High Peaks Center مركز القمم العالية لصيانة السيارات (اصلاح حوادث ، سمكرة بويه )

السلام عليكم ورحمة الله
من لايشكر الناس لايشكر الله.
من أفضل الورش اللي تعاملت معها والله قمة في الاخلاق والاحترام ناس واضحين محترمين.
الاخ نور الله يوفقك انت والاخ رياض وجميع العاملين اللي معك.

ماشاءالله تبارك الله افضل ورشه صلحته عندها من المهندس رياض و المهندس نور والميكانيكي كلهم مبدعين والرشه لا احكيلك افضل رشه شفتها فحياتي ناس مبدعين وطيبين ماشاءالله تبارك الله استمرو والله يرزقكم وسعرها ولا اروع وناس متساعدين

ذهبت لهم محول من شركة التأمين عند المهندس هاني رجل محترم وسرعه في انجاز الكشف وارسال الطلب للتامين شكرا

اشكر المهندس نور شكر خاص الصراحة شغل الدي كان بأعلى احترافية نفس الرشة والسيارة تطالع فيها ولا كانها اتسمكرت، طبعاً سيارتي على التامين وتم اصلاح الضرر الناجم من الحادث وكرمني الاستاذ نور بأصلاح عدة صدمات خارجة عن التأمين مجانًا، الي صارله حادث والله لا يقولها لا يروح الا لمركز القمم العالية ويسأل عن استاذ نور.

بكل صراحه وصدق ، مهما تكلمت او اثنيت لا يمكن وصف العمل الرائع من قبل المهندسين في هذه الورشه المختصه ، اولا الأمانه ، ثانيا الإتقان في العمل ، ثالثا الرقي في التعامل بأعلي المقاييس ، وهذا منذ لقائي بهم لأول مره والأن هم اخوان غالين علي القلب ، لقائي الاول كان مع المهندس رياض والمهندس مصطفي ، حيث أنهم أتمو تقييم الصدمه بكل إتقان وخبره وامانه ، تم طلب القطع المطلوبه وفور وصولها تم التواصل لإحضار السياره وتم إحضارها ومن ثم تصليحها علي الفور ، وهنا كان دور المهندس الرائع الراقي م. نور ، حيث انه قد قام بفحص السياره مع م. مصطفي واكتشفو خلل لا يذكر ولاكنهم طلبو مني إحضارها ليتم علاجها ، وعند إحضارها لهم قرر م. نور ان يتم رشها من جديد تحت طاوله تأمين البويه ، ومن هنا أود ان أعرب عن جزيل الشكر والأمتنان للمهندسين الاعزاء م. نور ، م. رياض ، م. مصطفي علي كل ما قدموه من عمل رائع وخدمه متميزه من كل النواحي ، تستاهلون اكثر يامهندسينا الأحباء يعطيكم الف عافيه وما قصرتم.

مرفق اليكم صور الصدمات وكيف هي بعد الإصلاح علي هيئه فيديو سيتم إرفاقه قريبا.

لا انصح به ولاانصح اي شخص يروح ورشة فقط على تقييمات.
كان عندي صدمة بسيطة رشيت عندهم رفرف وصدام وهذي ملاحظاتي (مع العلم ما بينت الا لما قدر الله علي وسويت حادث آخر) :
١- قالوا لي بنرش الصدام خارج السيارة ورشوه مكانه عدمولي الشمعات لكر من الحروف + البطانة السفلية كلها لكر ومن جهة الرفرف البطانة الخلفية كلها بوية.
٢- صلحوا لي قاعدة الشمعة ورقعوها بطريقة سيئة مع العلم انه محد بلغني انها مكسورة او فيها مشكلة.
٣- رشة الصدام من تحت عكس من الامام خشنة وما اشتغلوا عليها فيها عيوب واتوقع ماقربوها بس حطو بوية وخلاص.
٤- وقت الاستلام لقيت الفني مرقع لي كم مسمار مو حق سيارتي واجبرته انه يركب المسامير اللي كانت راكبة ودور عليها وحصلها.
٥- لما جيت آخذ فاتورة كل شوي حقهم الفني يقول ماعندي فواتير وخلصت والخ.
وفي النهاية ما اعطاني فاتورة على شغلهم.

ايجابية وحدة فقط طبقة اللون حلوة، باختصار بجودة العمل ذي بتحصل ارخص بكثيير ولا يستاهل ولا انصح به

وشكرا.

اشتغلت عندهم سيارتي بارك الله لهم من أفضل مراكز السمكره بالمملكه شغل نظيف لا فرق بينه وبين الوكاله.

شغل ممتاز وتعامل راقي، ادارة شاطرة والاجمل هو انك تخرج وانت راضي عن سيارتك ومبسوط من السمكرة والبوية، شكرا رياض وشكرا للقمم العالية على الجودة والدقة في المواعيد

عمل احترافي ما شاء الله. نشكر الاخوة كلهم بمركز القمم العالية الاخ نور ورياض وجميع العاملين. دقة في التنفيذ وحرفية عالية

عاجز عن شكركم جميعا بلى استثناء. مهندس نور و مهندس رياض و عبدالله اليماني و ابو احمد الميكانيكي و الجميع. ادب و اخلاق و مهنية عالية. تعاملتم معايا معاملة الاخوان لاخوه يعلم الله. كل التوفيق لكم يارب ️

اشكر مركز القمم العاليه. وعن جد اسم على مسمى مركز قيم بموظفينه وحسن تعاملهم وصدقهم اشكر الاستاذ نور خصيصًا.
خلال يوم سيارتي انتهت الحمدلله والشغل ماشاءالله تبارك الرحمن سياره وكاله ،

من افضل الورش الي تعاملت معاها اذا ما كانت هيا الافضل بينهم من بوية وسمكره ويشهد الله ان شغلهم عال العال والاستاذ نور والاستاذ رياض رجال والنعم فيهم وفي تربيتهم وتعاملهم الجميل والمحترم انصح وبشده بالتعامل معاهم

ماشاء الله تبارك الله شغل نظيف ودقه في العمل وامانه وشغل نظيف انصح بتعامل معهم ويستاهلو خمس نجوم

يعطيهم العافية مصداقية مع العميل و اخلاق عالية شغل عال العال من المهندس نور والعمال الموحودين ️

ماشاء الله تبارك الله يعني اذا ودك تصلح سيارة روح لهم وانت مغمض ثاني سيارة اصلحها عندهم اتقان في العمل وتعامل راقي جدا ان كان في الادارة او في العاملين وبتوفيق لهم

انا سمكرتي سيارتي ورشيتها بوية عندهم للامانة شغلهم نظيف وطلعت من عندهم مبسوط بنتيجة الاصلاح ،، الله يعطيهم العافية ويكثر من امثالهم

ما شاء الله حسن التعامل مع الزبون ومصداقية واخلاق رائعة من المهندسين نور و رضا. تم إصلاح واجهة السيارة تماما مثل الوكالة ولايوجد اثار للبوية واللون مطابق. انصح بشدة بالتعامل معهم.