محانذ بن عواض

مكان جميل
اللحم ما شاء الله
العريكة والمعصوب رهيب جدا
قسم لسلطات والفواكه مرغوبة

المطعم غير نظيف
والخدمة سيئة جدا
والطعم عادي جدا وبارد

لو فيه اقل من نجمة عطيته

دورات المياة مززززبلة
والمكان ليس كما هو موصى به
لن أكرر الزيارة
ارجو العناية بنظافة المكان

عااادي جدا ولا فيه مايميزه عن غيره غير الزحام والمكان غير النظيف
كل شيء بمقابل: سلطه جلسه
هذي اول واخر مرة ازوره فيها

هذا الموقع يمتاز بتقديم اللحم المندي والحنيذ الذي قام علي اعداده نخبه من الكادر
الخدمي السعوديه وخاصه صاحب المحل

والله طعم اللحم عندهم لذيذ جدا ونظيف والرز ماشاء الله
بس ودنا بزيادة الجلسات للمحلي والله يوفقهم ويرزقهم

للأسف حضرت لهذا المندي ثلاث مرات منها مرتين متتاليه خلال يومين واطلب اما يقولون خلص الاكل او انتظر من ساعتين الى ساعه واخر مره قالوانتظر نص ساعه. ولم اتمتع بالأكل بهذا المندي المشهور واقول على ايش مشهور على عدم تلبية طلب الزباين هذا الذي حصل معي وكذلك اتصل عليهم من مسافة ١٣٠كم ولم يردون على الهاتف. نجمه كثيره في حق مندي بن عواض. دعايات على الفاضي وسمعت من بعض مرتاديه ان السعر فوق كل هذا غالي برع السعر عن السوق.

لصوص ومطففين ياخذ سعره كامل ويعطيك طلب على كيفه وناقص في مقداره الله لايسامحهم والحساب يوم الحساب

لا يوجد ترتيب عند الدفع و عند الاستلام
جلسات العوائل غير صالحة للجلوس
تعامل المحاسب
المكان مزدحم ولا يراعي الإجراءات الصحية

مطعم يستحق الزيارة جيته من بيش طعم اللحم لذيذ وخاصة مع حبات الملح ويقدم طازج وساخن مع الرز المميز

يعيب عليه التالي
1- دخلنا المطعم الساعة 2 الظهر والطلبات موقفة الى 4 العصر
2- كمية اللحم قليلة نوعا ما
3- الجلسات صغيرة
4- لم يقدم اصناف اخرى مثل العريكة
5- الاسعار عالية مقارنة بكمية اللحم

يستحق الزيارة مرة أخرى

جربت المطبخ الحنيذ ممتاز لكن المطعم يفتقر للنظافة و الفرش قديم و من الرخيص و جلسات العوائل قليلة جداً وضيقة ليجبر الزبائن ان يستأجروا في الجلسات الخاصة

حنيذ في المخ والمخيخ والنخاع المستطيل
المحل تعبان والعمال تعاملهم سيء والكاشير نفسه في راس خشمه والجلسات ما تسرك
لكن!
الحنيذ يستاهل تغمض

موقع مميز. وتعامل ممتاز وخدمة تستحق التقدير
والحنيذ بكل امامة افضل والذ حنيذ في المنطقة الجنوبية بل في المملكة.
كل الشكر والتقدير

المعروف لا يعرف ولكن لو يبيع بالنفر ويرضي جميع الفئات يكون احسن وبرضه في مصلحة المحل لجذب الزبائن

لكل المعذربين ما ادري وش يحسون فيه ي ابن عواض استمر على نفس الوزنيه والله م اكلت الذ من حنيذك ياخي انت اسطوره قسم بالله ادماااان بس فيه شي لو تصير الخدمه في المحلي افضل بحيث تطلب و تسلم الفاتوره ل احد العاملين و يجيني الطلب في الجلسه يكون افضل
الف شكر لكم على اهتمامكم و شغلكم الخرافي في الحنيذ و الرز حكايه

افضل شي عندهم مكان للعوائل وياريت يزود غرف للعوائل ويزود في كميت اللحم لان في الاعلان يقول ب١٥٠ الربع وتفاجأت بسعر غير

بصراحه بن عواض ماهو مثل زمان الان العمال ماسكين الموقع والاخلاق زفت وفيه غش اخذت نصف ذبيحه والظلوع مسروق اللحم الي بين الجلد والعظم فقط ستار جلد وعظم وهذا غش واضح وحرام اتوقع ان صاحب المطعم لايعلم بهذا نتمنى ان ينظر في وضعهم ولا الزبائن بيروحو ويخسر سمعت المطعم تاريخ اليوم ٤ نوفمبر ٢٠٢١. وحسبي الله ونعم الوكيل عليكم ولن اسمحكم في حقي عند الله

طعم لذيذ لكن هناك ملاحظات الملح كثير الغرف بفلوس عوائل وغاليه واكرمك الله الحمامات غير نظيفه تعامل العماله غير جيد

اطلق حنيذ في السعوديه
بس لو يعطون مجال في الطلب لازم تطلب عن طريق الجوال ولا ماتلحق بس افضل تجربه

لن اكتب عن الطعم ولا عن المكان وانما سأذكر طريقتهم في خدمة العملاء لان الكثير يشتكي. فأولاً يُفضل ان تحجز من بدري ، بالنسبة للغداء من الساعة العاشرة يبدأ الحجز عن طريق الجوال اللي واضعينه هنا في قوقل ماب. بعدها ستذهب الى المطبخ وتمسك سرى ولا تتأفف او تتضجر من الزحمة فنظامهم انهم ما يبدأون التوزيع الا بعد ان يكمل قطع الفواتير للعملاء ويعطونك كعب للفاتورة فيها الرقم الذي سينادونك به واذا انت حاز بالجوال لازم تقولهم لانك بتاخذ رقمك عند الحجز حتى لو كنت اخر واحد في السرا. وهذا يستمر بالنسبة للغداء الى 1: 20 تقريباً وفي هذه الاثناء يجهزون الرز ويحضرون قدور اللحم ثم يقومون بالمناداة حسب رقم الفاتورة يعني الزحمة ما تنفع والمساقطة على عباد الله ما تغني. وبالهناء والعافية

ماشاء الله شغل جبار وحنيذ فخم سيطر على بطون الزبائن لايمكن ان تجد أي غلط خمير رائع طعم لذيذ اشكر القائمين على هذا المطعم هناك ملاحظه الشبكه لاتعمل عند الحساب حيث يضطر الزبون الى الذهاب للصرافه أرجوا تلافي هذا الموضوع وسأظل زبونا دائما لهذا الصبح الفخم من الحنيذ البلدي الاصيل.

طلبت منهم وحطوا لي الاكل بصحن ما تنظف! اسود من المصنع الرجاء التشييك على نظافه الصحون والملح زايد بالاكل

حقيقة ماادري وين وزارة التجاره عنه والبلدية أسعاره غاليه وفيه غش اول مره اشوف نصف ذبيحه بدون ظهر والرأس ب٣٠ريال استغلال
واللوم على المستهلك إلى معطيهم وجه قاطعوهم

اول تجربه لي في المطعم
اللحم جيد جدا طلبت ربع يقص الضلوع بدون الضهر يعني الربع ناقص الرز جيد لو فيه بشاور كان افضل واحسن في الطبخ الجلسات يبغالها تغيير فرش قديمه المويه منقطعه واخذنا مويه من الثلاجه غسلنا فيها لا يوجد شبكه لازم يكون معك كاش
بشكل عام ما شاالله الزباين كثيريين بس فيه بخل من الي ماسك المطعم علي التحسينات والتطوير

ماشاء الله شي لا يوصف بصراحه.
كانت تجرب جميلة جدا - اتمنى لو يتم توفير مقاعد للانتظار
# طبعا لا يوجد طلب بالنفر الطلبات فقط / ربع 170 - النص 460 - ثلاث ارباع 510 - تيس كامل 900
وبالعافية عالجميع

عدم الحصول على طلبك الا بحجز مسبق
فأذا اتيت بعد المغرب وطلبت تجد الطلبات منتهيه والاكل مخلص
والرد من قبلهم اذا لم تحجز من العصر لاتستطيع الحصول على شي

اسلوب جدا سيئ بكل ماتعنيه الكلمه والغلو في التعامل شخص كبير بالعمر يبدوا انه صاحب المحل اسلوبه جدا سيئ والاكل زيوت ودهن اللي عنده مشاكل بالمعده والبطن ننصح بعدم الاكل من هذا المطعم. مطعم الجزيره أفضل منه

تنظيم سئ جدا وادارة اسواء
حجزت الطلب من الساعه ١٠ وعدما وصلت لايوجد تنظيم
اعتقد لو كان الحنيذ مرصع بالذهب لايستحق ان يهين الشخص نفسه لان النظام عندهم بفرض عليك ان تشحث لكي تستلم طلبك

جاي من الطايف انا وواحد ثاني وقالو نفر ونفرين مافيه لازم ربع طيب شخصين ياكلون ربع يعني؟ المفروض فيه طلبات بالنفر تقديرا لظروف الناس حرام اشتري ربع واخلي نصه خساره علي حركات يعني تبي تضمن ماتخسر في تيوسك مثلا.

الحنيذ لذيذ جدا جدا ، سعر النص مع الظهر 460 ريال ، فيه جلسات في الأعلى الساعة ب 10 ريال وفيه قهوة وشاي ، العيوب:
زحمة ولازم حجز قبل تجي وأحيانا ما يردون
تنظيم سيئ في استلام الطلبات
الملح زاااايد جدا في اللحم

الاشهر تقريبا بالمنطقة. الذبائح صغيرة و الحنيذ فوق المتوسط لان اللحم عموما ناشف. الرز مقبول و لكنه يوشع باكياس بلاستيكية. التنظيم سيئ و لا اعتقد ان هناك التزام بكثير من شروط سلامة الغذاء. لا اعتقد ان شهرته ستدوم.

ماشاء الله تبارك الله. يعلم الله اكلنا من الحنيذ كاننا اول مره نذوق لحم. شغلهم جبار وممتاز. طبعا يوجد ٦ غرف بقسم العوائل ولابد تنتظر والسبب من وقت انتهاء الذبايح من المحانذ لانه يطول ولابد تنتظر. عندهم حاجة سلبيه وهي عدم التنظيم بطلبات المطعم ولابد تمسك سرا سواء انت طلبت سفري او محلي

احكي عن تجربتي اليوم ٢٠٢٠/٦/٣٠ في هذا المطعم مع اني اول مره اجرب الحنيذ. واضح ان الشغل نظيف وجودة اللحم والطعم ممتازه وعلى علمي هو افضل حنيذ في محايل عسير مقارنة بالبقيه. لكن هناك ملاحظات يجب اخذها بعين الاعتبار. اولا انا اخذت الطلب سفري ب ١٥٠ ريال تقريبا نفرين لحم يعني كمية النفرين تشبع شخص واحد عادي وكمية ثلاثه نفر تشبع واحد اكيل. طريقة تغليف الاكل السفري بصراحه غير مرضيه بل منفره وكأني اخذت الطعام من بقايا جمعية خيريه تقييمي للتغليف ١٠/٠
ثانيا القطع كانت صغيره واغلبها يقل فيها اللحم كالرأس وبعضها لافائده منه ومحسوب عليك قطعه كالذنب كذلك سلسة الظهر صغيره ليس فيها لحم بكميه وافره يعني تقييمي للكميه
١٠/٤
ثالثا الدهون في نظري كانت اكثر مما ينبغي وهذه تعتبر ميزه او عيب حسب الرغبه ١٠/٦
الموظفين متعاونين جدا ١٠/١٠
بشكل العام تجربتي كانت مرضيه عني انصح فيه وبقوه للشخص الي يجيب التيس من عنده عشان يتجمل مع ضيفانه. ولو تم تلافي النقاط الثلاثه
سوف يكون التقييم بشكل عام١٠/١٠

الأكل لذيذ ويعتبر أفضل مندي بمحايل حتى الان ما يعيبه هو طريقة استلام الطلب حيث يتطلب وقوفك جانب الشخص الذي يقوم بالتوزيع حتى تتمكن من أخذ طلبك كذلك عند زيارته بعد العشاء فمن المحتمل عدم وجود شيء حيث انهم يواجهون طلبات كبيرة

بن عواض شغله طيب وسعره مناسب للجميع لكن للاسف انه محدد وقت بيع الغداء او العشاء
الغداء الساعه١،٥٠ظهرا
والمفترض يكون مثل باقي المنادي الموجوده سعت ١٠ صباحا وهو جاهز
هذا عيبه الوحيد واتمنى يصل تعليقي لهم لتعم الفائدة للجميع

كحنيذ هو الأفضل للأمانه ولكن كتعامل مع الزبون أسوأ من السيء والتنظيم أسوأ إذا ماتابعت طلبك بيعطونه لغيرك والا يحطون لك رز غير اللي طلبت ينقصهم الاحترافيه فالتعامل مع الناس فمهما كان الطعم جيد التعامل بلباقه وأدب يجذب ويغطي أغلب العيوب

افضل حنيذ في السوق

لكن بينهار سوقه قريباً ولاهو منتبه لانه مغتر بالزحمة وعلى باله السوق بيبقى له لوحده بدون منافسه بسبب التنظيم السيء والمحسوبيات

قصيت فاتورة ودافع فلوسي ومعطيهم خبر اني باجيه الساعة 9ونص معي ضيف لما وصلت يتصل العامل يشاور عمه يعطيني طلبي او لا! تخيلوا بكل بجاحة

وصارت مع ناس غيري قاصين فاتورة ودافعين فلوس وفي الاخير يعطي الناس اللي يعزهم وانت ياللي دافع فلوس خذ فلوسك وامسك الباب

لم نجد عندهم لا سفري ولا محلي.
عندهم زحمة وطوابير عشوائية.
ولم نجد اجابة الا خلص اللحم من عندهم.

تتكسر رجول الزبائن من الوقفة من
الطابور مثل طوابير الاكتتاب بالضبط.

سوء تنظيم وعدم كفاية الكمية بالمحانذ للزبائن الواقفين في الطوابير.

انا اتكلم عن سوء التنظيم فقط. اما الحنيذ فلم اعرف عنه شي لانتهائه الساعة 7.30 مساء قبل العشاء ولم نطعمه. مع العلم جئنا للمطعم من مسافة 200 كيلو. ولم نجد الا ما كتب اعلاه فقط.

الحنيذ عنده خرافي ومن الذ ما اكلت من حنيذ
لكن عيوب المطبخ كثيرة
التنظيم سيء جداً
الجلسات تعبانه ووسخه وخاصة قسم العوايل
لازم تحجز من بدري عن طريق الجوال ولا ما بتحصل شي
حساب المشروبات والماء لحالها والحنيذ لحاله والخبز والايدامات لحالها (عشوائية)
تجمهر الناس حول حفرة الحنيذ وخاصة اللي يطلبون السفري
الطلبات المحلي اخدم نفسك بنفسك تطلب وتنتظر طلبك وتأخذ صحنك معك.
المطبخ كبير بس يحتاج فقط اهتمام وتنظيم جيد وراح يصبح من افضل واجود المطابخ في المنطقة
لكن مع كل هذي العيوب يبقى اميز حنيذ اكلته

اسوء تعامل راح تشوفه بحياتك من سوء تنظيم ومحسوبيات ومو بكفو ولا قد الشغل اذا كان من بعد المغرب يقفل الطلب كذلك احذروا من شيخ المندي مقابل له اكبر نصابين اللحم دايما ناقص الظاهر ياكلون منه ههههه حسبي الله عليهم

مطعم الحم جدا ممتاز بس الملح زايد النظافه صفر لا الغرف ولا ممر الغرف والصابون في كيس معلق كنك في شارع مو مطعم ارجو الاهتمام اكثر اما ازحمه عادي مافي اشكاليه عليها تنتظر ع شي يفتح النفس بس اتمنى زياده الاهتمام وحسن التعامل

سيء في التنظيم حيث أن الأولوية المطلقه للخشص الذي يحجز اولا اما انت لو انك جاي من المريخ وميت جوع ماعطوك شي أبدا في الحقيقه شغله زين حسب ماسمعت ولكني لم اجربه يعني الي بيروح يحجز اولا عن طريق الهاتف

الطعم ١٠/١٠
السعر ٩. ٥/١٠
التنظيم ٣/١٠
الجلسات للعوائل ٢/١٠ ضيقة وفيها مكيف يثلج الحجر

تحتاج انك تحجز من بدري ولا جيتك مامنها اي فائدة اطلاقاً. تبغاه بعد المغرب احجز بعد العصر
تبغاه بعد العشاء احجز على الساعة ٥
اذا وصلت ولم تجد عندهم طلبك فهناك مندي في الشارع المقابل اسمه " ملك المندي " او حاجة زي كذا ماهو بعيد عنه في الشغل. السلام عليكم

من افضل مطاعم الحنيذ
سعر التيس حدود 900 ريال

يحتاج تحجز قبل الظهر للغدا ، وتحجز العصر للعشاء

يوجد قهوه وشاهي بالدور العلوي

يعيبه التنظيم والازدحام

والله مندي زباله عشوائي عذاب عشان تاخذ طلبك تنتظر من الظهر تحجز وتجي تشيل الصحن من مكان التحضير ولافيه تنظيم ولاشي عشوائي وفوق ذا تكييف زباله وجلسات وصخه والله عيب عليهم مافيه اي احترام للزباين مافيه لن اكرر الزياره ابدا ما اظلمه الاكل حلو نسبيا
وبرضه نصبحه للي بيجي يجيب معه فاين وصابون تجربه سيئه جدا
والمصيبه الاعظم لو تاخرت دقايق راح يبيع طلبك لواحد ثاني وحصلت قدامي لكذا شخص يعني نظام مسابقه سابق ولاحق

الذ حنيذ اكلته في حياتي ولكن الموقع وطريقة الحجز قبل الوصول للمطعم سواءً عن طريق الجوال أو قبل الوجبه بوقت طويل وهذا ما يجهله الكثير وخصوصا الزائر لأول مره وكذلك الانتظار الطويل تجعل الزائر لا يود العودة للمطعم كما يعيبه جلسات العوائل ٦ جلسات فقط والطلب يتأخر

افضل لحم حنيذ ف المنطقة الجنوبية ع الاطلاق
جودة ف الطعم لا يعلى عليه
ربما ينقصه التنظيم في بعض الاوقات
يستحق الزيارة وهو معْلم من
معالم محافظة محايل عسير.
يستحق الزيارة

يابن عواض
نزلت لك من النماص ووصلت عند المطعم صلاة العشاء. وقلتوا مافيه.
نزلت مره ثانية ووصلت المطعم قبل صلاة المغرب. قلتوا مافيه.
متى تبغى انزلك. صلاة الفجر مثلا ؟
الله يوسع في رزقك. لكن نصيحة لك من محب. اهتم في الزبائن اشوي وفي كباين العوائل.
موفق خير.

الحنيذ ممتاز ولذيذ
الغرف اللي تحت مجانا ومافيها تكييف
الغرف اللي فوق بفلوس وكويسه وفيها تكييف
تعامل العمال اللي على توزيع الطلب غير جيد
ماعنده طلب بالنفر اقل طلب ربع تيس

مذاق اللحم لا يعلى عليه لولا الملح الزايد.

الرز المزه أحلى من الامريكي مع انها كلها تحتاج اهتمام.

في بعض الاحيان تطلب ربع كتفه ويطلع لك ربع ضلوع.

زحمة وانتظار في الحر ودخنة المحانذ وسوء تعامل من العمال ومن اصحاب المطعم.

اذا تعرف واحد من العمال تستثنى من الزحمه والانتظار و أمورك في السليم.

اللحم قليل وماهو ربع كامل واللحم اللي فوق الضلوع مدري وين يودوه عظام وستر بس.

كنت اتمنى تكون منطقة المحانذ واعداد اللحم في مكان مقفل حفاظاً على صحة الناس كون المنطقة معرضه لموجات الغبار والامطار.

لو يتم صرف الطلبات داخل المطعم بيكون أنظف للأكل وأريح للزبون وأسرع في التوزيع.

أنصح بتجربة المطعم اذا انت فاضي وماوراك شي والاخلاق 100%.

الحنيذ ممتاز جدا جدا كطعم وجوده قد يكون افضل حنيذ بوجهة نظري. عيبهم سوء التنظيم يحتاج إدارة تستطيع التعامل مع الزبائن وتنظيم تسليم الطلبات. لان الزحمة والفوضى تخليك تكره المكان

الحنيذ لايقارن بأحد ممتاز جدا وزحمة جدا والكمية لاتعادل الطلب في الذبائح يعني تلحق والا ماتلحق اتمنى من صاحب المطعم توفير مايلزم للمستهلك ووضع كاشير يستقبل الطلبات وعماله لخدمة الزبائن.

من خلال زيارتي للمره السادسه اصلي العشاء بنفس المطعم وننتظر لمدة 45 دقيقه ويفيدنا الكاشير بعد تكدس الزبائن ان الطلب لايوجد الا طلب عن طريق الحجز ولايوجد رقم بالموقع لهم