مذاق الشاورما

وصلتني البيتزا سيئه ومحروقه وفيها ريحه معفنه والدجاج قديم وشكله غريب ماكانو دجاج ابدا الله يكرم النعمه وكانها لها كم ساعه مجهزه بارده جدا كانها بلاستك مو بيتزا

شاورما لذيذة مافيها أي زيوت جربتها بكل أنواعها
والان عندهم فطور ساندوتشات طعميه لذيذه
استغرب من كاتب عمالة بنقاليه ايش عرفهم بالاكل طيب كل الشركات العالمية عندنا عمالتها بنقالية أنت لك بجودة الاكل خافوا الله بتقييمكم

النهارده خذت عصائر فاخر من يا ريت تجربوها والنهارده اخذت شاورما غاز شاورما فحم حاجه فاخر من الاخر انصحكم نصيحه لوجه الله شاورما جميله جدا و معلم الشاورما رجال محترم بزياده هو مصري

انا متعامل مع المطعم من فوق سنتين ودليت خوياي عليه واعجبهم وكانوا يجونه كل شوي لان طعمه كان فنان لاكن الفتره الاخيرة كان صيانة وجيته قبل شهر وحصلته متغير والله بشي كثير من ناحية الطعم حتى رجعت اقرا اسمه وأتأكد الا هو والله ف مدري وش الإشكالية اتمنى تفهم موقفي لأني ماعمري ذقت زي شاورمتكم وشكرًا

ما جاز لي طعم الشاورما، الله يرزق الجميع.

بعد التجربة الثانية والأخيرة لا يمكن أعطي فرصة أخرى لهذا المطعم، المالك أنت تقوم بتطوير محلك بطرق فاشلة للأسف
ايش فايدة التغيير في الديكور والمكان بدون التغيير في الطعام وجودته والعمال
الشيف تبع الشاورما نفسه ما تغير ونفس خلطة الشاورما طبعا ما حتتغير من طعم سيء لأسوأ
آمل أخذ الكلام بعين الاعتبار يسوؤني حين أجد المطعم القريب من منزلي لا يرتقي للمستوى المطلوب

الرد على تعليق المالك
أولا_ أنا لم أسيء إليك ولم أقل عنك فاشل أو سيء والألفاظ هذي وضعتها على (الطعم سيء ، طرق تطويرك للمحل فاشلة) والحمدلله ما قلتها إلا وأنا مدرك تماما أني وضعتها في محلها المناسب وش تبيني أقول طعم ممتاز!
ثانيا_ أنا ما أعرف عمالك ولا طباخينك لي فقط تجربتين وكل اللي قصدته طعم الشاورما ما تغير نفس الطعم السيء اللي ذوقته من سنة ذوقته الآن نفسه وحللت ان الشيف ما تغير وبالفعل صدقت بكلامي طلعت انت الشيف والخلطة مسويها بيدك من ثمان سنوات حسب اعترافك انت، للأسف فضحت نفسك بنفسك والحمدلله.
ثالثا_ انت تقول ان كل تقييماتي نجمة واحدة ما عدا تقييم المسجد، وأنا أقولك كذبت ورب الكعبة تقييماتي نصفها نجمة ونصفها خمس نجوم وبعضها أربع وثلاث ونجمتين وتراني ماني حريص على التقييم كلها تقييماتي ما تتعدى خمسين إلى يومك هذا
وبدل ما تدخل وتدور زلات غيرك شف مطعمك كيف مقيم بتقييم ضعيف وأغلب اللي مقيمينك خمس نجوم مطبلين وانت تعرفهم وعندهم فقط مراجعة واحدة ومن ضمنهم عمالك البنقاله آخذ جوالهم ومعلق بجوالهم خمس نجوم قاعد تمدح في الصمون العراقي تبعكم، عالج زلاتك وأخطاءك أول يا مف. ضو. ح
رابعا_ انت تعرف أصلا في التقييم؟ تعرف أساسا كيف ترد زين؟ شف ردك على تعليقات المراجعين القدامى وتمعن فيها لتجد أنك إنسان مغ. رو. ر ، ومت. كب. ر ، ما يهمك رأي غيرك ما يهمك إلا نفسك ، وردك على تعليقي ما يختلف عن باقي ردودك على تعليقات الناس ، والله ما وجدت مالك مطعم يرد مثل ردودك الغبية الوقحة ، انت في عالم وجميع الملاك في عالم جميل مختلف.
وعلى فكرة مقيم (الأجواء) بثلاث نجوم وبالنسبة للخدمة طبعا سيئة ومن ضمنها تجاوبك وردك أسوأ خدمة
الكلام يطول أكثر لكني حبيت أفحمك بالرد مثل ما أفحموك غيري ولله الحمد

اعيد وازيد اقول للرجال مابي العصير بسكر يقولي طيب طيب واخرتها العصير ٨٠٪؜ كله سكر كمية السكر ماهي طبيعية لو مشتري عصير من البقالة ازين

صراحه حول ثلاث سنين ومن فتره لفتره اطيح فيه بس هذي كانت اول مره بعد التعديل بالمحل اخذت صاروخ الله وكيلك يومين عالحمام (محشومين) المعده قامت علي كأن القيامه قامت المهم هذي اخر مره اطلب فيه بس حطيت الاربع نجوم عشان الثلاث سنين

سيى جدا والعصيرات بايته وحاطين عريكه جنوبيه وتجيك عريكه يمانية والعروض وهميه لا انصح بتجربته

النظافه النظافه، العامل يمسك كل شي بالقفازات ويحط يده على جنبه ويمسك الشورما وعندما ناظرني سوا نفس الشي وعادي عنده، لكن الطعم ممتاز

بطييئين جدا هذا والفرع فاضي وبعد ما طلبت وجالس انتظر بالاخير يقولي مافيه عراقي مع اني دافعه والمفروض بعد كل هالانتظار استلم الطلب قالي تاخذ صامولي عادي ولا فطير طلبت الغاء الطلب بعدها بدو يخبزون الصمون العراقي وعاد اجلس انتظر مره ثانيه الين يخلص

خدمه سيءه للغايه طلبت سندويش صاروخ وانتضر ورقمى 37 والرقم الموجود 34 وانضر 20 دقيقه والرقم كماهو وانا موجود بالمحل فى النهايه طلع السندويش له اكثر من ربع ساعه جاهز وبارد ولم يتم تفعيل الرقم حسبى الله عليهم

جيت بأطلب وكان مالك المطعم موجود ، وليته ماكان موجود بصراحة.
طلبت وقلت للعامل بدون سلطة ، نقز مالك المطعم قال المفروض انك من عند الكاشير تقول ماابغى سلطة ، قلت ماادري انكم تحطون سلطة اصلا وكمان الكاشير ماكلمني ، طيب بعدين شفت الخبز الجديد اللي مسوينه قلت له خله يحط لي من هذا طالما جديد ، اعتذر وقال هذا يبي له قص واللي يسوي الخبز خرج ومعلم الشاورما مايعرف يقصه طبعا عذر بايخ لكن هو يبغى يصرف الخبز اللي في الكيس عنده اولا ، طيب بعدها طلبت من العامل يحط مع الشاورما كتشب ، نقز صاحب المحل قال الكتشب يجي خارجي ، قلت له أنا ابغاه يحط من الحين مع الشاورما ، وأصر إن الكتشب يجي خارجي وكأنه يبغى يأكلني على كيفه ، وأصريت أنا انه يحط الكتشب مع الشاورما ، في الأخير قال للعامل خلاص حط له كتشب لكن لاتعطيه كتشب خارجي! ،
بعدها لاحظت إن العامل مايسخّن الخبز على الصاج قلت له سخنه كويس ، نقز مالك المطعم قال لا الخبز هذا مايتسخن يلصق في الصاج ، ممكن العيش الشامي أو الصامولي عادي ، طبعا كلامه غير صحيح بس هو مستعجل يبغى يخلص من الزبون ، وكأنه يبغى يمشيني في أكلي على كيفه.

بصراحة أغرب تعامل شفته من صاحب مطعم أو عامل فيه مع الزبون ، اللي اعرفه إن مالك المطعم يحاول يكسب الزبون بأي طريقة ويرضيه ، لكن اللي صار إن مالك المطعم هذا كان عامل (منفّر) وسبب من الأسباب اللي تخليني ماارجع للمطعم هذا مرة ثانية ولا انصح فيه ، اللي جالس يناحلني على خبز وعلى تسخينه ، لا ويطلب من العامل انه مايعطيني كتشب خارجي ، بصراحة تعامل غريب جداً أول مرة أشوفه في حياتي، لكن لمًا شفت ردوده على التعليقات هنا زال سبب استغرابي.

سيء الله يعز النعمه

هذا التعديل بعد رد صاحب المطعم اني تقييماتي للمطاعم سيئه واني اقيم نفسي قبل اقيم الناس
اولا (لم تصدق بمقولتك) وعلى من لديه متسع من الوقت الدخول والتأكد من تقييماتي للمطاعم فسيجد كلام صاحب المطعم عاري عن الصحه فأنا وغيري نقيم وهذا حق مشروع لنا ولا نجبر نرضي اي شخص فليس لنا مصلحه وما وضعنا ارائنا العاليه الا لمن يستحق.
ثانيا كان يجب عليك تقبل النقد والسعي لرضا العميل ومع الاسف ردك هذا دليل على انك شخص متعنت لرأيك ولا تحترم الزبون واجد ردودك على العملاء ذم في حال قيموك بنجمه ولست مثل غيرك من اصحاب المحلات او المطاعم يطلب سبب تقييمهم بنجمه وهم بذلك يحرصون على سمعتهم ورضا عملائهم وتحسين الجوده للمنتج، وامتصاص غضب العميل ولكن مع الاسف من الردود اجد انك تسخط على كل من يضع لك نجمه في التقييم العميل ما هو مجبور انه يدخل ويقيمك خمس نجوم ليرضي غرورك حتى ولو على حساب ذائقته وبمقارنت منتجك بغيرك اجد ان الطعم هناك يختلف تماما والذ بكثير وقيمه مقابل سعر ولا احب ان اشير لمحل بعينه كل ماهنالك ان صاحب هذا المطعم احترم العميل واشتغل على نفسه وانت على العكس تماما وسبب التقييم بنجمه ماوضع الا لتحسين الجوده وانا وضعتها من شي سيء في الطعم او المذاق او التتبيله او التسخين او كمية الدجاج ولن اذكر السبب لك بسبب ردك التعسفي والغير محترم للعميل
وشوف رئيي من امس الى اليوم ٤ معطيني لايك فهذا يدل ان رأيي صحيح ولم يتجاوز الرد ١٢ ساعه
وختاما للرد ،الله يرزقك ويرزق الجميع الرزق الحلال واتمنى منك تقبل النقد فهذا ان لم ينفعك لم يضرك في حال انك بحثت عن المشكله ماهو تهاجم كل من وضع رئيه وكأنه عدو لك

من افضل محلات الشاورما الي جربتها بالمدينه
١-نظيف
٢-سريع في تسليم الطلب امس اخذت لي ٢صاروخ مامرت٣دقايق الا وانا مستلم الطلب
٣-كمية الدجاج الي يحطها معقوله وجيده لا انه يعبيها ولا انه ينقصها اهنيهم صراحة على الشغل هذا الله يبارك لهم

انا اشتري منه لي ٨ سنوات
ماشاءالله عليهم
نفس الطعم ونفس الجودة والنظافة
الافضل بالمدينة بالنسبة لي
طعم روعة
وخصوصاً الطحينة عندهم خطيرررة
والكاشير والعمال كلهم تعاملهم محترم واخلاق

فالسابق كان سعر الشاورما صاروخ ٨ ريال يوم كانت الضريبة ٥٪؜ والان بعد الضريبه ١٥٪؜ اصبح سعر الشاورما صاروخ ب٩ ريال وهذا بدون جبن شجع وطمع بشكل غير طبيعي

صراحة طعم الشاورما جدا لذيذ و العمال سريعين والمحاسب اخلاقة عسل وتعامله جميل بس ياليت لو يزودون الصوصات الرهيبة في الشاورما

السلام عليكم حطيت نجمه عشان مريت بموقف وهو اني اشتريت صحن شاورما وقلت للعامل حطلي ثوم زياده يوم رحت البيت حصلت وحده من علب الثوميه ماكول منها ومغمس فيهاومابقي فيها غير قليل غير ان نفسي قلبت علي تركت الاكل
يعني باختصار شوي ذمه مع الزباين المطعم كان عندي رقم واحد دحين مستحيل ارجع له