل المادي لا تغركم السنابات

اسعار مرتفعه جدا وتقديم الطعام بطريقه سيئه ورخيصه وصاحب المطعم لديه جنون العظمه ويعتقد انه انسان مبدع فوق للعاده ومغرور واشتهر بسبب دهران ولا هو كان لا احد يعرف غنه شيء وتاجير جلسه بعشرين ريال استغلال بجيح

اسعار مبالغ فيها جدا فول ب 5 ريال ليه وانا اخذه ب ريال واحد ومع التميس ريالين والجلسه ب 30 لمدة 20 دقيقه بعد نزول الطلب والشاهي 5 ريال ليه اخاف انه ماهو مثل الشاهي اللي نشربه كل يوم وكل ذا وانا ما طلبت الا فول وشاهي وزد عليه الخبز ب 10 الا حن في 50 ريال بروح اخذلي نفر لحم اطلق