قاسية جدا لا تنكسر ولا تؤكل بالرغم ان تاريخ الانتهاء باقي عليه فترة طويلة ي انهم غير صادقين في التاريخ او هذا سوء حفظ بالحالتين ما غير صالحه للاكل روز صار سيئ والخيارات المنافسه اكثر تنوع وارخص والاهم تدفع فلوس وتأكل
طلبت طلبيه كبيره لزواج يبعد حول 3الساعات وصل كل شي مرتب ومبرد وطازج بسياره من عندهم للقصر والمعجنات وورق العنب والحلويات كل شي مضبوط وزادو علا الطلب صحن كبير من صحون الزواجات ورق عنب ضيافه منهم شكرا روز الموضف جدا فاهم شغله وعارف كيف تترتب الكميات الكبيره وتعامله راقي فرع البلوفارد
أسوأ تشكيلة حلويات للعيد قد جربتها على الرغم من ارتفاع سعرها مقارنة بالمنافسين من نفس المستوى، الحلويات سيئة لدرجة إني اضطريت أمر محل ثاني أشتري منه بعد ما اشتريت من عندهم.
المعمول طيب ولذيذ عشان ما أظلمهم، لكن الحلويات سيئة للغاية.
محل ممتاز وفيه كل الاصناف ومتنوع الاسعار نوعا ما مرتفعه تعامل الموظفين جيد واخص الموظف وليد المالكي يقدم لك المساعدة في الاختيار والاخلاق واحتراف في التعامل
من افضل محلات الحلويات والمعجنات والتقديمات في المنطقه ولكن للاسف اسوء موظفين على مستوى جميع المحلات تعامل سئ وكذلك عدم لباقه مع العملاء اتمنى من الاداره الانتقاء في العماله بشكل أفضل
تدخل المحل في امان الله وتحصل موظف سعودي شوي الى يدخل مصري يسمعة اسواء انواع الكلام والتهزيء امام العملاء ويجيك المصري الثاني ابو بدلة يعزز له >> ما ادري اش الي سواه ولاكن مهما كان ما قد شفت متجر محترم يرضى يسيء لموظفيه امام العملاء
المتجر بشكل عام اعطيه 5 نجوم وحطيت نجمه عشان التعامل الزباله من المصري والسعودي اللي على الكاشير اخلاق زي الزفت وما يبغون يشتغلون ولا ينفعون الزبون اذا احتاج يعرف شيء من اللي معروض على الرفوف يجاوبونه من بعيد غلط واذا عاد عليهم السؤال يقولون شفه واضح عندك خذه, اتمنى من مالك المتجر ينظر لوضعهم ويتصرف معهم والله لو انه احلى معمول في الارض دام تعامل اللي في المحل زفت واللي ياخذ فكره سيئه عن المحل ماعاد بيرجع له.
انتظار امام المحل مقفلين للصلاة مع انه مسموح لهم يفتحون الناس صلو ورجعو وانتظرو وهم باقي ،، لان الموظفين رايحين يتقهوون في دانكن لانه ما يقفل للصلاه ،، والاسعار فلكيه تجربه لن تتكرر
واقف عند زاويت الا معمول معي الموضف فجأه شاف بنات داخلين فجأه تركني وراح ويقول أمري وش اخدمك أهم شي اني طلعت ما اخذت نصيحه إلى معه عوائل ما يدخل هاذا الفرع
المحل جيد لكن الموظفين مماطلين ومستهترين بالوقت في مسألة اغلاق وفتح المحل لاوقات الصلاة حيث الصلاة مضى عليها اكثر من نص ساعة وهم يتبادلون الحديث عند باب المحل دون احترام للعملاء ، تجربة سئية.
حلويات ممتازه ومشهوره في الرياض وخميس مشيط المعمول لذيذ وريتش جوزالهند يفوووز في قائمتهم بصراحة كل شي ممتاز و ورق العنب لذيذ ماشاء الله تبارك الله. اهنئهم على المستوى في الطعم.
نجمه وكثيره عليه بسبب الموظف المعمل يتاخر في فتح المحل والزباين برى وهو داخل المحل مقفل ويضحك ولا همه الزباين للاسف الموظف مو مكانه حلويات روز اتمنى من الاداره النظر في المحل
تم حجز كيكه لمناسبه خطوبه قبل الموعد بأسبوع ودفع المبلغ كامل وفي يوم الاستلام وعندما اتيت المحل تفأجأت بقولهم لم نستطيع عمل الكيكه لوجود عطل في آله الكيكه
ماادري ليش السب عليه حلويات روز معروفين بجودتهم وفروعهم على مستوى المملكه ألذ معمول وغريّبه ذقتها عندهم واخذت منهم صينية شوكلاته صح غالي شوي بس اللي يدور على الشي الراقي والجوده ويبي يتجمل يجيب منهم عموما ٥سنوات وانا اتعامل مع فروعهم بالرياض وتعاملت معهم هنا وماشفت منهم شي
مو نفس اللي بالرياض لا شكلاً ولا طعماً المعمول حجمه كبير ولمن قلتله مو نفس اللي بالرياض يقول يدخل فعيني ويقول انا كنت شغال هناك ونفس المكاين الا نفسه️ المهم لا تنخدعون الحجم كبير والطعم اخذت اصابع الكنافه لذيذه
نصيحه لوجه الخالق لأي زبون لهذا المحل. حاول تبتعد عنه قدر الاستطاعه وان شاء الله تلقى البديل لقيت حاجات في معمولهم مو بزينه وسعره نصب في نصب ولو يهم راعي المحل كان عدل من محله. ترى ما أكتب عشان ما اكون سبب في قطع الرزق حتى لو الجوده مو بزينه. بس هذا المحل خلاني اكتب.
انا دخلت المحل قبل المغرب بنص ساعة و أخذت صينية شوكولاتة 220 ريال و علبتين غريبة سادة ب 30ريال و كيلو معمول تمر ب60 ريال لما جيت أحاسب الكاشير المصري قطع سعر صينية الشوكولاتة ،الحركة غريبة بس قلت معليش يمكن هم كذا و لما شفت الفاتورة الا زاد على صينية الشوكولاتة 11 ريال فحسبها ب231ريال و أعطيته 500 ريال رجع 99 ريال طبعا انتبهت للحساب و انا في السيارة جيت برجع قفلوا قبل المغرب والسؤال الآن ليش يا الكاشير المصري تنصب ما تخاف ربك وانت صايم ؟و ما تخاف من محق بركة رزقك؟ و حاطين رقم جوال غلط عالنت. اذا ما أخذت حقي في الدنيا فأسأل الله أن يمحق بركة رزقك ما دمت حي وأن يجعل كل ريال أخذته بالحرام تصرفه في علاج مرض ما تلقى له دواء.