حلويات لذائذ

شريت ورق عنب ام يوسف الله يصلحها بس اقسم بالله ماتنبلع قاعده اكل فص ثوم مو ورق عنب الله يديم النعمه وجربت سمبوسة ام اصيل وروز كويسه

مكان مرتب ولكن الخدمة ذاتية تدور اللي يشتغلون ماتحصل احد
جربت ورق عنب ريمية لذيذ اعجبني حار

الكيكه الي اخذها من محلات ثانيه قيمتها ١٨ عندكم باربعين الشرهه على الي باقي ياخذ منكم شي بداية التفليس

ممتاز ، لاكن الاسعار مرتفعة قليلاً
عندهم جميع الاصناف اللي تخطر على البال
يستاهل الزيارة والتجربة

كان من أفضل محلات الأسر المنتجة في النماص لكن حاليا صار عندهم تصرف مو كويس يطلعون الأشياء من الثلاجة على أنها جديدة ويتوهق فيها الزبون وأنا منهم انخدعت في كيكة وتفشلت عند الناس اللي رحت لهم المفروض الأسرة المنتجة ترجع تآخذ أغراضها بنهاية اليوم

يوجد الكثير من أصناف الحلويات والمخبوزات المنزلية ولكن اتمنى ان تترتقي جودة المنتجات والمصداقية (كيف تضعون العصفر بدلا من الزعفران على كيكة الزعفران) والأسعار مبالغ فيها ومرتفعة ومن الأهمية والأمانة على صاحب المحل التأكد من المعروضات

المحل ممتاز فيه منتجات للاسر حلوه لكن ياليت يكتب على المنتج مكوناته وتاريخ الانتاج والانتهاء
الله يرزقهم
وعنده الخبز الجنوبي يوميا وحار

جيد بس عيبه الموقع ومافيه مواقف كفايه وانتبهوا من ورق العنب اخذت من وحده معروفه دايما تنزل فيه طعمه حنا والله ب40 ريال وموحللللو الله يكرم النعمه رغم انهم حذروني من ورق العنب حقها بس ماصدقت حتى ذقته بنفسي

احب هذا المحل ودايما اخذ منه بس عيبه الموقع ومافيه مواقف كفايه وياليت يفتح في الصيفيه من بعد الظهر لانه ما يفتح الا الساعه 2

رائع جدا محل يختص بمنتجات الأسر المنتجه والحلويات المنوعه رائع جدا وفيه كل مالذ وطاب ويمتاز بجودته

أسعارهم نار بلا جودة
جيت كم مره واشتريت
فيه أصناف غالية وماتستطيع تأكلها حرام فيها ريال واحد
بصراحة كثير من محلات الأسر المنتجة عندهم جنون في الأسعار بلا جودة

متجر متعدد تجد فيه الفطائر والحلويات والمخبوزات المتنوعه. خاص للاسر المنتجه. بشكل عام جيد جدا لاكن تضل الاسعار مرتفعه بعض الشيء

الله يكرم النعمه ، اشتريت ورق عنب و ملفوف و سمبوسه و سينابون عشان اوديها للوالده واقسم بالله ماقدرت حتى تكمل حبه وحده و استغفر الله رميتها كلها بالزباله! عيب والله بعض الاسر المنتجه مايعطونا فرصه ندعمهم ، تبغون دعمنا ؟ اشتغلوا بذمه و ضمير عشان ربي يبارك لكم في حلالكم. ياخسارة ال 100 ريال اللي اشتريت فيها منهم لازم صاحب المحل يشترط عليهم يكون الاكل فيه جوده والا لا يبيع منتجاتهم لان صاحب المحل عليه مسؤوليه اخلاقيه اذا يبغى ربي يبارك له.

مميز في تقديم جميع منتجات الاسر المنتجة و منتجات المخابز ومصانع الحلويات
معجنات - حلويات - كيك - بيتفور - خبز التنور - قهوة عربية مغلفة إنتاج منزلي - سمن - دقيق الحماشة

تقييمي لما تم تجربته من عندهم فقط.

جربت كيكة الزعفران بالكريمة البيضاء مع الصوص الأصفر
للأسف ما تنأكل. ما استطعت أكمل منها لقمة
شكل فقط
الصوص ماله نكهة

تنوع الاصناف.
مكان نظيف ومنظم.
تعامل راقي جدا من العاملين في المحل.
بالتوفيق للجميع.

يتوفر فيه اصناف كثيييره من منتجات الشركات المعروفه وايضا مأكولات متعدده ومتنوعه من الاسر المنتجه
لكن اسعاره مرتفعه قليلا

محل جميل ورائع يوفر أصناف متعدده من المعجنات والحلى من أسر منتجة بجانب أصناف أخرى محلية ومستورده

محل اسر منتجه طيب صراحة في تشكيلات حلى ومعجنات لاباس بها
تعاملهم طيب جدا
الله يرزقهم ويوفقهم

مكان مميز يحوي منتجات متعدده للاسر المنتجة حذلك حلويات مستورده ويخدم مدينة النماص والقرى حواليها

ازور المحل من سنتين
ورق عنب شوشو لذيذ وشي يفتح النفس ومميز انصح كل شخص يمر المحل يجرب ورق العنب

محل معجنات جداً مميز ولديه الفطائر متنوعة وكذلك الحلا والأسعار معقولة والأصناف متعددة الأنواع وتنفذ بشكل سريع وخاصة نهاية الأسبوع والصيف مع زيادة المتنزهين

صراحه حرام استغلال الناس يام شوشو مدحنا ورق العنب حقك وكم مره ناخذ منه بس قبل كم يوم ويشهد الله انه ورق عني معلب ومسويه لك كشنه وتحطينه وتستغلين الزباين اللي وثقت فيك اتقي الله في رزقك ؟؟!

مكان جميل ومساعد للاسر المنتجه ولكن اتمنى من الاسر المنتجه انهم يعملون بذمة وضمير لان البعض يسوون الشي شكل بس بدون طعم وهذا يسمى غش دامك مسويه مسويه اتقني شغلك عشان محد يدعي عليك نصيحه لا اكثر انا اذا لقيت شي مو عاجبني او يبي له اشوية تعديل ورقم الي سوته موجود ادق وعلمها وانصحها عشان تنتبه المره الثانيه لكن بعضهم اهم شي يجيها فلوس ما تهتم للطعم ابداً

فيه منتجات اتوقع شغل عزب عمال بمظهر اسر منتجه ام هزار وام الصبيان حركات قديمه قفطوهم في اكثر من محافظة البنقال والاجانب دخلو سوق الاسر المنتجه ورنا ورنا يطلع الريال هذا من تحت الارض

ام مشاعل المندي روعه فقط. شي ثاني لا. وام يزن ورق عنب فقط والسوداني اخلاقه طيبه وبشوش. بس ترا عندهم ضريبه والاسعار فوق

معمول أم عبدالعزيز بالبر لذيذ جدا و ورق عنب لذيذ بس أسعارهم أغلى من محلات الأسر المنتجة في الرياض